ការដាក់ឲ្យឆ្លើយតបគ្នា

បន្ទាប់ »

យេរេមា 51:29

ព្រះគម្ពីរបរិសុទ្ធកែសម្រួល ២០១៦

ផែនដីកំពុងញាប់‌ញ័រក៏ឈឺចាប់ ពីព្រោះការដែលព្រះ‌យេហូវ៉ា សម្រេចធ្វើដល់ក្រុងបាប៊ីឡូន នោះស្ថិត‌ស្ថេរនៅ ដើម្បីនឹងធ្វើឲ្យស្រុកបាប៊ីឡូន ត្រូវខូច‌បង់ ឥតមានអ្នកណានៅ។

សូមមើលជំពូក ចម្លង

ការបកប្រែផ្សេងទៀត។

25 ការដាក់ឲ្យឆ្លើយតបគ្នា

អេសាយ 14:16

ពួកអ្នកដែលឃើញអ្នក គេនឹងសម្លឹងមើលចំអ្នក ហើយពិចារ‌ណាអ្នកដោយពាក្យថា៖ តើមនុស្សនេះឬ ដែលធ្លាប់ធ្វើឲ្យផែនដីញាប់‌ញ័រ ហើយឲ្យនគរទាំងប៉ុន្មានកក្រើករំពើក

សូមមើលជំពូក

អេសាយ 24:20

ផែនដីនឹងទ្រេត‌ទ្រោត ដូចជាមនុស្សស្រវឹង ហើយនឹងត្រូវយោលទៅដូចជាអង្រឹង ឯអំពើរំលងរបស់មនុស្សលោក នឹងសង្កត់លើជាយ៉ាងធ្ងន់ គេនឹងត្រូវដួលឥតងើបឡើងវិញឡើយ។

សូមមើលជំពូក

យេរេមា 10:10

ប៉ុន្តែ ព្រះ‌យេហូវ៉ាជាព្រះដ៏ពិត ព្រះ‌អង្គជាព្រះដ៏មានព្រះ‌ជន្មរស់នៅ ក៏ជាមហា‌ក្សត្រដ៏នៅអស់‌កល្បជា‌និច្ច ផែនដីក៏ញ័រចំពោះសេចក្ដីក្រោធរបស់ព្រះ‌អង្គ ហើយអស់ទាំងសាសន៍មិនអាចនឹងធន់នៅ ចំពោះសេចក្ដីគ្នាន់‌ក្នាញ់របស់ព្រះ‌អង្គបានឡើយ។

សូមមើលជំពូក

យេរេមា 50:13

ឥតមានអ្នកណានៅ ដោយព្រោះសេចក្ដីក្រោធរបស់ព្រះ‌យេហូវ៉ា គឺនឹងត្រូវចោលស្ងាត់ទទេ អ្នកណាដែលដើរកាត់មុខក្រុងបាប៊ីឡូន នឹងអស្ចារ្យក្នុងចិត្ត ហើយធ្វើស៊ីស‌ស៊ូសឲ្យ ដោយព្រោះគ្រប់ទាំងសេចក្ដីវេទនារបស់ទីក្រុង។

សូមមើលជំពូក

យេរេមា 50:36

មានដាវមកលើពួកភូត‌ភរ គេនឹងវង្វេងស្មារតី មានដាវមកលើពួកខ្លាំងពូកែរបស់គេ ហើយពួកនោះនឹងភ័យស្លុត។

សូមមើលជំពូក

យេរេមា 50:43

ស្តេចក្រុងបាប៊ីឡូនបានឮដំណឹងពីគេ ព្រះ‌ហស្តរបស់ទ្រង់ក៏ខ្សោយទៅ មានសេចក្ដីថប់ព្រួយចាប់ទ្រង់ ទ្រង់ក៏ឈឺចាប់ ដូចជាស្រីដែលឈឺនឹងសម្រាលកូន។

សូមមើលជំពូក

យេរេមា 50:45

ដូច្នេះ ចូរស្តាប់សេចក្ដីប្រឹក្សារបស់ព្រះ‌យេហូវ៉ា ជាសេចក្ដីដែលព្រះ‌អង្គបានគិតសម្រេចទាស់នឹងក្រុងបាប៊ីឡូន ហើយការដែលព្រះ‌អង្គបានសម្រេចទាស់នឹងពួកអ្នកស្រុកខាល់ដេចុះ គឺថាពួកតូចបំផុតក្នុងហ្វូងនឹងអូសគេចេញ ហើយឲ្យទីលំនៅរបស់គេទៅជាស្ងាត់ច្រៀបពីលើគេ។

សូមមើលជំពូក

យេរេមា 50:46

ផែនដីក៏ញ័រ ដោយឮសូរការចាប់យកក្រុងបាប៊ីឡូន សម្រែករបស់គេបានឮនៅក្នុងចំណោមសាសន៍នានា។

សូមមើលជំពូក

យេរេមា 51:26

គេនឹងមិនយកថ្មពីអ្នក សម្រាប់ធ្វើជាថ្មជ្រុងផ្ទះ ឬជាឫសជញ្ជាំងឡើយ គឺអ្នកនឹងត្រូវចោលស្ងាត់ជារៀងរហូតទៅ នេះជាព្រះ‌បន្ទូលនៃព្រះ‌យេហូវ៉ា។

សូមមើលជំពូក

យេរេមា 51:28

ចូរប្រមូលផ្តុំសាសន៍ទាំងប៉ុន្មានមកទាស់នឹងវា គឺអស់ទាំងស្តេចនៃសាសន៍មេឌី និងពួកចៅ‌ហ្វាយ ពួកនាយរបស់គេ ព្រមទាំងស្រុកទាំងមូល ដែលនៅក្រោមអំណាចគេ។

សូមមើលជំពូក

យេរេមា 51:37

ឯក្រុងបាប៊ីឡូននឹងត្រឡប់ជាកងគំនរ ជាទីលំនៅរបស់សត្វស្វាន ជាទីស្រឡាំង‌កាំង ហើយជាទីដែលគេធ្វើស៊ីស‌ស៊ូសឲ្យ ឥតមានអ្នកណានៅឡើយ។

សូមមើលជំពូក

យេរេមា 51:43

ទីក្រុងទាំងប៉ុន្មានបានត្រឡប់ជាទីស្ងាត់ច្រៀប ជាដីហួត‌ហែង ជាវាលស្ងាត់ ជាទីដែលឥតមានអ្នកណានៅ គ្មានមនុស្សជាតិណាមួយដើរតាមនោះឡើយ។

សូមមើលជំពូក

យេរេមា 8:16

មានឮសូរឃីសនៃសេះរបស់គេចេញពីដាន់មក កាលណាឮសូរសេះខ្លាំងពូកែរបស់គេស្រែកកញ្ជ្រៀវ នោះផែនដីទាំងអស់ក៏ញ័រ ដ្បិតគេបានមកហើយ គេបានស៊ីលេបស្រុក និងរបស់ទាំងប៉ុន្មានដែលនៅក្នុងស្រុក ព្រមទាំងទីក្រុង និងពួកអ្នកនៅក្នុងនោះដែរ។

សូមមើលជំពូក

យ៉ូអែល 2:10

ផែន‌ដីកក្រើកនៅមុខគេ ឯផ្ទៃមេឃក៏ញ័ររន្ធត់ ព្រះ‌អាទិត្យ និងព្រះ‌ចន្ទប្រែជាងងឹត ហើយផ្កាយទាំងប៉ុន្មានក៏លែងមានពន្លឺ។

សូមមើលជំពូក

អេម៉ុស 8:8

ដោយហេតុនេះ តើស្រុកមិនញាប់‌ញ័រ ហើយគ្រប់គ្នាដែលរស់នៅក្នុងស្រុក តើមិនសោយសោកទេឬ? អើ ស្រុកនេះទាំងមូលនឹងឡើងលិចដូចទន្លេធំ និងចម្រើនដី ហើយស្រោច‌ស្រព រួចស្រកទៅវិញ ដូចជាទន្លេនៅស្រុកអេស៊ីព្ទដែរ។

សូមមើលជំពូក

វិវរណៈ 18:2

ទេវតានោះបន្លឺឡើង ដោយសំឡេងយ៉ាងខ្លាំងថា៖ «រលំហើយ ក្រុងបាប៊ី‌ឡូនដ៏ធំបានរលំហើយ! ។ ក្រុងនេះបានក្លាយជាលំនៅរបស់ពួកអារក្ស ជាកន្លែងរបស់អស់ទាំងវិញ្ញាណអសោច ជាកន្លែងរបស់អស់ទាំងសត្វស្លាបអសោច និងជាកន្លែងរបស់អស់ទាំងសត្វសាហាវអសោច ហើយគួរឲ្យខ្ពើម។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម