ការដាក់ឲ្យឆ្លើយតបគ្នា

យេរេមា 10:21

ព្រះគម្ពីរបរិសុទ្ធកែសម្រួល ២០១៦

ដ្បិតពួកគង្វាល បានត្រឡប់ជាមនុស្សល្ងីល្ងើទាំងអស់ ហើយមិនបានសួរដល់ព្រះ‌យេហូវ៉ាទេ ហេតុនោះបានជាគេមិនបានចម្រើន ហើយពួកគេទាំងប៉ុន្មានក៏ត្រូវខ្ចាត់‌ខ្ចាយទៅ។

សូមមើលជំពូក ចម្លង

ការបកប្រែផ្សេងទៀត។

18 ការដាក់ឲ្យឆ្លើយតបគ្នា

យេរេមា 10:14

មនុស្សគ្រប់គ្នាទៅជាល្ងីល្ងើ ហើយឥតមានចំណេះ ជាងទងគ្រប់គ្នាត្រូវខ្មាស ដោយ‌សាររូបដែលគេឆ្លាក់ ដ្បិតរូបសិតរបស់គេជាការកុហក ឥតមានដង្ហើមឡើយ។

សូមមើលជំពូក

យេរេមា 10:8

គឺគេសុទ្ធតែជាមនុស្សល្ងី‌ល្ងើ លេលា លទ្ធិរបស់គេគឺរូបព្រះ ប៉ុន្តែ ជាដុំឈើ!

សូមមើលជំពូក

យេរេមា 12:10

មានគង្វាលជាច្រើនបានបំផ្លាញចម្ការ ទំពាំង‌បាយ‌ជូររបស់យើង គេបានជាន់ឈ្លីដី ដែលជាចំណែករបស់យើង គេបានធ្វើឲ្យចំណែកដែលយើងពេញចិត្ត ទៅជាទីខូច‌អស់ហើយ។

សូមមើលជំពូក

ពួកសង្ឃក៏មិនបានសួរថា៖ តើព្រះ‌យេហូវ៉ាគង់នៅឯណា? គឺពួកអ្នកដែលកាន់ប្រើក្រឹត្យ‌វិន័យ គេមិនបានស្គាល់យើងទេ ពួកគ្រប់‌គ្រង បានប្រព្រឹត្តរំលងនឹងយើង ហើយពួកហោរាបានទាយ ដោយព្រះ‌បាលផង គេបានដើរតាមតែរបស់ ដែលឥតមានប្រយោជន៍អ្វីសោះ។

សូមមើលជំពូក

យេរេមា 22:30

ព្រះ‌យេហូវ៉ាមានព្រះ‌បន្ទូលដូច្នេះ៖ ត្រូវកត់ឈ្មោះរបស់មនុស្សនេះថាជាគ្មានកូន ជាមនុស្សដែលនឹងមិនចម្រើនក្នុងជំនាន់របស់ខ្លួនឡើយ ដ្បិតនឹងគ្មានពូជ‌ពង្សគេណាមួយ ដែលនឹងអាចអង្គុយលើបល្ល័ង្កស្ដេចដាវីឌ ហើយគ្រប់គ្រងលើស្រុកយូដាបានទៀតឡើយ។

សូមមើលជំពូក

យេរេមា 49:32

ហ្វូងអូដ្ឋ និងហ្វូងសត្វដ៏សន្ធឹករបស់គេ នឹងត្រូវគេប្លន់យក យើងនឹងកម្ចាត់‌កម្ចាយពួកអ្នក ដែលកាត់ជ្រុងពុក‌ចង្កាឲ្យទៅគ្រប់ទិស ហើយនាំសេចក្ដីអន្តរាយរបស់គេ មកពីគ្រប់តំបន់ជុំ‌វិញ នេះជាព្រះ‌បន្ទូលនៃព្រះ‌យេហូវ៉ា។

សូមមើលជំពូក

យេរេមា 5:31

គឺពួកហោរាបានថ្លែងទំនាយកុហក ពួកសង្ឃក៏គ្រប់‌គ្រងដោយកម្លាំងដៃខ្លួន ឯប្រជា‌រាស្ត្រយើងក៏ឃើញយ៉ាងនោះដែរ ដូច្នេះ ដល់ចុងបំផុត តើអ្នករាល់គ្នាធ្វើដូចម្តេច?

សូមមើលជំពូក

យេរេមា 50:17

ពួកអ៊ីស្រា‌អែលប្រៀបដូចជាចៀមដែលត្រូវប្រដេញកម្ចាយ ពួកសិង្ហបានដេញកម្ចាយគេហើយ មុនដំបូង គឺស្តេចអាស‌ស៊ើរបានត្របាក់ស៊ីគេ បន្ទាប់មក នេប៊ូក្នេសា ជាស្តេចបាប៊ីឡូន បានបំបាក់ឆ្អឹងគេ។

សូមមើលជំពូក

យេរេមា 8:9

ពួកអ្នកប្រាជ្ញត្រូវខ្មាស ត្រូវស្រយុតចិត្ត ហើយចាប់បាន គេបានបោះ‌បង់ព្រះ‌បន្ទូលនៃព្រះ‌យេហូវ៉ា ដូច្នេះ តើគេមានប្រាជ្ញាអ្វីនៅក្នុងខ្លួន?

សូមមើលជំពូក

អេ‌សេ‌គាល 34:12

គង្វាលតែងមើលហ្វូងចៀមខ្លួន នៅថ្ងៃដែលគេនៅជា‌មួយហ្វូងចៀមដែលខ្ចាត់‌ខ្ចាយជាយ៉ាងណា នោះយើងនឹងថែមើលហ្វូងចៀមរបស់យើង ហើយជួយឲ្យវារួចចេញពីគ្រប់កន្លែងដែលវាត្រូវកម្ចាត់‌កម្ចាយនោះ នៅថ្ងៃដែលមេឃ‌មីរស្រទំ ហើយងងឹតយ៉ាងនោះដែរ។

សូមមើលជំពូក

សាការី 10:3

«សេចក្ដីកំហឹងរបស់យើងបានឆួលឡើង ទាស់នឹងពួកគង្វាល ហើយយើងនឹងវាយផ្ចាលពួកអ្នកដឹកនាំ »។ ដ្បិតព្រះ‌យេហូវ៉ានៃពួកពល‌បរិវារ បានប្រោសហ្វូងចៀមរបស់ព្រះ‌អង្គ គឺជាពួកវង្សយូដា ហើយព្រះ‌អង្គនឹងធ្វើឲ្យគេបានដូចជា សេះយ៉ាងល្អរបស់ព្រះ‌អង្គក្នុងការសង្គ្រាម។

សូមមើលជំពូក

សាការី 13:7

ព្រះ‌យេហូវ៉ានៃពួកពល‌បរិវារមានព្រះ‌បន្ទូលថា៖ «ម្នាលអើយ ចូរភ្ញាក់ឡើង ទាស់នឹងគង្វាលរបស់យើង ហើយទាស់នឹងមនុស្សដែលជាគូ‌កនរបស់យើងចុះ ចូរវាយគង្វាល នោះហ្វូងចៀមនឹងត្រូវខ្ចាត់‌ខ្ចាយ រួចយើងនឹងប្រែដៃទៅលើកូនតូចៗវិញ។

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម