ការដាក់ឲ្យឆ្លើយតបគ្នា

បន្ទាប់ »

ទំនុកតម្កើង 50:14

ព្រះគម្ពីរបរិសុទ្ធកែសម្រួល ២០១៦

ចូរថ្វាយយញ្ញបូជា ជាការអរព្រះ‌គុណដល់ព្រះ ហើយត្រូវលាបំណន់ ដែលអ្នកបានបន់ដល់ព្រះដ៏ខ្ពស់បំផុតផង។

សូមមើលជំពូក ចម្លង

ការបកប្រែផ្សេងទៀត។

31 ការដាក់ឲ្យឆ្លើយតបគ្នា

យ៉ូប 22:27

អ្នកនឹងអធិ‌ស្ឋានដល់ព្រះ‌អង្គ ហើយព្រះ‌អង្គនឹងទទួល យ៉ាងនោះឯងនឹងបានលាបំណន់របស់អ្នក។

សូមមើលជំពូក

ទំនុកតម្កើង 147:1

ចូរសរសើរតម្កើងព្រះ‌យេហូវ៉ា ! ដ្បិតការដែលច្រៀងសរសើរដល់ព្រះនៃយើង ជាការប្រពៃណាស់ ដ្បិតនេះជាទីដ៏សប្បាយរីករាយ ហើយចម្រៀងសរសើរតម្កើង ស័ក្ដិ‌សមណាស់!

សូមមើលជំពូក

ទំនុកតម្កើង 22:25

៙ ព្រះ‌អង្គជាដើមហេតុ ដែលនាំឲ្យទូល‌បង្គំសរសើរ នៅក្នុងក្រុមជំនុំដ៏ធំ ទូល‌បង្គំនឹងលាបំណន់នៅចំពោះមុខ អស់អ្នកដែលកោតខ្លាចព្រះ‌អង្គ។

សូមមើលជំពូក

ទំនុកតម្កើង 22:26

មនុស្សទន់‌ទាបនឹងបានបរិ‌ភោគឆ្អែត អស់អ្នកដែលស្វែងរកព្រះ‌យេហូវ៉ា នឹងសរសើរតម្កើងព្រះ‌អង្គ សូមឲ្យចិត្តអ្នករាល់គ្នារស់នៅជាដរាប!

សូមមើលជំពូក

ទំនុកតម្កើង 27:6

ឥឡូវនេះ ខ្ញុំបានងើបក្បាលឡើង ខ្ពស់ជាងខ្មាំងសត្រូវដែលនៅជុំ‌វិញខ្ញុំ ហើយខ្ញុំនឹងថ្វាយយញ្ញបូជា នៅក្នុងព្រះពន្លារបស់ព្រះ‌អង្គ ទាំងស្រែកដោយអំណរ ខ្ញុំនឹងច្រៀង ខ្ញុំនឹងលើកទំនុកថ្វាយព្រះ‌យេហូវ៉ា។

សូមមើលជំពូក

ទំនុកតម្កើង 50:23

អ្នកណាដែលថ្វាយពាក្យអរព្រះ‌គុណ ទុកជាយញ្ញបូជា អ្នកនោះលើកតម្កើងយើង ហើយយើងនឹងបង្ហាញការសង្គ្រោះរបស់ព្រះ ដល់អ្នកណាដែលរៀបផ្លូវរបស់ខ្លួនឲ្យត្រង់»។

សូមមើលជំពូក

ទំនុកតម្កើង 56:12

៙ ឱព្រះអើយ ទូល‌បង្គំត្រូវតែលាបំណន់ តាមពាក្យដែលទូល‌បង្គំបានបន់ដល់ព្រះ‌អង្គ ទូល‌បង្គំនឹងថ្វាយតង្វាយអរព្រះ‌គុណ ដល់ព្រះ‌អង្គ។

សូមមើលជំពូក

ទំនុកតម្កើង 61:8

៙ យ៉ាងនោះ ទូល‌បង្គំនឹងច្រៀងសរសើរ ព្រះ‌នាមព្រះ‌អង្គជាដរាប ទុកជាការលាបំណន់របស់ទូល‌បង្គំ រៀងរាល់ថ្ងៃ។

សូមមើលជំពូក

ទំនុកតម្កើង 65:1

ឱព្រះអើយ ការសរសើររង់ចាំព្រះ‌អង្គ នៅក្រុងស៊ីយ៉ូន ហើយគេនឹងលាបំណន់ចំពោះព្រះ‌អង្គ

សូមមើលជំពូក

ទំនុកតម្កើង 69:32

កាលមនុស្សទន់ទាបឃើញ គេនឹងសប្បាយរីករាយ។ អ្នករាល់គ្នាដែលស្វែងរកព្រះអើយ ចូរឲ្យចិត្តអ្នករាល់គ្នាស្រស់បស់ឡើង!

សូមមើលជំពូក

ទំនុកតម្កើង 76:11

ចូរបន់ព្រះ‌យេហូវ៉ាជាព្រះរបស់អ្នករាល់គ្នា ហើយលាបំណន់នោះទៅ ចូរអស់អ្នកដែលនៅជុំ‌វិញព្រះ‌អង្គ យកតង្វាយមកថ្វាយព្រះ‌អង្គ ដ៏គួរស្ញែងខ្លាច

សូមមើលជំពូក

ទំនុកតម្កើង 76:12

ព្រះ‌អង្គកាត់វិញ្ញាណ របស់ពួកហៅហ្វាយ ហើយពួកស្ដេចនៅលើផែនដី ស្ញប់ស្ញែងព្រះ‌អង្គ។

សូមមើលជំពូក

ហូសេ 14:2

ចូររៀបចំពាក្យសម្ដី ហើយវិលមករកព្រះ‌យេហូវ៉ាវិញ ត្រូវឲ្យទូលព្រះ‌អង្គថា សូមដកអំពើទុច្ចរិតទាំងប៉ុន្មានចេញ សូមទទួលយើងខ្ញុំដោយព្រះ‌គុណផង ដើម្បីឲ្យយើងខ្ញុំបានថ្វាយផល នៃបបូរមាត់របស់យើងខ្ញុំ។

សូមមើលជំពូក

ណាហ៊ុម 1:15

មើល៍! នៅលើភ្នំទាំង‌ឡាយ ឃើញជើងរបស់អ្នកដែលនាំដំណឹងល្អមក គឺជាអ្នកដែលប្រកាសប្រាប់ពីសេចក្ដីសុខ ឱយូដាអើយ ចូររក្សាថ្ងៃបុណ្យទាំងប៉ុន្មានរបស់ឯង ចូរលាបំណន់ឯងចុះ ដ្បិតមនុស្សអាក្រក់នឹងមិនដែល ដើរកាត់ឯងទៀតឡើយ គេត្រូវកាត់ចេញអស់រលីង»។

សូមមើលជំពូក

ណាហ៊ុម 2:1

សត្រូវបានឡើងមកទាស់នឹងឯងហើយ ចូរការពារបន្ទាយ ត្រូវយាមផ្លូវ ចូរក្រវាត់ចង្កេះឲ្យខែង‌រ៉ែង ហើយចម្រើនកម្លាំងយ៉ាងសន្ធឹកចុះ

សូមមើលជំពូក

រ៉ូម 12:1

ដូច្នេះ បង‌ប្អូនអើយ ខ្ញុំសូមដាស់តឿនអ្នករាល់គ្នា ដោយសេចក្តីមេត្តា‌ករុណារបស់ព្រះ ឲ្យថ្វាយរូប‌កាយទុកជាយញ្ញ‌បូជារស់ បរិសុទ្ធ ហើយគាប់ព្រះ‌ហឫ‌ទ័យដល់ព្រះ។ នេះហើយជាការថ្វាយបង្គំរបស់អ្នករាល់គ្នាតាមរបៀបត្រឹមត្រូវ។

សូមមើលជំពូក

ចោទិយ‌កថា 23:21

កាលណាអ្នកបន់ព្រះ‌យេហូវ៉ាជាព្រះរបស់អ្នក នោះមិនត្រូវបង្អង់នឹងលាបំណន់ឡើយ ដ្បិតព្រះ‌យេហូវ៉ាជាព្រះរបស់អ្នក នឹងទារបំណន់ពីអ្នកមិនខាន ហើយនឹងរាប់ជាបាបដល់អ្នកទៀតផង។

សូមមើលជំពូក

ចោទិយ‌កថា 23:22

ប៉ុន្ដេ ប្រសិន‌បើអ្នកមិនដែលបន់ទេ នោះមិនរាប់ជាបាបដល់អ្នកឡើយ។

សូមមើលជំពូក

ចោទិយ‌កថា 23:23

សេចក្ដីណាដែលចេញពីបបូរមាត់របស់អ្នក នោះត្រូវប្រយ័ត្ននឹងធ្វើតាមចុះ គឺឲ្យត្រូវនឹងបំណន់ ដែលអ្នកបានបន់ដល់ព្រះ‌យេហូវ៉ាជាព្រះរបស់អ្នក ជាតង្វាយថ្វាយស្ម័គ្រពីចិត្ត ដែលមាត់របស់អ្នកបានសន្យា។

សូមមើលជំពូក

ចោទិយ‌កថា 23:24

ប្រសិន‌បើអ្នកចូលទៅក្នុងចម្ការទំពាំង‌បាយ‌ជូររបស់អ្នកជិតខាង អ្នកអាចបេះផ្លែទំពាំងបាយជូរបរិ‌ភោគតាមចិត្ត មួយចម្អែតរបស់អ្នក ប៉ុន្តែ មិនត្រូវបេះដាក់ថង់យកទៅជា‌មួយឡើយ។

សូមមើលជំពូក

១ ថែស្សាឡូនីច 5:18

ចូរអរព្រះ‌គុណក្នុងគ្រប់កាលៈទេសៈទាំងអស់ ដ្បិតព្រះសព្វព្រះ‌ហឫ‌ទ័យឲ្យអ្នករាល់គ្នាធ្វើដូច្នេះ ក្នុងព្រះ‌គ្រីស្ទ‌យេស៊ូវ។

សូមមើលជំពូក

ហេព្រើរ 13:15

ដូច្នេះ តាមរយៈព្រះ‌អង្គ ត្រូវឲ្យយើងថ្វាយពាក្យសរសើរ ទុកជាយញ្ញបូជាដល់ព្រះជានិច្ច គឺជាផលនៃបបូរមាត់ ដែលប្រកាសពីព្រះ‌នាមព្រះ‌អង្គ។

សូមមើលជំពូក

១ ពេត្រុស 2:5

អ្នករាល់គ្នាត្រូវបានសង់ឡើងជាផ្ទះខាងវិញ្ញាណ ដូចជាថ្មរស់ ឲ្យបានធ្វើជាពួកសង្ឃបរិសុទ្ធ ដើម្បីថ្វាយយញ្ញបូជាខាងវិញ្ញាណ ដែលព្រះសព្វព្រះ‌ហឫ‌ទ័យទទួល តាមរយៈព្រះ‌យេស៊ូវ‌គ្រីស្ទ។

សូមមើលជំពូក

១ ពេត្រុស 2:9

ប៉ុន្តែ អ្នករាល់គ្នាជាពូជជ្រើសរើស ជាសង្ឃហ្លួង ជាសាសន៍បរិសុទ្ធ ជាប្រជា‌រាស្ត្រមួយសម្រាប់ព្រះ‌អង្គផ្ទាល់ ដើម្បីឲ្យអ្នករាល់គ្នាបានប្រកាសពីកិច្ច‌ការដ៏អស្ចារ្យរបស់ព្រះ‌អង្គ ដែលទ្រង់បានហៅអ្នករាល់គ្នាចេញពីសេចក្តីងងឹត ចូលមកក្នុងពន្លឺដ៏អស្ចារ្យរបស់ព្រះ‌អង្គ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម