1Petera 3:6 - Baiboly Katolika

⁶ tahaka an’i Sarà izay nanaiky an’i Abrahama sy nanao azy ho tompony; ary zanany ianareo, raha manao soa tsy aman-tahotra na inona na inona fampitahorana anareo.

Baiboly Protestanta Malagasy 2011

⁶ dia tahaka an’i Saraha izay nanaiky an’i Abrahama ka nilaza azy hoe tompoko. Koa ianareo no tonga zanany amin’ny fanaovana ny soa ka tsy hanahy na inona na inona fampitahorana.

DIEM PROTESTANTA

⁶ tahaka an’i Sarà izay nanaiky an’i Abrahama sy niantso azy hoe «tompoko». Zanak’i Sarà ianareo, raha mba manao soa ka tsy matahotra izay fampitahorana na inona na inona.

Dikateny Iombonana Eto Madagasikara

⁶ tahaka an’i Sarà izay nanaiky an’i Abrahama sy niantso azy hoe «tompoko». Zanak’i Sarà ianareo, raha mba manao soa ka tsy matahotra izay fampitahorana na inona na inona.

Baiboly Protestanta Malagasy

⁶ dia tahaka an’i Saraha, izay nanaiky an’i Abrahama ka nanao azy hoe ,tompoko’; dia zanany hianareo, raha mba manao soa ka tsy matahotra izay fampitahorana na inona na inona.

Malagasy Bible

⁶ dia tahaka an'i Saraha, izay nanaiky an'i Abrahama ka nanao azy hoe "tompoko"; dia zanany ianareo, raha mba manao soa ka tsy matahotra izay fampitahorana na inona na inona.

La Bible en Malgache

⁶ dia tahaka an’i Saraha izay nanaiky an’i Abrahama ka nilaza azy hoe tompoko. Koa ianareo no tonga zanany amin’ny fanaovana ny soa ka tsy hanahy na inona na inona fampitahorana.

1Petera 3:6 Rohy Ifampitohizana

Genesisy 18:12

ka nihomehy anakampo i Sarà nanao hoe: «Izay izaho efa anti-bavy ity ve dia mbola hahalala izay fifalia-nofo koa? Ary ny tompoko koa itsy efa antitra!»

Genesisy 18:15

Nandà i Sarà nanao hoe: «Tsy nihomehy aho tsy akory;» fa natahotra izy. «Tsia fa nihomehy tokoa ianao,» hoy Izy.

Salamo 45:11

Henoy, anaka, jereo ary mampandria sofina: hadinoy ny firenenao aman-tranon-drainao,

Isaia 57:11

Fa iza àry no atahoranao? iza no ahinao, no dia nivadika amiko ianao, ka tsy mba mahatsiaro Ahy, sy tsy asianao raharaha akory Aho? Moa tsy nangina Aho, ary efa hatry ny ela, dia hatrizay tsy natahoranao Ahy izay?

Asan’ny Apostoly 4:19

Fa namaly i Piera sy i Joany ka nanao tamin’izy ireo hoe: «Tsaraonareo raha marina eo imason’Andriamanitra na tsia ny manaiky anareo mihoatra noho an’Andriamanitra;

Mpitsara 19:26

Nony efa haraina ny andro dia tonga ravehivavy ka lavo teo am-baravaran’ny tranon’ilay lehilahy nisy ny vadiny, ka teo izy mandra-pahazavan’ny andro.