Tamin’ireo olona nobaboin’i Nebokadnetsara mpanjakan’i Babilôna ka nentiny ho any Babilônia, dia maro ny teraky ny faritanin’i Joda no niala sesitany ka nitodi-doha ho any Jerosalema sy Joda, samy niverina ho any an-tanànany avy;
Nehemia 11:3 - DIEM PROTESTANTA Ireo lohandohany teo amin’ny faritany no niorim-ponenana tao Jerosalema; fa ny Israelita sarambabem-bahoaka, ny mpisorona sy ny levita, ireo mpanampy ny levita sy ireo taranaky ny mpanompon’i Salômôna dia samy tao amin’ny zarataniny aman-tanànany avy. Baiboly Protestanta Malagasy 2011 Izao no mpitondra ny fari-piadidiana izay nonina tany Jerosalema; fa ny tao an-tanànan’ny Joda dia samy nonina tao amin’ny taniny avy, tao an-tanànany, dia ny Israely, ny mpisorona, ny levita, ny Netinima ary ny taranaky ny mpanompon’i Solomona. Dikateny Iombonana Eto Madagasikara Ireo lohandohany teo amin’ny faritany no niorim-ponenana tao Jerosalema; fa ny Israelita sarambabem-bahoaka, ny mpisorona sy ny levita, ireo mpanampy ny levita sy ireo taranaky ny mpanompon’i Salômôna dia samy tao amin’ny zarataniny aman-tanànany avy. Baiboly Katolika Izao no loham-pianakaviana avy any ambanivohitra tonga nonina tao Jerosalema. Tany amin’ny tanànan’i Jodà, samy nonina teo amin’ny taniny aman-tanànany avy: dia i Israely, ny mpisorona sy ny Levita ary ny Natineanina mbamin’ny mpanompon’i Salômôna. Baiboly Protestanta Malagasy Ary izao no ben’ny tany izay nonina tany Jerosalema; fa ny tao an-tanànan’ny Joda samy nonina tao amin’ny taniny avy, tao an-tanànany, dia ny Isiraely, ny mpisorona sy ny Levita sy ny Netinima ary ny taranaky ny mpanompon’i Solomona. Malagasy Bible Ary izao no ben'ny tany izay nonina tany Jerosalema; fa ny tao an-tanànan'ny Joda samy nonina tao amin'ny taniny avy, tao an-tanànany, dia ny Isiraely, ny mpisorona sy ny Levita sy ny Netinima ary ny taranaky ny mpanompon'i Solomona. La Bible en Malgache Izao no mpitondra ny fari-piadidiana izay nonina tany Jerosalema; fa ny tao an-tanànan’ny Joda dia samy nonina tao amin’ny taniny avy, tao an-tanànany, dia ny Israely, ny mpisorona, ny levita*, ny Netinima* ary ny taranaky ny mpanompon’i Solomona. |
Tamin’ireo olona nobaboin’i Nebokadnetsara mpanjakan’i Babilôna ka nentiny ho any Babilônia, dia maro ny teraky ny faritanin’i Joda no niala sesitany ka nitodi-doha ho any Jerosalema sy Joda, samy niverina ho any an-tanànany avy;
Ny amin’ireo mpanampy ny Levita koa dia ny terak’ireto olona manaraka ireto: i Tsihà, i Hasofà, i Tabahôta,
Samy nipetraka teny amin’ny tanàna nasaina hipetrahany avy ny mpisorona sy ny levita ary ny sarambabem-bahoaka sasantsasany toy ny mpihira na mpiandry varavarana na mpanampy ny levita; fa ny Israelita hafa rehetra kosa dia samy nonina tao an-tanànany avy.
Ny sisa tamin’ny Israelita sy ny mpisorona ary ny levita dia teny amin’ny tanàna rehetra tao Joda, samy teo amin’ny zarataniny avy.
Kanefa niorim-ponenana tao Jerosalema koa ny olona sasany tamin’ny taranak’i Joda sy i Benjamîna. Tamin’ny taranak’i Joda dia ireto avy: i Hataià, anisan’ny terak’i Peretsa noho izy zanakalahin’i Hozià sy zafin’i Zakarià sy zafiafin’i Amarià sy zafin-dohalik’i Sefatià ary zafin-kitrokelin’i Mahalalela;
Ny amin’ny mpisorona kosa dia izao: ny terak’i Jedaià, izany hoe ny fianakaviamben’i Jesoa, dia nisy lehilahy 973;
Ny amin’ny levita koa dia izao: ny terak’i Jesoa sy i Kadmiela, izay samy zanakalahin’i Hôdavià, dia nisy lehilahy 74.
Ny amin’ireo mpanampy ny levita koa dia ny terak’ireto olona manaraka ireto: i Tsihà, i Hasofà, i Tabahôta,
«Tamin’ireo olona nobaboin’i Nebokadnetsara mpanjakan’i Babilôna, dia ireto ny teraky ny faritanin’i Joda izay niala sesitany ka nitodi-doha ho any Jerosalema sy Joda, samy niverina ho any an-tanànany avy;
ireo no nandeha niaraka tamin’ireto mpitarika azy ireto, dia ry i Zerobabela, i Jesoa, i Nehemià, i Hazarià, i Rahamià, i Nahamany, i Môrdôkay, i Bilsana, i Mispereta, i Bigvay, i Nehoma, ary i Bahanà. Izao kosa ny isan’ireo vatan-dehilahy tao anatin’izany andian’Israelita izany: