និក្ខមនំ 25:33

ព្រះគម្ពីរបរិសុទ្ធកែសម្រួល ២០១៦

នៅលើ​មែក​មួយ ត្រូវ​មាន​នប់​បី រាង​ដូច​ជា​គ្រាប់​ចំបក់ មាន​ទាំង​កន្សោម​គ្រាប់ និង​ផ្កា​ផង ឯ​មែក​ទាំង​ប្រាំមួយ​ដែល​បែក​ចេញ​ពីតួ​ជើង​ចង្កៀង​មក នោះ​ក៏​ត្រូវ​មាន​នប់​បី រាង​ដូច​ជា​គ្រាប់​ចំបក់ ព្រម​ទាំង​កន្សោម​គ្រាប់ និង​ផ្កា ដូច​គ្នា​ទាំង​អស់។

ការដាក់ឲ្យឆ្លើយតបគ្នា

និក្ខមនំ 25:35

នៅ​ក្រោម​មែក​ពីរ ត្រូវ​មាន​កន្សោម​គ្រាប់​មួយ នៅ​ក្រោម​មែក​ពីរ​ទៀត ត្រូវ​មាន​កន្សោម​គ្រាប់​មួយ ហើយ​នៅ​ក្រោម​មែក​ពីរ​ទៀត ត្រូវ​មាន​កន្សោម​គ្រាប់​មួយ​ដែរ មែក​ទាំង​ប្រាំ​មួយ​ដែល​បែក​ចេញ​ពី​ជើង​ចង្កៀង​មក នោះ​ត្រូវ​មាន​ដូច​គ្នា​គ្រប់​ទាំង​អស់។

និក្ខមនំ 37:21

នៅ​ក្រោម​មែក​ពីរ មាន​កន្សោម​គ្រាប់​មួយ នៅ​ក្រោម​មែក​ពីរ​ទៀត មាន​កន្សោម​គ្រាប់​មួយ ហើយ​នៅ​ក្រោម​មែក​ពីរ​ទៀត មាន​កន្សោម​គ្រាប់​មួយ មែក​ទាំង​ប្រាំមួយ​ដែល​ចេញ​ពី​គល់​ជើង​ចង្កៀង​មក មាន​ដូច​គ្នា​ទាំង​អស់។

សាការី 4:3

មាន​ដើម​អូលីវពីរ​នៅ​ក្បែរ​នោះ មួយ​ខាង​ស្តាំ​ចាន​ប្រេង ហើយ​មួយ​ខាង​ឆ្វេង»។

ម៉ាថាយ 5:15

គ្មាន​អ្នក​ណា​អុជ​ចង្កៀង​យក​ទៅ​ដាក់​ក្រោម​ថាំង​នោះ​ទេ គឺ​គេ​ដាក់​វា​លើ​ជើង​ចង្កៀង​វិញ ទើប​ចង្កៀង​នោះ​ភ្លឺ​ដល់​មនុស្ស​គ្រប់​គ្នា​ដែល​នៅ​ក្នុង​ផ្ទះ។