1Samoela 20:41 - Baiboly Katolika

⁴¹ Vao lasa ilay zazalahy dia nitsangana avy eny atsimo i Davida ary nidaboka tamin’ny tany dia niankohoka intelo, vao nifanoroka izy roa lahy, ka samy rafitra nitomany tamin’ny namany avy izy ireo; ary i Davida nanao ranomaso havozona mihitsy.

Baiboly Protestanta Malagasy 2011

⁴¹ Nony lasa ilay zazalahy dia nitsangana avy any atsimo i Davida ka niankohoka tamin’ny tany sady niondrika intelo, ary nifanoroka izy roa lahy ka samy nitomany; nefa ny an’i Davida dia mafy kokoa.

DIEM PROTESTANTA

⁴¹ Rehefa lasa ilay mpanompo, dia nivoaka avy tao amin’ny fiereny teo atsimon’ny antontam-bato i Davida, ary niankohoka intelo tamin’ny tany teo anatrehan’i Jônatàna. Dia nifanoroka izy roa lahy ka niara-nitomany mandra-pitsahatr’i Davida.

Dikateny Iombonana Eto Madagasikara

⁴¹ Rehefa lasa ilay mpanompo, dia nivoaka avy tao amin’ny fiereny teo atsimon’ny antontam-bato i Davida, ary niankohoka intelo tamin’ny tany teo anatrehan’i Jônatàna. Dia nifanoroka izy roa lahy ka niara-nitomany mandra-pitsahatr’i Davida.

Baiboly Protestanta Malagasy

⁴¹ Ary nony lasa ilay zazalahy, dia nitsangana avy any atsimo Davida, ka niankohoka tamin’ny tany izy sady niondrika intelo, ary nifanoroka izy roa lahy, ka samy nitomany; nefa ny an’i Davida dia mafy loatra.

Malagasy Bible

⁴¹ Ary nony lasa ilay zazalahy, dia nitsangana avy any atsimo Davida, ka niankohoka tamin'ny tany izy sady niondrika in-telo, ary nifanoroka izy roa lahy, ka samy nitomany; nefa ny an'i Davida dia mafy loatra.

La Bible en Malgache

⁴¹ Nony lasa ilay zazalahy dia nitsangana avy any atsimo i Davida ka niankohoka tamin’ny tany sady niondrika intelo, ary nifanoroka izy roa lahy ka samy nitomany; nefa ny an’i Davida dia mafy kokoa.

1Samoela 20:41 Rohy Ifampitohizana

Genesisy 29:11

ary i Jakôba nanoroka an-dRasela, dia nanandratra ny feony ka nitomany.

Genesisy 29:13

Vao nandre ny filazàny an’i Jakôba zanak’anabaviny i Labàna dia nihazakazaka nitsena azy, ka namihina azy, nanoroka azy, nitondra azy ho any an-tranony. Dia notantarain’i Jakôba tamin’i Labàna izany zavatra rehetra izany,

Genesisy 33:4

Dia nihazakazaka nitsena azy i Esao ka namihina azy nisakambina ny vozony, nanoroka azy; ary samy nitomany izy ireo.

Genesisy 42:6

I Josefa no mpanapaka ny tany ary izy no nivaro-bary tamin’ny tompon-tany rehetra. Nony tonga ny rahalahin’i Josefa dia niankohoka tamin’ny teo anatrehany.

Genesisy 43:28

Dia hoy ny navaliny: «Tsara ihany ny mpanomponao rainay, ary mbola velona ihany izy.» Dia niondrika sy nihohoka izy ireo.

Genesisy 45:15

Ary nanoroka ireo rahalahiny rehetra koa izy, ka nitomany teo am-pamihinana azy. Izay vao niresaka taminy ireto rahalahiny.

2Samoela 1:2

Tamin’ny andro fahatelo, inty nisy lehilahy anankiray, avy tany an-toby, avy tany amin’i Saola, ary ny akanjony rovitra, ny lohany norarahan-tany, ary nony mby teo amin’i Davida izy dia nidaboka tamin’ny tany, ka niankohoka.

2Samoela 1:26

Trotraky ny alahelo anao aho, ry Jônatasy rahalahiko! Fa ianao ihany no fahafinaretako tanteraka; mamiko noho ny fitiavan’ny vehivavy ny fitiavanao.

2Samoela 14:4

Tonga ravehivavy avy any Tekoa hiresaka amin’ny mpanjaka. Lavo niankohoka tamin’ny tany izy vao niteny hoe: «Vonjeo aho, ry mpanjaka ô!»

2Samoela 19:39

Dia hoy ny mpanjaka: «Aoka fa dia i Kamaama no hiaraka amiko, ka ataoko aminy izay rehetra sitrakao, ary hataoko aminao koa izay rehetra irinao amiko.»

2Samoela 9:6

Nony tonga teo amin’i Davida i Mifibôseta zanak’i Jônatasy zanak’i Saola, dia niondrika tamin’ny tany sy niankohoka. Ka hoy i Davida: «Mifibôseta!» Ary hoy ny navaliny: «Inty ny mpanomponao.»

1Mpanjaka 1:16

Niondrika i Betsabea, dia niankohoka teo anatrehany, ka hoy ny mpanjaka: «Inona no ilainao?»

1Mpanjaka 1:23

Ka nambara tamin’ny mpanjaka hoe: «Indro i Natàna mpaminany.» Dia niditra nanoloana ny mpanjaka izy, dia niankohoka tamin’ny tany teo anatrehany,

1Mpanjaka 1:31

Koa niondrika nihohoka tamin’ny tany teo anoloan’ny mpanjaka i Betsabea, dia nanao hoe: «Ho velona mandrakizay anie ny tompoko Davida mpanjaka!»

Asan’ny Apostoly 20:37

Ary nitomany mafy izy rehetra, sy namihina ny vozon’i Paoly ary nanoroka azy,

1Samoela 10:1

Nalain’i Samoela ny tavoara nisy diloilo, naidiny tamin’ny lohan’i Saola, dia norohany izy, sady nataony hoe: «Moa tsy nohosoran’i Iaveh ho mpanapaka amin’ny lovany va ianao?

1Samoela 18:3

Ary i Jônatasy nanao fanekem-pihavanana tamin’i Davida, fa tia azy toy ny ainy izy.

1Samoela 20:40

Dia nomen’i Jônatsy an-drazazalahy izay niaraka taminy ny fiadiany ka hoy izy taminy: «Mandehana ento mankany an-tanàna ireto».

1Samoela 24:9

Izay i Davida vao nitsangana koa sy nivoaka ny zohy ary rafitra niantsoantso an’i Saola nanao hoe: «Ry mpanjaka tompoko ô!» Niherika nijery i Saola, dia niondrika tamin’ny tany i Davida ka niankohoka.

1Samoela 25:23

Vao nahita an’i Davida i Abigaila dia nidina faingana tamin’ny ampondra, niankohoka teo anatrehan’i Davida, ary nihohoka tamin’ny tany mihitsy,