1Tantara 29:29 - Baiboly Katolika

²⁹ Ny asan’i Davida mpanjaka, na ny voalohany na ny farany, dia indro fa voasoratra ao amin’ny tantaran’i Samoela mpahita sy amin’ny tantaran’i Natàna mpaminany, ary amin’ny tantaran’i Gada mpahita, mbamin’ny zava-drehetra momba ny fanjakany, sy ny asa nataony tamin-kerim-po sy ny fiovaovan-toetra nahazo azy sy nahazo an’i Israely sy ny fanjakana rehetra an-tany hafa.

Baiboly Protestanta Malagasy 2011

²⁹ Ny tantaran’i Davida mpanjaka, hatramin’ny voalohany ka hatramin’ny farany, indro, efa voasoratra ao amin’ny bokin’i Samoela mpahita sy ao amin’ny bokin’i Natana mpaminany ary ao amin’ny bokin’i Gada mpahita izany,

DIEM PROTESTANTA

²⁹ Ny tantaran’i Davida mpanjaka, na ny voalohany na ny farany, dia efa voasoratra ao amin’ny boky milohateny hoe «Asan’i Samoela mpaminany manam-pahitana» sy «Asan’i Natàna mpaminany» ary «Asan’i Gada mpaminany manam-pahitana»:

Dikateny Iombonana Eto Madagasikara

²⁹ Ny tantaran’i Davida mpanjaka, na ny voalohany na ny farany, dia efa voasoratra ao amin’ny boky milohateny hoe «Asan’i Samoela mpaminany manam-pahitana» sy «Asan’i Natàna mpaminany» ary «Asan’i Gada mpaminany manam-pahitana»:

Baiboly Protestanta Malagasy

²⁹ Ary ny tnataran’i Davida mpanjaka, na ny voalohany na ny farany, indro fa efa voasoratra ao amin’ny bokin’i Samoela mpahita sy ao amin’ny bokin’i Natana mpaminany ary ao amin’ny bokin’i Gada mpahita izany,

Malagasy Bible

²⁹ Ary ny tantaran'i Davida mpanjaka, na ny voalohany na ny farany, indro fa efa voasoratra ao amin'ny bokin'i Samoela mpahita sy ao amin'ny bokin'i Natana mpaminany ary ao amin'ny bokin'i Gada mpahita izany,

La Bible en Malgache

²⁹ Ny tantaran’i Davida mpanjaka, hatramin’ny voalohany ka hatramin’ny farany, indro, efa voasoratra ao amin’ny bokin’i Samoela mpahita sy ao amin’ny bokin’i Natana mpaminany ary ao amin’ny bokin’i Gada mpahita izany,

1Tantara 29:29 Rohy Ifampitohizana

2Samoela 24:11

Nony ampitso, rehefa nifoha i Davida, dia tonga tamin’i Gada, mpaminany, mpahitan’i Davida, ny tenin’i Iaveh nanao hoe:

1Mpanjaka 11:41

Ny sisa amin’ny asa nataon’i Salômôna, ny zavatra rehetra nataony sy ny fahendreny, moa tsy voasoratra ao amin’ny bokin’ny Asan’i Salômôna va?

1Mpanjaka 14:29

Ny zavatra sisa nataon-dRôbôama, mbamin’izay rehetra vitany, moa tsy efa voasoratra ao amin’ny bokin’ny Tantaran’ny mpanjakan’i Jodà?

1Tantara 9:22

212 no isan’ireo olom-boafidy ho mpiandry varavarana ireo. Voasoratra amin’ny vohiny avy izy, ary i Davida sy i Samoela mpahita no nanendry azy hanao io raharaha io.

2Tantara 12:15

Ny asa nataon-dRôbôama, na ny voalohany na ny farany, moa tsy efa voasoratra ao amin’ny Tenin’i Semaiasa mpaminany, sy ny an’i Adô mpahita, momba ny tetiaram-pirazanana? Niady mandrakariva i Rôbôama sy i Jerôbôama.

2Tantara 25:26

Ny asan’i Amasiasa sisa, ny voalohany sy ny farany, moa tsy dia efa voasoratra ao amin’ny bokin’ny mpanjakan’i Jodà sy i Israely va izany?

2Tantara 9:29

Ny sisa tamin’ny asan’i Salômôna, na ny voalohany na ny farany, moa tsy dia efa voasoratra va izany ao amin’ny bokin’i Natàna mpaminany, sy amin’ny faminanian’i Ahiasa avy any Silô, ary amin’ny fahitan’i Adô ny amin’i Jerôbôama zanak’i Nabata?

1Samoela 22:5

Hoy ny mpaminany Gada tamin’i Davida nanao hoe: «Aza mitoetra amin’ny fitoerana mimanda ianao, fa mandehana miverina any amin’ny tanin’i Jodà.» Dia lasa i Davida nankany amin’ny ala Hareta.

1Samoela 9:9

Teo amin’i Israely fahiny ny olona mandeha hanontany amin’Andriamanitra dia nifampilaza hoe: «Handeha isika ho any amin’ny mpahita». Fa mpahita no fiantson’ny taloha ny atao ankehitriny hoe mpaminany.