1Jaona 2:7 - Baiboly Katolika

⁷ Ry malala, tsy didy vaovao no soratako aminareo, fa didy efa ela, izay efa azonareo hatramin’ny voalohany; ary izany didy ela izany dia ilay teny efa renareo teo.

Baiboly Protestanta Malagasy 2011

⁷ Ry malala, tsy didy vaovao no soratako aminareo fa didy ela izay efa nanananareo hatramin’ny voalohany. Ny didy ela dia ilay teny efa renareo.

DIEM PROTESTANTA

⁷ Ry hava-malala, tsy didy vaovao no soratako aminareo, fa didy ela, izay nanananareo hatramin’ny voalohany; izany didy ela izany dia ilay teny efa renareo.

Dikateny Iombonana Eto Madagasikara

⁷ Ry hava-malala, tsy didy vaovao no soratako aminareo, fa didy ela, izay nanananareo hatramin’ny voalohany; izany didy ela izany dia ilay teny efa renareo.

Baiboly Protestanta Malagasy

⁷ Ry malala, tsy didy vaovao no soratako aminareo, fa didy ela, izay nanananareo hatramin’ny voalohany. Ny didy ela dia ilay teny efa renareo.

Malagasy Bible

⁷ Ry malala, tsy didy vaovao no soratako aminareo, fa didy ela, izay nanananareo hatramin'ny voalohany. Ny didy ela dia izay teny efa renareo.

La Bible en Malgache

⁷ Ry malala, tsy didy vaovao no soratako aminareo fa didy ela izay efa nanananareo hatramin’ny voalohany. Ny didy ela dia ilay teny efa renareo.

1Jaona 2:7 Rohy Ifampitohizana

Levitikosy 19:18

Aza mamaly ratsy, na manao an-dolompo amin’ny zanaky ny firenenao. Fa tiavo ny namanao tahaka ny tenanao. Izaho no Iaveh.

Levitikosy 19:34

Fa ataovy toy ny tompon-tany ihany no fitondra ny vahiny mitoetra eo afovoanareo, tiavo toy ny tenanareo izy; fa efa mba vahiny tany amin’ny tany Ejipta koa ianareo. Izaho no Iaveh Andriamanitrareo.

Matio 5:43

Efa renareo fa voalaza hoe: Ho tia ny namanao ianao ary hankahala ny fahavalonao.

Jaona 13:34

Didy vaovao no omeko anareo, dia izao: Mifankatiava ary aoka ho toy ny nitiavako anareo no hifankatiavanareo.

Asan’ny Apostoly 17:19

Dia nalain’izy ireo i Paoly, ka nentiny tany amin’ny Areôpazy, nilazany hoe: «Mba azonay fantarina va re izao fampianarana vaovao lazainao izao e?

Deoteronomia 6:5

Tiava an’i Iaveh Andriamanitrao, amin’ny fonao rehetra sy amin’ny fanahinao rehetra.

Hebreo 6:9

Raha ny aminareo anefa, ry malala, na dia miteny izany aza izahay, dia zavatra tsaratsara kokoa sy mahavonjy anareo no antenainay.

1Jaona 2:24

Koa aoka hitoetra ao anatinareo izay renareo hatramin’ny voalohany. Fa raha mitoetra ao anatinareo izay renareo hatramin’ny voalohany, dia mitoetra ao amin’ny Zanaka sy ny Ray koa ianareo.

1Jaona 3:11

Satria araka ny teny azo sy renareo hatramin’ny voalohany dia tsy maintsy mifankatia isika,

1Jaona 3:2

Ry malala, zanak’Andriamanitra isika ankehitriny, nefa mbola tsy naseho izay ho tena toetrantsika; fa amin’ny andro hampisehoana izany, dia fantatsika fa hanahaka Azy isika, satria hahita Azy araka ny tena toetrany.

1Jaona 3:21

Ry malala, raha tsy manameloka antsika ny fontsika, dia mahazo manatona an’Andriamanitra amin-toky isika.

1Jaona 3:23

Ary izao no didiny, dia ny hinoantsika an’i Jesoa Kristy Zanany, sy ny hifankatiavantsika, araka ny didy nomeny antsika.

1Jaona 4:1

Ry malala, aza mino ny fanahy rehetra, fa zahao toetra ny fanahy raha avy amin’Andriamanitra na tsia; satria maro ny mpaminany sandoka efa miely amin’izao tontolo izao.

1Jaona 4:11

Ry malala, raha toy izany no nitiavan’Andriamanitra antsika, dia tokony mba hifankatia koa isika.

1Jaona 4:21

Sady izao no didiny efa azontsika: izay tia an’Andriamanitra dia tsy maintsy tia ny namany koa.

1Jaona 4:7

Ry malala, aoka hifankatia isika, fa ny fitiavana dia avy amin’Andriamanitra, ary izay rehetra tia dia avy amin’Andriamanitra, sy mahalala an’Andriamanitra.