Nehemia 9:12 - Baiboly Katolika

Andry rahona no nitarihanao azy raha antoandro, ary andry afo nony alina, mba hanazava eo anatrehany ny lalan-kalehany.

Baiboly Protestanta Malagasy 2011

Nitondra azy Ianao, tamin’ny andry rahona raha antoandro ary tamin’ny andry afo nony alina mba hampazava azy, hahitany izay lalana tokony halehany.

DIEM PROTESTANTA

Andry rahona no nitarihanao azy raha antoandro, ary andry afo kosa nony alina, mba hanazava ny lalan-kalehany.

Dikateny Iombonana Eto Madagasikara

Andry rahona no nitarihanao azy raha antoandro, ary andry afo kosa nony alina, mba hanazava ny lalan-kalehany.

Baiboly Protestanta Malagasy

Andri-rahona no nitondranao azy raha antoandro, ary andri-afo nony alina, mba hampahazava azy hahitany izay làlana tokony halehany.

Malagasy Bible

Andri-rahona no nitondranao azy raha antoandro, ary andri-afo nony alina, mba hampahazava azy hahitany izay lalana tokony halehany.

La Bible en Malgache

Nitondra azy Ianao, tamin’ny andry rahona raha antoandro ary tamin’ny andry afo nony alina mba hampazava azy, hahitany izay lalana tokony halehany.

Nehemia 9:12 Rohy Ifampitohizana

Nehemia 9:19

noho ny haben’ny famindram-ponao, dia tsy nafoinao tany an’efitra izy, ka tsy niala teo akaikiny ny andry rahona fa nitari-dalana azy raha antoandro, na ny andry afo fa nanazava azy nony alina, amin’ny lalan-kalehany.

Salamo 105:39

Namelatra rahona hanalokaloka azy Izy, ary afo hanazava azy amin’ny alina.

Salamo 107:7

Nitondra azy tamin’ny lala-mahitsy izy, hampahatongavany azy amin’ny tanàna fonenana.

Salamo 143:8

ampandreneso faingana ny hatsaram-ponao aho, fa Ianao no itokiako; atoroy ny lalana tokony halehako aho, fa any aminao no hanondrotako ny fanahiko.

Salamo 78:14

Nitarika azy tamin’ny rahona nony andro, ary tamin’ny afo mazava mandritra ny alina.

Eksodosy 15:13

Ny fahasoavanao no hitondranao ity vahoaka navotanao ity; Ny fahefanao no hitarihanao azy ho any amin’ny fonenanao masina.

Ezekiela 20:6

tamin’izany andro izany, nanangan-tanana homba azy ireo Aho, nianiana fa hitondra azy mivoaka avy any amin’ny tany Ejipta, ho any amin’ny tany tondra-dronono aman-tantely izay tsara indrindra amin’ny tany rehetra sady efa nozahako ho azy ireo.

Nomery 9:16

Toy izany ihany hatrany hatrany: ny rahona nanarona ny Fonenana ary nitarehin’afo izy amin’ny alina.

Nomery 9:21

Raha nipetraka hatramin’ny hariva ka hatramin’ny maraina ny rahona, ary niakatra nony maraina, dia niainga izy ireo, na raha afaka indray andro sy indray alina, vao niakatra ny rahona, dia niainga izy ireo.

Deoteronomia 1:33

izay nandeha teo alohanareo teny an-dalana, hitady toerana hitobianareo: ny alina Izy teo amin’ny afo hanoro lalana nety halehanareo; ny antoandro indray teo amin’ny rahona.»