ការដាក់ឲ្យឆ្លើយតបគ្នា

បន្ទាប់ »

ភីលីព 2:17

ព្រះគម្ពីរបរិសុទ្ធកែសម្រួល ២០១៦

ប៉ុន្តែ ខ្ញុំក៏អរ ហើយមានអំណរជាមួយអ្នកទាំងអស់គ្នាដែរ ប្រសិន‌បើខ្ញុំត្រូវច្រួចលើយញ្ញ‌បូជា និងថ្វាយជាតង្វាយនៃជំនឿរបស់អ្នករាល់គ្នា។

សូមមើលជំពូក ចម្លង

ការបកប្រែផ្សេងទៀត។

21 ការដាក់ឲ្យឆ្លើយតបគ្នា

ជន‌គណនា 28:6

នេះជាតង្វាយដុតជាប្រចាំ ដែលបានតម្រូវឲ្យថ្វាយនៅភ្នំស៊ី‌ណាយ ជាតង្វាយចម្អិន សម្រាប់ជាក្លិនឈ្ងុយដល់ព្រះ‌យេហូវ៉ា។

សូមមើលជំពូក

ជន‌គណនា 28:7

ត្រូវថ្វាយតង្វាយច្រួចពីរកំប៉ុងសម្រាប់កូនចៀមមួយ ត្រូវច្រួចថ្វាយជាស្រាទំពាំង‌បាយ‌ជូរសុទ្ធដល់ព្រះ‌យេហូវ៉ានៅក្នុងទីបរិសុទ្ធ។

សូមមើលជំពូក

កិច្ចការ 20:24

ប៉ុន្តែ ខ្ញុំមិនរាប់ជីវិតខ្ញុំទុកជាមានតម្លៃវិសេសដល់ខ្ញុំឡើយ ឲ្យតែខ្ញុំបានបង្ហើយការរត់ប្រណាំងរបស់ខ្ញុំ ដោយអំណរ ព្រមទាំងការ‌ងារ ដែលខ្ញុំបានទទួលពីព្រះ‌អម្ចាស់‌យេស៊ូវ គឺឲ្យខ្ញុំបានធ្វើបន្ទាល់សព្វគ្រប់ អំពីដំណឹងល្អនៃព្រះ‌គុណរបស់ព្រះ។

សូមមើលជំពូក

កិច្ចការ 21:13

ពេលនោះ លោកប៉ុលឆ្លើយថា៖ «អ្នករាល់គ្នាយំ ហើយធ្វើឲ្យខ្ញុំពិបាកចិត្តធ្វើអ្វី? ដ្បិតខ្ញុំបានប្រុងប្រៀបរួចស្រេចហើយ មិនត្រឹមតែឲ្យគេចាប់ចងខ្ញុំប៉ុណ្ណោះទេ តែថែមទាំងសុខចិត្តស្លាប់នៅក្នុងក្រុងយេរូ‌សាឡិមទៀតផង ដើម្បីព្រះ‌នាមរបស់ព្រះ‌អម្ចាស់‌យេស៊ូវ»។

សូមមើលជំពូក

រ៉ូម 12:1

ដូច្នេះ បង‌ប្អូនអើយ ខ្ញុំសូមដាស់តឿនអ្នករាល់គ្នា ដោយសេចក្តីមេត្តា‌ករុណារបស់ព្រះ ឲ្យថ្វាយរូប‌កាយទុកជាយញ្ញ‌បូជារស់ បរិសុទ្ធ ហើយគាប់ព្រះ‌ហឫ‌ទ័យដល់ព្រះ។ នេះហើយជាការថ្វាយបង្គំរបស់អ្នករាល់គ្នាតាមរបៀបត្រឹមត្រូវ។

សូមមើលជំពូក

រ៉ូម 15:16

ឲ្យខ្ញុំធ្វើជាអ្នកបម្រើរបស់ព្រះ‌យេស៊ូវ‌គ្រីស្ទដល់ពួកសាសន៍ដទៃ ក្នុងការ‌ងារជាសង្ឃនៃដំណឹងល្អរបស់ព្រះ ដើម្បីនាំពួកសាសន៍ដទៃជាតង្វាយដែលព្រះសព្វព្រះ‌ហឫ‌ទ័យ ទាំងញែកចេញជាបរិសុទ្ធ ដោយព្រះ‌វិញ្ញាណបរិសុទ្ធ។

សូមមើលជំពូក

២ កូរិនថូស 12:15

ឯខ្ញុំ ខ្ញុំពេញចិត្តនឹងចំណាយអ្វីៗដែលខ្ញុំមាន ហើយអស់រលីងពីខ្លួនផង ដោយព្រោះព្រលឹងអ្នករាល់គ្នា។ បើខ្ញុំស្រឡាញ់អ្នករាល់គ្នាកាន់តែខ្លាំងយ៉ាងនេះ តើអ្នករាល់គ្នាស្រឡាញ់ខ្ញុំកាន់តែតិចឬ?

សូមមើលជំពូក

២ កូរិនថូស 4:12

ដូច្នេះហើយបានជាសេចក្តីស្លាប់កំពុងធ្វើការនៅក្នុងយើង តែជីវិតកំពុងធ្វើការនៅក្នុងអ្នករាល់គ្នាវិញ។

សូមមើលជំពូក

២ កូរិនថូស 6:10

ដូចជាមានទុក្ខព្រួយ តែសប្បាយជា‌និច្ច ដូចជាទ័ល‌ក្រ តែកំពុងធ្វើឲ្យមនុស្សជាច្រើនទៅជាមាន ដូចជាគ្មានអ្វីសោះ តែមានគ្រប់ទាំងអស់វិញ។

សូមមើលជំពូក

២ កូរិនថូស 7:4

ខ្ញុំទុកចិត្តអ្នករាល់គ្នាជាខ្លាំង ខ្ញុំអួតពីអ្នករាល់គ្នាជាខ្លាំង ខ្ញុំមានចិត្តពេញដោយសេចក្តីក្សេម‌ក្សាន្ត ខ្ញុំមានអំណរលើសលុប ក្នុងគ្រប់ទាំងសេចក្តីវេទនារបស់យើង។

សូមមើលជំពូក

ភីលីព 1:20

អ្វីដែលខ្ញុំទន្ទឹងរង់ចាំ និងសង្ឃឹមអស់ពីចិត្តនោះ ខ្ញុំនឹងមិនខ្មាសក្នុងការអ្វីឡើយ គឺឲ្យតែខ្ញុំបានតម្កើងព្រះ‌គ្រីស្ទ ដោយចិត្តក្លា‌ហានគ្រប់ជំពូក ក្នុងរូប‌កាយខ្ញុំ ក្នុងពេលឥឡូវនេះ ក៏ដូចជាពេលណាទាំងអស់ ទោះរស់ឬស្លាប់ក្តី។

សូមមើលជំពូក

ភីលីព 2:18

ចូរអ្នករាល់គ្នាមានអំណរយ៉ាងនោះ ហើយអរសប្បាយជាមួយខ្ញុំផង។

សូមមើលជំពូក

ភីលីព 2:30

ដ្បិតគាត់ស្ទើរតែនឹងស្លាប់នោះ គឺដោយសារតែការងាររបស់ព្រះ‌គ្រីស្ទ គាត់បានប្រថុយជីវិត ដើម្បីជួយខ្ញុំជំនួសអ្នករាល់គ្នាដែលមិនអាចមកជួយបាន។

សូមមើលជំពូក

ភីលីព 4:18

ខ្ញុំមានគ្រប់គ្រាន់ទាំងអស់ ហើយក៏បរិបូរផង ខ្ញុំបានពោរ‌ពេញហើយ ដោយបានទទួលរបស់ទាំងប៉ុន្មានពីអេប៉ា‌ប្រូឌីត ដែលអ្នករាល់គ្នាផ្ញើទៅខ្ញុំនោះ គឺជាក្លិនឈ្ងុយ ជាគ្រឿងបូជាដែលព្រះ‌អង្គទទួល ហើយសព្វព្រះ‌ហឫ‌ទ័យដែរ។

សូមមើលជំពូក

កូឡុស 1:24

ឥឡូវនេះ ខ្ញុំមានចិត្តអំណរក្នុងការដែលខ្ញុំរងទុក្ខលំបាក ដោយព្រោះអ្នករាល់គ្នា ហើយទុក្ខវេទនារបស់ព្រះ‌គ្រីស្ទ ដែលខ្វះក្នុងរូបសាច់ខ្ញុំ នោះខ្ញុំកំពុងតែបំពេញឡើង ដោយព្រោះរូប‌កាយព្រះ‌អង្គ ដែលជាក្រុមជំនុំ។

សូមមើលជំពូក

១ ថែស្សាឡូនីច 2:8

ដោយសារយើងស្រឡាញ់អ្នករាល់គ្នាខ្លាំងយ៉ាងនេះ បានជាយើងមិនត្រឹមតែចែកចាយដំណឹងល្អពីព្រះដល់អ្នករាល់គ្នាប៉ុណ្ណោះទេ គឺថែមទាំងជីវិតរបស់យើងទៀតផង ព្រោះអ្នករាល់គ្នាជាទីស្រឡាញ់របស់យើងណាស់។

សូមមើលជំពូក

២ ធីម៉ូថេ 4:6

ដ្បិតខ្ញុំកំពុងតែត្រូវបានចាក់បង្ហូរ ដូចជាតង្វាយច្រួច ឯពេលវេលាដែលខ្ញុំត្រូវលាទៅ ក៏បានមកដល់ហើយ។

សូមមើលជំពូក

១ ពេត្រុស 2:5

អ្នករាល់គ្នាត្រូវបានសង់ឡើងជាផ្ទះខាងវិញ្ញាណ ដូចជាថ្មរស់ ឲ្យបានធ្វើជាពួកសង្ឃបរិសុទ្ធ ដើម្បីថ្វាយយញ្ញបូជាខាងវិញ្ញាណ ដែលព្រះសព្វព្រះ‌ហឫ‌ទ័យទទួល តាមរយៈព្រះ‌យេស៊ូវ‌គ្រីស្ទ។

សូមមើលជំពូក

១ យ៉ូហាន 3:16

យើងស្គាល់សេចក្ដីស្រឡាញ់ដោយសារសេចក្ដីនេះ គឺព្រះ‌អង្គបានស៊ូប្តូរព្រះ‌ជន្មរបស់ព្រះ‌អង្គសម្រាប់យើង ដូច្នេះ យើងក៏ត្រូវប្តូរជីវិតរបស់យើងសម្រាប់បង‌ប្អូនដែរ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម