1Samoela 3:19 - Baiboly Katolika

¹⁹ Dia nitombo ho lehibe i Samoela sady nomba azy i Iaveh ary tsy navelany ho raraka an-tany ny teniny.

Baiboly Protestanta Malagasy 2011

¹⁹ Ary nitombo i Samoela sady nomba azy NY TOMPO ka tsy nisy navelany ho raraka an-tany ny teniny.

DIEM PROTESTANTA

¹⁹ Ary nihalehibe i Samoela sady nomba azy ny TOMPO; ka tsy nisy tsy tanteraka izay teny rehetra nasainy nambaran’i Samoela.

Dikateny Iombonana Eto Madagasikara

¹⁹ Ary nihalehibe i Samoela sady nomba azy ny TOMPO; ka tsy nisy tsy tanteraka izay teny rehetra nasainy nambaran’i Samoela.

Baiboly Protestanta Malagasy

¹⁹ Ary nitombo Samoela, sady nomba azy Jehovah, ka tsy nisy navelany ho raraka an-tany ny teniny.

Malagasy Bible

¹⁹ Ary nitombo Samoela, sady nomba azy Jehovah, ka tsy nisy navelany ho raraka an-tany ny teniny.

La Bible en Malgache

¹⁹ Ary nitombo i Samoela sady nomba azy NY TOMPO ka tsy nisy navelany ho raraka an-tany ny teniny.

1Samoela 3:19 Rohy Ifampitohizana

Genesisy 21:22

Tamin’izany andro izany, i Abimeleka narahin’i Fikôla, filohan’ny tafiny, niteny tamin’i Abrahama hoe: «Omban’Andriamanitra ianao amin’izay rehetra ataonao.

Genesisy 28:15

Indro Aho momba anao, ka hiaro anao any amin’izay halehanao rehetra, sy hampody anao indray amin’ity tany ity. Fa tsy handao anao Aho, mandra-pahatanterako izay voalazako taminao.»

Genesisy 39:2

Nomban’i Iaveh i Josefa, ka nahazoam-panambinana tamin’ny zavatra rehetra izy; nonina tao an-tranon’ny Ejiptianina tompony izy.

Genesisy 39:3

Hitan’ity tompony fa nomban’i Iaveh izy, ary nambinin’i Iaveh teo an-tanany avokoa ny zavatra rehetra nataony.

1Mpanjaka 8:56

Hankalazaina anie i Iaveh, izay nanome fitsaharana an’i Israely vahoakany araka izay rehetra voalazany. Fa amin’ny teny soa rehetra nampandrenesiny tamin’ny alalan’i Môizy mpanompony dia tsy misy teny tsy tanteraka na iray aza.

2Mpanjaka 10:10

Aoka ho fantatrareo àry fa tsy hisy raraka an-tany ny tenin’i Iaveh, izay notononin’i Iaveh ny amin’ny taranak’i Akaba, ary notanterahin’i Iaveh izay nolazainy tamin’ny alalan’i Elia mpanompony.»

2Mpanjaka 15:12

Izany no tenin’i Iaveh nolazainy tamin’i Jehò hoe: «Hipetraka eo amin’ny seza fiandrianan’i Israely ny zanakao hatramin’ny taranaka fahefatra.» Ka tanteraka izany.

2Mpanjaka 22:16

Izao no lazain’i Iaveh: Indro Aho hahatonga loza ho etỳ amin’ny fitoerana ity sy amin’ny mponina ao aminy, araka ny teny rehetra ao amin’ny boky novakin’ny mpanjakan’i Jodà.

Isaia 43:2

Raha mita rano ianao, dia homba anao Aho; raha mamaky ny ony ianao, tsy hanafotra anao izy; raha mandeha eo afovoan’ny afo ianao, tsy ho may; ary ny lelafo tsy handoro anao.

Isaia 44:26

Izaho no mahatò ny tenin’ny mpanompoko, sy mahatanteraka ny hevitra lazain’ny irako; ny amin’i Jerosalema dia ilazako hoe: «Honenana anie izy!» ny amin’ny tanànan’i Jodà hoe: «Hatsangana indray anie izy ireo!» Hamboariko indray izay rava aminy.

Isaia 55:11

toy izany ny Teniko izay aloaky ny vavako, tsy miverina amiko foana izy, fa mahatanteraka izay tiako, sy mahatontosa izay namoahako azy.

Matio 1:23

Indro ny Virjiny hitoe-jaza ka hiteraka Zazalahy, ary ny anarany hatao hoe Emanoela, izany hoe: «amintsika Andriamanitra.»

Lioka 1:28

Ary nony niditra tao aminy ilay Anjely dia nanao hoe: «Arahaba, ry ilay feno hasoavana; ny Tompo ao aminao; nosoavina noho ny vehivavy ianao.»

Lioka 1:80

Dia nitombo sy nihanahery fanahy ny zaza, ary nitoetra tany an’efitra, ambara-pahatongan’ny andro hisehoany amin’i Israely.

Lioka 2:40

Ary nitombo sy nihanatanjaka ny Zaza sady feno fahendrena, ary tao aminy ny fahasoavan’Andriamanitra.

Lioka 2:52

Ary i Jesoa nitombo fahendrena sy tena, ary nandroso nahatehotia tamin’Andriamanitra sy ny olona.

2Korintiana 13:11

Farany, ry kristianina havana, mifalia, miezaha ho lavorary, mifanalà alahelo, miraisa hevitra, mihavàna tsara, dia ho eo aminareo ny Andriamanitry ny fitiavana amam-piadanana.

Deoteronomia 18:22

Rehefa miteny amin’ny Anaran’i Iaveh ny mpaminany, nefa tsy tonga, ary tsy tanteraka ny zavatra nolazainy, dia izany no teny tsy nolazain’i Iaveh: fiavonavonana no nilazan’ny mpaminany izany; aza matahotra azy ianao.

2Timoty 4:22

Ho ao amin’ny fanahinao anie i Jesoa Kristy Tompo. Ary ho ao aminareo anie ny fahasoavana.

Mpitsara 13:24

Ary tera-dahy ravehivavy, ka nataony hoe Samsôna no anarany. Dia nitombo ny zaza, sady notahin’i Iaveh.

1Samoela 10:7

Rehefa tanteraka ho anao ireo famantarana ireo, dia ataovy araka izay sendra eo anoloanao fa momba anao Andriamanitra.

1Samoela 12:2

Koa ankehitriny, indro ny mpanjaka handeha alohanareo. Izaho ity efa antitra sy fotsy volo, ary ny zanako indreo eo aminareo. Hatra ny fony mbola tanora aho no nandeha teo alohanareo ka mandrak’ankehitriny;

1Samoela 16:18

Ary niteny ny iray tamin’ny mpanompony nanao hoe: «Hitako ny iray amin’ny zanak’i Isaï ao Betleema, mahay mitendry harpa; lehilahy matanjaka sy mahery an’ady, mahay miteny, tsara tarehy, ary omban’i Iaveh».

1Samoela 18:12

Dia natahotra an’i Davida i Saola, satria nomba azy i Iaveh, fa i Saola kosa nialany;

1Samoela 18:14

Nampiseho fahakingana tamin’izay rehetra nataony i Davida ary nomba azy i Iaveh.

1Samoela 18:5

Raha nivoaka i Davida na aiza na aiza no nanirahan’i Saola azy dia nahomby izy; nataon’i Saola filohan’ny lehilahy mpiady izy, ary nankasitrahin’ny vahoaka rehetra hatramin’ny mpanompon’ny mpanjaka aza.

1Samoela 2:21

Novangian’i Iaveh i Anà, ka nanana anaka, dia niteraka telo lahy sy roa vavy. Ary i Samoela kely nitombo teo anatrehan’i Iaveh.

1Samoela 2:26

I Samoela kely kosa, nitombo nitombo ihany, ary sitrak’i Iaveh sy ny olombelona.

1Samoela 9:6

Ka hoy ilay mpanompo taminy: «Indro misy olon’Andriamanitra amin’itsy tanàna itsy, lehilahy hajaina tokoa izy; izay lazainy tanteraka avokoa. Ka andeha isika ho ao, fa angamba holazainy amintsika ny lalana tsy maintsy hombantsika».