ការដាក់ឲ្យឆ្លើយតបគ្នា

ស្វែងរកតម្រង ព្រះគម្ពីរទាំងមូល គម្ពីរសញ្ញាចាស់ គម្ពីរសញ្ញាចាស់ គម្ពីរសញ្ញាថ្មី។ គម្ពីរសញ្ញាថ្មី។

សៀវភៅ

បន្ទាប់ »

១ ថែស្សាឡូនីច 3:2

ព្រះគម្ពីរបរិសុទ្ធកែសម្រួល ២០១៦

ហើយយើងបានចាត់ធីម៉ូថេ ជាបង‌ប្អូន និងជាអ្នករួមការងារជាមួយព្រះ ក្នុងដំណឹងល្អរបស់ព្រះ‌គ្រីស្ទ ដើម្បីជួយពង្រឹង និងដាស់តឿនអ្នករាល់គ្នាឲ្យមានជំនឿរឹងមាំ

សូមមើលជំពូក ចម្លង

ការបកប្រែផ្សេងទៀត។

24 ការដាក់ឲ្យឆ្លើយតបគ្នា

កិច្ចការ 16:1

លោកប៉ុលបានទៅដល់ក្រុងឌើបេ និងក្រុងលីស្ត្រា ហើយនៅទីនោះ មានសិស្សម្នាក់ ឈ្មោះធីម៉ូថេ ជាកូនរបស់ស្ត្រីសាសន៍យូដាម្នាក់ ដែលជាអ្នកជឿ តែឪពុកជាសាសន៍ក្រិក។

សូមមើលជំពូក

កិច្ចការ 16:5

ដូច្នេះ ក្រុមជំនុំទាំងប៉ុន្មានមានជំនឿកាន់តែរឹងមាំ ហើយចំនួនពួកសិស្សចេះតែចម្រើនឡើងរាល់ថ្ងៃ។

សូមមើលជំពូក

កិច្ចការ 18:5

កាលលោកស៊ីឡាស និងលោកធីម៉ូថេ បានចុះពីស្រុកម៉ាសេដូនមកដល់ហើយ លោកប៉ុលក៏ចំណាយពេលទាំង‌អស់ដើម្បីផ្សាយព្រះ‌បន្ទូល ទាំងធ្វើបន្ទាល់ប្រាប់សាសន៍យូដាថា ព្រះ‌យេស៊ូវជាព្រះ‌គ្រីស្ទពិតមែន ។

សូមមើលជំពូក

រ៉ូម 16:21

លោកធីម៉ូថេ ជាអ្នករួមការជាមួយខ្ញុំ សូមជម្រាបសួរមកអ្នករាល់គ្នា ហើយលោកលូ‌គាស លោកយ៉ា‌សុន និងលោកសូសិ‌ប៉ាត្រ‌ុស ជាញាតិខ្ញុំ ក៏សូមជម្រាបសួរអ្នករាល់គ្នាដែរ។

សូមមើលជំពូក

១ កូរិន‌ថូស 3:10

ខ្ញុំបានចាក់គ្រឹះ ដូចជាមេជាងផ្ទះដ៏ជំនាញ តាមព្រះ‌គុណដែលព្រះបានប្រទានមកខ្ញុំ ហើយមានម្នាក់ទៀតសង់ពីលើ។ ប៉ុន្តែ ម្នាក់ៗត្រូវប្រយ័ត្នពីរបៀបដែលខ្លួនសង់ពីលើគ្រឹះនោះ។

សូមមើលជំពូក

១ កូរិន‌ថូស 4:17

ដោយហេតុនេះបានជាខ្ញុំចាត់ធីម៉ូថេ ជាកូនស្ងួនភ្ងាដ៏ស្មោះ‌ត្រង់របស់ខ្ញុំក្នុងព្រះ‌អម្ចាស់ ឲ្យមកជួបអ្នករាល់គ្នា ដើម្បីរំឭកអ្នករាល់គ្នា ពីរបៀបដែលខ្ញុំរស់នៅក្នុងព្រះ‌គ្រីស្ទ ដូចខ្ញុំបង្រៀនក្រុមជំនុំទាំង‌អស់នៅគ្រប់ទីកន្លែង។

សូមមើលជំពូក

២ កូរិនថូស 1:1

ប៉ុល ជាសាវករបស់ព្រះ‌គ្រីស្ទ‌យេស៊ូវ តាមព្រះ‌ហឫ‌ទ័យរបស់ព្រះ និងធីម៉ូថេ ជាបង‌ប្អូនយើង សូមជម្រាបមកក្រុមជំនុំរបស់ព្រះ ដែលនៅក្រុងកូរិន‌ថូស ព្រមទាំងពួកបរិសុទ្ធទាំងអស់ ដែលនៅស្រុកអាខៃទាំងមូល។

សូមមើលជំពូក

២ កូរិនថូស 1:19

ដ្បិតព្រះ‌យេស៊ូវ‌គ្រីស្ទ ជាព្រះ‌រាជ‌បុត្រារបស់ព្រះ ដែលយើងបានប្រកាសពីព្រះ‌អង្គ គឺទាំងខ្ញុំ ទាំងលោកស៊ីល‌វ៉ាន ទាំងធីម៉ូថេ បានប្រកាសក្នុងចំណោមអ្នករាល់គ្នា ព្រះ‌អង្គមិនមែន «បាទ» ផង «ទេ» ផងនោះឡើយ នៅក្នុងព្រះ‌អង្គ មានតែ «បាទ» ប៉ុណ្ណោះ។

សូមមើលជំពូក

២ កូរិនថូស 2:12

កាលខ្ញុំបានទៅដល់ក្រុងទ្រ‌អាស ដើម្បីប្រកាសដំណឹងល្អអំពីព្រះ‌គ្រីស្ទ មានទ្វារមួយបានបើកចំហឲ្យខ្ញុំក្នុងព្រះ‌អម្ចាស់

សូមមើលជំពូក

២ កូរិនថូស 2:13

តែចិត្តខ្ញុំមិនបានធូរស្បើយសោះ ព្រោះនៅទីនោះ ខ្ញុំរកទី‌តុស ជាបង‌ប្អូនខ្ញុំមិនឃើញ។ ដូច្នេះ ខ្ញុំក៏លាគេ ហើយបន្តដំណើរទៅស្រុកម៉ា‌សេ‌ដូន។

សូមមើលជំពូក

២ កូរិនថូស 8:23

រីឯលោកទីតុស គាត់ជាអ្នករួមការងារជាមួយខ្ញុំ ដើម្បីបម្រើអ្នករាល់គ្នា ហើយពួកបង‌ប្អូនរបស់យើងផ្សេងទៀត គេជាអ្នកនាំពាក្យរបស់ក្រុមជំនុំ និងជាសិរីល្អរបស់ព្រះ‌គ្រីស្ទ។

សូមមើលជំពូក

ភីលីព 1:25

ខ្ញុំជឿជាក់ដូច្នេះ គឺខ្ញុំដឹងថា ខ្ញុំនឹងរស់នៅជាមួយអ្នកទាំងអស់គ្នាតទៅទៀត ដើម្បីឲ្យអ្នករាល់គ្នាបានចម្រើនឡើង ហើយឲ្យមានអំណរដោយ‌សារជំនឿ

សូមមើលជំពូក

កូឡុស 1:1

ប៉ុល ជាសាវករបស់ព្រះ‌គ្រីស្ទ‌យេស៊ូវ តាមព្រះ‌ហឫ‌ទ័យរបស់ព្រះ និងធីម៉ូថេ ជាបង‌ប្អូនយើង

សូមមើលជំពូក

កូឡុស 1:7

តាមដែលអ្នករាល់គ្នាបានរៀនពីអេប៉ា‌ប្រាស ជាអ្នកបម្រើស្ងួន‌ភ្ងាជាមួយយើង។ គាត់ជាអ្នកបម្រើដ៏ស្មោះត្រង់របស់ព្រះ‌គ្រីស្ទ សម្រាប់អ្នករាល់គ្នា

សូមមើលជំពូក

កូឡុស 4:12

លោកអេប៉ា‌ប្រាស ជាអ្នកបម្រើរបស់ព្រះ‌គ្រីស្ទ និងជាម្នាក់ក្នុងចំណោមអ្នករាល់គ្នា ក៏សូមជម្រាបសួរមកអ្នករាល់គ្នាដែរ។ គាត់ខំប្រឹងអធិស្ឋានឲ្យអ្នករាល់គ្នាជា‌និច្ច ដើម្បីឲ្យអ្នករាល់គ្នាបានឈរមាំមួន ពេញវ័យ ហើយយល់ច្បាស់ពីព្រះ‌ហឫ‌ទ័យរបស់ព្រះគ្រប់ជំពូក។

សូមមើលជំពូក

កូឡុស 4:9

ខ្ញុំចាត់ឲ្យគាត់មកជាមួយលោកអូនេ‌ស៊ីម ជាបង‌ប្អូនស្ងួន‌ភ្ងា និងជាមនុស្សស្មោះត្រង់ ជាម្នាក់ក្នុងចំណោមអ្នករាល់គ្នា។ អ្នកទាំងពីរនឹងប្រាប់ឲ្យអ្នករាល់គ្នាដឹងពីគ្រប់ការទាំងអស់នៅទីនេះ។

សូមមើលជំពូក

១ ថែស្សាឡូនីច 3:13

សូមព្រះប្រទានឲ្យអ្នករាល់គ្នាមានចិត្តរឹងប៉ឹងដោយបរិសុទ្ធ ឥតសៅ‌ហ្មង នៅចំពោះព្រះ ជាព្រះ‌វរ‌បិតារបស់យើង ក្នុងពេលព្រះ‌យេ‌ស៊ូវ ជាព្រះ‌អម្ចាស់នៃយើងយាងមក ជាមួយពួកបរិសុទ្ធទាំងអស់របស់ព្រះ‌អង្គ។

សូមមើលជំពូក

១ ថែស្សាឡូនីច 3:5

ហេតុនេះ កាលខ្ញុំមិនអាចទ្រាំតទៅទៀតបាន ខ្ញុំក៏ចាត់ធីម៉ូថេឲ្យមក ដើម្បីឲ្យដឹងអំពីជំនឿរបស់អ្នករាល់គ្នា ព្រោះក្រែងមេល្បួងមកលួងលោមអ្នករាល់គ្នា ហើយការនឿយហត់របស់យើង បែរទៅជាឥតប្រយោជន៍វិញ។

សូមមើលជំពូក

២ ថែស្សាឡូនីច 2:17

កម្សាន្តចិត្តអ្នករាល់គ្នា ព្រមទាំងប្រទានឲ្យអ្នករាល់គ្នាឈរមាំ‌មួន ក្នុងគ្រប់ទាំងការល្អដែលអ្នករាល់គ្នាធ្វើ និងពាក្យសម្ដីដែលអ្នករាល់គ្នានិយាយ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម