1Samoela 16:5 - Baiboly Katolika

⁵ Dia hoy i Samoela: «Hampiadana! Tonga hanatitra sorona ho an’i Iaveh aho. Ka hamasino ny tenanareo, ary andeha hiaraka amiko ho any amin’ny sorona.» Dia nanamasina an’i Isaï sy ny zanany izy, sy nanasa azy ireo ho any amin’ny sorona.

Baiboly Protestanta Malagasy 2011

⁵ Dia hoy izy: Fihavanana; avy hamono zavatra hatao fanatitra ho an’NY TOMPO aho; hamasino ny tenanareo, ary andeha hiaraka amiko ho any amin’ny fanatitra. Dia nohamasininy i Jese sy ny zanany ka nasainy ho any amin’ny fanatitra.

DIEM PROTESTANTA

⁵ Ary hoy izy hoe: –Eny, tonga hanatitra sorona ho an’ny TOMPO aho, koa diovy ny tenanareo ho amin’izany ary andeha hiaraka amiko. Nanainga an’i Jisay sy ireo zanany hidio koa i Samoela, ary dia niangavy azy ho amin’ny sorona.

Dikateny Iombonana Eto Madagasikara

⁵ Ary hoy izy hoe: –Eny, tonga hanatitra sorona ho an’ny TOMPO aho, koa diovy ny tenanareo ho amin’izany ary andeha hiaraka amiko. Nanainga an’i Jisay sy ireo zanany hidio koa i Samoela, ary dia niangavy azy ho amin’ny sorona.

Baiboly Protestanta Malagasy

⁵ Ary hoy izy: Fihavanana; avy hamono zavatra hatao fanatitra ho an’i Jehovah aho; hamasino ny tenanareo, ary andeha hiaraka amiko ho any amin’ny fanatitra. Dia nohamasininy Jese sy ny zanany ka nasainy ho any amin’ny fanatitra.

Malagasy Bible

⁵ Ary hoy izy: Fihavanana; avy hamono zavatra hatao fanatitra ho an'i Jehovah aho; hamasino ny tenanareo, ary andeha hiaraka amiko ho any amin'ny fanatitra. Dia nohamasininy Jese sy ny zanany ka nasainy ho any amin'ny fanatitra.

La Bible en Malgache

⁵ Dia hoy izy: Fihavanana; avy hamono zavatra hatao fanatitra ho an’NY TOMPO aho; hamasino ny tenanareo, ary andeha hiaraka amiko ho any amin’ny fanatitra. Dia nohamasininy i Jese sy ny zanany ka nasainy ho any amin’ny fanatitra.

1Samoela 16:5 Rohy Ifampitohizana

Genesisy 35:2

dia hoy i Jakôba tamin’ny fianakaviany, sy tamin’izay rehetra nomba azy: «Ario ny andriamani-kafa eo aminareo; mandiova tena ianareo, ary soloy ny fitafianareo.

1Mpanjaka 2:13

Ary i Adoniasa zanak’i Hagita nankao amin’i Betsabea renin’i Salômôna. Ary hoy ravehivavy: «Hevi-pihavanana va no ahatongavanao?» Dia hoy ny navaliny: «Eny, hevi-pihavanana,»

1Tantara 12:18

Ary i Amasaì, lehiben’ny telopolo lahy, dia nosaronan’ny Fanahy, ka nanao hoe: «Anao izahay, ry Davida, ary momba anao, ry zanak’i Isaia! Fiadanana, fiadanana anie ho anao, ary fiadanana anie ho an’izay manampy anao.» Dia noraisin’i Davida izy ireo, ary nomeny toerana tamin’ny lehiben’ny antokon’ny miaramila.

Joba 1:5

Nony tapitra nitsingerina izany fanasana izany, nampanalain’i Jôba ireo zanany dia nodioviny. Nifoha vao maraina koa izy sy nanatitra sorona dorana araka ny isan-janany, fa hoy izy: «Fandrao nanota ny zanako, sy diso tamin’Andriamanitra tao am-pony». Toy izany no nataon’i Jôba hatrany hatrany.

Eksodosy 19:10

Ary hoy i Iaveh tamin’i Môizy: «Mandehana mankany amin’ny vahoaka, ka hamasino izy anio sy ampitso, ary asaovy sasàny ny fitafiany.

Joela 2:16

Eho ny vahoaka, miantsoa fivoriana masina, angony ny anti-panahy, vorio ny ankizy madinika, sy ny zaza minono. Aoka ny mpampakatra handao ny efitranony, ary ny ampakarina ny trano lainy.

Zefania 1:7

Mangina eo anatrehan’ny Tompo Iaveh, fa efa akaiky ny andron’i Iaveh, satria efa nanomana sorona i Iaveh, efa nanamasina ny olo-nasainy Izy.

Nomery 11:8

Nihahaka nanangona azy ny vahoaka, dia nanorotoro azy tamin’ny vato fitotoam-bary, na nitoto azy tamin’ny laona, dia nahandro azy tamin’ny vilany sy nanao mofo aminy. Sahala amin’ny mofomamy misy diloilo ny tsirony.

1Korintiana 11:28

Aoka àry handini-tena ny olona, izay vao hihinana ny mofo sy hisotro amin’ny kalisy;

Josoa 3:5

Ary hoy i Jôsoe tamin’ny vahoaka: «Hamasino ny tenanareo, fa hanao fahagagana eo afovoanareo i Iaveh rahampitso.»

Josoa 7:13

Koa mitsangàna ianao, hamasino ny vahoaka, ka lazao aminy hoe: Hamasino ny tenanareo ho amin’ny rahampitso, fa izao no lazain’i Iaveh Andriamanitr’i Israely: Misy anatema eo afovoanao, ry Israely; ka tsy hahatoha ny fahavalonao ianao, mandra-panaisotrareo ny anatema hiala eo afovoanareo.

1Samoela 20:26

Tsy niteny na inona na inona i Saola tamin’io andro io, fa nisy zavatra nahazo azy izay, hoy izy, ka tsy madio izy, eny tokoa tsy madio izy.