ម៉ាកុស 10:22

ព្រះគម្ពីរបរិសុទ្ធកែសម្រួល ២០១៦

ពេលគាត់ឮដូច្នេះ គាត់មានទឹកមុខស្រពោន ហើយចេញទៅទាំងព្រួយចិត្ត ព្រោះគាត់មានទ្រព្យសម្បត្តិច្រើនណាស់។

សូមមើលជំពូក ចម្លង

ការបកប្រែផ្សេងទៀត។

20 ការដាក់ឲ្យឆ្លើយតបគ្នា

អេ‌សេ‌គាល 33:31

គេក៏មករកអ្នក ដូចជាបណ្ដា‌ជនទាំង‌ឡាយធ្លាប់មក ហើយគេអង្គុយនៅមុខអ្នក ដូចជាប្រជា‌រាស្ត្រយើង ក៏ស្តាប់អស់ទាំងពាក្យរបស់អ្នក តែមិនប្រព្រឹត្តតាមសោះ ដ្បិតបបូរមាត់គេសម្ដែងចេញជាសេចក្ដីស្រឡាញ់យ៉ាងខ្លាំង តែចិត្តគេដេញរកកម្រៃដល់ខ្លួនវិញ។

សូមមើលជំពូក

ម៉ាថាយ 13:22

រីឯពូជដែលបានធ្លាក់ទៅក្នុងគុម្ពបន្លា នេះគឺជាអ្នកដែលឮព្រះ‌បន្ទូល តែសេចក្តីខ្វល់‌ខ្វាយអំពីជីវិតនេះ និងសេចក្តីបញ្ឆោតរបស់ទ្រព្យសម្បត្តិ ខ្ទប់ព្រះ‌បន្ទូលជាប់ មិនឲ្យកើតផលបានឡើយ។

សូមមើលជំពូក

ម៉ាថាយ 19:22

កាលបុរសវ័យក្មេងនោះឮដូច្នោះ គាត់ក៏ចេញទៅទាំងព្រួយចិត្ត ព្រោះគាត់មានទ្រព្យសម្បត្តិច្រើនណាស់។

សូមមើលជំពូក

ម៉ាថាយ 27:3

កាលយូដាស ជាអ្នកក្បត់ព្រះ‌អង្គឃើញថាព្រះ‌អង្គជាប់ទោស គាត់សោកស្តាយជាខ្លាំង ហើយយកប្រាក់កាក់សាម‌សិបស្លឹង ទៅប្រគល់ឲ្យពួកសង្គ្រាជ និងពួកចាស់ទុំវិញ

សូមមើលជំពូក

ម៉ាកុស 10:21

ព្រះ‌យេស៊ូវទតទៅគាត់ ទ្រង់ស្រឡាញ់គាត់ ហើយមានព្រះបន្ទូលថា៖ «អ្នកនៅខ្វះការមួយ ចូរទៅលក់អ្វីៗដែលអ្នកមាន ហើយយកលុយទៅឲ្យអ្នកក្រទៅ នោះអ្នកនឹងមានទ្រព្យ‌សម្បត្តិនៅស្ថាន‌សួគ៌ រួចហើយមកតាមខ្ញុំ»។

សូមមើលជំពូក

ម៉ាកុស 10:23

ព្រះ‌យេស៊ូវទតមើលជុំវិញ ហើយមានព្រះបន្ទូលទៅពួកសិស្សរបស់ព្រះ‌អង្គថា៖ «អ្នកមានចូលទៅក្នុងព្រះរាជ្យរបស់ព្រះពិបាកណាស់!»

សូមមើលជំពូក

ម៉ាកុស 6:20

ដ្បិតព្រះ‌បាទហេរ៉ូឌខ្លាចលោកយ៉ូហាន ព្រោះទ្រង់ជ្រាបថា លោកជាមនុស្សសុចរិត ហើយបរិសុទ្ធ ដូច្នេះ ទ្រង់ក៏ការ‌ពារលោក។ កាលទ្រង់បានស្តាប់លោក ទ្រង់ក៏មានព្រះ‌ហឫ‌ទ័យរា‌រែកជាខ្លាំង ប៉ុន្តែ ទ្រង់បានស្តាប់លោកដោយអំណរ។

សូមមើលជំពូក

ម៉ាកុស 6:26

ស្តេចមានព្រះ‌ហឫ‌ទ័យព្រួយយ៉ាងខ្លាំង តែដោយព្រោះសម្បថរបស់ព្រះ‌អង្គ និងពួកភ្ញៀវដែលរួមតុជាមួយ ទ្រង់ក៏មិនចង់ប្រ‌កែកនឹងនាង។

សូមមើលជំពូក

លូកា 12:15

រួចព្រះ‌អង្គមានព្រះ‌បន្ទូលទៅគ្រប់គ្នាថា៖ «ចូរប្រយ័ត្ន ហើយខំចៀសពីសេចក្តីលោភចេញ ដ្បិតជីវិតនៃមនុស្សមិនស្រេចនឹងបានទ្រព្យសម្បត្តិជាបរិបូរទេ»។

សូមមើលជំពូក

លូកា 18:23

ប៉ុន្តែ ពេលគាត់បានឮសេចក្តីទាំងនេះហើយ ក៏កើតមានចិត្តព្រួយជាខ្លាំង ព្រោះគាត់មានសម្បត្តិទ្រព្យច្រើនណាស់។

សូមមើលជំពូក

២ កូរិនថូស 7:10

ដ្បិតទុក្ខព្រួយដែលគាប់ព្រះ‌ហឫ‌ទ័យព្រះ បង្កើតឲ្យមានការប្រែចិត្តដែលនាំទៅរកការសង្គ្រោះ ហើយមិនស្តាយក្រោយឡើយ តែទុក្ខព្រួយរបស់លោកីយ៍ នោះបង្កើតជាសេចក្តីស្លាប់វិញ។

សូមមើលជំពូក

អេភេសូរ 5:5

ចូរអ្នករាល់គ្នាដឹងសេចក្ដីនេះឲ្យច្បាស់ថា អ្នកប្រព្រឹត្តអំពើសហាយស្មន់ មនុស្សស្មោកគ្រោក ឬមនុស្សដែលមានចិត្តលោភលន់ (គឺមនុស្សថ្វាយបង្គំរូបព្រះ) មិនអាចគ្រងមត៌កក្នុងព្រះរាជ្យរបស់ព្រះ‌គ្រីស្ទ និងរបស់ព្រះបានឡើយ។

សូមមើលជំពូក

២ ធីម៉ូថេ 4:10

ដ្បិតលោកដេម៉ាសបានបោះបង់ចោលខ្ញុំ ព្រោះគាត់ស្រឡាញ់លោកីយ៍នេះ គាត់បានទៅក្រុងថែស្សា‌ឡូនីចហើយ។ លោកក្រេ‌សេនបានទៅស្រុកកាឡាទី ហើយលោកទីតុសក៏បានទៅស្រុកដាល់‌ម៉ាទាដែរ

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម