1Tantara 18:4 - Baiboly Katolika

⁴ Kalesy 1.000, mpitaingin-tsoavaly 7.000, miaramila an-tongotra 20.000, no nosamborin’i Davida taminy, notraingoin’i Davida avokoa ny soavalin-kalesy, fa ny soavaly amin’ny kalesy zato ihany no navelany.

Baiboly Protestanta Malagasy 2011

⁴ I Davida dia nahazo babo kalesy arivo fitondra miady taminy sy mpitaingin-tsoavaly fito arivo ary miaramila mandeha an-tongotra roa alina; notraingotraingoin’i Davida avokoa ny soavalin-kalesy fitondra miady rehetra, fa ny tokony ho amin’ny kalesy zato fitondra miady ihany no navelany.

DIEM PROTESTANTA

⁴ Kalesy arivo sy mpitaingin-tsoavaly fito arivo ary miaramila an-tongotra 20 000 no voababon’i Davida taminy; saingy nasain’i Davida nokapain-tongotra avokoa ny soavalin-kalesy fa ny tokony ho amin’ny kalesy zato ihany no sisa notazoniny.

Dikateny Iombonana Eto Madagasikara

⁴ Kalesy arivo sy mpitaingin-tsoavaly fito arivo ary miaramila an-tongotra 20 000 no voababon’i Davida taminy; saingy nasain’i Davida nokapain-tongotra avokoa ny soavalin-kalesy fa ny tokony ho amin’ny kalesy zato ihany no sisa notazoniny.

Baiboly Protestanta Malagasy

⁴ Ary Davida nahazo babo kalesy arivo taminy sy mpitaingin-tsoavaly fito arivo ary miaramila an-tongotra roa alina; ary notraingotraingoin’i Davida avokoa ny soavalin-kalesy rehetra, fa ny tokony ho amin’ny kalesy zato ihany no navelany.

Malagasy Bible

⁴ Ary Davida nahazo babo kalesy arivo taminy sy mpitaingin-tsoavaly fito arivo ary miaramila an-tongotra roa alina; ary notraingotraingoin'i Davida avokoa ny soavalin-kalesy rehetra, fa ny tokony ho amin'ny kalesy zato ihany no navelany.

La Bible en Malgache

⁴ I Davida dia nahazo babo kalesy arivo fitondra miady taminy sy mpitaingin-tsoavaly fito arivo ary miaramila mandeha an-tongotra roa alina; notraingotraingoin’i Davida avokoa ny soavalin-kalesy fitondra miady rehetra, fa ny tokony ho amin’ny kalesy zato fitondra miady ihany no navelany.

1Tantara 18:4 Rohy Ifampitohizana

Genesisy 49:6

Aza miditra amin’ny fivoriany fakan-kevitra ny fanahiko, Fa nanao vonoana olona tamin’ny fahatezerana izy, ary nahatraingo ombalahy tamin’ny fisafoahany.

2Samoela 8:4

Ary miaramila an-tsoavaly 1.700, miaramila an-tongotra roa alina, no nosamborin’i Davida taminy; ny soavalin-kalesy notraingoin’i Davida avokoa, fa ny mpitarika kalesy zato sisa no notanany.

1Mpanjaka 10:26

Nanangona kalesy sy mpitaingin-tsoavaly i Salômôna, ka nanan-kalesy 1.400, sy mpitaingin-tsoavaly 12.000 izy, ary ireo dia napetrany tao amin’ny tanàna fitoeran-kalesiny, ary tao Jerosalema akaikin’ny mpanjaka.

1Mpanjaka 4:2

Izao no lehibe, mpanao raharahany: i Azariasa, zanak’i Sadôka, no filohan’ny mpanao raharaha.

1Tantara 18:3

Resin’i Davida koa i Adarezera mpanjakan’i Sobà eny akaikin’i Hamata, tamin’izy teny an-dalana nandeha hampiorina ny fanjakany amin’ny ony Eofrata.

1Tantara 18:5

Tonga namonjy an’i Adarezera mpanjakan’i Sobà ny Sirianina avy any Damasa, fa noresen’i Davida ny 22.000 lahy tamin’ny Sirianina.

Salamo 20:7

Fantatro sahady fa namonjy ny voahosony i Iaveh; hihaino azy Izy any an-danitra, fonenany masina, amin’ny famonjena mahery hataon’ny tanany ankavanana.

Deoteronomia 17:16

Aoka anefa izy tsy hanan-tsoavaly betsaka na hitondra ny vahoaka hiverina any Ejipta mba hahazoany soavaly betsaka, fa hoy i Iaveh taminareo: Aza miverina amin’izany lalana izany intsony amin’ny sisa.

Josoa 11:6

Ary hoy i Iaveh tamin’i Jôsoe: «Aza matahotra an’ireo fa rahampitso toy izao dia hatolotro eo anoloan’i Israely izy ireo, ka hatolotro izy efa voagorobaka avokoa, ka traingoy ny soavaliny, ary dory ny kalesiny.»

Josoa 11:9

Dia nataon’i Jôsoe tamin’izy ireo araka izay nolazain’i Iaveh azy, ka ny soavaliny notraingoiny, ny kalesiny nodorany tamin’ny afo.