ការដាក់ឲ្យឆ្លើយតបគ្នា

បន្ទាប់ »

រ៉ូម 8:37

ព្រះគម្ពីរបរិសុទ្ធកែសម្រួល ២០១៦

ទេ ក្នុងគ្រប់សេចក្តីទាំងនេះ យើងវិសេសលើសជាងអ្នកដែលមានជ័យជម្នះទៅទៀត តាមរយៈព្រះ‌អង្គដែលបានស្រឡាញ់យើង។

សូមមើលជំពូក ចម្លង

ការបកប្រែផ្សេងទៀត។

25 ការដាក់ឲ្យឆ្លើយតបគ្នា

អេសាយ 25:8

ព្រះ‌អង្គនឹងបំផ្លាញសេចក្ដីស្លាប់ឲ្យសូន្យបាត់ទៅជាដរាប នោះព្រះ‌អម្ចាស់‌យេហូវ៉ានឹងជូតទឹកភ្នែក ពីមុខមនុស្សទាំងអស់ ហើយព្រះ‌អង្គនឹងដកសេចក្ដីត្មះ‌តិះ‌ដៀល ចំពោះប្រជា‌រាស្ត្រព្រះ‌អង្គ ពីផែនដីទាំងមូលចេញ ដ្បិតព្រះ‌យេហូវ៉ាបានព្រះ‌បន្ទូលដូច្នេះហើយ។

សូមមើលជំពូក

យ៉ូហាន 16:33

ខ្ញុំប្រាប់សេចក្ដីនេះដល់អ្នករាល់គ្នា ដើម្បីឲ្យអ្នករាល់គ្នាមានសេចក្តីសុខសាន្តនៅក្នុងខ្ញុំ។ នៅក្នុងលោកីយ៍នេះ អ្នករាល់គ្នានឹងមានសេចក្តីវេទនាមែន ប៉ុន្តែ ត្រូវសង្ឃឹមឡើង ដ្បិតខ្ញុំបានឈ្នះលោកីយ៍នេះហើយ»។

សូមមើលជំពូក

រ៉ូម 8:35

តើអ្នកណាអាចពង្រាត់យើងចេញពីសេចក្តីស្រឡាញ់របស់ព្រះ‌គ្រីស្ទបាន? តើទុក្ខលំបាក ឬសេចក្ដីវេទនា ការបៀតបៀន ការអត់ឃ្លាន ភាពអាក្រាត សេចក្តីអន្តរាយ ឬមួយដាវ?

សូមមើលជំពូក

១ កូរិន‌ថូស 15:54

នៅពេលរូប‌កាយពុករលួយនេះ ពាក់សេចក្តីមិនពុករលួយ ហើយរូប‌កាយដែលតែងតែស្លាប់នេះ ពាក់សេចក្តីមិនចេះស្លាប់ នោះសេចក្ដីដែលបានចែងទុកមកនឹងបានសម្រេច គឺថា៖ «ជ័យជម្នះបានលេបសេចក្តីស្លាប់បាត់ហើយ»

សូមមើលជំពូក

១ កូរិន‌ថូស 15:57

តែអរព្រះ‌គុណដល់ព្រះ ដែលទ្រង់ប្រទានឲ្យយើងមានជ័យជម្នះ តាមរយៈព្រះ‌យេស៊ូវ‌គ្រីស្ទ ជាព្រះ‌អម្ចាស់របស់យើង។

សូមមើលជំពូក

២ កូរិនថូស 12:19

តើអ្នករាល់គ្នាធ្លាប់គិតស្មានរហូតមកថា យើងកំពុងនិយាយដោះសានៅចំពោះអ្នករាល់គ្នាឬ? ឱពួកស្ងួន‌ភ្ងាអើយ យើងនិយាយក្នុងព្រះ‌គ្រីស្ទនៅចំពោះព្រះ ហើយយើងធ្វើអ្វីៗទាំងអស់ សម្រាប់តែនឹងស្អាងចិត្តអ្នករាល់គ្នាប៉ុណ្ណោះ។

សូមមើលជំពូក

២ កូរិនថូស 12:9

តែព្រះ‌អង្គមានព្រះបន្ទូលមកខ្ញុំថា៖ «គុណរបស់យើងល្មមដល់អ្នកហើយ ដ្បិតចេស្ដារបស់យើងបានពេញខ្នាត នៅក្នុងភាពទន់ខ្សោយ»។ ដូច្នេះ ខ្ញុំនឹងអួតពីភាពទន់ខ្សោយរបស់ខ្ញុំ ដោយអំណរជាខ្លាំង ដើម្បីឲ្យព្រះ‌ចេស្តារបស់ព្រះ‌គ្រីស្ទបានសណ្ឋិតក្នុងខ្ញុំ។

សូមមើលជំពូក

២ កូរិនថូស 2:14

ប៉ុន្ដែ អរព្រះ‌គុណដល់ព្រះ ដែលទ្រង់នាំយើងឲ្យមានជ័យ‌ជម្នះជានិច្ចក្នុងព្រះ‌គ្រីស្ទ ហើយតាមរយៈយើង ការស្គាល់ព្រះ‌អង្គ សាយក្លិនក្រអូបនៅគ្រប់ទីកន្លែង។

សូមមើលជំពូក

កាឡាទី 2:20

ខ្ញុំបានជាប់ឆ្កាងជាមួយព្រះ‌គ្រីស្ទ ដូច្នេះ មិនមែនខ្ញុំទៀតទេដែលរស់នៅ គឺព្រះ‌គ្រីស្ទវិញទេតើដែលរស់នៅក្នុងខ្ញុំ ហើយដែលខ្ញុំរស់ក្នុងសាច់ឈាមឥឡូវនេះ គឺខ្ញុំរស់ដោយជំនឿដល់ព្រះ‌រាជ‌បុត្រារបស់ព្រះ ដែលទ្រង់ស្រឡាញ់ខ្ញុំ ហើយបានប្រគល់ព្រះ‌អង្គទ្រង់សម្រាប់ខ្ញុំ។

សូមមើលជំពូក

អេភេសូរ 5:2

ហើយរស់នៅក្នុងសេចក្តីស្រឡាញ់ ដូចព្រះ‌គ្រីស្ទបានស្រឡាញ់យើង ព្រមទាំងប្រគល់ព្រះ‌អង្គទ្រង់ជំនួសយើង ទុកជាតង្វាយ និងជាយញ្ញ‌បូជាដ៏មានក្លិនក្រអូបចំពោះព្រះ។

សូមមើលជំពូក

២ ថែស្សាឡូនីច 2:16

សូមព្រះ‌យេស៊ូវ‌គ្រីស្ទ ជាព្រះ‌អម្ចាស់នៃយើង និងព្រះជាព្រះ‌វរ‌បិតាដែលបានស្រឡាញ់យើង ហើយប្រទានការកម្សាន្តចិត្តអស់កល្បជា‌និច្ច និងសេចក្ដីសង្ឃឹមដ៏ប្រសើរ ដោយសារព្រះ‌គុណ

សូមមើលជំពូក

១ យ៉ូហាន 4:10

នេះហើយជាសេចក្ដីស្រឡាញ់ មិនមែនថាយើងបានស្រឡាញ់ព្រះនោះទេ គឺព្រះ‌អង្គបានស្រឡាញ់យើង ហើយបានចាត់ព្រះ‌រាជ‌បុត្រាព្រះ‌អង្គមក ទុកជាតង្វាយលោះបាបយើងផង។

សូមមើលជំពូក

១ យ៉ូហាន 4:19

ឯយើងវិញ យើងស្រឡាញ់ព្រះ‌អង្គ ព្រោះព្រះ‌អង្គបានស្រឡាញ់យើងជាមុន។

សូមមើលជំពូក

១ យ៉ូហាន 4:4

ពួកកូនតូចៗអើយ អ្នករាល់គ្នាមកពីព្រះ ហើយក៏ឈ្នះវិញ្ញាណទាំងនោះដែរ ព្រោះព្រះ‌អង្គដែលគង់ក្នុងអ្នករាល់គ្នា ទ្រង់ធំជាងអាមួយនោះ ដែលនៅក្នុងលោកីយ៍នេះទៅទៀត។

សូមមើលជំពូក

យូដាស 1:24

រីឯព្រះ‌អង្គដែលអាចរក្សាអ្នករាល់គ្នាមិនឲ្យជំពប់ដួល ហើយដាក់អ្នករាល់គ្នានៅចំពោះសិរី‌ល្អរបស់ព្រះ‌អង្គ ដោយឥតបន្ទោសបាន ទាំងមានអំណរ

សូមមើលជំពូក

វិវរណៈ 1:5

និងពីព្រះ‌យេស៊ូវ‌គ្រីស្ទ ជាស្មរបន្ទាល់ស្មោះត្រង់ ដែលកើតពីពួកស្លាប់មកមុនគេបង្អស់ ជាអធិបតីលើអស់ទាំងស្តេចនៅផែនដី។ ព្រះ‌អង្គស្រឡាញ់យើង ហើយបានរំដោះយើងឲ្យរួចពីបាប ដោយសារព្រះ‌លោហិតរបស់ព្រះ‌អង្គ

សូមមើលជំពូក

វិវរណៈ 12:11

ប៉ុន្តែ គេបានឈ្នះវា ដោយ‌សារឈាមរបស់កូនចៀម និងដោយ‌សារសេចក្ដីបន្ទាល់របស់គេ ដ្បិតគេមិនបានស្តាយជីវិតរបស់ខ្លួនឡើយ ទោះជាត្រូវស្លាប់ក៏ដោយ។

សូមមើលជំពូក

វិវរណៈ 17:14

ស្ដេចទាំងនោះ នឹងច្បាំងជាមួយកូនចៀម តែកូនចៀមនឹងឈ្នះគេ ដ្បិតព្រះ‌អង្គជាព្រះ‌អម្ចាស់លើអស់ទាំងព្រះ‌អម្ចាស់ ហើយជាស្តេចលើអស់ទាំងស្តេច ឯអស់អ្នកដែលនៅជាមួយព្រះ‌អង្គ ជាអ្នកដែលព្រះ‌អង្គបានត្រាស់ហៅ បានជ្រើសរើស និងជាអ្នកស្មោះត្រង់»។

សូមមើលជំពូក

វិវរណៈ 21:7

អ្នកណាដែលឈ្នះនឹងបានទទួលសេចក្ដីទាំងនេះជាមត៌ក យើងនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូនរបស់យើង។

សូមមើលជំពូក

វិវរណៈ 3:9

មើល៍! យើងនឹងធ្វើឲ្យក្រុមជំនុំរបស់អារក្សសាតាំង ជាអ្នកដែលហៅខ្លួនឯងថាជាសាសន៍យូដា តែមិនមែនទេ គេនិយាយកុហក។ យើងនឹងឲ្យគេមកក្រាបសំពះនៅទៀបជើងរបស់អ្នក ព្រមទាំងឲ្យគេដឹងថា យើងបានស្រឡាញ់អ្នកមែន។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម