1Tesaloniana 2:6 - Baiboly Katolika

⁶ na nitady voninahitra tamin’olombelona, na taminareo izany, na tamin’ny hafa;

Baiboly Protestanta Malagasy 2011

⁶ ary tsy nitady voninahitra tamin’olona izahay, na taminareo na tamin’ny hafa, na dia nanana fahefana hahavaky tratra aza izahay, araka izay maha apostolin’i Kristy anay.

DIEM PROTESTANTA

⁶ Tsy nitady voninahitra tamin’olombelona izahay, na taminareo na tamin’ny hafa,

Dikateny Iombonana Eto Madagasikara

⁶ Tsy nitady voninahitra tamin’olombelona izahay, na taminareo na tamin’ny hafa,

Baiboly Protestanta Malagasy

⁶ ary tsy nitady voninahitra tamin’olona izahay, na taminareo, na tamin’ny sasany, na dia nanam-pahefana hahavaky tratra aza izahay, araka izay mah’Apostolin’i Kristy anay.

Malagasy Bible

⁶ ary tsy nitady voninahitra tamin'olona izahay, na taminareo, na tamin'ny sasany, na dia nanam-pahefana hahavaky tratra aza izahay, araka izay mah'Apostolin'i Kristy anay,.

La Bible en Malgache

⁶ ary tsy nitady voninahitra tamin’olona izahay, na taminareo na tamin’ny hafa, na dia nanana fahefana hahavaky tratra aza izahay, araka izay maha apostolin’i Kristy anay.

1Tesaloniana 2:6 Rohy Ifampitohizana

Ohabolana 25:27

Tsy mety ny mihinan-tantely betsaka, toy izany koa ny mitady hahatakatra ny fiambonian’Andriamanitra, fa ho resin’ny voninahiny.

Jaona 12:43

satria naleony ny voninahitra avy amin’ny olona toy izay ny voninahitra avy amin’Andriamanitra.

Jaona 5:41

Izany akory tsy dia fitadiavako voninahitra amin’olombelona;

Jaona 5:44

Hataonareo ahoana kosa moa no fino? Koa aminareo samy hianareo no ilanareo ny voninahitrareo, fa ny voninahitra amin’Andriamanitra irery tsy tadiavinareo tsinona!

Jaona 7:18

Izay miteny ho azy dia mitady ny voninahitry ny tenany; fa izay mitady ny voninahitr’ilay naniraka azy no marina, ary tsy misy fitaka ao aminy.

1Korintiana 11:9

ary tsy ny lehilahy no natao ho an’ny vehivavy fa ny vehivavy no natao ho an’ny lehilahy.

2Korintiana 13:10

Izany no anoratako ireo zavatra ireo aminareo, dieny tsy mbola eo aminareo aho, fandrao dia voatery hanao mafy loatra aho, rehefa tonga, noho ny fahefana nomen’ny Tompo ahy, ho fananganana fa tsy ho fandravana.

2Korintiana 4:5

Fa tsy tenanay no torinay, fa i Kristy Jesoa Tompo, ary izahay dia mpanomponareo noho ny amin’i Jesoa.

Galatiana 1:10

Ary ankehitriny, olombelona ve no ilàko sitraka sa Andriamanitra? Moa ny hamalifaly ny olombelona va no kendreko? Raha mbola mila sitraka amin’olombelona koa aho, dia tsy mpanompon’i Kristy akory.

Galatiana 5:26

fa aza te hoderaina foana amin’izay fifampilàna kisa amam-pifampialonana.

Galatiana 6:13

Fa na dia ny tenan’izy voafora ireny aza, tsy mitandrina ny Lalàna akory; ka hany itadiavany anareo hoforàna, dia ny mba hireharehany amin’ny nofonareo.

1Tesaloniana 2:9

He, tsaroanareo, ry kristianina havana, ny fikelezana aina amam-pisasaranay, fa sady niasa andro aman’alina izahay no nitory ny Evanjelin’Andriamanitra tany aminareo, mba tsy hahavaky tratra olona na dia iray taminareo aza.

1Timoty 5:17

Izay Pretra tsara fitondra dia mendrika hajan-dray aman-dreny avo sasaka; indrindra fa ireo milozoka mitory teny sy mampianatra,