ការដាក់ឲ្យឆ្លើយតបគ្នា

បន្ទាប់ »

ម៉ាកុស 10:30

ព្រះគម្ពីរបរិសុទ្ធកែសម្រួល ២០១៦

ហើយមិនបានទទួលមួយជាមួយរយ ក្នុងសម័យនេះនោះឡើយ គឺជាផ្ទះសំបែង បង‌ប្អូនប្រុសស្រី ម្តាយ កូន និងស្រែចម្ការ ព្រមទាំងការបៀត‌បៀនដែរ ហើយនៅឯបរ‌លោក នឹងបានជីវិតរស់អស់កល្បជា‌និច្ចថែមទៀតផង។

សូមមើលជំពូក ចម្លង

ការបកប្រែផ្សេងទៀត។

32 ការដាក់ឲ្យឆ្លើយតបគ្នា

២ របា‌ក្សត្រ 25:9

រួចព្រះបាទអ័ម៉ា‌ស៊ីយ៉ាសួរទៅអ្នកសំណព្វរបស់ព្រះថា៖ «ចុះប្រាក់មួយរយហាប ដែលយើងបានប្រគល់ទៅឲ្យពួកទ័ពអ៊ីស្រា‌អែលនោះ ធ្វើដូចម្តេចទៅ?» អ្នកសំណព្វរបស់ព្រះទូលឆ្លើយថា៖ «ព្រះ‌យេហូវ៉ាអាចនឹងប្រទានឲ្យទ្រង់បានជាច្រើន លើសជាងនេះទៅទៀត»។

សូមមើលជំពូក

ទំនុកតម្កើង 84:11

ដ្បិតព្រះ‌យេហូវ៉ាដ៏ជាព្រះ ព្រះ‌អង្គជាព្រះ‌អាទិត្យ និងជាខែល ព្រះ‌យេហូវ៉ានឹងផ្តល់ព្រះ‌គុណ ព្រមទាំងកិត្តិយស ព្រះ‌អង្គនឹងមិនសំចៃទុករបស់ល្អអ្វី ដល់អស់អ្នកដែលដើរដោយទៀងត្រង់ឡើយ។

សូមមើលជំពូក

សុភា‌សិត 16:16

ការដែលបានប្រាជ្ញា នោះវិសេសជាងបានមាសតើអម្បាល‌ម៉ានទៅ ការដែលបានយោបល់ នោះគួររើសយកជាជាងប្រាក់ទៅទៀត។

សូមមើលជំពូក

ម៉ាឡាគី 3:10

ចូរយកតង្វាយមួយភាគក្នុងដប់ទាំងអស់មកដាក់ក្នុងឃ្លាំងចុះ ដើម្បីឲ្យមានស្បៀងអាហារនៅក្នុងដំណាក់របស់យើង ហើយល្បង‌លយើងឥឡូវ បើយើងមិនបើកទ្វារស្ថាន‌សួគ៌ ដើម្បីចាក់ព្រះ‌ពរមកលើអ្នក ដែលនឹងគ្មានកន្លែងល្មមទុកបានទេ នេះហើយជាព្រះ‌បន្ទូលរបស់ព្រះ‌យេហូវ៉ានៃពួកពល‌បរិវារ។

សូមមើលជំពូក

ម៉ាថាយ 12:32

អ្នកណាពោលពាក្យទាស់នឹងកូនមនុស្ស នោះអាចនឹងអត់ទោសឲ្យបាន តែអ្នកណាពោលពាក្យទាស់នឹងព្រះ‌វិញ្ញាណបរិសុទ្ធ នោះមិនអាចអត់ទោសឲ្យបានឡើយ ទោះក្នុងសម័យនេះ ឬនៅឯបរលោកក៏ដោយ»។

សូមមើលជំពូក

ម៉ាថាយ 13:8

តែពូជខ្លះទៀតធ្លាក់ទៅលើដីល្អ ហើយឲ្យផល ខ្លះបានមួយជាមួយរយ ខ្លះបានមួយជាហុក‌សិប ហើយខ្លះទៀតបានមួយជាសាម‌សិប។

សូមមើលជំពូក

ម៉ាថាយ 6:33

ប៉ុន្តែ ចូរស្វែងរកព្រះរាជ្យរបស់ព្រះ និងសេចក្តីសុចរិតរបស់ព្រះ‌អង្គជាមុនសិន នោះទើបគ្រប់របស់អស់ទាំងនោះ នឹងបានប្រទានមកអ្នករាល់គ្នាថែមទៀតផង។

សូមមើលជំពូក

លូកា 18:30

អ្នកនោះមិនត្រឹមតែទទួលបានច្រើនក្នុងសម័យនេះឡើយ តែនឹងបានជីវិតរស់អស់‌កល្បជានិច្ចនៅឯបរលោកថែមទៀតផង»។

សូមមើលជំពូក

យ៉ូហាន 10:23

ព្រះ‌យេស៊ូវយាងចុះឡើងក្នុងព្រះ‌វិហារ ត្រង់ថែវព្រះបាទសាឡូ‌ម៉ូន។

សូមមើលជំពូក

កិច្ចការ 14:22

ទាំងពង្រឹងពួកសិស្សឲ្យមានចិត្តមាំមួន ហើយលើកទឹកចិត្តគេឲ្យខ្ជាប់ខ្ជួនក្នុងជំនឿ ដោយពាក្យថា៖ «យើងត្រូវឆ្លងកាត់ទុក្ខវេទនាជាច្រើន ដើម្បីឲ្យបានចូលក្នុងព្រះរាជ្យរបស់ព្រះ»។

សូមមើលជំពូក

កិច្ចការ 16:25

លុះប្រមាណជាពាក់កណ្តាលអធ្រាត្រ លោកប៉ុល និងលោកស៊ីឡាស បានអធិស្ឋាន ហើយច្រៀងទំនុកសរសើរតម្កើងព្រះ ពួកអ្នកទោសក៏ស្តាប់ពួកលោក។

សូមមើលជំពូក

កិច្ចការ 5:41

ពេលនោះ ពួកសាវកក៏ចេញពីក្រុមប្រឹក្សាដោយអរសប្បាយ ព្រោះព្រះបានរាប់គេជាអ្នកស័ក្តិ‌សមនឹងរងដំនៀល ដោយព្រោះព្រះ‌នាមព្រះ‌យេស៊ូវ។

សូមមើលជំពូក

រ៉ូម 5:3

មិនតែប៉ុណ្ណោះសោត យើងក៏អួតនៅពេលយើងរងទុក្ខលំបាកដែរ ដោយដឹងថា ទុក្ខលំបាកបង្កើតឲ្យមានការស៊ូទ្រាំ

សូមមើលជំពូក

រ៉ូម 6:23

ដ្បិតឈ្នួលរបស់បាប ជាសេចក្តីស្លាប់ តែអំណោយ‌ទានរបស់ព្រះវិញ គឺជីវិតអស់កល្បជា‌និច្ច នៅក្នុងព្រះ‌គ្រីស្ទ‌យេស៊ូវ ជាព្រះ‌អម្ចាស់នៃយើង។

សូមមើលជំពូក

២ កូរិនថូស 6:10

ដូចជាមានទុក្ខព្រួយ តែសប្បាយជា‌និច្ច ដូចជាទ័ល‌ក្រ តែកំពុងធ្វើឲ្យមនុស្សជាច្រើនទៅជាមាន ដូចជាគ្មានអ្វីសោះ តែមានគ្រប់ទាំងអស់វិញ។

សូមមើលជំពូក

ភីលីព 3:8

លើសពីនេះទៀត ខ្ញុំរាប់អ្វីៗទាំងអស់ទុកដូចជាខាត ដោយសារតែសេចក្ដីដែលប្រសើរជាង គឺដោយស្គាល់ព្រះ‌គ្រីស្ទ‌យេស៊ូវ ជាព្រះ‌អម្ចាស់នៃខ្ញុំ។ ដោយយល់ដល់ព្រះ‌អង្គ ខ្ញុំបានខាតគ្រប់ទាំងអស់ ហើយខ្ញុំរាប់ទាំងអស់ទុកដូចជាសំរាម ប្រយោជន៍ឲ្យខ្ញុំបានព្រះ‌គ្រីស្ទវិញ

សូមមើលជំពូក

២ ថែស្សាឡូនីច 2:16

សូមព្រះ‌យេស៊ូវ‌គ្រីស្ទ ជាព្រះ‌អម្ចាស់នៃយើង និងព្រះជាព្រះ‌វរ‌បិតាដែលបានស្រឡាញ់យើង ហើយប្រទានការកម្សាន្តចិត្តអស់កល្បជា‌និច្ច និងសេចក្ដីសង្ឃឹមដ៏ប្រសើរ ដោយសារព្រះ‌គុណ

សូមមើលជំពូក

១ ធីម៉ូថេ 4:8

ដ្បិតការបង្ហាត់ខ្លួនប្រាណមានប្រយោជន៍បន្តិចបន្តួចប៉ុណ្ណោះ តែឯការគោរពប្រតិ‌បត្តិដល់ព្រះ មានប្រយោជន៍គ្រប់ជំពូកទាំងអស់ ក៏មានសេចក្ដីសន្យា ទាំងសម្រាប់ជីវិតនៅបច្ចុប្បន្ន ទាំងសម្រាប់ជីវិតនៅបរលោក។

សូមមើលជំពូក

១ ធីម៉ូថេ 6:6

ប៉ុន្ដែ ការគោរពប្រតិ‌បត្តិដល់ព្រះ ដែលមានទាំងចិត្តស្កប់ស្កល់ នោះពិតជាកម្រៃមួយយ៉ាងធំមែន។

សូមមើលជំពូក

យ៉ាកុប 1:12

មានពរហើយអ្នកណាដែលស៊ូទ្រាំនឹងសេចក្តីល្បួង ដ្បិតកាលណាត្រូវល្បងល ឃើញថាខ្ជាប់‌ខ្ជួនហើយ អ្នកនោះនឹងទទួលបានមកុដនៃជីវិត ដែលព្រះ‌អម្ចាស់សន្យានឹងប្រទានឲ្យអស់អ្នកដែលស្រឡាញ់ព្រះ‌អង្គ។

សូមមើលជំពូក

យ៉ាកុប 5:11

មើល៍! យើងរាប់អស់អ្នកដែលចេះស៊ូទ្រាំ ថាជាអ្នកមានពរ។ អ្នករាល់គ្នាបានឮពីការស៊ូទ្រាំរបស់លោកយ៉ូបហើយ ក៏បានឃើញថា នៅទីបំផុតព្រះ‌អម្ចាស់មានព្រះ‌ហឫ‌ទ័យយ៉ាងណាចំពោះគាត់ គឺទ្រង់មានព្រះហឫទ័យអាណិតអាសូរ និងមេត្ដាករុណាយ៉ាងពោរពេញ។

សូមមើលជំពូក

១ យ៉ូហាន 2:25

នេះហើយជាសេចក្ដីដែលព្រះ‌អង្គបានសន្យាជាមួយយើង គឺជីវិតអស់កល្បជា‌និច្ច។

សូមមើលជំពូក

១ យ៉ូហាន 3:1

មើល៍! ព្រះ‌វរ‌បិតាបានប្រទានសេចក្ដីស្រឡាញ់យ៉ាងណាដល់យើង ដែលយើងមានឈ្មោះថាជាកូនរបស់ព្រះ ហើយយើងពិតជាកូនរបស់ព្រះ‌អង្គមែន។ នេះហើយជាហេតុដែលលោកីយ៍មិនស្គាល់យើង ព្រោះលោកីយ៍មិនបានស្គាល់ព្រះ‌អង្គទេ។

សូមមើលជំពូក

វិវរណៈ 2:9

"យើងស្គាល់ទុក្ខវេទនា និងភាពក្រីក្ររបស់អ្នកហើយ ប៉ុន្តែ តាមពិតអ្នកជាអ្នកមាន ក៏ស្គាល់អស់អ្នកដែលប្រមាថអ្នក ដែលថាខ្លួនជាសាសន៍យូដា តែគេមិនមែនជាសាសន៍យូដាទេ គឺជាក្រុមជំនុំរបស់អារក្សសាតាំងវិញ។

សូមមើលជំពូក

វិវរណៈ 3:18

ដូច្នេះ យើងទូន្មានឲ្យអ្នកទិញមាសដែលបន្សុទ្ធដោយភ្លើងពីយើង ដើម្បីឲ្យអ្នកបានធ្វើជាអ្នកមាន ហើយទិញសម្លៀកបំពាក់សទៅស្លៀកពាក់ កុំឲ្យគេឃើញកេរខ្មាសដែលអ្នកនៅអាក្រាត ព្រមទាំងថ្នាំលាបភ្នែកផង ដើម្បីឲ្យអ្នកមើលឃើញច្បាស់។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម