1Samoela 7:10 - Baiboly Katolika

¹⁰ Mbola manatitra ny sorona dorana eo i Samoela, no tamy hamely an’i Israely ny Filistinina; fa nampikotroka mafy ny varatra tamin’ny Filistinina kosa i Iaveh tamin’izay andro izay, ka nampifanaritaka azy; dia resy teo anoloan’i Israely.

Baiboly Protestanta Malagasy 2011

¹⁰ Raha mbola nanolotra ny fanatitra dorana manontolo i Samoela dia nanatona hiady amin’ny Israely ny Filistina; fa NY TOMPO nampikotrokorana mafy tamin’ny Filistina tamin’izany andro izany ka nampifanaritaka azy, dia resy teo anoloan’ny Israely izy.

DIEM PROTESTANTA

¹⁰ Fa raha mbola nanatitra ilay sorona i Samoela, dia nandroso hanafika an’i Israely kosa ny Filistinina. Tamin’izay indrindra anefa ny TOMPO no nampirefotra kotro-baratra tamin’ny miaramila filistinina sy nampifanaritaka azy, ka resin’ny Israelita izy ireo.

Dikateny Iombonana Eto Madagasikara

¹⁰ Fa raha mbola nanatitra ilay sorona i Samoela, dia nandroso hanafika an’i Israely kosa ny Filistinina. Tamin’izay indrindra anefa ny TOMPO no nampirefotra kotro-baratra tamin’ny miaramila filistinina sy nampifanaritaka azy, ka resin’ny Israelita izy ireo.

Baiboly Protestanta Malagasy

¹⁰ Ary raha mbola nanatitra ny fanatitra dorana Samoela, dia nanatona ny Filistina hiady amin’ny Isiraely; fa Jehovah nampikotrokorana mafy tamin’ny Filistina tamin’izany andro izany ka nampifanaritaka azy, dia resy teo anoloan’ny Isiraely izy.

Malagasy Bible

¹⁰ Ary raha mbola nanatitra ny fanatitra dorana Samoela, dia nanatona ny Filistina hiady amin'ny Isiraely; fa Jehovah nampikotrokorana mafy tamin'ny Filistina tamin'izany andro izany ka nampifanaritaka azy, dia resy teo anoloan'ny Isiraely izy.

La Bible en Malgache

¹⁰ Raha mbola nanolotra ny fanatitra dorana manontolo i Samoela dia nanatona hiady amin’ny Israely ny Filistina; fa NY TOMPO nampikotrokorana mafy tamin’ny Filistina tamin’izany andro izany ka nampifanaritaka azy, dia resy teo anoloan’ny Israely izy.

1Samoela 7:10 Rohy Ifampitohizana

Salamo 18:15

Nandefa ny zana-tsipìkany Izy ka nampiely azy ireo; nataony maro ny varany, ka nampifanaritaka an’ireny Izy.

Salamo 29:3

Mikotrokotroka any ambony rano be ny feon’i Iaveh, mampikotrokorana ny Andriamanitry ny voninahitra; eny ambony rano be i Iaveh.

Salamo 29:4

Mafy ny feon’i Iaveh; be voninahitra ny feon’i Iaveh.

Salamo 78:66

Dia nasiany avy eo aoriana ny fahavalony, ka nataony afa-baraka mandrakizay.

Zakaria 4:6

Dia namaly niteny ilay Anjely ka nanao tamiko hoe: «Izao no tenin’i Iaveh tamin’i Zôrôbabela, izany hoe: Tsy amin-tafika na amin-kery, fa amin’ny Fanahiko, hoy i Iavehn’ny tafika.

Deoteronomia 28:7

Ny fahavalo mitsangan-kiady aminao hataon’i Iaveh vaky mandositra eo anoloanao; lalana iray no nandrosoany hiady aminao, fa lalana fito kosa no handosirany eo anoloanao.

Josoa 10:10

Sady nampifanaritahin’i Iaveh teo anoloan’i Israely izy ireo, ka nataon’i Israely kila hotohoto tao akaikin’i Gabaôna sy nenjehiny tamin’ny lalana mankany Betôrôna, ary nasiany hatrany Azekà sy Makedà.

Mpitsara 4:15

Ary i Sisarà mbamin’ny kalesiny rehetra sy ny tafiny rehetra dia nampifanaritahin’i Iaveh tamin’ny lelan-tsabatra teo anoloan’i Baràka, ka nidina niala tamin’ny kalesiny i Sisarà, dia nandeha an-tongotra nandositra.

Mpitsara 5:20

Ny tany an-danitra no niady ho antsika, ny kintana tamin’ny lalana ombany no niady tamin’i Sisarà.

Mpitsara 5:8

Fa nifidy andriamani-baovao ny olona, ka nitsidika eo am-bavahady ny ady, ary ny ampinga aman-defona tsy nisy hita, teo amin’ny olona efatra alina, amin’i Israely.

1Samoela 12:17

Tsy izao va no fijinjana ny varimbazaha? Hiantso an’i Iaveh aho, ary hahatonga kotrokorana sy ranonorana Izy, ary ho fantatrareo amin’izany fa lehibe loatra eo imason’i Iaveh ny ratsy nataonareo tamin’ny nangatahanareo mpanjaka ho anareo.

1Samoela 14:15

Niely tao an-toby ny fahatahorana mafy, tany an-tany lemaka ary tamin’ny vahoaka rehetra; raiki-tahotra koa ny antoko-miaramila mbamin’ny tafi-pandringanana; nihorohoro ny tany. Fahatsiravina avy amin’Andriamanitra izany.

1Samoela 2:10

I Iaveh! ho torotoro ny fahavalony, any ambonin’ny lanitra no hikotrohany amin’ireny; hotsarain’i Iaveh ny vazantany rehetra. Homeny hery ny mpanjakany, ary hasandrany ny tandroky ny nohosorany.»

1Samoela 7:11

Ary nivoaka avy tao Masfà ny lehilahy amin’i Israely, ka nanenjika ny Filistinina, sy namely azy hatrany ambanin’i Bety-Kara.