ការដាក់ឲ្យឆ្លើយតបគ្នា

បន្ទាប់ »

លោកុ‌ប្បត្តិ 12:3

ព្រះគម្ពីរបរិសុទ្ធកែសម្រួល ២០១៦

យើងនឹងឲ្យពរដល់អស់អ្នកណាដែលឲ្យពរអ្នក ហើយយើងនឹងដាក់បណ្ដា‌សាដល់អស់អ្នកណាដែលដាក់បណ្ដាសាអ្នក គ្រប់ទាំងគ្រួសារនៅលើផែន‌ដីនឹងបានពរដោយ‌សារអ្នក»។

សូមមើលជំពូក ចម្លង

ការបកប្រែផ្សេងទៀត។

27 ការដាក់ឲ្យឆ្លើយតបគ្នា

លោកុ‌ប្បត្តិ 18:18

ដ្បិតអ័ប្រា‌ហាំនឹងក្លាយជាជាតិសាសន៍មួយដ៏ធំ ហើយខ្លាំងពូកែ ជាតិសាសន៍ទាំងប៉ុន្មាននៅលើផែន‌ដីនឹងបានពរដោយ‌សារគាត់។

សូមមើលជំពូក

លោកុ‌ប្បត្តិ 18:19

យើងបានជ្រើសរើស គាត់ ដើម្បីឲ្យគាត់បង្គាប់កូនចៅ និងពួកផ្ទះរបស់គាត់ដែលកើតមកតាមក្រោយ ឲ្យកាន់ខ្ជាប់តាមផ្លូវរបស់ព្រះ‌យេហូវ៉ា ដោយប្រព្រឹត្តអំពើសុចរិត និងយុត្តិធម៌ ដើម្បីឲ្យព្រះ‌យេហូវ៉ាបានសម្រេចដល់អ័ប្រា‌ហាំ តាមសេចក្ដីដែលព្រះ‌អង្គបានសន្យានឹងគាត់»។

សូមមើលជំពូក

លោកុ‌ប្បត្តិ 22:18

គ្រប់ទាំងសាសន៍នៅលើផែន‌ដី នឹងបានពរដោយសារពូជ‌ពង្សរបស់អ្នក ព្រោះអ្នកបានស្តាប់បង្គាប់តាមពាក្យរបស់យើង»។

សូមមើលជំពូក

លោកុ‌ប្បត្តិ 24:35

ព្រះ‌យេហូវ៉ាបានប្រទានពរចៅ‌ហ្វាយខ្ញុំយ៉ាងសន្ធឹក ហើយលោកបានត្រឡប់ជាធំ គឺព្រះ‌អង្គបានប្រទានឲ្យលោកមានហ្វូងចៀម ហ្វូងគោ ប្រាក់ មាស បាវបម្រើប្រុសស្រី អូដ្ឋ និងលាជាច្រើន។

សូមមើលជំពូក

លោកុ‌ប្បត្តិ 25:11

ក្រោយពីលោកអ័ប្រា‌ហាំស្លាប់ទៅ ព្រះបានប្រទានពរឲ្យលោកអ៊ីសាក កូនប្រុសរបស់លោក ហើយលោកអ៊ីសាកក៏តាំងទីលំនៅត្រង់អណ្តូងឡាហាយ-រយ។

សូមមើលជំពូក

លោកុ‌ប្បត្តិ 26:29

អ្នកនឹងមិនប្រព្រឹត្តអ្វីទាស់នឹងយើង ដូចជាយើងក៏មិនបានប៉ះពាល់ ហើយធ្វើអ្វីដល់អ្នកដែរ គឺមានតែប្រព្រឹត្តល្អ ហើយបានឲ្យអ្នកចេញមកដោយសុខ‌សាន្តប៉ុណ្ណោះ។ ឥឡូវនេះ អ្នកជាមនុស្សមានពររបស់ព្រះ‌យេហូវ៉ាមែន»។

សូមមើលជំពូក

លោកុ‌ប្បត្តិ 26:4

យើងនឹងចម្រើនពូជ‌ពង្សអ្នកឲ្យបានដូចជាផ្កាយនៅលើមេឃ យើងនឹងប្រគល់ស្រុកទាំងនេះឲ្យពូជ‌ពង្សរបស់អ្នក រួចអស់ទាំងសាសន៍នៅលើផែន‌ដីនឹងបានពរដោយសារពូជ‌ពង្សរបស់អ្នក

សូមមើលជំពូក

លោកុ‌ប្បត្តិ 27:29

សូមឲ្យមានប្រជាជននានាបម្រើកូន ហើយជាតិសាសន៍ផ្សេងៗ ក្រាបចុះចំពោះកូន។ សូមឲ្យកូនបានទៅជាចៅ‌ហ្វាយ លើបង‌ប្អូនរបស់កូន ហើយឲ្យកូនពោះមួយជាមួយកូន បានក្រាបគោរពដល់កូន សូមឲ្យត្រូវបណ្ដាសា ដល់អ្នកណាដែលដាក់បណ្ដាសាកូន ហើយឲ្យបានពរ ដល់អ្នកណាដែលឲ្យពរកូន»។

សូមមើលជំពូក

លោកុ‌ប្បត្តិ 28:14

ពូជ‌ពង្សរបស់អ្នកនឹងមានគ្នាច្រើនដូចធូលីដី ហើយអ្នកនឹងបានវាតទីទៅខាងលិច ខាងកើត ខាងជើង និងខាងត្បូង គ្រប់ទាំងក្រុមគ្រួសារនៅផែន‌ដីនឹងបានពរដោយ‌សារអ្នក និងពូជ‌ពង្សរបស់អ្នក។

សូមមើលជំពូក

លោកុ‌ប្បត្តិ 30:27

ប៉ុន្ដែ លោកឡាបាន់ឆ្លើយថា៖ «ប្រសិនបើកូនយោគយល់ដល់ឪពុក សូមកុំអាលទៅសិន ព្រោះឪពុកយល់ឃើញថា ព្រះ‌យេហូវ៉ាបានប្រទានពរមកពុកព្រោះតែកូន។

សូមមើលជំពូក

លោកុ‌ប្បត្តិ 30:30

ដ្បិតមុនដែលខ្ញុំមក លោកឪពុកមានបន្តិចបន្តួចទេ តែឥឡូវនេះ វាបានចម្រើនឡើងយ៉ាងសន្ធឹក ហើយព្រះ‌យេហូវ៉ាបានប្រទានពរលោកឪពុកដោយ‌សារខ្ញុំ។ ឥឡូវនេះ តើពេលណាទៀតទើបឲ្យខ្ញុំផ្គត់‌ផ្គង់ដល់គ្រួសាររបស់ខ្ញុំផង?»

សូមមើលជំពូក

លោកុ‌ប្បត្តិ 39:5

ចាប់ពីពេលលោកប៉ូទីផារតែងតាំងលោកឲ្យមើលខុសត្រូវលើផ្ទះសំបែង និងទ្រព្យសម្បត្តិទាំងអស់របស់គាត់មក ព្រះ‌យេហូវ៉ាប្រទានពរដល់ផ្ទះរបស់សាសន៍អេស៊ីព្ទនោះ ដោយព្រោះលោកយ៉ូសែប ហើយព្រះ‌យេហូវ៉ាក៏ប្រទានពរអ្វីៗទាំងអស់ដែលជារបស់គាត់ ទាំងផ្ទះសំបែង ទាំងស្រែចម្ការ។

សូមមើលជំពូក

ទំនុកតម្កើង 72:17

សូមឲ្យព្រះនាមព្រះរាជាស្ថិត‌ស្ថេរ អស់កល្បជានិច្ច សូមឲ្យកិត្តិនាមព្រះរាជា នៅគង់វង្សដូចព្រះ‌អាទិត្យ សូមឲ្យមនុស្សម្នាបានពរដោយ‌សារព្រះរាជា អស់ទាំងសាសន៍នឹងហៅព្រះរាជា ថាជាអ្នកមានពរ។

សូមមើលជំពូក

និក្ខមនំ 23:22

ប្រសិនបើអ្នកយកចិត្តទុកដាក់ស្តាប់បង្គាប់ ហើយប្រព្រឹត្តតាមសេចក្ដីដែលយើងប្រាប់ទាំងប៉ុន្មាន នោះយើងនឹងធ្វើជាសត្រូវប្រឆាំងនឹងពួកសត្រូវរបស់អ្នក ហើយជាបច្ចា‌មិត្តប្រឆាំងនឹងបច្ចា‌មិត្តរបស់អ្នក។

សូមមើលជំពូក

ជន‌គណនា 24:9

គេបានក្រាប គេដេកដូចជាសិង្ហឈ្មោល ក៏ដូចជាសិង្ហញីផង តើអ្នកណានឹងហ៊ានដាស់គេឡើង? មានពរហើយ អ្នកណាដែលឲ្យពរអ្នក តែអស់អ្នកណាដែលដាក់បណ្ដា‌សាអ្នក អ្នកនោះត្រូវបណ្ដា‌សាមិនខាន»។

សូមមើលជំពូក

ម៉ាថាយ 25:40

ព្រះ‌មហាក្សត្រនឹងមានព្រះ‌បន្ទូលឆ្លើយទៅគេថា "យើងប្រាប់អ្នករាល់គ្នាជាប្រាកដថា ពេលអ្នករាល់គ្នាបានធ្វើការទាំងនោះ ដល់អ្នកតូចបំផុតក្នុងចំណោមពួកបង‌ប្អូនរបស់យើងនេះ នោះអ្នករាល់គ្នាបានធ្វើដល់យើងហើយ"។

សូមមើលជំពូក

ម៉ាថាយ 25:45

ព្រះ‌អង្គនឹងមានព្រះ‌បន្ទូលទៅគេថា "ខ្ញុំប្រាប់អ្នករាល់គ្នាជាប្រាកដថា ពេលអ្នករាល់គ្នាមិនបានធ្វើការទាំងនោះ ដល់អ្នកតូចបំផុតក្នុងចំណោមអ្នកទាំងនេះ នោះអ្នករាល់គ្នាក៏មិនបានធ្វើដល់យើងដែរ"។

សូមមើលជំពូក

លូកា 24:27

បន្ទាប់មក ព្រះ‌អង្គក៏ស្រាយន័យសេចក្តីដែលចែងអំពីព្រះ‌អង្គនៅក្នុងគម្ពីរទាំង‌មូល ឲ្យគេស្តាប់ ចាប់ពីគម្ពីរលោកម៉ូសេ និងគម្ពីរហោរារៀងមក។

សូមមើលជំពូក

រ៉ូម 4:11

ហើយលោកបានទទួលទីសម្គាល់នៃការកាត់ស្បែកនេះ ទុកជាត្រានៃសេចក្តីសុចរិត ដែលលោកមានដោយសារជំនឿ កាលពីលោកមិនទាន់កាត់ស្បែកនៅឡើយ ដើម្បីឲ្យលោកបានធ្វើជាឪពុកដល់មនុស្សទាំងអស់ដែលជឿ ដោយមិនបានកាត់ស្បែក ដើម្បីឲ្យព្រះរាប់អ្នកទាំងនោះជាសុចរិត

សូមមើលជំពូក

១ កូរិន‌ថូស 1:30

ព្រះ‌អង្គជាប្រភពនៃជីវិតរបស់យើង ក្នុងព្រះ‌គ្រីស្ទ‌យេស៊ូវ ដែលទ្រង់បានត្រឡប់ជាប្រាជ្ញាមកពីព្រះ ជាសេចក្តីសុចរិត សេចក្តីបរិសុទ្ធ និងសេចក្តីប្រោសលោះដល់យើង

សូមមើលជំពូក

កាឡាទី 3:16

ឥឡូវនេះ សេចក្ដីសន្យាដែលព្រះបានតាំងដល់លោកអ័ប្រា‌ហាំ និងដល់ពូជរបស់លោក មិនមានចែងថា «ដល់ពូជទាំងឡាយ» ដូចជាចង់សំដៅទៅលើពូជជាច្រើននោះឡើយ គឺសំដៅទៅលើម្នាក់វិញ ដោយថា «និងដល់ពូជរបស់អ្នក» ពោលគឺព្រះ‌គ្រីស្ទ។

សូមមើលជំពូក

កាឡាទី 3:28

គ្មានសាសន៍យូដា ឬសាសន៍ក្រិក គ្មានបាវបម្រើ ឬអ្នកជា គ្មានប្រុស ឬគ្មានស្រីទៀតឡើយ ព្រោះអ្នករាល់គ្នាទាំងអស់រួមមកតែមួយក្នុងព្រះ‌គ្រីស្ទ‌យេស៊ូវ។

សូមមើលជំពូក

កាឡាទី 3:8

គម្ពីរបានដឹងជាមុនថា ព្រះនឹងរាប់សាសន៍ដទៃជាសុចរិតដោយសារជំនឿ ហើយលោកអ័ប្រា‌ហាំបានទទួលដំណឹងល្អជាមុនថា «អស់ទាំងសាសន៍នឹងបានពរដោយសារអ្នក» ។

សូមមើលជំពូក

អេភេសូរ 1:3

សូមសរសើរដល់ព្រះ ជាព្រះ‌វរបិតារបស់ព្រះ‌យេស៊ូវ‌គ្រីស្ទ ជាព្រះ‌អម្ចាស់នៃយើង ដែលទ្រង់បានប្រទានពរមកយើងក្នុងព្រះ‌គ្រីស្ទ ដោយគ្រប់ទាំងព្រះ‌ពរខាងវិញ្ញាណនៅស្ថានសួគ៌

សូមមើលជំពូក

កូឡុស 3:11

ក្នុងសណ្ឋាននោះ គ្មានសាសន៍ក្រិក និងសាសន៍យូដា ពួកកាត់ស្បែក និងពួកមិនកាត់ស្បែក ពួកមនុស្សព្រៃ ពួកជនជាតិភាគតិច អ្នកបម្រើ ឬអ្នកជាទៀតឡើយ គឺព្រះ‌គ្រីស្ទជាគ្រប់ទាំងអស់ ហើយគង់នៅក្នុងគ្រប់ទាំងអស់!

សូមមើលជំពូក

វិវរណៈ 7:9

ក្រោយនោះមក ខ្ញុំមើលទៅឃើញមនុស្សច្រើនកុះករ ដែលគ្មានអ្នកណាអាចរាប់បានឡើយ គេមកពីគ្រប់ជាតិសាសន៍ គ្រប់កុល‌សម្ព័ន្ធ គ្រប់ប្រជា‌ជន និងគ្រប់ភាសា ឈរនៅមុខបល្ល័ង្ក និងនៅមុខកូនចៀម ទាំងពាក់អាវសវែង ហើយដៃកាន់ធាងចាក។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម