1Samoela 18:8 - Baiboly Katolika

⁸ Tezitra mafy i Saola ary tsy sitrany izany teny izany, ka hoy izy: «Ny an’i Davida nataony alinalina, fa ny ahy kosa nataony arivoarivo, ka ny fanjakana izany no sisa tsy azony».

Baiboly Protestanta Malagasy 2011

⁸ Dia tezitra mafy i Saoly satria tsy nankasitrahany izany teny izany ka hoy izy: Nomena an’i Davida ny alinalina fa ny ahy kosa dia arivoarivo ihany. Ny fanjakana no sisa tsy mbola azony.

DIEM PROTESTANTA

⁸ Nahatezitra mafy an’i Saoly izany tononkira izany, ka hoy izy anakampo hoe: «An’alinalina lahy no nomeny an’i Davida, fa an’arivoarivo fotsiny kosa no nomeny ahy! Angamba homeny azy koa ny fanjakana atsy ho atsy!»

Dikateny Iombonana Eto Madagasikara

⁸ Nahatezitra mafy an’i Saoly izany tononkira izany, ka hoy izy anakampo hoe: «An’alinalina lahy no nomeny an’i Davida, fa an’arivoarivo fotsiny kosa no nomeny ahy! Angamba homeny azy koa ny fanjakana atsy ho atsy!»

Baiboly Protestanta Malagasy

⁸ Dia tezitra indrindra Saoly, fa tsy sitrany izany teny izany, ka hoy izy: Ny an’i Davida nataony alinalina lahy, fa ny ahy kosa nataony arivoarivo ihany; koa ny fanjakana ihany no sisa tsy mbola azony.

Malagasy Bible

⁸ Dia tezitra indrindra Saoly, fa tsy sitrany izany teny izany, ka hoy izy: Ny an'i Davida nataony alinalina lahy, fa ny ahy kosa nataony arivoarivo ihany; koa ny fanjakana ihany no sisa tsy mbola azony.

La Bible en Malgache

⁸ Dia tezitra mafy i Saoly satria tsy nankasitrahany izany teny izany ka hoy izy: Nomena an’i Davida ny alinalina fa ny ahy kosa dia arivoarivo ihany. Ny fanjakana no sisa tsy mbola azony.

1Samoela 18:8 Rohy Ifampitohizana

Genesisy 37:11

Ireo rahalahiny nialona azy, fa rainy kosa nitadidy izany.

Genesisy 37:8

Ary hoy ireo rahalahiny taminy: «Dia hanjaka aminay ve ianao e, ary dia ho eo ambany fanapahanao ve izahay e?» Izany nofiny aman-teniny izany, no vao mainka koa nankahalàny azy.

1Mpanjaka 2:22

Fa hoy ny navalin’i Salômôna mpanjaka tamin-dreniny: «Ahoana no angatahanao an’i Abisaga Sonamita ho an’i Adoniasa? Angataho ho azy koa ny fanjakana; fa izy rahateo no zokiko, dia ho azy sy ho an’i Abiatara mpisorona ary ho an’i Jôaba zanak’i Sarvià.»

Ohabolana 13:10

Fifandirana no hany ateraky ny avonavona; fa izay mety toroana no misy fahendrena.

Ohabolana 27:4

Masiaka ny havinirana, miafonafona ny hatezerana, fa zovy no hahatoetra raha asian’ny fialonana?

Mpitoriteny 4:4

Hitako fa ny asa rehetra mbamin’ny fahakingana rehetra amin’ny taozavatra dia ny fialonana mihatra amin’olona avy amin’ny namany ihany; koa dia zava-poana amam-panenjehan-drivotra foana koa izany.

Nomery 11:1

Nanomboka nimonomonona zavatra tsy mety tamin’ny sofin’i Iaveh ny vahoaka. Nandre an’izany i Iaveh ka nirehitra ny hatezerany ary nirehitra tamin’izy ireo ny afon’i Iaveh, ka may ny teny an-tsisin’ny toby.

Nomery 22:34

Ary hoy i Balaama tamin’ny Anjelin’i Iaveh: «Efa nanota aho, fa tsy fantatro hoe teo anoloako ianao, ary ankehitriny raha tsy sitrakao izao, dia hody aho.»

Jakoba 4:5

Ary moa ataonareo ho teny foana va ny lazain’ny Soratra Masina hoe: «Tia anareo sy saro-piaro anareo aza ny Fanahy Izay nampitoeriny ao anatinareo?»

1Samoela 13:14

Fa ankehitriny tsy haharitra ny fanjakanao. Fa efa nitady lehilahy araka ny fony i Iaveh, ary i Iaveh efa nanendry azy ho mpanjakan’ny olony; satria ianao tsy nitandrina izay nandidian’i Iaveh anao.»

1Samoela 15:28

Dia hoy i Samoela taminy: «Efa notriarin’i Iaveh ho afaka aminao androany ny fanjakan’i Israely, ary efa nomeny ny namana akaikinao izay tsara noho ianao.

1Samoela 16:13

Dia noraisin’i Samoela ny tandroka nisy diloilo, ka nohosorany teo afovoan’ny rahalahiny io; ary hatramin’izany andro izany sy tamin’ny andro manaraka, dia niditra tamin’i Davida ny Fanahin’i Iaveh. Dia niainga i Samoela nankany Ramata.

1Samoela 18:9

Hatramin’izay andro izay dia ratsy fijery an’i Davida i Saola.

1Samoela 19:1

Niresaka tamin’i Jônatasy zanany sy ny mpanompony rehetra i Saola ny amin’izay hahafaty an’i Davida. Fatratra kosa anefa ny fitiavan’i Jônatasy zanak’i Saola an’i Davida. Koa nampandre an’i Davida i Jônatasy nanao hoe:

1Samoela 20:31

Satria raha mbola velona etỳ ambonin’ny tany koa iny zanak’i Isaï iny dia tsy hisy fandriam-pahalemana ho anao sy ho an’ny fanjakanao. Koa ankehitriny, ampanalao izy hankatỳ amiko, fa zanaky ny fahafatesana izy».