ការដាក់ឲ្យឆ្លើយតបគ្នា

បន្ទាប់ »

ទំនុកតម្កើង 62:10

ព្រះគម្ពីរបរិសុទ្ធកែសម្រួល ២០១៦

កុំទុកចិត្តនឹងការសង្កត់‌សង្កិនឡើយ ក៏កុំសង្ឃឹមឥតប្រយោជន៍លើការលួចប្លន់ដែរ ប្រសិន‌បើទ្រព្យសម្បត្តិចម្រើនឡើង សូមកុំឲ្យទុកចិត្តនឹងរបស់ទាំងនោះឲ្យសោះ។

សូមមើលជំពូក ចម្លង

ការបកប្រែផ្សេងទៀត។

26 ការដាក់ឲ្យឆ្លើយតបគ្នា

យ៉ូប 20:19

ព្រោះគេបានសង្កត់‌សង្កិន ឥតរមិលដល់ពួកទាល់ក្រ ក៏បានរឹបជាន់យកផ្ទះមួយ ដែលខ្លួនមិនបានសង់ផង។

សូមមើលជំពូក

យ៉ូប 20:29

នេះជាចំណែករបស់មនុស្សអាក្រក់ ត្រូវទទួលពីព្រះ ជាមត៌ក ដែលព្រះចែកឲ្យដល់គេ»។

សូមមើលជំពូក

ទំនុកតម្កើង 39:6

៙ ប្រាកដមែន មនុស្សមានជីវិត ប្រៀបដូចជាស្រមោល! ប្រាកដមែន គេជ្រួលជ្រើមជាឥតប្រយោជន៍ គេបង្គរទ្រព្យសម្បត្តិទុក តែមិនដឹងថានឹងបានទៅអ្នកណាទេ។

សូមមើលជំពូក

ទំនុកតម្កើង 4:3

ប៉ុន្តែ ត្រូវដឹងថា ព្រះ‌យេហូវ៉ាបានញែកមនុស្ស ដែលកោតខ្លាចព្រះ‌អង្គ ទុកសម្រាប់ព្រះ‌អង្គ ព្រះ‌យេហូវ៉ាព្រះសណ្ដាប់ ពេលខ្ញុំអំពាវ‌នាវរកព្រះ‌អង្គ។

សូមមើលជំពូក

ទំនុកតម្កើង 49:6

និងពេលឃើញអស់អ្នកដែលទុកចិត្ត នឹងរបស់ទ្រព្យរបស់ខ្លួន ហើយអួត‌អាងអំពីទ្រព្យ‌សម្បត្តិ ដ៏បរិបូររបស់ខ្លួន?

សូមមើលជំពូក

ទំនុកតម្កើង 52:7

«មើល៍ នេះនែ៎អ្នកដែលមិនបានយកព្រះជាទីពឹង គឺបានទុកចិត្តនឹងទ្រព្យសម្បត្តិ ដ៏ស្ដុកស្ដមរបស់ខ្លួន ហើយស្មានថាខ្លួនខ្លាំងពូកែ ដោយអំពើអាក្រក់!»។

សូមមើលជំពូក

ទំនុកតម្កើង 91:14

៙ ព្រះ‌យេហូវ៉ាមានព្រះបន្ទូលថា «ដោយព្រោះគេបានយកយើងជាទីស្រឡាញ់ យើងនឹងរំដោះគេ យើងនឹងការពារគេ ព្រោះគេទទួលស្គាល់ឈ្មោះយើង។

សូមមើលជំពូក

សុភា‌សិត 23:5

ពេលភ្នែករបស់អ្នកសម្លឹងមើលវា វានឹងបាត់ទៅ ដ្បិតទ្រព្យសម្បត្តិតែងតែដុះស្លាប ក៏នឹងហើរទៅលើមេឃដូចជាឥន្ទ្រី។

សូមមើលជំពូក

អេសាយ 28:15

ដោយព្រោះអ្នករាល់គ្នាបានពោលថា "យើងរាល់គ្នាបានចុះសញ្ញានឹងសេចក្ដីស្លាប់ ក៏ព្រម‌ព្រៀងគ្នានឹងស្ថានឃុំព្រលឹងមនុស្សស្លាប់ហើយ កាលណាសេចក្ដីភ័យអន្តរាយដ៏ជន់លិចច្រាំង បានហូរកាត់មក នោះនឹងមិនដល់យើងទេ ព្រោះយើងបានពឹង‌ពាក់ដល់ការកុហក ហើយពួនខ្លួនក្នុងសេចក្ដីភូត‌ភរ"។

សូមមើលជំពូក

អេសាយ 30:12

ហេតុនោះ ព្រះដ៏បរិសុទ្ធនៃសាសន៍អ៊ីស្រា‌អែល ព្រះ‌អង្គមានព្រះ‌បន្ទូលថា៖ ដោយព្រោះអ្នករាល់គ្នាស្អប់ខ្ពើមចំពោះពាក្យនេះ ហើយទុកចិត្តនឹងការឆបោក និងការទទឹង‌ទទែង ព្រមទាំងផ្អែកខ្លួនទៅលើការទាំងនោះ

សូមមើលជំពូក

អេសាយ 40:15

អស់ទាំងសាសន៍ប្រៀបដូចជាទឹកមួយដំណក់នៅក្នុងថាំង ហើយក៏រាប់ទុកដូចជាលម្អងធូលីនៅលើថាសជញ្ជីងដែរ ព្រះ‌អង្គលើកកោះទាំងប៉ុន្មានឡើង ដូចជារបស់យ៉ាងតិចតួច

សូមមើលជំពូក

អេសាយ 40:17

អស់ទាំងសាសន៍រាប់ដូចជាគ្មានតម្លៃនៅចំពោះព្រះ‌អង្គ ព្រះ‌អង្គរាប់គេទុកដូចជាតិចជាងសូន្យទៅទៀត ហើយជាឥតប្រយោជន៍ផង។

សូមមើលជំពូក

អេសាយ 47:10

ពីព្រោះអ្នកបានទុកចិត្តនឹងអំពើកំណាចរបស់អ្នក អ្នកបានគិតថា គ្មានអ្នកណាឃើញអ្នកទេ ឯប្រាជ្ញា និងចំណេះរបស់អ្នក បានបង្ខូចចិត្តអ្នកហើយ អ្នកបាននឹកក្នុងចិត្តថា គឺយើងនេះហើយ ឥតមានអ្នកណាទៀតឡើយ។

សូមមើលជំពូក

អេសាយ 59:4

គ្មានអ្នកណាមួយហៅរកសេចក្ដីសុចរិត ឬអ្នកណាដែលប្តឹងដោយសេចក្ដីពិតឡើយ គេទុកចិត្តនឹងសេចក្ដីសោះ‌សូន្យ ហើយពោលតែសេចក្ដីភូត‌ភរ គេមានទម្ងន់ជាគំនិតបៀត‌បៀន ហើយសម្រាលចេញជាអំពើទុច្ចរិត។

សូមមើលជំពូក

អេសាយ 61:8

ដ្បិតយើងគឺព្រះ‌យេហូវ៉ា យើងស្រឡាញ់សេចក្ដីយុត្តិ‌ធម៌ យើងស្អប់ការលួចប្លន់ និងអំពើទុច្ចរិត យើងនឹងឲ្យរង្វាន់ដល់អ្នកដោយសេចក្ដីពិត ហើយយើងនឹងតាំងសេចក្ដីសញ្ញា ដ៏នៅអស់កល្បជា‌និច្ចជាមួយអ្នក។

សូមមើលជំពូក

យេរេមា 13:25

ព្រះ‌យេហូវ៉ាមានព្រះ‌បន្ទូលថា៖ នេះហើយជាចំណែករបស់អ្នករាល់គ្នា ជាចំណែកដែលយើងវាល់ឲ្យអ្នក ដោយព្រោះអ្នកបានភ្លេចយើង ហើយទុកចិត្តនឹងពាក្យកុហក។

សូមមើលជំពូក

យេរេមា 17:11

ឯទទាដែលក្រាបពងឥតបានភ្ញាស់ជាយ៉ាងណា នោះអ្នកដែលប្រមូលទ្រព្យសម្បត្តិ មិនមែនដោយទៀងត្រង់ក៏យ៉ាងនោះដែរ ទ្រព្យសម្បត្តិនោះនឹងលះចោលគេ កាលនៅពាក់កណ្ដាលអាយុនៅឡើយ ហើយដល់ចុងបំផុត គេនឹងទៅជាឆ្កួតផង។

សូមមើលជំពូក

ម៉ាកុស 10:23

ព្រះ‌យេស៊ូវទតមើលជុំវិញ ហើយមានព្រះបន្ទូលទៅពួកសិស្សរបស់ព្រះ‌អង្គថា៖ «អ្នកមានចូលទៅក្នុងព្រះរាជ្យរបស់ព្រះពិបាកណាស់!»

សូមមើលជំពូក

១ ធីម៉ូថេ 6:10

ដ្បិតការដែលស្រឡាញ់ប្រាក់ ជាឫសគល់នៃអំពើអាក្រក់គ្រប់បែបយ៉ាង ហើយដោយការលោភចង់បានប្រាក់ អ្នកខ្លះក៏បានវង្វេងចេញពីជំនឿ ទាំងចាក់ទម្លុះខ្លួនគេ ដោយការឈឺចាប់ជាច្រើន។

សូមមើលជំពូក

១ ធីម៉ូថេ 6:17

ចូរដាស់តឿនពួកអ្នកមាននៅលោកីយ៍នេះ កុំឲ្យគេមានឫកខ្ពស់ ឬសង្ឃឹមលើទ្រព្យ‌សម្បត្តិ ដែលមិនទៀងនោះឡើយ តែត្រូវសង្ឃឹមលើព្រះដែលទ្រង់ប្រទានអ្វីៗទាំងអស់មកយើងយ៉ាងបរិបូរ ឲ្យយើងបានអរសប្បាយ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម