1Samoela 26:19 - Baiboly Katolika

¹⁹ Ho sitraky ny mpanjaka tompoko anie ankehitriny ny hihaino ny tenin’ny mpanompony: Raha i Iaveh no nanesika anao hamely ahy, aoka hankasitrahiny ny hanitry ny fanatitra anankiray; fa raha olombelona kosa, aoka ho voaozona eo anatrehan’i Iaveh izy, satria efa nandroaka ahy izy izao, mba hanesotra amiko ny anjara-toerako amin’ny lovan’i Iaveh, nanao hoe: Mandehana manompo andriamani-kafa.

Baiboly Protestanta Malagasy 2011

¹⁹ Koa ankehitriny, miangavy anao aho, ry mpanjaka tompoko, mihainoa ny tenin’ny mpanomponao: Raha NY TOMPO no nanesika anao hamely ahy dia aoka handray ny hanitry ny fanatitra Izy; fa raha zanak’olombelona kosa dia aoka ho voaozona eo anatrehan’NY TOMPO izy, satria efa nandroaka ahy tsy hanana anjara amin’ny lova nomen’NY TOMPO izy androany ka niteny hoe: Mandehana, manompoa andriamanitra hafa.

DIEM PROTESTANTA

¹⁹ Ary ankehitriny, aoka ianao, ry mpanjaka tompoko, hihaino izay holazaiko aminao: raha ny TOMPO no manosika anao hanao izany amiko, aoka hampitony Azy ny sorona aterina aminy; fa raha olombelona kosa, dia aoka ho voaozona eo anatrehan’ny TOMPO izy satria efa nandroaka ahy androany tsy hanana anjara amin’ny tany nomen’ny TOMPO ka toy ny manao amiko hoe: «Mandehana manompo andriamani-kafa.»

Dikateny Iombonana Eto Madagasikara

¹⁹ Ary ankehitriny, aoka ianao, ry mpanjaka tompoko, hihaino izay holazaiko aminao: raha ny TOMPO no manosika anao hanao izany amiko, aoka hampitony Azy ny sorona aterina aminy; fa raha olombelona kosa, dia aoka ho voaozona eo anatrehan’ny TOMPO izy satria efa nandroaka ahy androany tsy hanana anjara amin’ny tany nomen’ny TOMPO ka toy ny manao amiko hoe: «Mandehana manompo andriamani-kafa.»

Baiboly Protestanta Malagasy

¹⁹ Ary ankehitriny, masìna hianao, ry mpanjaka tompoko, mihainoa ny tenin’ny mpanomponao. Raha Jehovah no nanesika anao hamely ahy, dia aoka handray fanatitra mani-pofona Izy; fa raha zanak’olona kosa, dia aoka ho voaozona eo anatrehan’i Jehovah izy, satria efa nandroaka ahy andro-any tsy hanana anjara amin’ny lova nomen’i Jehovah izy ka nanao hoe: Mandehana, manompoa andriamani-kafa.

Malagasy Bible

¹⁹ Ary ankehitriny masìna ianao, ry mpanjaka tompoko, mihainoa ny tenin'ny mpanomponao. Raha Jehovah no nanesika anao hamely ahy, dia aoka handray fanatitra mani-pofona Izy; fa raha zanak'olona kosa, dia aoka ho voaozona eo anatrehan'i Jehovah izy, satria efa nandroaka ahy androany tsy hanana anjara amin'ny lova nomen'i Jehovah izy ka nanao hoe: Mandehana, manompoa andriamani-kafa.

La Bible en Malgache

¹⁹ Koa ankehitriny, miangavy anao aho, ry mpanjaka tompoko, mihainoa ny tenin’ny mpanomponao: Raha NY TOMPO no nanesika anao hamely ahy dia aoka handray ny hanitry ny fanatitra Izy; fa raha zanak’olombelona kosa dia aoka ho voaozona eo anatrehan’NY TOMPO izy, satria efa nandroaka ahy tsy hanana anjara amin’ny lova nomen’NY TOMPO izy androany ka niteny hoe: Mandehana, manompoa andriamanitra hafa.

1Samoela 26:19 Rohy Ifampitohizana

Genesisy 44:18

Ary tamin’izay i Jodà nanatona an’i Josefa ka nanao hoe: «Mihanta aminao aho, tompokolahy, mba hahazo lalana sy mpanomponao hiteny indraimbava eto anatrehan’ny tompoko, ka aoka tsy hirehitra amin’ny mpanomponao ny fahatezeranao, fa sahala amin’i Faraôna ianao.

Genesisy 8:21

Dia nandre hanitra mahafinaritra i Iaveh, ka i Iaveh nanao anakampo hoe: «Tsy hanozona intsony ny tany Aho noho ny olona; fa ratsy hatramin’ny fahatanorany ny fisainan’ny fon’ny olombelona; ary tsy mba hamono ny zavatra manana aina rehetra toy izay nataoko izay intsony Aho.

2Samoela 14:16

Eny, fa hihaino ny mpanjaka mba hanafaka ny ankizy vaviny eo an-tanan’olona izay mitady hanesotra ahy sy ny zanako eo amin’ny lovan’Andriamanitra.

2Samoela 16:10

Fa hoy ny navalin’ny mpanjaka: «Tsy manan-draharaha aminareo aho, ry zanak’i Sarvià! Aoka hanozona izy, satria fa raha i Iaveh no nanao taminy hoe: Ozony i Davida: zovy moa no hanao aminy hoe: Ahoana no anaovanao izany?»

2Samoela 16:11

Ary hoy i Davida tamin’i Abisaia sy ny mpanompony rehetra: «He, ny zanako naloaky ny kiboko aza ity mitady ny aiko; ka mainka fa io zana-Benjamina io! Avelao izy hanozona, fa didin’i Iaveh taminy izany.

2Samoela 20:19

Izaho dia anankiray amin’ny tanàna tia fihavanana sy mahatoky eto amin’i Israely. Fa ianao kosa mitady handrava tanàna izay reny amin’i Israely. Ka ahoana ange no handravanao ny lovan’i Iaveh?»

2Samoela 21:3

Izao no nolazain’i Davida tamin’ny Gabaônita: «Inona no hataoko ho anareo? Ary amin’inona no hanaovako ny fanonerana mba hitsofanareo rano ny lovan’i Iaveh?»

2Samoela 24:1

Nirehitra tamin’i Israely indray ny fahatezeran’i Iaveh, ka namporisihiny hamely azy ireo i Davida nataony hoe: «Mandehana isao i Israely sy i Jodà.»

1Mpanjaka 22:22

Ary hoy ny navaliny: Hivoaka aho, ka ho tonga fanahy mandainga eo am-bavan’ny mpaminany rehetra. Dia hoy i Iaveh: Hanambaka azy ianao, sady hahomby amin’izany, ka mivoaha àry, ataovy izany.

1Tantara 21:1

Ary nitsangan-kamely an’i Israely i Satana ka namoky an’i Davida hanisa an’i Israely.

Salamo 120:5

Endrey, ity manjò ahy mitoetra eto amin’i Meseka, sy monina atỳ an-dain’i Sedara!

Salamo 20:4

Hahatsiaro ny fanatitrao rehetra anie Izy, ary hankasitraka ny sorona dorana! - Selà

Ohabolana 30:10

Aza manendrikendrika mpanompo amin’ny tompony, fandrao hozoniny ianao, ka hitondra faisana amin’izany.

Isaia 60:5

Hahita izany ianao amin’izay ka ho miramirana; hibitaka sy hiravoravo ny fonao, fa hivantana aminao ny haren’ny ranomasina; ary ho tonga ao aminao ny rakitry ny firenena.

Levitikosy 26:31

Ny tanànanareo hampanjariko efitra, ny fitoerana masinareo horavako, ary ny hanitra ankasitrahinareo avy amin’ny zava-manitrareo tsy hamboloiko intsony.

Nomery 36:7

dia tsy hifindra maso ny lovan’ny zanak’i Israely, fa samy ho eo amin’ny lovan’ny fokon-drainy avy no hipetrahan’ny zanak’i Israely.

Nomery 36:9

Tsy hisy lova hifindra maso any amin’ny foko hafa, fa ny fokon’i Israely rehetra samy hipetraka amin’ny lovany avy.»

Romana 14:15

Raha noho ny fihinananao no mampalahelo ny mpiray finoana aminao, dia tsy mandeha araka ny fitiavana intsony ianao, ka aza dia ny fihinananao no amerezanao olona nahafoizan’i Kristy aina.

Galatiana 5:12

Enga anie ka hanan-kilema tena mihitsy ireny mpanabataba anareo ireny!

Deoteronomia 13:3

dia aza mihaino ny tenin’izany mpaminany na mpanonofy izany akory, fa mizaha toetra anareo i Iaveh Andriamanitrareo, hahalalany raha tia an’i Iaveh Andriamanitrareo amin’ny fonareo rehetra sy amin’ny fanahinareo rehetra ianareo.

2Timoty 4:14

Be loatra ny ratsy nafitsok’i Aleksandra mpanefy varahina tamiko; ny Tompo no hamaly azy araka ny asany.

1Samoela 18:10

Ny ampitson’izay dia nisy fanahy ratsy avy tamin’Andriamanitra latsaka tamin’i Saola, ka nihoalahoala teo afovoan’ny tranony izy. Dia nitendry harpa, araka ny fanaony amin’ny andro hafa i Davida, ary teo an-tanan’i Saola ny lefony.

1Samoela 24:9

Izay i Davida vao nitsangana koa sy nivoaka ny zohy ary rafitra niantsoantso an’i Saola nanao hoe: «Ry mpanjaka tompoko ô!» Niherika nijery i Saola, dia niondrika tamin’ny tany i Davida ka niankohoka.

1Samoela 25:24

vao niantoraka teo an-tongony, nanao hoe: «Aoka ho ahy, tompoko, aoka ho ahy ny tsiny! Avelao mba hiteny eo amin’ny sofinao ity ankizivavinao; ary henoy ny tenin’ny ankizivavinao.

1Samoela 27:1

Ary hoy i Davida anakampony: «Mbola ho fatin’ny tanan’i Saola ihany aho, indray andro any, ka ny mandositra faingana any amin’ny tanin’ny Filistinina no mety amiko indrindra, mba hitsaharan’i Saola tsy hitady ahy intsony amin’ny faritan’i Israely rehetra, dia ho afaka amin’ny tanany aho».