1Petera 5:3 - Baiboly Katolika

³ tsy amim-pizakazakana ny Eglizy, fa amim-pisehoana ho fakan-tahaky ny ondry;

Baiboly Protestanta Malagasy 2011

³ tsy ho mpanjakazaka amin’ny anjara fiandrasana fa ho fianaran’ny ondry.

DIEM PROTESTANTA

³ tsy ho mpanjakazaka amin’ny anjara fiandrasana fa ho fakàn-tahaka harahin’ny andianondry;

Dikateny Iombonana Eto Madagasikara

³ tsy ho mpanjakazaka amin’ny anjara fiandrasana fa ho fakàn-tahaka harahin’ny andianondry;

Baiboly Protestanta Malagasy

³ tsy ho mpanjakazaka amin’ny anjara-fiandrasana, fa ho fianaran’ny ondry.

Malagasy Bible

³ tsy ho mpanjakazaka, amin'ny anjara-fiandrasana, fa ho fianaran'ny ondry.

La Bible en Malgache

³ tsy ho mpanjakazaka amin’ny anjara fiandrasana fa ho fianaran’ny ondry.

1Petera 5:3 Rohy Ifampitohizana

Salamo 33:12

Sambatra ny firenena manana an’i Iaveh ho Andriamaniny; sambatra ny vahoaka nofidiny ho lovany!

Salamo 74:2

Tsarovy ny vahoakanao izay azonao tamin’ny andro fahataloha, navotanao ho foko lovanao! Tsarovy ny tendrombohitra Siôna nataonao fonenanao.

Ezekiela 34:4

tsy nanatanjaka ny malemy, tsy nitsabo ny marary, tsy namehy ny naratra, tsy namerina ny nania, tsy nitady ny very, fa nanapaka azy an-kalozana sy an-kasiahana!

Mika 7:14

Andraso amin’ny tehinao ny vahoakanao dia ny ondry lovanao, izay monina mitokana any an’ala, eo afovoan’i Karmela; aoka hiraoka any Basàna sy any Galaada izy, toy ny tamin’ny andro taloha.

Nomery 18:7

Ianao sy ny zanakao miaraka aminao hanatanteraka ny raharaham-pisoronanareo amin’ny zavatra rehetra momba ny ôtely, mbamin’izay rehetra ao anatin’ny efitra lamba. Izany no raharaha hataonareo. Raharaha azo maimaim-poana no anomezako anareo ny fisoronanareo. Izay olon-kafa manakaiky hatao maty.»

Jaona 13:15

satria nomeko fianarana ianareo mba hanaovanareo toy ny nataoko taminareo.

Asan’ny Apostoly 20:28

Tandremo ny tenanareo sy ny ondry rehetra, nanendren’ny Fanahy Masina anareo ho mpitandrina mba hifehezanareo ny Eglizin’ny Tompo izay novidiny tamin’ny Rany.

1Korintiana 11:11

Noho ny lahatry ny Tompo anefa, dia tsy misy vehivavy raha tsy eo ny lehilahy, ary tsy misy lehilahy raha tsy eo ny vehivavy;

1Korintiana 3:5

Mpandraharaha nahatonga anareo ho mpino fotsiny ireo, samy araka izay nomen’ny Tompo azy avy.

1Korintiana 3:9

Fa izahay moa mpiara-miasa amin’Andriamanitra; ary ianareo kosa sahan’Andriamanitra sy trano arafiny.

2Korintiana 1:24

tsy dia hoe hanao jadona amin’ny finoanareo izahay (sanatria), fa miara-miasa hampandroso ny hafalianareo; raha ny finoana, dia efa miorina tsara ianareo.

2Korintiana 4:5

Fa tsy tenanay no torinay, fa i Kristy Jesoa Tompo, ary izahay dia mpanomponareo noho ny amin’i Jesoa.

Deoteronomia 32:9

Satria ny anjaran’i Iaveh dia ny vahoakany, ary i Jakôba no anjara lovany.

Filipiana 3:17

Ry kristianina havana, makà tahaka ahy ianareo; ary diniho ireo mandeha araka ny ohatra hitany taminay.

Filipiana 4:9

Araho avokoa izay efa nianaranareo, sy noraisinareo ary renareo sy hitanareo tamiko, dia ho eo aminareo ny Andriamanitry ny fiadanana.

1Tesaloniana 1:7

ka tonga fakan-tahaka ho an’ny mpino rehetra any Masedônia sy Akaia kosa indray.

2Tesaloniana 3:9

tsy noho izahay tsy manam-pahefana anefa, fa noho izahay te hanolo-tena ho fakan-tahaka ho anareo.

1Timoty 4:12

Aoka tsy hisy olona hanamavo anao noho ny fahatanoranao, fa aoka ho fakan-tahaka ho an’ny mpino ianao amin’ny teny, amin’ny fitondran-tena, amin’ny fitiavana, amin’ny finoana, ary amin’ny fahadiovana.

Titosy 2:7

ka ny tenanao no misehoa ho fakan-tahaka ny asa tsara rehetra amin’ny zavatra rehetra; aoka ny fampianaranao ho madio, maotona,

1Petera 2:9

Fa ianareo kosa dia taranaka voafidy, mpisorona manjaka, firenena masina, vahoaka navotana, mba hitorianareo ny hatsaran’Ilay niantso anareo hiala tamin’ny haizina, ho amin’ny fahazavany mahagaga: