1Samoela 21:7 - Baiboly Katolika

⁷ Dia nomen’ny mpisorona mofo voahasina izy, fa tsy nisy mofo hafa teo afa-tsy ny mofo aseho, izay efa nesorina teo anoloan’i Iaveh mba hosoloina ny mofo mafana amin’ny fotoana fanesorana azy.

Baiboly Protestanta Malagasy 2011

⁷ Dia nanome azy mofo masina ny mpisorona satria tsy nisy mofo teo afa-tsy ny mofo atao fanatitra izay nalainy teo anatrehan’NY TOMPO mba hosoloina mofo mafana amin’ny andro anesorana azy.

DIEM PROTESTANTA

⁷ Dia ny mofo masina tokoa no nanomezan’ny mpisorona ho an’i Davida, satria tsy nisy mofo hafa. Ireo mofo masina ireo dia mofo natolotra tamin’ny TOMPO ary avy eo dia nesorina tao amin’ny Toeramasina mba hosoloana mofo mafana.

Dikateny Iombonana Eto Madagasikara

⁷ Dia ny mofo masina tokoa no nanomezan’ny mpisorona ho an’i Davida, satria tsy nisy mofo hafa. Ireo mofo masina ireo dia mofo natolotra tamin’ny TOMPO ary avy eo dia nesorina tao amin’ny Toeramasina mba hosoloana mofo mafana.

Baiboly Protestanta Malagasy

⁷ Ary ny mpisorona nanome azy mofo masina; fa tsy nisy mofo teo, afa-tsy ny mofo aseho, izay nalainy teo anatrehan’i Jehovah, mba hasiana mofo mafana tamin’ny andro nanesorana azy. (

Malagasy Bible

⁷ Ary ny mpisorona nanome azy mofo masina; fa tsy nisy mofo teo, afa-tsy ny mofo aseho, izay nalainy teo anatrehan'i Jehovah, mba hasiana mofo mafana tamin'ny andro nanesorana azy.

La Bible en Malgache

⁷ Dia nanome azy mofo masina ny mpisorona satria tsy nisy mofo teo afa-tsy ny mofo atao fanatitra izay nalainy teo anatrehan’NY TOMPO mba hosoloina mofo mafana amin’ny andro anesorana azy.

1Samoela 21:7 Rohy Ifampitohizana

Genesisy 26:20

Fa niadian’ny mpiandry ondry tao Jerara ny mpiandry ondrin’i Isaaka nataony hoe: «Anay ny rano.» Ka nataon’i Isaaka hoe Eseka ny anaran’ny lavaka fantsakana, satria niadian-dry zareo izy.

1Tantara 27:29

i Setraì avy any Sarôna no amin’ny omby andrasana any Sarôna; i Safàta zanak’i Adlì no amin’ny omby eny an-dohasaha;

1Tantara 27:31

i Jaziza Agarenianina no amin’ny ondry. Ireo rehetra ireo no tonian’ny fananan’i Davida mpanjaka.

2Tantara 26:10

Nanao tilikambo tany an’efitra koa izy; ary nihady lavaka famorian-drano betsaka, fa nanana biby fiompiny maro tany, sy tany amin’ny Sefelà mbamin’iny tany lemaka avo, ary nanana mpiasa amam-pamboly voaloboka koa tany an-tendrombohitra sy tany Karmela, fa tia asa tany izy.

Ezekiela 33:31

Ary dia mankao aminao izy ireo toy ny fiavin’ny vahoaka be; mipetraka eo anatrehanao ny vahoakanao; mihaino ny teninao, nefa tsy manatanteraka izany, fa izay ankasitrahin’ny vavany no ataony, ny filan-karena no arahin’ny fony.

Levitikosy 22:10

«Tsy hisy olon-kafa hihinana zava-masina, na ny mipetraka ao amin’ny mpisorona, na ny mpikarama, dia samy tsy hihinana ny zava-masina.

Levitikosy 22:13

Fa raha maty vady na voasaotra tsy mbola niteraka, ny zanaka vavin’ny mpisorona, ka mody any an-tranon-drainy, toy ny fony mbola kely, dia mahazo mihinana izay fihinan-drainy; fa ny olon-kafa tsy hihinana izany.

Levitikosy 24:5

«Haka lafarina tsara indrindra ianao ka handrahoanao mofomamy roa ambin’ny folo, samy ho roa ampahafolon’ny efah avy ny mofomamy.

Levitikosy 24:8

Halahatra tsy tapaka isan’andro sabata ireo mofo ireo avy amin’ny zanak’i Israely, eo anatrehan’i Iaveh: fanekem-pihavanana maharitra lalandava izany.

Amosa 8:5

manao hoe: Rahoviana no ho tapitra ny voaloham-bolana; mba hahazoantsika mivarotra vary; ary ny sabata mba hamohantsika ny tranom-bary, ka ny efaha hohakelezina, ny sikla hampitomboina; ny mizàna, hatao mandainga, hamitahana.

Matio 15:8

Ity vahoaka ity manaja Ahy amin’ny molony, fa ny fony lavitra Ahy;

1Samoela 11:5

Ary indro fa tonga avy any an-tsaha, nandroaka ny ombiny i Saola tamin’izay, ka hoy i Saola hoe: «Maninona ity vahoaka no mitomany?» Dia nambaran’ny olona azy ny voalazan’ny olona avy any Jabesy.

1Samoela 14:47

Rehefa azon’i Saola ny fanjakana tamin’ny Israely, niady tamin’ny fahavalony rehetra manodidina izy, dia tamin’i Moaba, tamin’ny taranak’i Amôna, tamin’i Edôma, tamin’ireo mpanjakan’i Sobà ary tamin’ny Filistinina, ka izay nitodihany rehetra na aiza na aiza resiny avokoa.

1Samoela 21:8

Tao indrindra ny lehilahy anankiray amin’ny mpanompon’i Saola tamin’izay andro izay, fa voahazona teo anatrehan’i Iaveh; I Dôega Edômita no anarany, ary lehiben’ny mpiandry ny ondrin’i Saola izy.

1Samoela 22:10

Ary i Akimeleka nanontany an’i Iaveh ho azy, sy nanome vatsy azy, sady nanome azy ny sabatr’i Gôliata Filistinina».

1Samoela 22:22

Ka hoy i Davida tamin’i Abiatara: «Efa fantatro androtr’izay ihany fa i Dôega Edômita izay tao tamin’izay dia tsy maintsy hilaza amin’i Saola. Koa izaho no antony namonoana ny fianakavian-drainao rehetra.

1Samoela 22:9

Dia hoy i Dôega ilay Edômita lehiben’ny mpanompon’i Saola namaly azy: «Hitako tonga tany Nobe, tao amin’i Akimeleka zanak’i Akitoba, ny zanak’i Isaï.