ការដាក់ឲ្យឆ្លើយតបគ្នា

បន្ទាប់ »

លូកា 3:11

ព្រះគម្ពីរបរិសុទ្ធកែសម្រួល ២០១៦

លោកឆ្លើយទៅគេថា៖ «អ្នកណាដែលមានអាវពីរ ត្រូវចែកដល់អ្នកដែលគ្មាន ហើយអ្នកណាដែលមានចំណីអាហារ ក៏ត្រូវធ្វើដូច្នោះដែរ»។

សូមមើលជំពូក ចម្លង

ការបកប្រែផ្សេងទៀត។

22 ការដាក់ឲ្យឆ្លើយតបគ្នា

អេ‌សេ‌គាល 18:7

ហើយមិនបានសង្កត់‌សង្កិនអ្នកណា គឺបានប្រគល់របស់បញ្ចាំដល់អ្នកដែលជំពាក់ខ្លួនវិញ ក៏មិនបានប្លន់យករបស់គេ គឺបានចែកអាហារដល់ពួកអ្នកដែលឃ្លាន ហើយបិទបាំងអ្នកដែលនៅខ្លួនទទេ ដោយសម្លៀក‌បំពាក់វិញ

សូមមើលជំពូក

ដានី‌យ៉ែល 4:27

ដូច្នេះ បពិត្រព្រះ‌ករុណា សូមទ្រង់ប្រោសមេត្តាទទូលយោបល់ទូល‌បង្គំចុះ សូមទ្រង់លះបង់អំពើបាប ដោយប្រព្រឹត្តសេចក្ដីសុចរិតវិញ ហើយលះបង់អំពើទុច្ចរិតផង ដោយសម្ដែងសេចក្ដីមេត្តា‌ករុណាដល់ពួកក្រីក្រ ដើម្បីឲ្យព្រះករុណាបានចម្រុងចម្រើនយូរអង្វែង»។

សូមមើលជំពូក

ម៉ាថាយ 25:40

ព្រះ‌មហាក្សត្រនឹងមានព្រះ‌បន្ទូលឆ្លើយទៅគេថា "យើងប្រាប់អ្នករាល់គ្នាជាប្រាកដថា ពេលអ្នករាល់គ្នាបានធ្វើការទាំងនោះ ដល់អ្នកតូចបំផុតក្នុងចំណោមពួកបង‌ប្អូនរបស់យើងនេះ នោះអ្នករាល់គ្នាបានធ្វើដល់យើងហើយ"។

សូមមើលជំពូក

លូកា 11:41

ត្រូវឲ្យទានពីរបស់ដែលនៅខាងក្នុងវិញ នោះគ្រប់ទាំងអស់នឹងស្អាតសម្រាប់អ្នករាល់គ្នា។

សូមមើលជំពូក

លូកា 18:22

ពេលព្រះ‌យេស៊ូវបានឮដូច្នោះ ទ្រង់មានព្រះ‌បន្ទូលទៅគាត់ថា៖ «អ្នកនៅខ្វះសេចក្តីមួយទៀត ចូរទៅលក់របស់ទ្រព្យអ្នកទាំងប៉ុន្មាន ចែកទានឲ្យដល់ពួកអ្នកក្រីក្រទៅ នោះអ្នកនឹងបានទ្រព្យសម្បត្តិនៅស្ថាន‌សួគ៌វិញ រួចមកតាមខ្ញុំចុះ»។

សូមមើលជំពូក

លូកា 19:8

ឯសាខេ ក៏ឈរទូលទ្រង់ថា៖ «មើល៍! ព្រះ‌អម្ចាស់អើយ ទូល‌បង្គំនឹងចែកទ្រព្យទូល‌បង្គំពាក់កណ្តាល ឲ្យដល់មនុស្សក្រីក្រ ហើយបើទូល‌បង្គំបានបំបាត់អ្វីដល់អ្នកណា នោះទូល‌បង្គំនឹងសងគេមួយជាបួនវិញ»។

សូមមើលជំពូក

យ៉ូហាន 13:29

ខ្លះស្មានថា ដោយព្រោះយូដាសកាន់ថង់ប្រាក់ ព្រះ‌យេស៊ូវប្រាប់ឲ្យគាត់ទៅទិញរបស់របរសម្រាប់ពិធីបុណ្យ ឬឲ្យគាត់ទៅចែកទានអ្វីដល់អ្នកក្រីក្រ។

សូមមើលជំពូក

កិច្ចការ 10:2

លោកជាអ្នកគោរពកោតខ្លាចព្រះ ព្រមទាំងក្រុមគ្រួសាររបស់លោកទាំងមូល។ លោកបានធ្វើទានដោយសទ្ធាដល់ប្រ‌ជាជន ហើយអធិស្ឋានដល់ព្រះជា‌និច្ច។

សូមមើលជំពូក

កិច្ចការ 10:31

ហើយពោលថា៖ "កូនេ‌លាសអើយ ព្រះ‌ទ្រង់សណ្ដាប់សេចក្ដីអធិស្ឋានរបស់លោកហើយ ឯការធ្វើទានរបស់លោក ក៏បានជាសេចក្ដីរំឭកនៅចំពោះព្រះ‌ដែរ។

សូមមើលជំពូក

កិច្ចការ 10:4

លោកក៏សម្លឹងមើលទៅទេវតាទាំងភ័យ ហើយឆ្លើយថា៖ «ព្រះ‌អម្ចាស់អើយ តើមានការអ្វី?» ទេវតាប្រាប់ថា៖ «ការអធិស្ឋាន និងការធ្វើទានរបស់លោក បានឡើងទុកជាការរំឭកនៅចំពោះព្រះហើយ។

សូមមើលជំពូក

អេភេសូរ 4:28

អ្នកណាដែលធ្លាប់លួច ត្រូវឈប់លួចទៀត ផ្ទុយទៅវិញ ត្រូវឲ្យអ្នកនោះខំប្រឹងដោយចិត្តទៀងត្រង់ ទាំងធ្វើការល្អដោយដៃខ្លួនវិញ ដើម្បីឲ្យមានអ្វីចែកដល់អ្នកដែលខ្វះខាតផង។

សូមមើលជំពូក

១ ធីម៉ូថេ 6:17

ចូរដាស់តឿនពួកអ្នកមាននៅលោកីយ៍នេះ កុំឲ្យគេមានឫកខ្ពស់ ឬសង្ឃឹមលើទ្រព្យ‌សម្បត្តិ ដែលមិនទៀងនោះឡើយ តែត្រូវសង្ឃឹមលើព្រះដែលទ្រង់ប្រទានអ្វីៗទាំងអស់មកយើងយ៉ាងបរិបូរ ឲ្យយើងបានអរសប្បាយ។

សូមមើលជំពូក

១ ធីម៉ូថេ 6:18

ត្រូវឲ្យគេប្រព្រឹត្តអំពើល្អ ធ្វើជាអ្នកមានខាងការល្អ ជាមនុស្សមានចិត្តសទ្ធា ហើយប្រុងប្រៀបនឹងចែករំលែកផង។

សូមមើលជំពូក

ហេព្រើរ 6:10

ដ្បិតព្រះ‌ទ្រង់មិនមែនអយុត្តិធម៌ ហើយភ្លេចកិច្ច‌ការ និងសេចក្តីស្រឡាញ់ ដែលអ្នករាល់គ្នាបានសម្ដែងចំពោះព្រះ‌នាមព្រះ‌អង្គ ដោយបានបម្រើពួកបរិសុទ្ធ ហើយនៅតែបម្រើទៀតនោះទេ។

សូមមើលជំពូក

យ៉ាកុប 1:27

សាសនាដែលបរិសុទ្ធ ហើយឥតសៅ‌ហ្មងនៅចំពោះព្រះ‌វរបិតា នោះគឺទៅសួរសុខទុក្ខក្មេងកំព្រា និងស្ត្រីមេម៉ាយដែលមានទុក្ខវេទនា ព្រមទាំងរក្សាខ្លួនមិនឲ្យប្រឡាក់ដោយលោកីយ៍នេះឡើយ។

សូមមើលជំពូក

យ៉ាកុប 2:14

បង‌ប្អូនខ្ញុំអើយ បើអ្នកណាពោលថាខ្លួនមានជំនឿ តែមិនប្រព្រឹត្តតាម នោះតើមានប្រយោជន៍អ្វី? តើជំនឿបែបនោះអាចសង្គ្រោះអ្នកនោះបានឬ?

សូមមើលជំពូក

១ យ៉ូហាន 3:17

ប្រសិន‌បើអ្នកណាមានសម្បត្តិលោកីយ៍ ហើយឃើញបង‌ប្អូនណាដែលខ្វះខាត តែមិនចេះអាណិតអាសូរសោះ ធ្វើដូចម្តេចឲ្យសេចក្ដីស្រឡាញ់របស់ព្រះស្ថិតនៅក្នុងអ្នកនោះបាន?

សូមមើលជំពូក

១ យ៉ូហាន 4:20

ប្រសិន‌បើអ្នកណាពោលថា «ខ្ញុំស្រឡាញ់ព្រះ» តែស្អប់បង‌ប្អូនរបស់ខ្លួន អ្នកនោះជាអ្នកកុហក ដ្បិតអ្នកណាមិនស្រឡាញ់បង‌ប្អូនរបស់ខ្លួនដែលមើលឃើញ អ្នកនោះក៏ពុំអាចស្រឡាញ់ព្រះ ដែលខ្លួនមើលមិនឃើញនោះបានដែរ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម