ការដាក់ឲ្យឆ្លើយតបគ្នា

បន្ទាប់ »

យ៉ូហាន 9:29

ព្រះគម្ពីរបរិសុទ្ធកែសម្រួល ២០១៦

យើងដឹងថា ព្រះបានមានព្រះ‌បន្ទូលមកកាន់លោកម៉ូសេមែន តែអ្នកនោះ យើងមិនដឹងថាមកពីណាទេ!»

សូមមើលជំពូក ចម្លង

ការបកប្រែផ្សេងទៀត។

28 ការដាក់ឲ្យឆ្លើយតបគ្នា

១ ពង្សាវ‌តារ‌ក្សត្រ 22:27

ហើយបង្គាប់ថា ស្ដេចមានព្រះ‌បន្ទូលដូច្នេះ គឺឲ្យដាក់មនុស្សនេះក្នុងគុក ចិញ្ចឹមដោយនំបុ័ងនឹងទឹកដ៏វេទនា ដរាបដល់យើងមកវិញដោយសុខ‌សាន្ត»។

សូមមើលជំពូក

២ ពង្សាវ‌តារ‌ក្សត្រ 9:11

ពេលលោកយេហ៊ូវត្រឡប់មកជួបពួកមេ‌ទ័ពរបស់ចៅ‌ហ្វាយលោកវិញ មានម្នាក់សួរថា៖ «តើកិច្ច‌ការទាំងអស់ល្អឬទេ? ហេតុអ្វីមនុស្សចម្កួតនេះមករកលោក?» លោកយេហ៊ូវឆ្លើយថា៖ «អស់លោកស្គាល់អ្នកនេះ និងរឿងរបស់គេហើយ»។

សូមមើលជំពូក

ទំនុកតម្កើង 103:7

ព្រះ‌អង្គបានបង្ហាញឲ្យលោកម៉ូសេ ស្គាល់ផ្លូវរបស់ព្រះ‌អង្គ ហើយឲ្យប្រជាជនអ៊ីស្រា‌អែលស្គាល់កិច្ច‌ការ របស់ព្រះ‌អង្គ។

សូមមើលជំពូក

ទំនុកតម្កើង 105:26

៙ ព្រះ‌អង្គបានចាត់លោកម៉ូសេ ជាអ្នកបម្រើព្រះ‌អង្គ និងលោកអើរ៉ុន ដែលព្រះ‌អង្គបានជ្រើសរើស។

សូមមើលជំពូក

ទំនុកតម្កើង 106:16

៙ កាលមនុស្សក្នុងជំរំច្រណែននឹងលោកម៉ូសេ ហើយនឹងលោកអើរ៉ុន ជាអ្នកបរិសុទ្ធរបស់ព្រះ‌យេហូវ៉ា

សូមមើលជំពូក

ទំនុកតម្កើង 22:6

ឯទូល‌បង្គំវិញ ទូល‌បង្គំជាដង្កូវ មិនមែនជាមនុស្សទេ ត្រូវមនុស្សត្មះ‌តិះ‌ដៀល ហើយប្រជាជនស្អប់ខ្ពើម។

សូមមើលជំពូក

ម៉ាឡាគី 4:4

ចូរនឹកចាំពីក្រឹត្យ‌វិន័យរបស់លោកម៉ូសេ ជាអ្នកបម្រើរបស់យើង ដែលយើងបានបង្គាប់ដល់លោកនៅលើភ្នំហោរែប សម្រាប់ពួកអ៊ីស្រា‌អែលទាំងអស់គ្នា គឺក្រឹត្យ‌ក្រម និងបញ្ញត្តិច្បាប់ទាំងប៉ុន្មាននោះ។

សូមមើលជំពូក

ជន‌គណនា 16:28

លោកម៉ូសេមានប្រសាសន៍ថា៖ «អ្នករាល់គ្នានឹងដឹងថា ព្រះ‌យេហូវ៉ាបានចាត់ខ្ញុំឲ្យមកធ្វើការទាំងនេះយ៉ាងនេះឯង ហើយថា ខ្ញុំមិនបានធ្វើដោយចិត្តឯងឡើយ!

សូមមើលជំពូក

ម៉ាថាយ 12:24

ប៉ុន្តែ កាលពួកផារិស៊ីបានឮពាក្យនេះ គេឆ្លើយឡើងថា៖ «អ្នកនេះដេញអារក្ស ដោយ‌សារតែបេល‌សេប៊ូល ជាមេអារក្សប៉ុណ្ណោះ»។

សូមមើលជំពូក

ម៉ាថាយ 26:61

ហើយនិយាយថា៖ «អ្នកនេះបាននិយាយថា "ខ្ញុំអាចបំផ្លាញព្រះ‌វិហាររបស់ព្រះ‌ចោល ហើយសង់ឡើងវិញបាន ក្នុងរវាងបីថ្ងៃ"»។

សូមមើលជំពូក

លូកា 23:2

ពួកគេចាប់ផ្តើមចោទប្រកាន់ព្រះ‌អង្គថា៖ «យើងខ្ញុំបានឃើញអ្នកនេះនាំឲ្យសាសន៍យើងវង្វេង ដោយហាមមិនឲ្យបង់ពន្ធថ្វាយសេសារ ហើយលើកខ្លួនឯងថាជាព្រះ‌គ្រីស្ទ គឺជាស្តេច»។

សូមមើលជំពូក

យ៉ូហាន 1:17

ដ្បិតក្រឹត្យ‌វិន័យបានប្រទានមកតាមរយៈលោកម៉ូសេ តែព្រះ‌គុណ និងសេចក្តីពិត បានមកតាមរយៈព្រះ‌យេស៊ូវ‌គ្រីស្ទ។

សូមមើលជំពូក

យ៉ូហាន 7:27

យើងដឹងថាអ្នកនេះមកពីណាហើយ តែកាលណាព្រះ‌គ្រីស្ទយាងមក នោះគ្មានអ្នកណាដឹងថាមកពីណាទេ»។

សូមមើលជំពូក

យ៉ូហាន 7:28

ដូច្នេះ កាលព្រះ‌យេស៊ូវកំពុងបង្រៀនក្នុងព្រះ‌វិហារ ព្រះ‌អង្គបន្លឺព្រះសូរសៀងខ្លាំងៗថា៖ «តើអ្នករាល់គ្នាស្គាល់ខ្ញុំ ហើយដឹងថាខ្ញុំមកពីណាឬទេ? ខ្ញុំមិនបានមក ដោយអាងខ្លួនខ្ញុំទេ ព្រះដែលចាត់ខ្ញុំមក ទ្រង់ពិតត្រង់ ហើយអ្នករាល់គ្នាមិនស្គាល់ព្រះ‌អង្គទេ។

សូមមើលជំពូក

យ៉ូហាន 8:14

ព្រះ‌យេស៊ូវមានព្រះ‌បន្ទូលឆ្លើយថា៖ «ទោះបីខ្ញុំធ្វើបន្ទាល់ពីខ្លួនខ្ញុំ គង់តែបន្ទាល់នោះពិតដែរ ព្រោះខ្ញុំដឹងថាខ្ញុំមកពីណា ហើយទៅណាផង តែអ្នករាល់គ្នាមិនដឹងជាខ្ញុំមកពីណា ឬទៅណាទេ។

សូមមើលជំពូក

យ៉ូហាន 9:16

ពួកផារិ‌ស៊ីខ្លះនិយាយថា៖ «មនុស្សនោះមិនមែនមកពីព្រះទេ ព្រោះមិនកាន់តាមថ្ងៃសប្ប័ទ»។ ខ្លះទៀតថា៖ «ធ្វើដូចម្តេចឲ្យមនុស្សមានបាប អាចធ្វើទីសម្គាល់យ៉ាងនេះបាន?» ពួកគេក៏បាក់បែកគ្នា។

សូមមើលជំពូក

យ៉ូហាន 9:24

ដូច្នេះ គេក៏ហៅមនុស្សដែលខ្វាក់ពីមុននោះ មកជាលើកទីពីរ ហើយពោលទៅគាត់ថា៖ «ចូរថ្វាយសិរីល្អដល់ព្រះ យើងដឹងថាអ្នកនោះជាមនុស្សបាបទេ»។

សូមមើលជំពូក

យ៉ូហាន 9:30

បុរសនោះឆ្លើយថា៖ «រឿងនេះចម្លែកមែន អស់លោកមិនដឹងថាលោកនោះមកពីណា តែលោកនោះហើយដែលបានធ្វើឲ្យភ្នែកខ្ញុំភ្លឺ។

សូមមើលជំពូក

កិច្ចការ 22:22

ពេលបណ្តាជនស្តាប់លោកមានប្រសាសន៍ដល់ត្រឹមនោះ គេក៏ស្រែកឡើងថា «ចូរសម្លាប់មនុស្សបែបនេះចេញពីផែនដីទៅ ដ្បិតមិនគួរឲ្យវានៅរស់ទៀតទេ!»។

សូមមើលជំពូក

កិច្ចការ 26:22

ព្រះបានជួយទូលបង្គំរហូតមកដល់ថ្ងៃនេះ ដូច្នេះហើយបានជាទូលបង្គំឈរនៅទីនេះ ទាំងធ្វើបន្ទាល់ប្រាប់ទាំងអ្នកតូច ទាំងអ្នកធំ ដោយមិននិយាយអ្វីក្រៅតែពីសេចក្តីដែលពួកហោរា និងលោកម៉ូសេបានថ្លែងថានឹងត្រូវកើតមកនោះឡើយ

សូមមើលជំពូក

កិច្ចការ 7:35

លោកម៉ូសេនេះ ដែលគេបានបដិសេធមិនព្រមទទួល ដោយពោលថា "តើអ្នកណាបានតាំងឲ្យអ្នកធ្វើជាមេគ្រប់គ្រង និងជាចៅក្រម?"។ លោកនេះហើយ ដែលព្រះបានចាត់ឲ្យទៅធ្វើជាមេគ្រប់‌គ្រង និងជាអ្នករំដោះ ដោយសារដៃរបស់ទេវតា ដែលបានលេចឲ្យលោកឃើញក្នុងគុម្ពបន្លា។

សូមមើលជំពូក

ចោទិយ‌កថា 34:10

មិនដែលមានហោរាណាម្នាក់កើតឡើងក្នុងស្រុកអ៊ីស្រា‌អែលដូចលោកម៉ូសេ ដែលព្រះ‌យេហូវ៉ាស្គាល់ មុខទល់មុខឡើយ

សូមមើលជំពូក

ហេព្រើរ 1:1

កាលពីដើម ព្រះ‌ទ្រង់មានព្រះ‌បន្ទូលមកកាន់បុព្វ‌បុរសរបស់យើង ជាច្រើនដងច្រើនបែប ដោយពួកហោរា

សូមមើលជំពូក

ហេព្រើរ 1:2

ប៉ុន្តែ នៅគ្រាក្រោយបង្អស់នេះ ព្រះ‌អង្គមានព្រះ‌បន្ទូលមកកាន់យើង ដោយសារព្រះ‌រាជបុត្រាវិញ ដែលព្រះ‌អង្គបានតម្រូវឲ្យបានគ្រប់គ្រងរបស់ទាំងអស់ ទុកជាមត៌ក ព្រមទាំងបង្កើតពិភព‌លោក តាមរយៈព្រះ‌រាជ‌បុត្រានោះដែរ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម