ការដាក់ឲ្យឆ្លើយតបគ្នា

បន្ទាប់ »

ម៉ាថាយ 5:30

ព្រះគម្ពីរបរិសុទ្ធកែសម្រួល ២០១៦

ប្រសិន‌បើដៃស្ដាំរបស់អ្នក នាំឲ្យអ្នកប្រព្រឹត្តអំពើបាប ចូរកាត់វាចេញ ហើយបោះចោលទៅ ដ្បិតដែលបាត់បង់អវយវៈណាមួយ នោះប្រសើរជាងរូប‌កាយទាំងមូលធ្លាក់នរក»។

សូមមើលជំពូក ចម្លង

ការបកប្រែផ្សេងទៀត។

19 ការដាក់ឲ្យឆ្លើយតបគ្នា

ម៉ាថាយ 11:6

មានពរហើយ អ្នកណាដែលមិនរវាតចិត្តនឹងខ្ញុំ»។

សូមមើលជំពូក

ម៉ាថាយ 13:21

តែអ្នកនោះមិនចាក់ឫសទេ គេធន់បានតែមួយរយៈប៉ុណ្ណោះ ហើយពេលមានទុក្ខលំបាក ឬការបៀតបៀនកើតឡើងដោយព្រោះព្រះ‌បន្ទូល អ្នកនោះក៏រសាយចិត្តចេញភ្លាម។

សូមមើលជំពូក

ម៉ាថាយ 16:23

ប៉ុន្តែ ព្រះ‌អង្គបែរមក មានព្រះ‌បន្ទូលទៅពេត្រុសថា៖ «សាតាំង! ថយទៅក្រោយយើងទៅ ឯងជាសេចក្តីបង្អាក់ដល់យើង ដ្បិតឯងមិនគិតតាមគំនិតរបស់ព្រះ‌ទេ គឺគិតតាមតែគំនិតរបស់មនុស្សប៉ុណ្ណោះ»។

សូមមើលជំពូក

ម៉ាថាយ 17:27

ប៉ុន្តែ ដើម្បីកុំឲ្យគេទាស់ចិត្តដោយ‌សារយើង ចូរទៅសមុទ្រ ហើយបោះសន្ទូច ចាប់យកត្រីដំបូងដែលជាប់សន្ទូច មកបើកមាត់វា នោះអ្នកនឹងឃើញកាក់មួយ ចូរយកកាក់នោះទៅបង់សម្រាប់ខ្ញុំ និងអ្នកទៅ»។

សូមមើលជំពូក

ម៉ាថាយ 18:8

ប្រសិន‌បើដៃ ឬជើងរបស់អ្នក នាំអ្នកឲ្យជំពប់ដួល ចូរកាត់វាចេញ ហើយបោះចោលឲ្យឆ្ងាយ ស៊ូឲ្យអ្នកចូលទៅក្នុងជីវិត មានតែដៃម្ខាង ឬជើងម្ខាង នោះប្រសើរជាងមានដៃពីរ ឬមានជើងពីរ ហើយត្រូវបោះទៅក្នុងភ្លើងដែលឆេះអស់កល្បជានិច្ច។

សូមមើលជំពូក

ម៉ាថាយ 22:13

ពេលនោះ ស្ដេចបង្គាប់ទៅពួករាជបម្រើថា "ចូរចងដៃចងជើងអ្នកនេះ ហើយយកវាទៅចោលនៅទីងងឹតខាងក្រៅទៅ នៅទីនោះនឹងយំ ហើយសង្កៀតធ្មេញ។"

សូមមើលជំពូក

ម៉ាថាយ 25:20

ពេលនោះ អ្នកដែលបានទទួលប្រាំពាន់ ក៏យកប្រាំពាន់ទៀតចូលមក ហើយជម្រាបថា "លោកម្ចាស់! លោកបានប្រគល់ប្រាក់ប្រាំពាន់មកខ្ញុំ មើល៍ ខ្ញុំបានចំណេញប្រាំពាន់ទៀត"។

សូមមើលជំពូក

ម៉ាថាយ 26:31

ពេលនោះ ព្រះ‌យេស៊ូវមានព្រះ‌បន្ទូលទៅគេថា៖ «យប់នេះ អ្នករាល់គ្នានឹងរវាតចិត្ត ដោយព្រោះខ្ញុំ ដ្បិតមានសេចក្តីចែងទុកមកថា "យើងនឹងវាយគង្វាល ហើយហ្វូងចៀមនឹងត្រូវខ្ចាត់‌ខ្ចាយ"

សូមមើលជំពូក

ម៉ាថាយ 5:22

ប៉ុន្តែ ខ្ញុំប្រាប់អ្នករាល់គ្នាថា ប្រសិន‌បើអ្នកណាខឹងនឹងបង‌ប្អូន នោះនឹងត្រូវជាប់ជំនុំ‌ជម្រះ ហើយអ្នកណាជេរប្រមាថបង‌ប្អូនថា "អាចោលម្សៀត" នោះនឹងត្រូវគេនាំទៅជួបក្រុមប្រឹក្សា ហើយបើអ្នកណាថា "អាឆ្កួត" នោះនឹងត្រូវធ្លាក់ទៅក្នុងភ្លើងនរក។

សូមមើលជំពូក

ម៉ាថាយ 5:29

ប្រសិន‌បើភ្នែកស្តាំរបស់អ្នក នាំឲ្យអ្នកប្រព្រឹត្តអំពើបាប ចូរខ្វេះវាចេញ ហើយបោះចោលទៅ ដ្បិតដែលបាត់បង់អវយវៈណាមួយ នោះប្រសើរជាងរូប‌កាយទាំងមូលត្រូវបោះទៅក្នុងនរក។

សូមមើលជំពូក

ម៉ាកុស 9:43

ប្រសិន‌បើដៃរបស់អ្នក នាំឲ្យអ្នកជំពប់ដួល ចូរកាត់វាចេញ ស៊ូឲ្យអ្នកចូលទៅក្នុងជីវិតមានដៃតែម្ខាង នោះប្រសើរជាងមានដៃទាំងពីរ ហើយធ្លាក់ទៅនរក នៅក្នុងភ្លើងដែលមិនអាចពន្លត់បាន

សូមមើលជំពូក

លូកា 12:5

ខ្ញុំនឹងបង្ហាញឲ្យអ្នកដឹងថាត្រូវខ្លាចអ្នកណា គឺត្រូវឲ្យខ្លាចព្រះវិញ ដែលកាលណាព្រះ‌អង្គសម្លាប់ នោះក៏មានអំណាចអាចបោះចោលទៅក្នុងនរកបានផង។ ខ្ញុំប្រាប់អ្នករាល់គ្នាថា ត្រូវឲ្យខ្លាចព្រះ‌អង្គចុះ។

សូមមើលជំពូក

លូកា 17:2

ប្រសិន‌បើគេយកថ្មត្បាល់កិនយ៉ាងធំ ទៅចងកអ្នកនោះ ទម្លាក់ចុះទៅក្នុងសមុទ្រ នោះមានប្រយោជន៍ដល់អ្នកនោះ ជាជាងទុកឲ្យនៅធ្វើហេតុនាំឲ្យកូនតូចណាមួយរវាតចិត្ត។

សូមមើលជំពូក

រ៉ូម 9:33

ដូចមានសេចក្តីចែងទុកមកថា៖ «មើល៍ យើងដាក់ថ្មមួយនៅក្រុងស៊ីយ៉ូន ដែលធ្វើឲ្យគេជំពប់ដួល ជាថ្មដាដែលធ្វើឲ្យគេរវាតចិត្ត ហើយអ្នកណាដែលជឿដល់ថ្មនោះ នឹងមិនត្រូវខ្មាសឡើយ» ។

សូមមើលជំពូក

១ កូរិន‌ថូស 8:13

ដូច្នេះ បើចំណីអាហារជាហេតុនាំឲ្យបង‌ប្អូនខ្ញុំជំពប់ដួល នោះខ្ញុំនឹងមិនបរិ‌ភោគសាច់ជារៀងរហូត ក្រែងបង‌ប្អូនរបស់ខ្ញុំជំពប់ដួលដោយសារខ្ញុំ។

សូមមើលជំពូក

កាឡាទី 5:11

ប៉ុន្តែ បង‌ប្អូនអើយ ប្រសិន‌បើខ្ញុំនៅតែប្រកាសឲ្យគេធ្វើពិធីកាត់ស្បែក ហេតុអ្វីបានជាគេនៅតែបៀតបៀនខ្ញុំ? ប្រសិន‌បើខ្ញុំលែងប្រកាសអំពីឈើឆ្កាងវិញ នោះច្បាស់ជាគ្មានអ្នកណាជំពប់ចិត្តឡើយ។

សូមមើលជំពូក

១ ពេត្រុស 2:8

ហើយ «ជាថ្មជំពប់ និងជាថ្មដាដែលនាំឲ្យរវាតចិត្ត» ។ គេជំពប់ដួល ព្រោះគេមិនធ្វើតាមព្រះ‌បន្ទូល ដូចដែលព្រះបានតម្រូវទុក។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម