ការដាក់ឲ្យឆ្លើយតបគ្នា

បន្ទាប់ »

រ៉ូម 8:17

ព្រះគម្ពីរបរិសុទ្ធកែសម្រួល ២០១៦

ហើយប្រសិន‌បើយើងពិតជាកូនមែន នោះយើងជាអ្នកគ្រងមត៌ក គឺជាអ្នកគ្រងមត៌ករបស់ព្រះរួមជាមួយព្រះ‌គ្រីស្ទ។ ពិតមែន បើយើងរងទុក្ខលំបាកជាមួយព្រះ‌អង្គ នោះយើងក៏នឹងទទួលសិរីល្អជាមួយព្រះ‌អង្គដែរ។

សូមមើលជំពូក ចម្លង

ការបកប្រែផ្សេងទៀត។

35 ការដាក់ឲ្យឆ្លើយតបគ្នា

ម៉ាថាយ 16:24

បន្ទាប់មក ព្រះ‌យេស៊ូវប្រាប់ពួកសិស្សរបស់ព្រះ‌អង្គថា៖ «បើអ្នកណាចង់មកតាមខ្ញុំ ត្រូវឲ្យគេលះកាត់ចិត្តខ្លួនឯងចោល ផ្ទុកឈើឆ្កាងរបស់ខ្លួន ហើយមកតាមខ្ញុំ។

សូមមើលជំពូក

ម៉ាថាយ 25:21

ចៅហ្វាយពោលទៅគាត់ថា "ប្រសើរណាស់ អ្នកបម្រើល្អ ហើយស្មោះត្រង់អើយ! អ្នកមានចិត្តស្មោះត្រង់នឹងរបស់បន្តិច‌បន្តួច ខ្ញុំនឹងតាំងអ្នកឲ្យមើលខុសត្រូវលើរបស់ជាច្រើន។ ចូរចូលមកអរសប្បាយជាមួយចៅហ្វាយរបស់អ្នកចុះ"។

សូមមើលជំពូក

លូកា 12:32

«កុំខ្លាច ហ្វូង តូចអើយ ព្រោះព្រះ‌វរបិតារបស់អ្នករាល់គ្នាសព្វព្រះ‌ហឫ‌ទ័យនឹងប្រទានព្រះរាជ្យមកអ្នករាល់គ្នាហើយ។

សូមមើលជំពូក

លូកា 24:26

តើមិនគួរឲ្យព្រះ‌គ្រីស្ទរងទុក្ខនឹងការទាំងនេះ ហើយចូលទៅក្នុងសិរីល្អរបស់ព្រះ‌អង្គទេឬ?»

សូមមើលជំពូក

យ៉ូហាន 17:24

ឱព្រះ‌វរបិតាអើយ ទូលបង្គំចង់ឲ្យពួកអ្នកដែលព្រះ‌អង្គបានប្រទានមកទូលបង្គំ នៅជាមួយទូលបង្គំ ក្នុងកន្លែងដែលទូលបង្គំនៅដែរ ដើម្បីឲ្យឃើញសិរីល្អ ដែលព្រះ‌អង្គបានប្រទានមកទូលបង្គំ ដ្បិតព្រះ‌អង្គបានស្រឡាញ់ទូលបង្គំ តាំងពីមុនកំណើតពិភពលោកមកម៉្លេះ។

សូមមើលជំពូក

កិច្ចការ 14:22

ទាំងពង្រឹងពួកសិស្សឲ្យមានចិត្តមាំមួន ហើយលើកទឹកចិត្តគេឲ្យខ្ជាប់ខ្ជួនក្នុងជំនឿ ដោយពាក្យថា៖ «យើងត្រូវឆ្លងកាត់ទុក្ខវេទនាជាច្រើន ដើម្បីឲ្យបានចូលក្នុងព្រះរាជ្យរបស់ព្រះ»។

សូមមើលជំពូក

កិច្ចការ 20:32

ឥឡូវនេះ ខ្ញុំសូមផ្ញើអ្នករាល់គ្នាទុកនឹងព្រះ និងព្រះ‌បន្ទូលនៃព្រះ‌គុណរបស់ព្រះ‌អង្គ ដែលអាចនឹងស្អាងចិត្ត ហើយឲ្យអ្នករាល់គ្នាមានមត៌កក្នុងចំណោមអស់អ្នកដែលបានញែកជាបរិសុទ្ធ។

សូមមើលជំពូក

កិច្ចការ 26:18

ដើម្បីបំភ្លឺភ្នែកគេ ឲ្យបានបែរចេញពីសេចក្តីងងឹត មករកពន្លឺ និងពីអំណាចរបស់អារក្ស‌សាតាំង បែរមករកព្រះវិញ ដើម្បីឲ្យគេបានរួចពីបាប ហើយបានទទួលមត៌ករួមជា‌មួយអស់អ្នកដែលបានញែកជាបរិសុទ្ធ ដោយសារមានជំនឿដល់ខ្ញុំ"។

សូមមើលជំពូក

រ៉ូម 5:17

បើព្រោះតែអំពើរំលងរបស់មនុស្សម្នាក់នោះ សេចក្តីស្លាប់បានសោយរាជ្យ តាមរយៈមនុស្សម្នាក់នោះទៅហើយ នោះពួកអ្នកដែលទទួលព្រះ‌គុណដ៏បរិបូរ និងអំណោយ‌ទាននៃសេចក្តីសុចរិត ប្រាកដជានឹងបានសោយរាជ្យក្នុងជីវិត តាមរយៈមនុស្សម្នាក់នោះដែរ គឺព្រះ‌យេស៊ូវ‌គ្រីស្ទ លើសជាងទៅទៀតមិនខាន។

សូមមើលជំពូក

រ៉ូម 8:3

ការដែលក្រឹត្យ‌វិន័យធ្វើមិនកើត ដោយសារភាពទន់ខ្សោយខាងសាច់ឈាម នោះព្រះបានសម្រេចរួចហើយ ដោយចាត់ព្រះ‌រាជ‌បុត្រារបស់ព្រះ‌អង្គផ្ទាល់ឲ្យមក មានរូបអង្គដូចជាមនុស្សខាងសាច់ឈាមដែលមានបាប ហើយដើម្បីដោះស្រាយអំពើបាប ព្រះ‌អង្គដាក់ទោសបាបនៅក្នុងសាច់ឈាម

សូមមើលជំពូក

១ កូរិន‌ថូស 2:9

ប៉ុន្តែ ដូចមានសេចក្តីចែងទុកមកថា៖ «អ្វីដែលភ្នែកមិនដែលឃើញ ត្រចៀកមិនដែលឮ ហើយចិត្តមនុស្សមិនដែលនឹកដល់ នោះជាអ្វីដែលព្រះបានរៀបចំទុក សម្រាប់អស់អ្នកដែលស្រឡាញ់ព្រះ‌អង្គ»

សូមមើលជំពូក

២ កូរិនថូស 1:5

ដ្បិតដូចដែលទុក្ខលំបាករបស់ព្រះ‌គ្រីស្ទ បានចម្រើនឡើងដល់យើងយ៉ាងណា នោះការកម្សាន្តចិត្តរបស់យើង ក៏ចម្រើនឡើងតាមរយៈព្រះ‌គ្រីស្ទយ៉ាងនោះដែរ។

សូមមើលជំពូក

២ កូរិនថូស 1:7

យើងសង្ឃឹមដល់អ្នករាល់គ្នាយ៉ាងមុតមាំ ដោយដឹងថា អ្នករាល់គ្នារួមចំណែកក្នុងទុក្ខលំបាកជាមួយយើងយ៉ាងណា នោះអ្នករាល់គ្នាក៏នឹងរួមចំណែកក្នុងការកម្សាន្តចិត្តជាមួយយើងយ៉ាងនោះដែរ។

សូមមើលជំពូក

កាឡាទី 3:29

ប្រសិន‌បើអ្នករាល់គ្នាជារបស់ព្រះ‌គ្រីស្ទ នោះអ្នករាល់គ្នាជាពូជរបស់លោកអ័ប្រា‌ហាំ ជាអ្នកគ្រងមត៌កតាមសេចក្ដីសន្យា។

សូមមើលជំពូក

កាឡាទី 4:7

ដូច្នេះ អ្នករាល់គ្នាមិនមែនជាបាវបម្រើទៀតទេ គឺជាកូនវិញ ហើយបើជាកូន នោះគឺជាអ្នកទទួលមត៌ក ដោយសារព្រះដែរ។

សូមមើលជំពូក

អេភេសូរ 3:6

គឺថា ពួកសាសន៍ដទៃបានត្រឡប់ជាអ្នកគ្រងមត៌កជាមួយគ្នា ជាអវយវៈរបស់រូប‌កាយតែមួយ ហើយជាអ្នកមានចំណែកនៃសេចក្តីសន្យាក្នុងព្រះ‌គ្រីស្ទយេស៊ូវ តាមរយៈដំណឹងល្អ។

សូមមើលជំពូក

ភីលីព 1:29

ដ្បិតព្រះ‌អង្គបានប្រោសប្រទានឲ្យអ្នករាល់គ្នាមានឱកាស ដែលមិនគ្រាន់តែឲ្យជឿដល់ព្រះ‌គ្រីស្ទប៉ុណ្ណោះ គឺឲ្យរងទុក្ខដោយព្រោះព្រះ‌អង្គដែរ

សូមមើលជំពូក

ភីលីព 3:10

ខ្ញុំចង់ស្គាល់ព្រះ‌គ្រីស្ទ និងព្រះ‌ចេស្តានៃការរស់ឡើងវិញរបស់ព្រះ‌អង្គ ព្រមទាំងរួមចំណែកក្នុងការរងទុក្ខ ដូចជាព្រះ‌អង្គរងទុក្ខក្នុងការសុគតដែរ

សូមមើលជំពូក

កូឡុស 1:24

ឥឡូវនេះ ខ្ញុំមានចិត្តអំណរក្នុងការដែលខ្ញុំរងទុក្ខលំបាក ដោយព្រោះអ្នករាល់គ្នា ហើយទុក្ខវេទនារបស់ព្រះ‌គ្រីស្ទ ដែលខ្វះក្នុងរូបសាច់ខ្ញុំ នោះខ្ញុំកំពុងតែបំពេញឡើង ដោយព្រោះរូប‌កាយព្រះ‌អង្គ ដែលជាក្រុមជំនុំ។

សូមមើលជំពូក

ទីតុស 3:7

ដើម្បីឲ្យយើងបានរាប់ជាសុចរិតដោយ‌សារព្រះ‌គុណរបស់ព្រះ‌អង្គ ហើយឲ្យយើងបានត្រឡប់ជាអ្នកគ្រងមត៌ក តាមសេចក្ដីសង្ឃឹមនៃជីវិតដ៏នៅអស់កល្បជា‌និច្ច។

សូមមើលជំពូក

ហេព្រើរ 1:14

តើទេវតាទាំងនោះមិនមែនជាវិញ្ញាណបម្រើ ដែលព្រះ‌អង្គបានចាត់ឲ្យមកបម្រើ សម្រាប់អស់អ្នកដែលត្រូវទទួលការសង្គ្រោះជាមត៌កទេឬ?

សូមមើលជំពូក

ហេព្រើរ 1:2

ប៉ុន្តែ នៅគ្រាក្រោយបង្អស់នេះ ព្រះ‌អង្គមានព្រះ‌បន្ទូលមកកាន់យើង ដោយសារព្រះ‌រាជបុត្រាវិញ ដែលព្រះ‌អង្គបានតម្រូវឲ្យបានគ្រប់គ្រងរបស់ទាំងអស់ ទុកជាមត៌ក ព្រមទាំងបង្កើតពិភព‌លោក តាមរយៈព្រះ‌រាជ‌បុត្រានោះដែរ។

សូមមើលជំពូក

ហេព្រើរ 6:17

ដូច្នេះ នៅពេលព្រះ‌សព្វព្រះ‌ហឫទ័យចង់បង្ហាញឲ្យបានរឹតតែច្បាស់ ដល់អស់អ្នកដែលត្រូវទទួលសេចក្ដីសន្យាទុកជាមត៌ក អំពីបំណងដែលមិនចេះប្រែប្រួលរបស់ព្រះ‌អង្គ ព្រះ‌អង្គក៏ធានាសេចក្ដីសន្យានោះ ដោយពាក្យសម្បថ

សូមមើលជំពូក

យ៉ាកុប 2:5

បង‌ប្អូនស្ងួន‌ភ្ងាអើយ ចូរស្តាប់ចុះ តើព្រះមិនបានរើសអ្នកក្រក្នុងលោកនេះ ឲ្យទៅជាអ្នកមានខាងជំនឿ ហើយជាអ្នកទទួលមត៌កក្នុងព្រះរាជ្យ ដែលព្រះ‌អង្គបានសន្យាដល់អស់អ្នកដែលស្រឡាញ់ព្រះ‌អង្គទេឬ?

សូមមើលជំពូក

១ ពេត្រុស 1:4

ហើយឲ្យបានមត៌ក ដែលមិនចេះពុករលួយ ឥតសៅ‌ហ្មង ក៏មិនចេះស្រពោន ជាមត៌កដែលបម្រុងទុកឲ្យអ្នករាល់គ្នានៅស្ថាន‌សួគ៌។

សូមមើលជំពូក

១ ពេត្រុស 4:13

ប៉ុន្តែ ចូរអរសប្បាយវិញ ដោយព្រោះអ្នករាល់គ្នាមានចំណែកក្នុងការរងទុក្ខរបស់ព្រះ‌គ្រីស្ទ ដើម្បីឲ្យអ្នករាល់គ្នាបានត្រេកអរ និងរីក‌រាយជាខ្លាំង នៅពេលសិរីល្អរបស់ព្រះ‌អង្គលេចមក។

សូមមើលជំពូក

វិវរណៈ 21:7

អ្នកណាដែលឈ្នះនឹងបានទទួលសេចក្ដីទាំងនេះជាមត៌ក យើងនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូនរបស់យើង។

សូមមើលជំពូក

វិវរណៈ 3:21

អ្នកណាដែលឈ្នះ យើងនឹងឲ្យអង្គុយលើបល្ល័ង្កជាមួយយើង ដូចជាយើងបានឈ្នះ ហើយបានអង្គុយជាមួយព្រះ‌វរ‌បិតាយើង នៅលើបល្ល័ង្ករបស់ព្រះ‌អង្គដែរ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម