ការដាក់ឲ្យឆ្លើយតបគ្នា

បន្ទាប់ »

រ៉ូម 14:18

ព្រះគម្ពីរបរិសុទ្ធកែសម្រួល ២០១៦

អ្នកណាដែលបម្រើព្រះ‌គ្រីស្ទតាមរបៀបនេះ អ្នកនោះបានជាទីគាប់ព្រះ‌ហឫ‌ទ័យដល់ព្រះ ហើយមនុស្សក៏គោរពរាប់អានដែរ។

សូមមើលជំពូក ចម្លង

ការបកប្រែផ្សេងទៀត។

29 ការដាក់ឲ្យឆ្លើយតបគ្នា

លោកុ‌ប្បត្តិ 4:7

ប្រសិន‌បើអ្នកប្រព្រឹត្តល្អ តើនឹងមិនបានរីក‌រាយទេឬ? ហើយបើអ្នកប្រព្រឹត្តមិនល្អទេ បាបកំពុងតែក្រាបនៅមាត់ទ្វារស្រាប់ ហើយវាប្រាថ្នាចង់បានអ្នក តែអ្នកត្រូវតែមានអំណាចលើវាវិញ»។

សូមមើលជំពូក

សាស្តា 9:7

ដូច្នេះ ចូរទៅចុះ បរិ‌ភោគអាហាររបស់ឯងដោយអំណរ ហើយផឹកស្រាទំពាំង‌បាយ‌ជូររបស់ឯងដោយចិត្តរីក‌រាយផង ដ្បិតព្រះគាប់ព្រះ‌ហឫ‌ទ័យចំពោះកិច្ច‌ការដែលឯងធ្វើហើយ។

សូមមើលជំពូក

ម៉ាកុស 13:34

ដំណើរនេះប្រៀបដូចជាបុរសម្នាក់ ដែលចេញដំណើរទៅឆ្ងាយ ហើយពេលគាត់ចេញពីផ្ទះ គាត់ប្រគល់អំណាចដល់ពួកបាវបម្រើ ឲ្យម្នាក់ៗមានការងាររៀងៗខ្លួន ទាំងបង្គាប់ឆ្មាំទ្វារឲ្យចាំយាមផង។

សូមមើលជំពូក

យ៉ូហាន 12:26

អ្នកណាបម្រើខ្ញុំ ត្រូវមកតាមខ្ញុំ ទោះបីខ្ញុំនៅឯណា អ្នកបម្រើខ្ញុំក៏នឹងនៅទីនោះដែរ បើអ្នកណាបម្រើខ្ញុំ ព្រះ‌វរបិតានឹងលើកមុខអ្នកនោះ»។

សូមមើលជំពូក

កិច្ចការ 10:35

គឺគ្រប់ទាំងសាសន៍ អ្នកណាដែលគោរពកោតខ្លាចព្រះ‌អង្គ ហើយប្រព្រឹត្តសេចក្តីសុចរិត ព្រះ‌អង្គទទួលអ្នកនោះ។

សូមមើលជំពូក

រ៉ូម 12:11

ខាងសេចក្ដីឧស្សាហ៍ នោះមិនត្រូវខ្ជិលច្រអូសឡើយ ខាងវិញ្ញាណ នោះត្រូវបម្រើព្រះ‌អម្ចាស់ដោយចិត្តឆេះ‌ឆួល។

សូមមើលជំពូក

រ៉ូម 14:4

តើអ្នកជានរណាបានជាហ៊ានថ្កោលទោសអ្នកបម្រើរបស់គេដូច្នេះ? អ្នកនោះឈរឬដួលក្តី នោះស្រេចលើចៅ‌ហ្វាយរបស់គេទេតើ! ហើយគេនឹងឈរបាន ដ្បិតព្រះ‌អម្ចាស់អាចធ្វើឲ្យគេឈរបាន។

សូមមើលជំពូក

រ៉ូម 16:18

ដ្បិតមនុស្សបែបនោះ មិនបម្រើព្រះ‌គ្រីស្ទ ជាព្រះ‌អម្ចាស់របស់យើងទេ គឺគេបម្រើតែក្រពះរបស់ខ្លួនគេប៉ុណ្ណោះ ទាំងបញ្ឆោតចិត្តមនុស្សស្លូតត្រង់ ដោយពាក្យផ្អែមពីរោះ និងពាក្យបញ្ចើចបញ្ចើ។

សូមមើលជំពូក

រ៉ូម 6:22

តែឥឡូវនេះ ដែលព្រះបានប្រោសឲ្យរួចពីបាប ហើយអ្នករាល់គ្នាបានត្រឡប់ជាបាវបម្រើដល់ព្រះ‌អង្គ អ្នករាល់គ្នាបានផលជាសេចក្ដីបរិសុទ្ធ ហើយចុងបំផុតគឺជីវិតអស់កល្បជា‌និច្ច។

សូមមើលជំពូក

១ កូរិន‌ថូស 7:22

ដ្បិតក្នុងព្រះ‌អម្ចាស់ អ្នកណាដែលធ្វើជាបាវបម្រើគេ ក្នុងកាលដែលព្រះ‌អម្ចាស់ត្រាស់ហៅ អ្នកនោះជាអ្នកជារបស់ព្រះ‌អម្ចាស់ ហើយអ្នកជាណាដែលព្រះ‌អង្គត្រាស់ហៅ នោះដូចគ្នា គឺអ្នកនោះជាបាវបម្រើរបស់ព្រះ‌គ្រីស្ទវិញ។

សូមមើលជំពូក

២ កូរិនថូស 4:2

យើងបានលះចោលអស់ទាំងការលាក់កំបាំងដែលគួរខ្មាស យើងមិនប្រព្រឹត្តដោយល្បិចកល ឬបំប្លែងព្រះ‌បន្ទូលរបស់ព្រះឡើយ គឺយើងបង្ហាញខ្លួនយើងដល់មន‌សិការរបស់មនុស្សទាំងអស់ ដោយបើកសម្ដែងសេចក្តីពិត នៅចំពោះព្រះ។

សូមមើលជំពូក

២ កូរិនថូស 5:11

ដូច្នេះ ដោយស្គាល់ការកោតខ្លាចព្រះ‌អម្ចាស់ នោះយើងខំប្រឹងបញ្ចុះបញ្ចូលមនុស្សឲ្យជឿ តែខ្លួនយើងបានបង្ហាញឲ្យឃើញច្បាស់នៅចំពោះព្រះ ហើយខ្ញុំសង្ឃឹមថា យើងក៏បានបង្ហាញឲ្យឃើញច្បាស់ដល់មនសិការរបស់អ្នករាល់គ្នាដែរ។

សូមមើលជំពូក

២ កូរិនថូស 5:9

ដូច្នេះ ទោះជាយើងនៅជ្រកកោន ឬឃ្លាតពីរូប‌កាយនេះក្តី យើងមានបំណងចង់ឲ្យបានគាប់ព្រះ‌ហឫ‌ទ័យព្រះ‌អង្គ។

សូមមើលជំពូក

២ កូរិនថូស 6:4

ផ្ទុយទៅវិញ ក្នុងគ្រប់ការទាំងអស់ យើងបង្ហាញខ្លួនជាអ្នកបម្រើរបស់ព្រះ ដោយការទ្រាំ‌ទ្រជាច្រើន ក្នុងសេចក្ដីទុក្ខលំបាក ការខ្វះខាត ការចង្អៀតចង្អល់

សូមមើលជំពូក

២ កូរិនថូស 8:21

ដ្បិតយើងចង់ធ្វើការល្អ មិនមែនតែនៅចំពោះព្រះ‌អម្ចាស់ប៉ុណ្ណោះ គឺនៅចំពោះមនុស្សដែរ។

សូមមើលជំពូក

ភីលីព 4:18

ខ្ញុំមានគ្រប់គ្រាន់ទាំងអស់ ហើយក៏បរិបូរផង ខ្ញុំបានពោរ‌ពេញហើយ ដោយបានទទួលរបស់ទាំងប៉ុន្មានពីអេប៉ា‌ប្រូឌីត ដែលអ្នករាល់គ្នាផ្ញើទៅខ្ញុំនោះ គឺជាក្លិនឈ្ងុយ ជាគ្រឿងបូជាដែលព្រះ‌អង្គទទួល ហើយសព្វព្រះ‌ហឫ‌ទ័យដែរ។

សូមមើលជំពូក

ភីលីព 4:8

ជាទីបញ្ចប់ បង‌ប្អូនអើយ ឯសេចក្ដីណាដែលពិត សេចក្ដីណាដែលគួររាប់អាន សេចក្ដីណាដែលសុចរិត សេចក្ដីណាដែលបរិសុទ្ធ សេចក្ដីណាដែលគួរស្រឡាញ់ សេចក្ដីណាដែលមានឈ្មោះល្អ ប្រសិន‌បើមានសគុណ និងសេចក្ដីសរសើរណា ចូរពិចារណាពីសេចក្ដីនោះចុះ។

សូមមើលជំពូក

កូឡុស 3:24

ដោយដឹងថា អ្នករាល់គ្នានឹងទទួលរង្វាន់ជាមត៌កពីព្រះ‌អម្ចាស់ ដ្បិតអ្នករាល់គ្នាបម្រើព្រះ‌គ្រីស្ទជាព្រះ‌អម្ចាស់។

សូមមើលជំពូក

១ ធីម៉ូថេ 2:3

ដ្បិតនេះជាការល្អ ហើយគាប់ព្រះ‌ហឫ‌ទ័យព្រះ ជាព្រះ‌សង្គ្រោះនៃយើង

សូមមើលជំពូក

១ ធីម៉ូថេ 5:4

តែបើស្ត្រីមេម៉ាយណាមានកូន ឬមានចៅ ត្រូវឲ្យកូនចៅទាំងនោះរៀនបំពេញករណីយកិច្ចដល់ក្រុមគ្រួសាររបស់ខ្លួន ហើយចេះសងគុណឪពុកម្តាយ ដ្បិតធ្វើដូច្នេះ ទើបព្រះសព្វព្រះ‌ហឫ‌ទ័យ។

សូមមើលជំពូក

១ ពេត្រុស 2:12

ត្រូវប្រព្រឹត្តដោយទៀងត្រង់នៅក្នុងចំណោមពួកសាសន៍ដទៃ ដើម្បីនៅកន្លែងណាដែលគេនិយាយដើមអ្នករាល់គ្នា ទុកដូចជាមនុស្សប្រព្រឹត្តអាក្រក់ នោះគេបានឃើញអំពើល្អរបស់អ្នករាល់គ្នា ហើយលើកតម្កើងព្រះ នៅថ្ងៃដែលទ្រង់យាងមក។

សូមមើលជំពូក

១ ពេត្រុស 2:20

ប្រសិន‌បើអ្នករាល់គ្នាស៊ូទ្រាំឲ្យគេវាយដោយព្រោះបានប្រព្រឹត្តអំពើអាក្រក់ នោះតើមានកិត្តិ‌យសអ្វី? តែបើអ្នករាល់គ្នាបានប្រព្រឹត្តត្រឹមត្រូវ ហើយស៊ូទ្រាំដោយព្រោះការនោះវិញ នោះទើបជាការគាប់ព្រះ‌ហឫ‌ទ័យនៅចំពោះព្រះ។

សូមមើលជំពូក

១ ពេត្រុស 2:5

អ្នករាល់គ្នាត្រូវបានសង់ឡើងជាផ្ទះខាងវិញ្ញាណ ដូចជាថ្មរស់ ឲ្យបានធ្វើជាពួកសង្ឃបរិសុទ្ធ ដើម្បីថ្វាយយញ្ញបូជាខាងវិញ្ញាណ ដែលព្រះសព្វព្រះ‌ហឫ‌ទ័យទទួល តាមរយៈព្រះ‌យេស៊ូវ‌គ្រីស្ទ។

សូមមើលជំពូក

១ ពេត្រុស 3:16

ប៉ុន្តែ ត្រូវឆ្លើយដោយសុភាព និងគោរព ព្រមទាំងមានមន‌សិការជ្រះថ្លា ដើម្បីកាលណាគេមួលបង្កាច់អ្នករាល់គ្នា នោះអស់អ្នកដែលបង្ខូចកិរិយាល្អរបស់អ្នករាល់គ្នាក្នុងព្រះ‌គ្រីស្ទ បែរជាត្រូវខ្មាសវិញ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម