ការដាក់ឲ្យឆ្លើយតបគ្នា

បន្ទាប់ »

យ៉ូហាន 11:55

ព្រះគម្ពីរបរិសុទ្ធកែសម្រួល ២០១៦

ពេលនោះ ថ្ងៃបុណ្យរំលងរបស់សាសន៍យូដា ក៏ជិតមកដល់ មានមនុស្សជាច្រើនចេញពីស្រុកស្រែ ឡើងទៅក្រុងយេរូ‌សាឡិមមុនបុណ្យនោះ ដើម្បីឲ្យបានញែកខ្លួនជាបរិសុទ្ធ។

សូមមើលជំពូក ចម្លង

ការបកប្រែផ្សេងទៀត។

30 ការដាក់ឲ្យឆ្លើយតបគ្នា

លោកុ‌ប្បត្តិ 35:2

ដូច្នេះ លោកយ៉ាកុបប្រាប់ក្រុមគ្រួសាររបស់លោក និងអស់អ្នកដែលនៅជា‌មួយលោកថា៖ «ចូរបោះចោលព្រះដទៃទាំងប៉ុន្មាន ដែលនៅក្នុងចំណោមអ្នករាល់គ្នាចេញ រួចសម្អាតខ្លួន ហើយផ្លាស់សម្លៀកបំពាក់ទៅ។

សូមមើលជំពូក

យ៉ូប 1:5

ក្រោយពេលជប់លៀង លោកយ៉ូបតែងតែប្រាប់គេឲ្យទៅញែកខ្លួនជាបរិសុទ្ធ រួចក្រោកឡើងពីព្រលឹមស្រាង ថ្វាយតង្វាយដុតតាមចំនួនកូនទាំងប៉ុន្មាន ដោយពោលថា៖ «ក្រែងកូនរបស់ខ្ញុំបានធ្វើបាប ហើយមានចិត្តលះចោលព្រះយ៉ាងណា»។ លោកតែង‌តែធ្វើដូច្នេះជាដរាប។

សូមមើលជំពូក

ទំនុកតម្កើង 26:6

ឱព្រះ‌អម្ចាស់អើយ ទូល‌បង្គំលាងដៃជាសម្គាល់ថា ទូល‌បង្គំគ្មានទោសទេ ហើយទូល‌បង្គំដើរជុំវិញអាសនារបស់ព្រះ‌អង្គ

សូមមើលជំពូក

និក្ខមនំ 19:10

ព្រះ‌យេហូវ៉ាមានព្រះ‌បន្ទូលមកកាន់លោកម៉ូសេថា៖ «ចូរទៅជួបប្រជា‌ជនវិញ ដើម្បីញែកគេចេញជាបរិសុទ្ធនៅថ្ងៃនេះ និងថ្ងៃស្អែក ត្រូវឲ្យគេបោកសម្លៀកបំពាក់

សូមមើលជំពូក

ជន‌គណនា 9:10

«ចូរប្រាប់កូនចៅអ៊ីស្រា‌អែលថា ប្រសិន‌បើមាន‌អ្នកណាម្នាក់ក្នុងចំណោមអ្នករាល់គ្នា ឬកូនចៅអ្នករាល់គ្នាដែលត្រូវសៅ‌ហ្មងដោយសារប៉ះ‌ពាល់សាក‌សព ឬធ្វើដំណើរទៅឆ្ងាយ គេក៏ត្រូវប្រារព្ធពិធីបុណ្យរំលងថ្វាយព្រះ‌យេហូវ៉ាដែរ។

សូមមើលជំពូក

ជន‌គណនា 9:6

ពេលនោះ មានអ្នកខ្លះដែលត្រូវសៅ‌ហ្មងដោយបានប៉ះពាល់សាក‌សព ហើយគេមិនអាចប្រារព្ធពិធីបុណ្យរំលងនៅថ្ងៃនោះបាន។ គេចូលទៅជួបលោកម៉ូសេ និងលោកអើរ៉ុននៅថ្ងៃនោះ

សូមមើលជំពូក

ម៉ាថាយ 26:1

កាលព្រះ‌យេស៊ូវមានព្រះ‌បន្ទូលសេចក្តីទាំងនេះចប់ហើយ ព្រះ‌អង្គមានព្រះ‌បន្ទូលទៅកាន់ពួកសិស្សរបស់ព្រះ‌អង្គថា៖

សូមមើលជំពូក

ម៉ាថាយ 26:2

«អ្នករាល់គ្នាដឹងហើយថា ពីរថ្ងៃទៀតដល់ថ្ងៃបុណ្យរំលង ហើយកូនមនុស្សនឹងត្រូវគេបញ្ជូនទៅឆ្កាង»។

សូមមើលជំពូក

ម៉ាកុស 14:1

ឥឡូវនេះ នៅពីរថ្ងៃទៀតដល់ថ្ងៃបុណ្យរំលង និងបុណ្យនំបុ័ងឥតដំបែ។ ពួកសង្គ្រាជ និងពួកអាចារ្យបានរិះរកមធ្យោបាយ ដោយប្រើកលល្បិច ដើម្បីចាប់ព្រះយេស៊ូវយកទៅធ្វើគុត។

សូមមើលជំពូក

លូកា 22:1

ពិធីបុណ្យនំបុ័ងឥតដំបែ ដែលហៅថាបុណ្យរំលង នោះជិតមកដល់ហើយ។

សូមមើលជំពូក

យ៉ូហាន 12:1

មុនបុណ្យរំលងប្រាំមួយថ្ងៃ ព្រះ‌យេស៊ូវយាងមកដល់ភូមិបេ‌ថានី ជាភូមិឡាសារដែលព្រះ‌អង្គបានប្រោសឲ្យរស់ពីស្លាប់ឡើងវិញ។

សូមមើលជំពូក

យ៉ូហាន 13:1

នៅមុនពិធីបុណ្យរំលង ព្រះ‌យេស៊ូវជ្រាបថា ពេលកំណត់ដែលព្រះ‌អង្គត្រូវចេញពីលោកនេះ ទៅឯព្រះ‌វរបិតាវិញ បានមកដល់ហើយ ហើយដែលព្រះ‌អង្គបានស្រឡាញ់សិស្សរបស់ព្រះ‌អង្គនៅក្នុងពិភពលោកនេះ ព្រះ‌អង្គក៏ស្រឡាញ់គេរហូតដល់ទីបំផុត។

សូមមើលជំពូក

យ៉ូហាន 18:28

បន្ទាប់មក គេនាំព្រះ‌យេស៊ូវពីដំណាក់លោកកៃផា ទៅឯបន្ទាយរបស់លោកទេសាភិបាល។ ពេលនោះព្រលឹមស្រាងហើយ គេមិនបានចូលទៅក្នុងបន្ទាយនោះទេ ក្រែងគេត្រូវសៅ‌ហ្មង ហើយមិនអាចបរិ‌ភោគបុណ្យរំលងបាន ។

សូមមើលជំពូក

យ៉ូហាន 2:13

បុណ្យរំលងរបស់សាសន៍យូដាជិតមកដល់ហើយ ព្រះ‌យេស៊ូវក៏យាងឡើងទៅក្រុងយេរូ‌សាឡិម។

សូមមើលជំពូក

យ៉ូហាន 2:6

នៅទីនោះ មានពាងថ្មប្រាំមួយ ដែលសាសន៍យូដាប្រើសម្រាប់ធ្វើពិធីជម្រះកាយ ពាងមួយៗចំណុះទឹកពីរឬបីអម្រែក។

សូមមើលជំពូក

យ៉ូហាន 5:1

ក្រោយមក មានបុណ្យមួយរបស់សាសន៍យូដា ហើយព្រះ‌យេស៊ូវយាងឡើងទៅក្រុងយេរូ‌សាឡិម។

សូមមើលជំពូក

យ៉ូហាន 6:4

ពេលនោះ ថ្ងៃបុណ្យរំលង ជាបុណ្យរបស់សាសន៍យូដា ជិតមកដល់ហើយ។

សូមមើលជំពូក

កិច្ចការ 21:24

សូមបងនាំអ្នកទាំងនេះទៅ ហើយធ្វើពិធីជម្រះកាយជា‌មួយគេ រួចចេញប្រាក់ឲ្យគេកោរសក់ផង។ យ៉ាងនោះមនុស្សទាំងអស់នឹងដឹងថា ដំណឹងដែលគេឮអំពីបង នោះមិនពិតទេ គឺថា ខ្លួនបងក៏រស់នៅទាំងកាន់តាមក្រឹត្យ‌វិន័យដែរ។

សូមមើលជំពូក

កិច្ចការ 21:26

បន្ទាប់មក លោកប៉ុលក៏នាំអ្នកទាំងនោះទៅ ហើយនៅថ្ងៃបន្ទាប់ លោកបានធ្វើពិធីជម្រះកាយឲ្យបានបរិសុទ្ធជា‌មួយអ្នកទាំងនោះ រួចចូលទៅក្នុងព្រះ‌វិហារ ដើម្បីបញ្ជាក់ពីថ្ងៃដែលពិធីជម្រះកាយត្រូវបញ្ចប់ និងតង្វាយដែលគេម្នាក់ៗត្រូវថ្វាយ។

សូមមើលជំពូក

កិច្ចការ 24:18

កាលខ្ញុំបាទកំពុងរវល់នឹងការនេះ គេក៏ឃើញខ្ញុំបាទធ្វើពិធីជម្រះកាយឲ្យបានបរិសុទ្ធនៅក្នុងព្រះ‌វិហារ ឥតមានបណ្ដាជន ឬកើតវឹក‌វរអ្វីឡើយ។ ប៉ុន្តែ មានសាសន៍យូដាខ្លះមកពីស្រុកអាស៊ីបានឃើញខ្ញុំបាទ

សូមមើលជំពូក

១ កូរិន‌ថូស 11:28

ត្រូវឲ្យម្នាក់ៗពិនិត្យមើលខ្លួនឯងសិន សឹមបរិ‌ភោគនំបុ័ង ហើយផឹកពីពែងនេះ

សូមមើលជំពូក

យ៉ាកុប 4:8

សូមចូលទៅជិតព្រះ‌អង្គ នោះព្រះ‌អង្គនឹងយាងមកជិតអ្នករាល់គ្នាវិញដែរ។ មនុស្សបាបអើយ ចូរលាងដៃឲ្យស្អាតចុះ មនុស្សមានចិត្តពីរអើយ ចូរសម្អាតចិត្តឲ្យស្អាតឡើង។

សូមមើលជំពូក

១ សាំ‌យូ‌អែល 16:5

លោកឆ្លើយថា៖ «ដោយមេត្រីទេ ខ្ញុំមកដើម្បីថ្វាយយញ្ញ‌បូជាដល់ព្រះ‌យេហូវ៉ា ដូច្នេះ ចូរអ្នករាល់គ្នាសម្អាតកាយឲ្យបានបរិសុទ្ធចុះ រួចមកបរិ‌ភោគយញ្ញ‌បូជាជា‌មួយគ្នា» លោកក៏ញែកអ៊ីសាយ និងពួកកូនគាត់ចេញជាបរិសុទ្ធ ហើយហៅគេមកបរិ‌ភោគយញ្ញ‌បូជាទាំងអស់គ្នា។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម