1Jaona 5:3 - Baiboly Katolika

Fa ny fitandremana ny didiny no fitiavana an’Andriamanitra, ary tsy mavesatra ny didiny,

Baiboly Protestanta Malagasy 2011

Fa izao no fitiavana an’Andriamanitra, dia ny hitandremantsika ny didiny. Ary tsy mavesatra ny didiny

DIEM PROTESTANTA

Eny, ny fitiavana an’Andriamanitra dia ny fitandremantsika ireo didiny; sady tsy mavesatra ireo didiny ireo,

Dikateny Iombonana Eto Madagasikara

Eny, ny fitiavana an’Andriamanitra dia ny fitandremantsika ireo didiny; sady tsy mavesatra ireo didiny ireo,

Baiboly Protestanta Malagasy

Fa izao no fitiavana an’Andriamanitra, dia ny hitandremantsika ny didiny, sady tsy mavesatra ny didiny.

Malagasy Bible

Fa izao no fitiavana an'Andriamanitra, dia ny hitandremantsika ny didiny, sady tsy mavesatra ny didiny.

La Bible en Malgache

Fa izao no fitiavana an’Andriamanitra, dia ny hitandremantsika ny didiny. Ary tsy mavesatra ny didiny

1Jaona 5:3 Rohy Ifampitohizana

2Mpanjaka 18:6

Nifikitra tamin’i Iaveh izy, ka tsy mba nivily niala taminy, fa nitandrina ny didy nandidian’i Iaveh an’i Môizy.

Salamo 119:140

Voazaha toetra tanteraka ny teninao, ka tia azy ny mpanomponao.

Salamo 119:45

Handeha amin’ny malalaka aho, fa ny didinao no katsahiko.

Eksodosy 20:6

ary amin’izay tia Ahy sy mitandrina ny didiko kosa, mamindra fo hatramin’ny taranaka faharivo.»

Ohabolana 3:17

Lala-mahafinaritra ny lalany, fiadanana avokoa ny sakeli-dalany rehetra.

Mika 6:8

Efa nampahalalaina anao, ry olombelona izay tsara, sy izay ilain’i Iaveh aminao, dia ny hanao ny fahamarinana, ny ho tia famindram-po, ary ny hizotra eo anatrehan’ny Andriamanitrao amim-panetren-tena.

Matio 23:4

Fehezin’izy ireo ny zava-mavesatra sarotra entina, dia atainginy eo an-tsoroky ny olona, nefa izy tsy mety hanetsika izany na dia amin’ny rantsan-tanany akory aza.

Jaona 14:15

Raha tia Ahy ianareo, dia hitandrina ny didiko.

Jaona 15:10

Raha mitandrina ny didiko ianareo no hitoetra amin’ny fitiavako, tahaka ny nitandremako ny didin’ny Raiko sy itoerako amin’ny fitiavany.

Jaona 15:14

Ianareo no sakaizako, raha manatanteraka izay andidiako anareo.

Romana 7:12

Masina ihany anefa ny Lalàna, ary masina ny didy, sady marina no tsara.

Romana 7:22

Satria amin’ny olona ao anaty aho, dia mankasitraka ny lalàn’Andriamanitra ihany,

Deoteronomia 5:10

fa mamindra fo amin’ny taranaka arivo mifandimby kosa, amin’izay tia Ahy sy mitandrina ny didiko.

Deoteronomia 7:9

«Koa aoka ho fantatrao àry fa i Iaveh Andriamanitrao no Andriamanitra, dia Andriamanitra tsy mivadika, fa maharitra amin’ny fanekena amam-pamindram-po, hatramin’ny taranaka faharivo amin’izay tia Azy sy mitandrina ny didiny.

Hebreo 8:10

fa fanekena toy izao kosa no hataoko amin’ny fianakavian’i Israely, rehefa afaka izany andro izany, hoy ny Tompo: Halatsako ao an-tsainy ny lalàko, ary hosoratako ao am-pony; ka Izaho ho Andriamanitr’izy ireo, ary izy kosa ho vahoakako.

1Jaona 2:3

Ary izao no ahafantarantsika fa mahalala Azy isika, dia raha mitandrina ny didiny isika.

2Jaona 1:6

Ny fitiavana dia izao: ny mandeha araka ny didiny; ary ny didiny, araka ny renareo hatramin’ny voalohany, dia izao: ny mandeha amin’ny fitiavana.