សុភា‌សិត 15:16

ព្រះគម្ពីរបរិសុទ្ធកែសម្រួល ២០១៦

មានទ្រព្យសម្បត្តិតិច ហើយមានសេចក្ដីកោតខ្លាចដល់ព្រះ‌យេហូវ៉ា នោះវិសេសជាងមានច្រើន ហើយមានសេចក្ដីទុក្ខវិញ។

សូមមើលជំពូក ចម្លង

ទ្រព្យបន្តិចបន្តួចដែលមនុស្សសុចរិតមាន នោះវិសេសជាងទ្រព្យសម្បត្តិបរិបូរ របស់មនុស្សអាក្រក់ជាច្រើននាក់។

ព្រះពររបស់ព្រះ‌យេហូវ៉ា ធ្វើឲ្យទៅជាមាន ហើយព្រះ‌អង្គមិនបន្ថែមទុក្ខព្រួយឡើយ។

អស់ទាំងថ្ងៃនៃមនុស្សរងទុក្ខវេទនា នោះសុទ្ធតែអាក្រក់ទាំងអស់ តែអ្នកណាដែលមានចិត្តជាសុខ នោះប្រៀបដូចជាមានការស៊ី‌លៀងនៅជា‌និច្ច។

បើមានទ្រព្យតិច ហើយមានសេចក្ដីសុចរិត នោះវិសេសជាងមានកម្រៃច្រើន តែមានអំពើទុច្ចរិតវិញ។

បើមានតែបាយក្រៀមមួយដុំ ដែលបរិ‌ភោគដោយសេចក្ដីសុខ វិសេសជាងមានផ្ទះពេញដោយការជប់‌លៀង តែមានសេចក្ដីទាស់‌ទែងគ្នាវិញ។

មនុស្សក្រីក្រដែលប្រព្រឹត្តតាម ផ្លូវទៀងត្រង់របស់ខ្លួន នោះវិសេសជាងមនុស្សក្រវិច‌ក្រវៀន ក្នុងគ្រប់ទាំងផ្លូវរបស់គេ ទោះបើជាអ្នកមានក៏ដោយ។

បើមានតែមួយក្តាប់ទាំងប្រកបដោយសេចក្ដីសុខ នោះវិសេសជាងមានពីរក្តាប់ និងការខំប្រឹងដោយនឿយហត់ ដូចជាដេញចាប់ខ្យល់ ។

ប៉ុន្ដែ ការគោរពប្រតិ‌បត្តិដល់ព្រះ ដែលមានទាំងចិត្តស្កប់ស្កល់ នោះពិតជាកម្រៃមួយយ៉ាងធំមែន។

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម