Ny hanao ny sitraponao, Andriamanitro ô, eny, ny hanao ny sitraponao no sitrako; ary ny lalànanao dia ato anatin’ny foko.
2Timoty 4:2 - DIEM PROTESTANTA torio ny tenin’Andriamanitra, ka mazotoa amin’izany na handray azy ny olona na tsy handray, mandrese lahatra, mananara mafy, mampirisiha ombàn’ny fahari-po sy ny fahaiza-mampianatra hatrany. Baiboly Protestanta Malagasy 2011 Mitoria ny teny, mazotoa, na amin’ny fotoana na tsy amin’ny fotoana, mandrese lahatra, mampirisiha, mananara mafy amin’ny fahari-po sy ny fampianarana rehetra. Dikateny Iombonana Eto Madagasikara torio ny tenin’Andriamanitra, ka mazotoa amin’izany na handray azy ny olona na tsy handray, mandrese lahatra, mananara mafy, mampirisiha ombàn’ny fahari-po sy ny fahaiza-mampianatra hatrany. Baiboly Katolika mitoria ny teny, ary mahareta amin’izany na amin’ny fotoana, na tsy amin’ny fotoana: manitsia, mananara, mamporisiha, amim-pandeferana sy amim-pahaizana mandrakariva, Baiboly Protestanta Malagasy mitoria ny teny, mazotoa, na amin’ny fotoana, na tsy amin’ny fotoana, mandrese lahatra, mamporisiha, mananara mafy amin’ny fahari-po sy ny fampianarana rehetra. Malagasy Bible mitoria ny teny, mazotoa, na amin'ny fotoana, na tsy amin'ny fotoana, mandrese lahatra, mamporisiha, mananara mafy amin'ny fahari-po sy ny fampianarana rehetra. La Bible en Malgache Mitoria ny teny, mazotoa, na amin’ny fotoana na tsy amin’ny fotoana, mandrese lahatra, mampirisiha, mananara mafy amin’ny fahari-po sy ny fampianarana rehetra. |
Ny hanao ny sitraponao, Andriamanitro ô, eny, ny hanao ny sitraponao no sitrako; ary ny lalànanao dia ato anatin’ny foko.
–Mitsangàna ka mankanesa any Ninive ilay tanàna lehibe; ary torio aminy ny hafatra izay nolazaiko anao.
Rehefa tonga teo amin’i Jesoa ireto iraka, dia niangavy Azy mafy hoe: –Mendrika hanaovana izany io kapiteny io fa tia ny firenentsika,
Fa hoy i Jesoa taminy: –Avelao izy samy maty no hifandevina, fa ianao kosa mandehana mitory ny Fanjakàn’Andriamanitra!
Tonga tao Salamîna izy roa lahy, dia nitory ny tenin’Andriamanitra eran’ny sinagôga fivavahan’ny Jiosy, ary nentiny koa i Jôhany Marka ho mpanampy.
Tamin’ny andro sabata dia lasa tany ivelan’ny vavahadin-tanàna izahay, ka nankeny amoron’ny ony satria noheverinay fa nisy toeram-pivavahana ho an’ny Jiosy teny. Nipetrapetraka izahay ka tafaresaka tamin’ny vehivavy tafavory teo.
Tafavory izahay rehetra ny asabotsy maty masoandro hiara-mihinana ny sakafo iombonana, ary niteny tamin’ny mpivory i Paoly. Noho izy tsy maintsy handeha ny maraina, dia nitoriteny hatramin’ny sasakalina.
Rehefa tonga tao Rôma izahay, dia nahazo lalana hitoetra mitokana i Paoly, saingy miaraka amina miaramila anankiray miambina azy.
Ary hatao ahoana no fitoriteny, raha tsy nirahina? Araka ny voalazan’ny Soratra Masina hoe: «Endrey, tsara izany mahita ireo mpitondra Vaovao Mahafaly tonga hanambara teny soa!»
Aoka izay ampianarina ny tenin’Andriamanitra mba hanome ampahany amin’ny fananany rehetra ho an’izay mampianatra azy.
Tonga mpanompon’ny Fiangonana aho, araka ny andraikitra nomen’Andriamanitra hotontosaiko aminareo: dia ny manatanteraka ny fitoriana ilay tenin’Andriamanitra,
Mivavaha koa ho anay, mba hataon’Andriamanitra afaka malalaka mitory ny teniny izahay, ka hanambara ny tsiambaratelo momba an’i Kristy. Fa ny fitoriana izany tsiambaratelo izany indrindra no mahavoafonja ahy izao.
Sady nanahaka anay sy ny Tompo ianareo; fa na dia be aza ny fahoriana nanjo anareo, dia nandray ny tenin’Andriamanitra tamin’ny hafaliana avy amin’ny Fanahy Masina ianareo.
Miangavy anareo izahay, ry havana: anaro ny kamo, ampaherezo ny katahotra, ampio ny osa, ary aoka hahari-po amin’ny olona rehetra.
Mandra-pahatongako, dia mahavara tsara mamaky ny Soratra Masina sy mampirisika ary mampianatra.
Izay loholona manota dia teneno eo anatrehan’ny besinimaro mba hatahotra koa ny sasany.
Izay olona miezaka hadio fo ka miala amin’ireo haratsiana ireo dia ho tahaka ny fanaka mihaja, satria voatokana ho an’ny Tompo izy sady misy ampiasany azy ary voavoatra hanao asa soa isan-karazany.
ho mora fo raha mananatra ny mpanohitra azy: hataon’Andriamanitra miala amin’ny toe-dratsy angamba ireny mpanohitra ireny mba hahalala ny fampianarana marim-pototra;
Fa ianao kosa efa nanaraka tsara ny fampianarako, ny fitondrantenako, ny foto-pisainako, ny finoako, ny fandeferako, ny fitiavako, ny faharetako,
Azo antoka izany zavatra ijoroany ho vavolombelona izany. Koa reseo lahatra ireo mba hanana finoana tsy misy tomika,
Izany lazaina sy ananarana ary andresena lahatra ombàn’ny fahefana rehetra anananao. Aoka tsy hisy olona hanao tsinontsinona anao.
Mangataka aminareo aho, ry havana; raiso tsara izany lahateny fampaherezana izany, fa teny fohifohy ihany no andefasako azy an-tsoratra aminareo.