ការដាក់ឲ្យឆ្លើយតបគ្នា

លោកុ‌ប្បត្តិ 6:13

ព្រះគម្ពីរបរិសុទ្ធកែសម្រួល ២០១៦

ព្រះ‌ទ្រង់មានព្រះ‌បន្ទូលមកកាន់លោកណូអេថា៖ «យើងសម្រេចឲ្យសាច់ទាំងអស់វិនាសផុតពីមុខយើង ដ្បិតផែន‌ដីពេញដោយអំពើឃោរ‌ឃៅដោយសារគេ ឥឡូវនេះ យើងនឹងធ្វើឲ្យគេវិនាសទៅជា‌មួយនឹងផែន‌ដី។

សូមមើលជំពូក ចម្លង

ការបកប្រែផ្សេងទៀត។

19 ការដាក់ឲ្យឆ្លើយតបគ្នា

លោកុ‌ប្បត្តិ 49:5

ស៊ីម្មាន និងលេវីជាបង‌ប្អូននឹងគ្នា ដាវរបស់គេជាសស្ត្រា‌វុធដ៏ឃោរ‌ឃៅ។

សូមមើលជំពូក

លោកុ‌ប្បត្តិ 6:14

ចូរយកឈើម៉ៃសាក់មកធ្វើជាទូកធំសម្រាប់អ្នក ត្រូវធ្វើបន្ទប់នៅក្នុងទូកនោះ ហើយយកជ័រមកលាប ទាំងក្នុងទាំងក្រៅផង។

សូមមើលជំពូក

នៅសម័យនោះ មានមនុស្សមាឌធំសម្បើមនៅលើផែន‌ដី ហើយក្រោយមកក៏នៅតែមានដែរ កាលកូនប្រុសៗរបស់ព្រះបានចូលទៅឯកូនស្រីៗរបស់មនុស្ស នាងទាំងនោះក៏បានបង្កើតកូនឲ្យពួកគេ។ អ្នកទាំងនោះជាមនុស្សខ្លាំងពូកែដែលរស់នៅកាលពីសម័យបុរាណ ជាមនុស្សមានឈ្មោះល្បី។

សូមមើលជំពូក

លោកុ‌ប្បត្តិ 7:21

គ្រប់ទាំងសាច់ដែលកម្រើកនៅផែន‌ដី ទោះទាំងសត្វហើរ សត្វស្រុក សត្វព្រៃ ហើយគ្រប់ទាំងសត្វដែលលូនវារនៅដី និងមនុស្សលោកក៏ស្លាប់ទាំងអស់

សូមមើលជំពូក

លោកុ‌ប្បត្តិ 7:23

ព្រះ‌អម្ចាស់បានលុបបំបាត់ជីវិតទាំង‌ប៉ុន្មានអស់ពីផែន‌ដី ចាប់ពីមនុស្សរហូតដល់សត្វជើងបួន សត្វលូនវារ និងសត្វហើរលើអាកាស គឺទាំងអស់ត្រូវវិនាសបាត់ពីផែន‌ដី នៅសល់តែលោកណូអេ និងអស់អ្នកដែលនៅក្នុងទូកជា‌មួយលោកប៉ុណ្ណោះ។

សូមមើលជំពូក

លោកុ‌ប្បត្តិ 7:4

ដ្បិតប្រាំពីរថ្ងៃទៀត យើងនឹងបង្អុរភ្លៀងមកលើផែន‌ដី សែសិបថ្ងៃសែសិបយប់ ហើយយើងនឹងលុបបំបាត់ជីវិតទាំងប៉ុន្មានដែលយើងបានបង្កើតមក ឲ្យសូន្យបាត់ពីផែន‌ដី»។

សូមមើលជំពូក

លោកុ‌ប្បត្តិ 8:21

កាលព្រះ‌យេហូវ៉ាធុំក្លិនឈ្ងុយ ព្រះ‌អង្គសម្រេចក្នុងព្រះ‌ហឫ‌ទ័យថា៖ «យើងនឹងមិនដាក់បណ្ដា‌សាដី ព្រោះតែមនុស្សទៀតទេ ដ្បិតគំនិតក្នុងចិត្តមនុស្សអាក្រក់តាំងតែពីក្មេងមកម៉្លេះ។ យើងនឹងមិនវាយប្រហារជីវិតទាំង‌ឡាយ ដូចយើងបានធ្វើមកហើយនោះទៀតទេ។

សូមមើលជំពូក

អេសាយ 34:1

ឱអស់ទាំងសាសន៍អើយ ចូរឲ្យចូលមកជិតនឹងស្តាប់ចុះ អស់ទាំងប្រជា‌ជាតិអើយ ចូរផ្ទៀងត្រចៀកចុះ ត្រូវឲ្យផែនដី និងរបស់សព្វសារពើនៅលើផែនដីស្តាប់ដែរ ព្រមទាំងលោកិយ៍ និងរបស់ទាំងប៉ុន្មាន ដែលកើតចេញពីដីនោះដែរ។

សូមមើលជំពូក

យេរេមា 51:13

ឱក្រុងដែលតាំងនៅលើទីទឹកជាច្រើន ហើយមានទ្រព្យ‌សម្បត្តិដ៏បរិបូរអើយ ចុងបំផុតរបស់អ្នកបានមកដល់ហើយ សេចក្ដីលោភរបស់អ្នកក៏ដល់កំណត់ដែរ។

សូមមើលជំពូក

អេម៉ុស 3:7

ដ្បិតព្រះ‌យេហូវ៉ាមិនធ្វើអ្វី ដោយមិនសម្ដែងការលាក់កំបាំងរបស់ព្រះ‌អង្គ ប្រាប់ពួកហោរាជាអ្នកបម្រើព្រះ‌អង្គនោះឡើយ។

សូមមើលជំពូក

អេម៉ុស 8:2

ព្រះ‌អង្គមានព្រះ‌បន្ទូលមកខ្ញុំថា៖ «អេម៉ុសអើយ តើអ្នកឃើញអ្វី?» ខ្ញុំក៏ទូលព្រះ‌អង្គថា៖ «ឃើញកំប្រោងមួយពេញដោយផ្លែឈើរដូវក្តៅ » រួចព្រះ‌យេហូវ៉ាប្រាប់ខ្ញុំថា៖ «ចុងបញ្ចប់ បានមកដល់អ៊ីស្រា‌អែល ជាប្រជា‌រាស្ត្ររបស់យើងហើយ យើងនឹងលែងមើលរំលងគេទៀតហើយ។

សូមមើលជំពូក

ហេព្រើរ 11:7

ដោយសារជំនឿ លោកណូអេបានទទួលការទូន្មានពីព្រះ អំពីហេតុការណ៍ដែលមើលមិនទាន់ឃើញនៅឡើយ ហើយដោយលោកគោរពកោតខ្លាច លោកបានសង់ទូកមួយយ៉ាងធំ ដើម្បីសង្គ្រោះក្រុមគ្រួសាររបស់លោក។ ដោយសារជំនឿនេះឯង ដែលលោកបានកាត់ទោសលោកីយ៍ ហើយត្រឡប់ជាអ្នកស្នងមត៌កនៃសេចក្ដីសុចរិត ដោយសារជំនឿ។

សូមមើលជំពូក

១ ពេត្រុស 4:7

ចុងបំផុតនៃរបស់ទាំងអស់ជិតដល់ហើយ ដូច្នេះ ចូរគ្រប់គ្រងចិត្ត ហើយមានគំនិតនឹងធឹងចុះ ដើម្បីជាប្រយោជន៍ដល់សេចក្តីអធិស្ឋានរបស់អ្នករាល់គ្នា។

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម