ទំនុកតម្កើង 73:23

ព្រះគម្ពីរបរិសុទ្ធកែសម្រួល ២០១៦

ប៉ុន្តែ ទូល‌បង្គំនៅជាប់ជាមួយព្រះ‌អង្គជា‌និច្ច ព្រះ‌អង្គកាន់ដៃស្តាំរបស់ទូល‌បង្គំ។

សូមមើលជំពូក ចម្លង

ការបកប្រែផ្សេងទៀត។

14 ការដាក់ឲ្យឆ្លើយតបគ្នា

លោកុ‌ប្បត្តិ 17:1

ពេលលោកអាប់‌រ៉ាមមានអាយុកៅសិបប្រាំបួនឆ្នាំ ព្រះ‌យេហូវ៉ាបានលេចមកឲ្យលោកអាប់រ៉ាមឃើញ ហើយមានព្រះបន្ទូលមកកាន់លោកថា៖ «យើងជាព្រះដ៏មានគ្រប់ព្រះ‌ចេស្តា ចូរអ្នកដើរនៅចំពោះយើង ហើយឲ្យបានគ្រប់លក្ខណ៍ចុះ

សូមមើលជំពូក

ទំនុកតម្កើង 139:18

ប្រសិន‌បើទូល‌បង្គំខំប្រឹងរាប់ នោះមានច្រើនជាងគ្រាប់ខ្សាច់ទៅទៀត កាលណាទូល‌បង្គំភ្ញាក់ឡើង នោះទូល‌បង្គំនៅជាមួយព្រះ‌អង្គដដែល។

សូមមើលជំពូក

ទំនុកតម្កើង 16:8

ទូល‌បង្គំបានតាំងព្រះ‌យេហូវ៉ា នៅមុខទូល‌បង្គំជា‌និច្ច ព្រោះព្រះ‌អង្គគង់នៅខាងស្តាំទូល‌បង្គំ ទូល‌បង្គំនឹងមិនរង្គើឡើយ។

សូមមើលជំពូក

ទំនុកតម្កើង 23:4

៙ ទោះបើទូល‌បង្គំដើរកាត់ជ្រលងភ្នំ នៃម្លប់សេចក្ដីស្លាប់ ក៏ដោយ ក៏ទូល‌បង្គំមិនខ្លាចសេចក្ដីអាក្រក់ឡើយ ដ្បិតព្រះ‌អង្គគង់ជាមួយទូល‌បង្គំ ព្រនង់ និងដំបងរបស់ព្រះ‌អង្គ កម្សាន្តចិត្តទូល‌បង្គំ។

សូមមើលជំពូក

ទំនុកតម្កើង 37:17

ដ្បិតដៃរបស់មនុស្សអាក្រក់នឹងត្រូវបាក់ តែព្រះ‌យេហូវ៉ាទ្រទ្រង់មនុស្សសុចរិត។

សូមមើលជំពូក

ទំនុកតម្កើង 37:24

ទោះបើគេ ជំពប់ជើង ក៏គេនឹងមិនដួលបោកក្បាលដែរ ដ្បិតព្រះ‌យេហូវ៉ាទ្រង់កាន់ដៃគេជាប់។

សូមមើលជំពូក

ទំនុកតម្កើង 63:8

ព្រលឹងទូល‌បង្គំតាមព្រះ‌អង្គប្រកិត ព្រះ‌ហស្តស្តាំរបស់ព្រះ‌អង្គ ក៏ទ្រទ្រង់ទូល‌បង្គំ។

សូមមើលជំពូក

អេសាយ 41:10

កុំឲ្យភ័យខ្លាចឡើយ ដ្បិតយើងនៅជា‌មួយអ្នក កុំឲ្យស្រយុតចិត្តឲ្យសោះ ពីព្រោះយើងជាព្រះនៃអ្នក យើងនឹងចម្រើនកម្លាំងដល់អ្នក យើងនឹងជួយអ្នក យើងនឹងទ្រអ្នក ដោយដៃស្តាំដ៏សុចរិតរបស់យើង។

សូមមើលជំពូក

អេសាយ 41:13

ដ្បិតយើងនេះ គឺយេហូវ៉ាជាព្រះនៃអ្នក យើងនឹងកាន់ដៃស្តាំអ្នក ដោយពោលនឹងអ្នកថា កុំឲ្យភ័យខ្លាចឡើយ យើងនឹងជួយអ្នក

សូមមើលជំពូក

អេសាយ 42:1

នេះនែអ្នកបម្រើរបស់យើង ដែលយើងទប់‌ទល់ គឺជាអ្នកជ្រើស‌រើសរបស់យើង ដែលជាទីរីក‌រាយដល់ចិត្តយើង យើងបានដាក់វិញ្ញាណយើងឲ្យសណ្ឋិតលើព្រះ‌អង្គ ហើយព្រះ‌អង្គនឹងសម្ដែងចេញ ឲ្យគ្រប់ទាំងសាសន៍បានឃើញសេចក្ដីយុត្តិ‌ធម៌។

សូមមើលជំពូក

ម៉ាថាយ 1:23

«មើល៍! នាងព្រហ្មចារីនឹងមានគភ៌ ប្រសូតបានបុត្រាមួយ ហើយគេនឹងថ្វាយ ព្រះ‌នាមបុត្រនោះថា "អេម៉ាញូ‌អែល"» មានន័យថា «ព្រះ‌គង់ជាមួយយើង»។

សូមមើលជំពូក

ម៉ាថាយ 28:20

ហើយបង្រៀនឲ្យគេកាន់តាមគ្រប់ទាំងសេចក្តីដែលខ្ញុំបានបង្គាប់អ្នករាល់គ្នា ហើយមើល៍ ខ្ញុំក៏នៅជាមួយអ្នករាល់គ្នាជារៀងរាល់ថ្ងៃ រហូតដល់គ្រាចុងបំផុត»។ អាម៉ែន។:៚

សូមមើលជំពូក

ហេព្រើរ 13:5

កុំបណ្ដោយឲ្យជីវិតអ្នករាល់គ្នាឈ្លក់នឹងការស្រឡាញ់ប្រាក់ឡើយ ហើយសូមឲ្យស្កប់ចិត្តនឹងអ្វីដែលខ្លួនមានចុះ ដ្បិតព្រះ‌អង្គមានព្រះ‌បន្ទូលថា «យើងនឹងមិនចាកចេញពីអ្នក ក៏មិនបោះបង់ចោលអ្នកឡើយ» ។

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម