1Samoela 18:10 - Baiboly Katolika

¹⁰ Ny ampitson’izay dia nisy fanahy ratsy avy tamin’Andriamanitra latsaka tamin’i Saola, ka nihoalahoala teo afovoan’ny tranony izy. Dia nitendry harpa, araka ny fanaony amin’ny andro hafa i Davida, ary teo an-tanan’i Saola ny lefony.

Baiboly Protestanta Malagasy 2011

¹⁰ Nony ampitson’iny dia nisy fanahy ratsy avy tany amin’Andriamanitra tonga tamin’i Saoly ka nihetsiketsika teo ampovoan-trano izy; i Davida moa dia nitendry lokanga tamin’ny tanany tahaka ny fanaony isanandro ihany, ary nisy lefona teny an-tanan’i Saoly.

DIEM PROTESTANTA

¹⁰ Ny ampitso, dia nisy fanahy ratsy nalefan’Andriamanitra nilatsaka tamin’i Saoly, ka nampirediredy azy eran’ny trano. Toy ny fanaony dia nitendren’i Davida feon-kira tamin’ny harpa i Saoly izay efa nitana lefona.

Dikateny Iombonana Eto Madagasikara

¹⁰ Ny ampitso, dia nisy fanahy ratsy nalefan’Andriamanitra nilatsaka tamin’i Saoly, ka nampirediredy azy eran’ny trano. Toy ny fanaony dia nitendren’i Davida feon-kira tamin’ny harpa i Saoly izay efa nitana lefona.

Baiboly Protestanta Malagasy

¹⁰ Ary nony ampitson’iny dia nisy fanahy ratsy avy tany amin’Andriamanitra nilatsaka tamin’i Saoly, ka dia maola tao an-trano izy; ary Davida nitendry lokanga tamin’ny tànany tahaka ny fanaony isan-andro ihany, ary nisy lefona teny an-tànan’i Saoly.

Malagasy Bible

¹⁰ Ary nony ampitson'iny dia nisy fanahy ratsy avy tany amin'Andriamanitra nilatsaka tamin'i Saoly, ka dia maola tao an-trano izy; ary Davida nitendry lokanga tamin'ny tànany tahaka ny fanaony isan'andro ihany, ary nisy lefona teny an-tànan'i Saoly.

La Bible en Malgache

¹⁰ Nony ampitson’iny dia nisy fanahy ratsy avy tany amin’Andriamanitra tonga tamin’i Saoly ka nihetsiketsika teo ampovoan-trano izy; i Davida moa dia nitendry lokanga tamin’ny tanany tahaka ny fanaony isanandro ihany, ary nisy lefona teny an-tanan’i Saoly.

1Samoela 18:10 Rohy Ifampitohizana

1Mpanjaka 18:29

Ary nony efa nitsidika ny andro, dia naminany izy mandra-pahatongan’ny fotoana fanolorana ny fanatitra. Nefa tsy nisy nanoina na namaly na nihontsina kely akory.

1Mpanjaka 22:12

Ny mpaminany rehetra koa naminany torak’izany, ka nanao hoe: «Miakara any Ramôta any Galaada, ka maharese, satria hatolotr’i Iaveh eo an-tanan’ny mpanjaka izany.»

Jeremia 28:11

Sady hoy i Hananiasa, teo anatrehan’ny vahoaka rehetra: «Izao no lazain’i Iaveh: Tahaka izao no hanapahako ny jiogan’i Nabokodonozora, mpanjakan’i Babilôna, hiala eny am-bozon’ny firenena rehetra raha afaka roa taona.» Dia lasa niala i Jeremia mpaminany.

Asan’ny Apostoly 16:16

Indray andro raha nandeha hivavaka izahay, dia nifanena tamin’ny ankizivavin’olona anankiray izay notsindriam-panahy maminany, ka nampahazo harena be ny tompony tamin’ny faminaniana nataony;

2Tesaloniana 2:11

Hany ka anirahan’Andriamanitra fitaka mahadiso hevitra izy ireo, hinoany ny lainga,

Mpitsara 16:20

Ka hoy izy: «Irotsahan’ny Filistinina ianao, ry Samsôna!» Dia taitra tamin’ny torimasony izy, ka nanao hoe: «Ho afaka amin’izao toy ny taloha ihany aho, dia hitsoaka»; satria tsy fantany fa efa niala taminy i Iaveh.

1Samoela 16:23

Nony injay tonga amin’i Saola ny fanahy avy amin’Andriamanitra, raisin’i Davida ny harpa, ka tendreny amin’ny tanany dia mionona i Saola sy finaritra, ary miala aminy ny fanahy ratsy.

1Samoela 18:9

Hatramin’izay andro izay dia ratsy fijery an’i Davida i Saola.

1Samoela 19:10

Notadiavin’i Saola hasiany ny lefona i Davida sy ny rindrina, saingy nitsoaka teo anatrehan’i Saola i Davida ka ny lefona no nakapony tamin’ny rindrina. Dia nandositra i Davida nilefa nandritra ny alina.

1Samoela 19:7

Dia nantsoin’i Jônatasy i Davida ary nilazan’i Jônatasy izany teny rehetra izany, vao nentin’i Jônatasy nankeo amin’i Saola i Davida, ka nitoetra teo anatrehany, toy ny taloha indray.

1Samoela 19:9

Tamin’izay tonga tamin’i Soala ilay fanahy ratsy avy tamin’i Iaveh, raha nipetraka tao an-tranony, nitana ny lefony teo an-tanany izy; ka notendren’i Davida tamin’ny tanany ny harpa.

1Samoela 26:19

Ho sitraky ny mpanjaka tompoko anie ankehitriny ny hihaino ny tenin’ny mpanompony: Raha i Iaveh no nanesika anao hamely ahy, aoka hankasitrahiny ny hanitry ny fanatitra anankiray; fa raha olombelona kosa, aoka ho voaozona eo anatrehan’i Iaveh izy, satria efa nandroaka ahy izy izao, mba hanesotra amiko ny anjara-toerako amin’ny lovan’i Iaveh, nanao hoe: Mandehana manompo andriamani-kafa.