ការដាក់ឲ្យឆ្លើយតបគ្នា

បន្ទាប់ »

យេរេមា 23:19

ព្រះគម្ពីរបរិសុទ្ធកែសម្រួល ២០១៦

មើល៍! ព្យុះសង្ឃរារបស់ព្រះ‌យេហូវ៉ា គឺជាសេចក្ដីក្រោធរបស់ព្រះ‌អង្គបានចេញទៅហើយ ជាព្យុះកួចដែលនឹងធ្លាយមកលើក្បាល របស់ពួកមនុស្សអាក្រក់។

សូមមើលជំពូក ចម្លង

ការបកប្រែផ្សេងទៀត។

19 ការដាក់ឲ្យឆ្លើយតបគ្នា

ទំនុកតម្កើង 58:9

មុននឹងភ្លើងបន្លាឆេះក្ដៅដល់ឆ្នាំង សូមព្រះ‌អង្គផាត់យកគេ ទាំងក្មេងទាំងចាស់ចេញទៅ!

សូមមើលជំពូក

សុភា‌សិត 1:27

គឺក្នុងកាលដែលសេចក្ដីភិត‌ភ័យ មកលើអ្នករាល់គ្នា ដូចជាព្យុះសង្ឃរា ហើយសេចក្ដីអន្ត‌រាយរបស់អ្នករាល់គ្នាមក ដូចជាខ្យល់កួច ក្នុងកាលដែលសេចក្ដីលំបាក និងសេចក្ដីទុក្ខព្រួយ មកគ្របសង្កត់លើអ្នករាល់គ្នា។

សូមមើលជំពូក

សុភា‌សិត 10:25

កាលណាខ្យល់កួចហួសបាត់ទៅ នោះមនុស្សអាក្រក់ឥតមានសល់ឡើយ តែមនុស្សសុចរិត មានឫសដ៏ស្ថិត‌ស្ថេរនៅអស់‌កល្បវិញ។

សូមមើលជំពូក

អេសាយ 21:1

នេះជាសេចក្ដីទំនាយយ៉ាងធ្ងន់ ពីដំណើរវាលរហាលក្បែរសមុទ្រ។ ការនេះមកពីវាលរហាល គឺជាកន្លែងគួរស្ញែង‌ខ្លាចដូចខ្យល់កំបុតត្បូង ដែលបក់មកបោសកាត់តំបន់ណេកិបដែរ

សូមមើលជំពូក

អេសាយ 40:24

អើពួកទាំងនោះនឹងមិនដែលបានដាំចុះឡើយ ក៏នឹងបានសាប‌ព្រោះសឹងតែមិនទាន់ផង ដើមគេនឹងមិនដែលចាក់ឫសចុះក្នុងដីឡើយ ព្រះ‌អង្គនឹងផ្លុំខ្យល់ទៅ នោះគេនឹងស្វិតក្រៀម រួចខ្យល់កួចនឹងផាត់យកគេទៅ ដូចជាជញ្ជ្រាំង។

សូមមើលជំពូក

យេរេមា 25:31

ព្រះសូរសៀងនឹងឮរហូតដល់ចុងបំផុតផែនដី ដ្បិតព្រះ‌យេហូវ៉ាមានការណ៍ទាស់ទទឹង នឹងសាសន៍ទាំងប៉ុន្មាន ព្រះ‌អង្គនឹងកាត់ក្ដីមនុស្សគ្នា ឯពួកមនុស្សអាក្រក់ ព្រះ‌អង្គនឹងប្រគល់ដល់ដាវ នេះជាព្រះ‌បន្ទូលរបស់ព្រះ‌យេហូវ៉ា។

សូមមើលជំពូក

យេរេមា 25:32

ព្រះ‌យេហូវ៉ានៃពួកពល‌បរិវារ ព្រះ‌អង្គមានព្រះ‌បន្ទូលថា៖ មើល៍ សេចក្ដីអាក្រក់នឹងចេញពីនគរមួយដល់នគរមួយ ហើយកើតមានព្យុះសង្ឃរាយ៉ាងសម្បើម មកពីចុងផែនដីបំផុត។

សូមមើលជំពូក

យេរេមា 30:23

មើល៍! ព្យុះសង្ឃរារបស់ព្រះ‌យេហូវ៉ា គឺជាសេចក្ដីក្រោធរបស់ព្រះ‌អង្គបានចេញមកហើយ គឺជាខ្យល់កួចដែលបោសរំលីង ខ្យល់នោះនឹងធ្លាយមកលើក្បាលរបស់ពួកអាក្រក់។

សូមមើលជំពូក

យេរេមា 30:24

សេចក្ដីក្រោធដ៏សហ័សរបស់ព្រះ‌យេហូវ៉ា នឹងមិនវិលមកវិញ ដរាបដល់ព្រះ‌អង្គបានធ្វើសម្រេច ហើយបានបង្ហើយតាមបំណងព្រះ‌ហឫ‌ទ័យ នៅគ្រាចុងក្រោយបង្អស់ នោះអ្នករាល់គ្នានឹងយល់។

សូមមើលជំពូក

យេរេមា 4:11

នៅគ្រានោះនឹងមានសេចក្ដីប្រាប់ដល់ជនជាតិនេះ ហើយដល់ក្រុងយេរូ‌សាឡិមថា មានខ្យល់ក្តៅបក់មកពីទីខ្ពស់ត្រងិលនៅទីរហោ‌ស្ថាន ទៅខាងកូនស្រីរបស់ប្រជា‌រាស្ត្រយើង មិនមែនសម្រាប់រោយស្រូវទេ ក៏មិនមែនសម្រាប់សម្អាតដែរ។

សូមមើលជំពូក

យេរេមា 51:1

ព្រះ‌យេហូវ៉ាមានព្រះ‌បន្ទូលដូច្នេះថា៖ យើងនឹងបង្កើតឲ្យមានខ្យល់ ដែលបំផ្លាញទាស់នឹងក្រុងបាប៊ីឡូន ហើយទាស់នឹងពួកអ្នកនៅកណ្ដាលសាសន៍ ដែលលើកខ្លួនឡើងទាស់នឹងយើងដែរ។

សូមមើលជំពូក

អេ‌សេ‌គាល 1:4

ខ្ញុំក្រឡេកមើលទៅ ឃើញមានខ្យល់ព្យុះចេញពីទិសខាងជើង មានដុំពពកយ៉ាងធំ និងមានពន្លឺភ្លឺនៅជុំ‌វិញ ហើយនៅកណ្ដាលពពកនោះ មានចេញពន្លឺពណ៌លង្ហិន

សូមមើលជំពូក

អេ‌សេ‌គាល 13:13

ហេតុនោះ ព្រះ‌អម្ចាស់‌យេហូវ៉ាមានព្រះ‌បន្ទូលដូច្នេះថា យើងនឹងរំលំកំផែងនោះ ដោយខ្យល់គំហុក ក្នុងសេចក្ដីក្រោធរបស់យើង ហើយនឹងមានភ្លៀងធ្លាក់យ៉ាងខ្លាំង ដោយកំហឹងរបស់យើង ព្រមទាំងគ្រាប់ព្រឹលធំៗ ដោយសេចក្ដីក្រោធរបស់យើង មកបំផ្លាញកំផែងនោះ។

សូមមើលជំពូក

អេម៉ុស 1:14

យើងនឹងបង្កាត់ភ្លើងនៅលើកំផែងក្រុងរ៉ាបាត ភ្លើងនោះនឹងឆេះទីមាំមួនរបស់ក្រុងនោះអស់ទៅ ទាំងមានសម្រែកក្នុងថ្ងៃសឹកសង្គ្រាម ទាំងមានព្យុះសង្ឃរា ក្នុងថ្ងៃដែលមានខ្យល់កំបុត‌ត្បូង

សូមមើលជំពូក

សាការី 7:14

គឺយើងនឹងកម្ចាត់‌កម្ចាយគេដោយខ្យល់កួច ឲ្យទៅនៅក្នុងចំណោមសាសន៍ផ្សេងៗ ដែលគេមិនស្គាល់ឡើយ។ ដូច្នេះ ស្រុកគេត្រូវចោលស្ងាត់ ឥតមានអ្នកណាដើរកាត់ ឬវិលត្រឡប់មកវិញទេ ដ្បិតគេបានធ្វើឲ្យស្រុកដ៏ល្អទៅជាទីខូច‌បង់អស់»។

សូមមើលជំពូក

សាការី 9:14

គេនឹងឃើញព្រះ‌យេហូវ៉ាស្ថិតពីលើពួកកូនប្រុសរបស់អ្នក ព្រួញព្រះ‌អង្គនឹងហោះចេញទៅដូចជាផ្លេក‌បន្ទោរ ហើយព្រះ‌អម្ចាស់‌យេហូវ៉ានឹងផ្លុំត្រែ ចេញទៅក្នុងខ្យល់កួចពីខាងត្បូង។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម