ការដាក់ឲ្យឆ្លើយតបគ្នា

បន្ទាប់ »

១ ធីម៉ូថេ 2:5

ព្រះគម្ពីរបរិសុទ្ធកែសម្រួល ២០១៦

ដ្បិតមានព្រះតែមួយ ហើយមានអ្នកកណ្ដាលតែមួយ រវាងព្រះនឹងមនុស្ស គឺព្រះ‌គ្រីស្ទ‌យេស៊ូវ ដែលជាមនុស្ស

សូមមើលជំពូក ចម្លង

ការបកប្រែផ្សេងទៀត។

28 ការដាក់ឲ្យឆ្លើយតបគ្នា

យ៉ូប 9:33

គ្មានអាជ្ញាកណ្ដាល ណា ដែលអាចវិនិច្ឆ័យរវាងយើងទាំងពីរបានឡើយ។

សូមមើលជំពូក

អេសាយ 44:6

ព្រះ‌យេហូវ៉ាដ៏ជាមហា‌ក្សត្រនៃសាសន៍អ៊ីស្រា‌អែល ហើយជាអ្នកដែលប្រោសលោះ គឺព្រះ‌យេហូវ៉ានៃពួកពល‌បរិវារ ព្រះ‌អង្គមានព្រះ‌បន្ទូលដូច្នេះថា យើងជាដើម ហើយជាចុង ក្រៅពីយើងគ្មានព្រះណាទៀតឡើយ។

សូមមើលជំពូក

ម៉ាថាយ 1:1

នេះជាបញ្ជីពង្សាវតាររបស់ព្រះ‌យេស៊ូវគ្រីស្ទ ជាព្រះ‌រាជវង្សព្រះ‌បាទដាវីឌ និងជាជំនួរវង្សរបស់លោកអ័ប្រា‌ហាំ។

សូមមើលជំពូក

ម៉ាថាយ 1:23

«មើល៍! នាងព្រហ្មចារីនឹងមានគភ៌ ប្រសូតបានបុត្រាមួយ ហើយគេនឹងថ្វាយ ព្រះ‌នាមបុត្រនោះថា "អេម៉ាញូ‌អែល"» មានន័យថា «ព្រះ‌គង់ជាមួយយើង»។

សូមមើលជំពូក

លូកា 14:22

បាវបម្រើនោះក៏ជម្រាបថា "លោកម្ចាស់ កិច្ច‌ការដែលលោកបង្គាប់ឲ្យខ្ញុំធ្វើនោះ រួចរាល់ហើយ តែនៅមានសល់កន្លែងទៀត"។

សូមមើលជំពូក

យ៉ូហាន 1:14

ព្រះ‌បន្ទូលបានត្រឡប់ជាសាច់ឈាម ហើយគង់នៅក្នុងចំណោមយើង យើងបានឃើញសិរីល្អរបស់ព្រះ‌អង្គ គឺជាសិរីល្អនៃព្រះ‌រាជ‌បុត្រាតែមួយ ដែលមកពីព្រះ‌វរបិតា មានពេញដោយព្រះ‌គុណ និងសេចក្តីពិត។

សូមមើលជំពូក

យ៉ូហាន 17:3

ឯជីវិតអស់កល្បជា‌និច្ចនោះគឺ ឲ្យគេបានស្គាល់ព្រះ‌អង្គ ដែលជាព្រះពិតតែមួយ និងព្រះ‌យេស៊ូវ‌គ្រីស្ទ ដែលទ្រង់បានចាត់ឲ្យមក។

សូមមើលជំពូក

កិច្ចការ 4:12

គ្មានការសង្គ្រោះដោយសារអ្នកណាទៀតសោះ ដ្បិតនៅក្រោមមេឃ គ្មាននាមណាទៀតដែលព្រះបានប្រទានមកមនុស្សលោក ដើម្បីឲ្យយើងរាល់គ្នាបានសង្គ្រោះនោះឡើយ»។

សូមមើលជំពូក

រ៉ូម 1:3

ជាដំណឹងល្អអំពីព្រះ‌រាជ‌បុត្រារបស់ព្រះ‌អង្គ ដែលខាងសាច់ឈាម ព្រះ‌អង្គបានចាប់កំណើតក្នុងរាជវង្សព្រះបាទដាវីឌ

សូមមើលជំពូក

រ៉ូម 10:12

សាសន៍យូដា និងសាសន៍ក្រិកគ្មានអ្វីខុសគ្នាឡើយ ព្រោះព្រះ‌អម្ចាស់ដដែលជាព្រះ‌អម្ចាស់របស់មនុស្សទាំងអស់ ហើយទ្រង់មានព្រះ‌‌ហឫ‌ទ័យទូលាយ ដល់អស់អ្នកដែលអំពាវ‌នាវរកព្រះ‌អង្គ

សូមមើលជំពូក

១ កូរិន‌ថូស 8:4

ដូច្នេះ ចំពោះការបរិ‌ភោគចំណីអាហារ ដែលគេបានសែនដល់រូបព្រះ នោះយើងដឹងថា «ក្នុងលោកនេះ រូបព្រះមិនមែនជាអ្វីទេ» ហើយថា «ក្រៅពីព្រះមួយព្រះ‌អង្គ គ្មានព្រះឯណាទៀតសោះ»។

សូមមើលជំពូក

១ កូរិន‌ថូស 8:6

តែសម្រាប់យើង យើងមានព្រះតែមួយព្រះ‌អង្គប៉ុណ្ណោះ គឺព្រះ‌វរបិតា ដែលរបស់សព្វសារ‌ពើកើតមកពីព្រះ‌អង្គ ហើយយើងមានជីវិតសម្រាប់ព្រះ‌អង្គ យើងមានព្រះ‌អម្ចាស់តែ‌មួយ គឺព្រះ‌យេស៊ូវ‌គ្រីស្ទ ដែលរបស់សព្វសារពើកើតមកដោយសារព្រះ‌អង្គ ហើយយើងមាន‌ជីវិតក៏ដោយសារព្រះ‌អង្គដែរ។

សូមមើលជំពូក

កាឡាទី 3:20

អ្នកកណ្ដាលមិនមែនសម្រាប់តែភាគីម្ខាងនោះឡើយ រីឯព្រះវិញ មានតែមួយព្រះ‌អង្គប៉ុណ្ណោះ។

សូមមើលជំពូក

អេភេសូរ 4:6

មានព្រះតែមួយ ហើយជាព្រះ‌វរបិតានៃទាំងអស់ ដែលព្រះ‌អង្គខ្ពស់លើទាំងអស់ ធ្វើការតាមរយៈទាំងអស់ ហើយសណ្ឋិតនៅក្នុងទាំងអស់។

សូមមើលជំពូក

ចោទិយ‌កថា 6:4

ចូរស្តាប់ចុះ ឱអ៊ីស្រា‌អែលអើយ ព្រះ‌យេហូវ៉ាជាព្រះនៃយើង គឺព្រះ‌យេហូវ៉ាតែមួយអង្គគត់ ។

សូមមើលជំពូក

១ ធីម៉ូថេ 6:13

ខ្ញុំដាស់តឿនអ្នកនៅចំពោះព្រះ ដែលទ្រង់ប្រទានជីវិតដល់អ្វីៗទាំងអស់ ហើយនៅចំពោះព្រះ‌គ្រីស្ទ‌យេស៊ូវ ដែលបានធ្វើបន្ទាល់យ៉ាងល្អ នៅមុខលោកប៉ុនទាស-ពីឡាត់ថា

សូមមើលជំពូក

ហេព្រើរ 12:24

មកដល់ព្រះ‌យេស៊ូវ ដែលជាអ្នកកណ្តាលនៃសេចក្ដីសញ្ញាថ្មី មកដល់ព្រះ‌លោហិតសម្រាប់ប្រោះ គឺជាព្រះ‌លោហិត ដែលនិយាយពាក្យមួយប្រសើរជាងឈាមរបស់លោកអេបិល។

សូមមើលជំពូក

ហេព្រើរ 7:25

ដោយហេតុនេះហើយបានជាព្រះ‌អង្គអាចសង្គ្រោះ ដល់អស់អ្នកដែលចូលជិតព្រះតាមរយៈព្រះ‌អង្គ ដ្បិតព្រះ‌អង្គមានព្រះ‌ជន្មរស់នៅជានិច្ច ដើម្បីទូលអង្វរឲ្យពួកគេ។

សូមមើលជំពូក

ហេព្រើរ 8:6

ប៉ុន្ដែ ឥឡូវនេះ ព្រះ‌យេស៊ូវបានទទួលមុខ‌ងារមួយដែលប្រសើរជាង ព្រោះព្រះ‌អង្គជាអ្នកកណ្ដាលនៃសេចក្ដីសញ្ញាមួយដែលប្រសើរជាង ជាសេចក្ដីសញ្ញាដែលបានតាំងឡើងនៅលើព្រះបន្ទូលសន្យាដែលប្រសើរជាង។

សូមមើលជំពូក

ហេព្រើរ 9:15

ដោយហេតុនោះបានជាព្រះ‌អង្គជាអ្នកកណ្តាលនៃសញ្ញាថ្មី ដើម្បីឲ្យពួកអ្នកដែលព្រះ‌អង្គហៅ បានទទួលព្រះ‌បន្ទូលសន្យា ទុកជាមត៌កដ៏នៅអស់កល្បជានិច្ច ដោយព្រះ‌អង្គសុគត ប្រយោជន៍នឹងប្រោសលោះគេ ឲ្យរួចពីអំពើរំលង ដែលគេប្រព្រឹត្តកាលនៅក្រោមសញ្ញាចាស់នៅឡើយ។

សូមមើលជំពូក

១ យ៉ូហាន 2:1

កូនតូចៗរាល់គ្នាអើយ ខ្ញុំសរសេរសេចក្ដីទាំងនេះមកអ្នករាល់គ្នា ដើម្បីកុំឲ្យអ្នករាល់គ្នាធ្វើបាប។ ប៉ុន្ដែ ប្រសិន‌បើអ្នកណាធ្វើបាប នោះយើងមានព្រះដ៏ជួយការពារមួយអង្គ ដែលគង់នៅជាមួយព្រះ‌វរ‌បិតា គឺព្រះ‌យេស៊ូវ‌គ្រីស្ទ ជាព្រះដ៏សុចរិត។

សូមមើលជំពូក

វិវរណៈ 1:13

នៅកណ្ដាលជើងចង្កៀងទាំងនោះ ឃើញមានមួយអង្គ ដូចជាកូនមនុស្ស ព្រះ‌ពស្ត្រវែងដល់ព្រះ‌បាទ ហើយមានខ្សែក្រវាត់មាសពាក់នៅព្រះឱរា។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម