ការដាក់ឲ្យឆ្លើយតបគ្នា

សុភា‌សិត 30:33

ព្រះគម្ពីរបរិសុទ្ធកែសម្រួល ២០១៦

ដ្បិតការគ្រលុកទឹកដោះគោ នោះធ្វើឲ្យចេញជាខ្លាញ់ ហើយការដែលចាប់មួលច្រមុះ នោះធ្វើឲ្យចេញឈាមមក យ៉ាងនោះការចាក់រុកដោយក្រោធ ក៏នាំឲ្យមានការឈ្លោះប្រកែកគ្នាដែរ។

សូមមើលជំពូក ចម្លង

លោកយកខ្លាញ់ទឹកដោះ និងទឹកដោះរាវ ព្រមទាំងកូនគោដែលបានរៀបចំ មកដាក់នៅមុខបុរសទាំងបី រួចខ្លួនលោកផ្ទាល់ក៏ឈរនៅជិត ក្រោមដើមឈើនោះ ហើយបុរសទាំងបីក៏បរិភោគ។

ឯសេចក្ដីសម្អប់ នោះបណ្ដាលឲ្យកើតមាន ហេតុទាស់‌ទែងគ្នា តែសេចក្ដីស្រឡាញ់ តែងគ្របបាំងអស់ទាំងអំពើកំហុស។

មនុស្សគំរោះ‌គំរើយ រមែងបណ្ដាលឲ្យមានសេចក្ដីទាស់‌ទែងគ្នា តែអ្នកណាដែលយឺតនឹងខឹង នោះរម្ងាប់សេចក្ដីជម្លោះវិញ។

មនុស្សវៀចវេរ គេសាប‌ព្រោះសេចក្ដីទាស់‌ទែងគ្នា ហើយអ្នកបេះ‌បួយ ក៏នាំឲ្យទាំងមិត្តសម្លាញ់ យ៉ាងជិតស្និទ្ធបាក់បែកគ្នាដែរ។

ការចាប់ផ្តើមប្រកាន់គ្នា ប្រៀបដូចជាបើកទំនប់ទឹក ដូច្នេះ ចូរដកខ្លួនថយចេញពីការទាស់គ្នា មុនដែលកើតមានជម្លោះ។

មនុស្សដែលចេះតែរករឿង គេរមែងអុច‌អាលឲ្យមានសេចក្ដីទាស់‌ទែងគ្នា ឧបមាដូចជាដាក់ធ្យូងនៅលើរងើកភ្លើង ហើយដូចជាដាក់ឧសនៅលើភ្លើងដែរ

អ្នកណាដែលមានចិត្តធំ នោះបណ្ដាលឲ្យមានសេចក្ដីទាស់‌ទែងគ្នា ឯអ្នកណាដែលទុកចិត្តដល់ព្រះ‌យេហូវ៉ាវិញ នោះទើបនឹងបានថ្កុំ‌ថ្កើងឡើង។

មនុស្សមួ‌ម៉ៅរមែងអុច‌អាល ឲ្យកើតមានសេចក្ដីទាស់‌ទែងគ្នា ហើយមនុស្សមានចិត្តក្រោធ នោះរំលងច្បាប់ជាច្រើន។

ឯពាក្យទាំងនេះ គឺជាព្រះ‌បន្ទូលរបស់ស្តេចលេមយួល ជាសេចក្ដីទំនាយ ដែលមាតារបស់ព្រះ‌អង្គបានបង្រៀន

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម