ការដាក់ឲ្យឆ្លើយតបគ្នា

បន្ទាប់ »

យ៉ូហាន 3:2

ព្រះគម្ពីរបរិសុទ្ធកែសម្រួល ២០១៦

លោកមកជួបព្រះ‌យេស៊ូវទាំងយប់ ហើយទូលថា៖ «រ៉ាប៊ី យើងខ្ញុំដឹងថា លោកជាគ្រូមកពីព្រះ ដ្បិតគ្មានអ្នកណាអាចធ្វើទីសម្គាល់ ដែលលោកធ្វើទាំងនេះបានទេ មានតែព្រះគង់ជាមួយ»។

សូមមើលជំពូក ចម្លង

ការបកប្រែផ្សេងទៀត។

30 ការដាក់ឲ្យឆ្លើយតបគ្នា

១ ពង្សាវ‌តារ‌ក្សត្រ 17:24

នាងនិយាយឡើងថា៖ «ឥឡូវនេះ ខ្ញុំដឹងហើយថា លោកជាអ្នកសំណព្វរបស់ព្រះ ហើយលោកក៏ថ្លែងព្រះ‌បន្ទូលនៃព្រះ‌យេហូវ៉ាពិតប្រាកដមែន»។

សូមមើលជំពូក

អេសាយ 51:7

អ្នករាល់គ្នាដែលស្គាល់សេចក្ដីសុចរិត ជាជនជាតិដែលមានច្បាប់របស់យើងនៅក្នុងចិត្តអើយ ចូរស្ដាប់តាមយើងចុះ កុំខ្លាចសេចក្ដីត្មះ‌តិះ‌ដៀលរបស់មនុស្សឡើយ ក៏កុំឲ្យស្រយុតចិត្តដោយពាក្យបង្កាច់របស់គេដែរ។

សូមមើលជំពូក

យេរេមា 38:16

ព្រះបាទសេដេគាស្បថនឹងហោរាយេរេមាដោយសម្ងាត់ថា៖ «ដូចជាព្រះ‌យេហូវ៉ាមានព្រះ‌ជន្មរស់នៅ ដែលព្រះ‌អង្គបានបង្កើតព្រលឹងឲ្យយើងនេះ នោះប្រាកដជាយើងមិនសម្លាប់ ឬប្រគល់អ្នកទៅក្នុងកណ្ដាប់ដៃនៃពួកអ្នកដែលរកជីវិតអ្នកឡើយ»។

សូមមើលជំពូក

ម៉ាថាយ 22:16

ដូច្នេះ គេចាត់ពួកសិស្សរបស់គេឲ្យទៅជួបព្រះ‌អង្គជាមួយពួកហេរ៉ូឌ ហើយទូលថា៖ «លោកគ្រូ! យើងខ្ញុំដឹងថា លោកជាមនុស្សពិតត្រង់ ហើយបង្រៀនពីផ្លូវរបស់ព្រះតាមសេចក្តីពិត មិនខ្វល់ពីអ្នកណា ព្រោះលោកមិនយល់មុខមនុស្សណាឡើយ។

សូមមើលជំពូក

ម៉ាថាយ 23:7

គេចូលចិត្តឲ្យមនុស្សគំនាប់ខ្លួននៅតាមទីផ្សារ ហើយឲ្យគេហៅខ្លួនថា "រ៉ាប៊ី"

សូមមើលជំពូក

ម៉ាថាយ 23:8

ប៉ុន្តែ អ្នករាល់គ្នាវិញ មិនត្រូវឲ្យគេហៅខ្លួនថា "ព្រះ‌គ្រូ" ឡើយ ដ្បិតអ្នករាល់គ្នាមានព្រះគ្រូតែមួយគត់ ហើយអ្នកទាំងអស់គ្នាជាបង‌ប្អូននឹងគ្នា។

សូមមើលជំពូក

ម៉ាកុស 12:14

ពេលមកដល់ គេទូលព្រះ‌អង្គថា៖ «លោកគ្រូ យើងខ្ញុំដឹងថា លោកជាមនុស្សពិតត្រង់ ហើយមិនខ្វល់ពីអ្នកណា ព្រោះលោកមិនយល់មុខមនុស្សណាឡើយ លោកបង្រៀនពីផ្លូវរបស់ព្រះ តាមតែសេចក្តីពិត។ តើមានច្បាប់នឹងបង់ពន្ធថ្វាយសេសារឬទេ?

សូមមើលជំពូក

យ៉ូហាន 1:38

ពេលព្រះ‌យេស៊ូវងាកមកឃើញអ្នកទាំងពីរកំពុងដើរតាម ព្រះ‌អង្គមានព្រះបន្ទូលទៅគេថា៖ «អ្នកមករកអ្វី?» គេទូលព្រះ‌អង្គថា៖ «រ៉ាប៊ី (ដែលប្រែថា លោកគ្រូ) តើលោកនៅឯណា?»

សូមមើលជំពូក

យ៉ូហាន 10:38

ប៉ុន្តែ បើខ្ញុំធ្វើ ហើយអ្នករាល់គ្នាមិនជឿខ្ញុំ ក៏គួរតែជឿកិច្ច‌ការទាំងនោះចុះ ដើម្បីឲ្យអ្នករាល់គ្នាបានដឹង ហើយជឿថា ព្រះ‌វរបិតាគង់នៅក្នុងខ្ញុំ ហើយខ្ញុំនៅក្នុងព្រះ‌វរបិតា»។

សូមមើលជំពូក

យ៉ូហាន 12:37

ទោះបើព្រះ‌អង្គបានធ្វើទីសម្គាល់ជាច្រើន នៅមុខគេយ៉ាងណាក៏ដោយ ក៏គេនៅតែមិនជឿដល់ព្រះ‌អង្គដដែល

សូមមើលជំពូក

យ៉ូហាន 14:10

តើអ្នកមិនជឿថា ខ្ញុំនៅក្នុងព្រះ‌វរបិតា ហើយព្រះ‌វរបិតាគង់នៅក្នុងខ្ញុំទេឬ? អស់ទាំងពាក្យដែលខ្ញុំប្រាប់អ្នករាល់គ្នា ខ្ញុំមិនមែនប្រាប់ដោយអាងខ្លួនខ្ញុំទេ ប៉ុន្តែ ព្រះ‌វរបិតាដែលគង់ក្នុងខ្ញុំ ព្រះ‌អង្គធ្វើកិច្ច‌ការរបស់ព្រះ‌អង្គ។

សូមមើលជំពូក

យ៉ូហាន 15:24

ប្រសិន‌បើខ្ញុំមិនបានធ្វើកិច្ច‌ការក្នុងចំណោមពួកគេ ដែលគ្មានអ្នកណាទៀតបានធ្វើ នោះគេឥតមានបាបទេ តែឥឡូវនេះ គេបានឃើញ ហើយគេស្អប់ទាំងខ្ញុំ ស្អប់ទាំងព្រះ‌វរបិតារបស់ខ្ញុំ។

សូមមើលជំពូក

យ៉ូហាន 2:11

ព្រះ‌យេស៊ូវធ្វើទីសម្គាល់មុនដំបូងនេះ នៅភូមិកាណា ក្នុងស្រុកកាលី‌ឡេ ទាំងសម្តែងសិរីល្អរបស់ព្រះ‌អង្គ ហើយពួកសិស្សក៏ជឿដល់ព្រះ‌អង្គ។

សូមមើលជំពូក

យ៉ូហាន 20:16

ព្រះ‌យេស៊ូវមានព្រះ‌បន្ទូលទៅនាងថា៖ «ម៉ារាអើយ!» នាងក៏បែរទៅរកព្រះ‌អង្គ ហើយទូលព្រះ‌អង្គ ជាភាសាហេព្រើរថា៖ «រ៉ា‌បូ‌នី» (ដែលស្រាយថា លោកគ្រូ)។

សូមមើលជំពូក

យ៉ូហាន 3:26

ពួកគេមកជួបលោកយ៉ូហាន ជម្រាបថា៖ «រ៉ាប៊ី ម្នាក់ដែលនៅជាមួយលោក ខាងនាយទន្លេយ័រ‌ដាន់ ដែលលោកបានធ្វើបន្ទាល់នោះ ឥឡូវនេះ គាត់កំពុងធ្វើពិធីជ្រមុជទឹក ហើយមនុស្សទាំងអស់នាំគ្នាទៅរកគាត់»។

សូមមើលជំពូក

យ៉ូហាន 4:31

ខណៈនោះ ពួកសិស្សទូលព្រះ‌អង្គថា៖ «រ៉ាប៊ី សូមអញ្ជើញពិសា!»

សូមមើលជំពូក

យ៉ូហាន 5:36

ប៉ុន្តែ ខ្ញុំមានបន្ទាល់ វិសេសជាងបន្ទាល់របស់លោកយ៉ូហានទៅទៀត ព្រោះកិច្ច‌ការដែលព្រះ‌វរបិតាបានប្រគល់ឲ្យខ្ញុំបង្ហើយ គឺកិច្ច‌ការដែលខ្ញុំធ្វើនេះហើយ ដែលធ្វើបន្ទាល់អំពីខ្ញុំថា ព្រះ‌វរបិតាបានចាត់ខ្ញុំឲ្យមក។

សូមមើលជំពូក

យ៉ូហាន 6:2

មានបណ្តាជនជាច្រើនតាមព្រះ‌អង្គទៅ ព្រោះគេបានឃើញទីសម្គាល់ ដែលព្រះ‌អង្គប្រោសអ្នកជំងឺ។

សូមមើលជំពូក

យ៉ូហាន 7:31

ក្នុងចំណោមបណ្តាជន មានមនុស្សជាច្រើនបានជឿដល់ព្រះ‌អង្គ ហើយគេនិយាយថា៖ «កាលណាព្រះ‌គ្រីស្ទយាងមក តើព្រះ‌អង្គនឹងធ្វើទីសម្គាល់ច្រើនជាងលោកនេះឬ?»

សូមមើលជំពូក

យ៉ូហាន 9:16

ពួកផារិ‌ស៊ីខ្លះនិយាយថា៖ «មនុស្សនោះមិនមែនមកពីព្រះទេ ព្រោះមិនកាន់តាមថ្ងៃសប្ប័ទ»។ ខ្លះទៀតថា៖ «ធ្វើដូចម្តេចឲ្យមនុស្សមានបាប អាចធ្វើទីសម្គាល់យ៉ាងនេះបាន?» ពួកគេក៏បាក់បែកគ្នា។

សូមមើលជំពូក

កិច្ចការ 10:38

ពីរបៀបដែលព្រះបានចាក់ប្រេងតាំងព្រះ‌យេស៊ូវ ជាអ្នកស្រុកណា‌សារ៉ែត ដោយព្រះ‌វិញ្ញាណបរិសុទ្ធ និងដោយព្រះ‌ចេស្តា ហើយព្រះ‌អង្គបានយាងចុះឡើងធ្វើការល្អ ព្រមទាំងប្រោសអស់អ្នកដែលត្រូវអារក្សសង្កត់សង្កិនឲ្យបានជា ដ្បិតព្រះគង់ជា‌មួយព្រះ‌អង្គ។

សូមមើលជំពូក

កិច្ចការ 2:22

ឱពួកសាសន៍អ៊ីស្រា‌អែលអើយ សូមស្តាប់ពាក្យនេះចុះ ព្រះ‌យេស៊ូវ ជាអ្នកស្រុកណា‌សារ៉ែត ដែលព្រះបានសម្តែងបង្ហាញមកអ្នករាល់គ្នា ដោយឫទ្ធិ‌បារមី ការអស្ចារ្យ និងទីសម្គាល់ ដែលព្រះបានធ្វើនៅកណ្តាលអ្នករាល់គ្នា តាមរយៈព្រះ‌អង្គ ដូចអ្នករាល់គ្នាដឹងស្រាប់ហើយ។

សូមមើលជំពូក

ភីលីព 1:14

ហើយបង‌ប្អូនភាគច្រើន ដែលមានការជឿជាក់ក្នុងព្រះ‌អម្ចាស់ដោយ‌សារចំណងរបស់ខ្ញុំ គេហ៊ានផ្សាយព្រះ‌បន្ទូលកាន់តែខ្លាំងឡើង ដោយឥតភ័យខ្លាច។

សូមមើលជំពូក

ពួកចៅ‌ហ្វាយ 6:27

ដូច្នេះ គេឌាននាំអ្នកបម្រើរបស់លោកដប់នាក់ ហើយធ្វើតាមដូចព្រះ‌យេហូវ៉ាបានប្រាប់លោក តែដោយព្រោះលោកខ្លាចមនុស្សនៅក្នុងគ្រួសាររបស់លោក និងមនុស្សនៅទីក្រុង លោកមិនហ៊ានធ្វើនៅពេលថ្ងៃទេ គឺលោកធ្វើនៅពេលយប់វិញ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម