ការដាក់ឲ្យឆ្លើយតបគ្នា

បន្ទាប់ »

ទំនុកតម្កើង 106:5

ព្រះគម្ពីរបរិសុទ្ធកែសម្រួល ២០១៦

ដើម្បីឲ្យទូល‌បង្គំបានឃើញភាពចម្រុងចម្រើន របស់ពួកអ្នកដែលព្រះ‌អង្គបានជ្រើសរើស ហើយឲ្យទូល‌បង្គំបានសប្បាយរីក‌រាយ រួមជាមួយជាតិសាសន៍របស់ព្រះ‌អង្គ ដើម្បីឲ្យទូល‌បង្គំបានខ្ពស់មុខ រួមជាមួយមត៌ករបស់ព្រះ‌អង្គ។

សូមមើលជំពូក ចម្លង

ការបកប្រែផ្សេងទៀត។

26 ការដាក់ឲ្យឆ្លើយតបគ្នា

២ សាំ‌យូ‌អែល 20:19

ចំណែកខ្ញុំ ជាម្នាក់ក្នុងពួកដែលចង់បានសេចក្ដីសុខ ហើយក៏ស្មោះត្រង់នៅស្រុកអ៊ីស្រា‌អែល ឯលោកវិញ លោករកបំផ្លាញទីក្រុងមួយ ដែលទុកដូចជាម្តាយ ក្នុងស្រុកអ៊ីស្រា‌អែល ហេតុអ្វីបានជាលោកចង់លេបបំបាត់មត៌កនៃព្រះ‌យេហូវ៉ាដូច្នេះ?»

សូមមើលជំពូក

ទំនុកតម្កើង 1:3

អ្នកនោះប្រៀបដូចជាដើមឈើ ដែលដុះនៅក្បែរផ្លូវទឹក ដែលបង្កើតផលតាមរដូវកាល ហើយស្លឹកមិនចេះស្រពោន ឡើយ កិច្ច‌ការអ្វីដែលអ្នកនោះធ្វើ សុទ្ធតែចម្រុងចម្រើនទាំងអស់។

សូមមើលជំពូក

ទំនុកតម្កើង 105:43

៙ ព្រះ‌អង្គបាននាំប្រជា‌រាស្ត្ររបស់ព្រះ‌អង្គ ចេញមកដោយអំណរ ព្រះ‌អង្គបាននាំពួកអ្នកដែលព្រះ‌អង្គ បានជ្រើសរើសចេញមក ដោយច្រៀងចម្រៀង។

សូមមើលជំពូក

ទំនុកតម្កើង 105:6

ឱពូជ‌ពង្សរបស់លោកអ័ប្រា‌ហាំ ជាអ្នកបម្រើរបស់ព្រះ‌អង្គ គឺកូនចៅរបស់លោកយ៉ាកុប ជាពួកអ្នកដែលព្រះ‌អង្គបានជ្រើសរើសអើយ!

សូមមើលជំពូក

ទំនុកតម្កើង 118:15

៙ នៅក្នុងជំរំរបស់មនុស្សសុចរិត មានចម្រៀងយ៉ាងសប្បាយរីករាយ អំពីការសង្គ្រោះ គឺព្រះ‌ហស្តស្តាំនៃព្រះ‌យេហូវ៉ាសម្ដែងឥទ្ធិ‌ឫទ្ធិ

សូមមើលជំពូក

ទំនុកតម្កើង 14:7

ឱ សូមឲ្យការសង្គ្រោះដល់សាសន៍អ៊ីស្រា‌អែល ចេញពីក្រុងស៊ីយ៉ូនមកទៅអេះ! ពេលព្រះ‌យេហូវ៉ាប្រោស ឲ្យប្រជា‌រាស្ត្រព្រះ‌អង្គងើមុខឡើងវិញ នោះសូមឲ្យយ៉ាកុបបានត្រេកអរ ហើយសូមឲ្យអ៊ីស្រា‌អែលរីក‌រាយឡើង។

សូមមើលជំពូក

ទំនុកតម្កើង 48:11

គួរឲ្យភ្នំស៊ីយ៉ូនបានរីករាយឡើង! សូមឲ្យពួកកូនស្រីស្រុកយូដាបានអរសប្បាយ ដោយព្រោះសេចក្ដីយុត្តិ‌ធម៌របស់ព្រះ‌អង្គ!

សូមមើលជំពូក

អេសាយ 12:6

ឱពួកអ្នកនៅក្រុងស៊ីយ៉ូនអើយ ចូរបន្លឺសំឡេងឡើង ហើយស្រែកហ៊ោដោយអំណរចុះ ដ្បិតព្រះដ៏បរិសុទ្ធនៃសាសន៍អ៊ីស្រា‌អែល ព្រះ‌អង្គធំប្រសើរនៅកណ្ដាលអ្នករាល់គ្នា។

សូមមើលជំពូក

អេសាយ 35:10

ឯពួកអ្នកដែលព្រះ‌យេហូវ៉ាបានប្រោសឲ្យរួច គេនឹងវិលមកវិញ គេនឹងមកដល់ក្រុងស៊ីយ៉ូនដោយច្រៀង ហើយមានអំណរដ៏នៅអស់កល្បជា‌និច្ច ពាក់នៅលើក្បាលគេ គេនឹងបានសេចក្ដីត្រេក‌អរ និងសេចក្ដីរីក‌រាយ ឯអស់ទាំងសេចក្ដីទុក្ខព្រួយ និងដំងូរទាំងប៉ុន្មាននោះនឹងរត់បាត់ទៅ។

សូមមើលជំពូក

អេសាយ 45:25

ឯអស់ទាំងពូជ‌ពង្សនៃអ៊ីស្រា‌អែល នឹងបានសុចរិតក្នុងព្រះ‌យេហូវ៉ា ហើយមានគេសរសើរ។

សូមមើលជំពូក

អេសាយ 66:10

ឱពួកអ្នកដែលស្រឡាញ់ក្រុងយេរូ‌សាឡិមអើយ ចូររីក‌រាយជា‌មួយគ្នា ហើយមានអំណរដោយព្រោះក្រុងនេះចុះ អស់អ្នកដែលយំទួញនឹងទីក្រុងអើយ ចូររីក‌រាយជាមួយក្រុងនេះ

សូមមើលជំពូក

យ៉ូអែល 2:23

ឱពួកកូនក្រុងស៊ីយ៉ូនអើយ ចូរអរសប្បាយ ចូរត្រេកអរក្នុងព្រះ‌យេហូវ៉ាជាព្រះរបស់អ្នករាល់គ្នាចុះ ដ្បិតព្រះ‌អង្គប្រទានភ្លៀងដំបូងមកតាមខ្នាតត្រឹមត្រូវ ព្រះ‌អង្គបង្អុរឲ្យភ្លៀងធ្លាក់ចុះ សម្រាប់អ្នករាល់គ្នា គឺជាភ្លៀងដើមរដូវ និងភ្លៀងចុងរដូវ ដូចកាលពីមុន។

សូមមើលជំពូក

សេផានា 3:14

ឱកូនស្រីស៊ីយ៉ូនអើយ ចូរច្រៀងឡើង ឱអ៊ីស្រា‌អែលអើយ ចូរស្រែកឡើង ឱកូនស្រីយេរូ‌សាឡិមអើយ ចូរអរសប្បាយ ហើយរីក‌រាយឲ្យអស់ពីចិត្តទៅ!

សូមមើលជំពូក

សាការី 9:9

ឱកូនស្រីស៊ីយ៉ូនអើយ ចូររីក‌រាយជាខ្លាំងឡើង ឱកូនស្រីយេរូ‌សាឡិមអើយ ចូរស្រែកហ៊ោចុះ មើល៍! ស្តេចរបស់នាងយាងមករកនាងហើយ ព្រះ‌អង្គជាអ្នកសុចរិត ហើយមានជ័យ‌ជម្នះ ព្រះ‌អង្គក៏សុភាព ព្រះ‌អង្គគង់លើសត្វលា គឺជាលាជំទង់ ជាកូនរបស់មេលា។

សូមមើលជំពូក

យ៉ូហាន 15:16

មិនមែនអ្នករាល់គ្នាទេដែលបានរើសខ្ញុំ គឺខ្ញុំទេតើដែលបានរើសអ្នករាល់គ្នា ទាំងតាំងអ្នករាល់គ្នាឲ្យទៅបង្កើតផល ហើយឲ្យផលនោះបាននៅជាប់ ដើម្បីឲ្យអ្វីៗដែលអ្នករាល់គ្នាទូលសូមពីព្រះ‌វរបិតា ក្នុងនាមខ្ញុំ ព្រះ‌អង្គនឹងប្រទានឲ្យ។

សូមមើលជំពូក

យ៉ូហាន 16:22

ឥឡូវនេះ អ្នករាល់គ្នាមានទុក្ខព្រួយមែន ប៉ុន្តែ ខ្ញុំនឹងឃើញអ្នករាល់គ្នាម្តងទៀត ហើយអ្នករាល់គ្នានឹងមានចិត្តអរសប្បាយវិញ ក៏គ្មានអ្នកណាដកយកអំណរចេញពីអ្នករាល់គ្នាបានឡើយ។

សូមមើលជំពូក

កិច្ចការ 9:15

ប៉ុន្តែ ព្រះ‌អម្ចាស់មានព្រះ‌បន្ទូលមកគាត់ថា៖ «ចូរទៅចុះ ព្រោះគាត់ជាឧបករណ៍ដែលខ្ញុំជ្រើសរើស ដើម្បីនាំយកឈ្មោះខ្ញុំទៅប្រាប់ពួកសាសន៍ដទៃ និងពួកស្តេច ព្រមទាំងពួកកូនចៅសាសន៍អ៊ីស្រា‌អែលផង។

សូមមើលជំពូក

អេភេសូរ 1:18

ឲ្យភ្នែកចិត្តរបស់អ្នករាល់គ្នាបានភ្លឺឡើង ដើម្បីឲ្យបានដឹងថា សេចក្ដីសង្ឃឹមដែលព្រះ‌អង្គបានត្រាស់ហៅអ្នករាល់គ្នាជាយ៉ាងណា ហើយថា សម្បត្តិជាមត៌កដ៏មានសិរីល្អរបស់ព្រះ‌អង្គក្នុងចំណោមពួកបរិសុទ្ធជាយ៉ាងណា

សូមមើលជំពូក

អេភេសូរ 1:4

តាមដែលព្រះ‌អង្គបានជ្រើសរើសយើងក្នុងព្រះ‌គ្រីស្ទ តាំងពីមុនកំណើតពិភពលោកមកម៉្លេះ ដើម្បីឲ្យយើងបានបរិសុទ្ធ ហើយឥតកន្លែងបន្ទោសបាននៅចំពោះព្រះ‌អង្គ ដោយសេចក្តីស្រឡាញ់។

សូមមើលជំពូក

ចោទិយ‌កថា 32:9

ដ្បិតកេរ‌អាកររបស់ព្រះ‌យេហូវ៉ា គឺប្រជា‌រាស្ត្ររបស់ព្រះ‌អង្គ ហើយលោកយ៉ាកុបជាចំណែកមត៌ករបស់ព្រះ‌អង្គ។

សូមមើលជំពូក

ចោទិយ‌កថា 7:6

ដ្បិតអ្នកជាប្រជា‌រាស្ត្របរិសុទ្ធដល់ព្រះ‌យេហូវ៉ាជាព្រះរបស់អ្នក ហើយព្រះ‌យេហូវ៉ាជាព្រះរបស់អ្នកបានជ្រើសរើសអ្នក ពីក្នុងចំណោមប្រជា‌ជនទាំងអស់នៅលើផែន‌ដី មកធ្វើជាប្រជា‌រាស្ត្ររបស់ព្រះ‌អង្គផ្ទាល់។

សូមមើលជំពូក

ភីលីព 3:3

ដ្បិតយើងជាពួកកាត់ស្បែកពិតប្រាកដ ដែលថ្វាយបង្គំព្រះដោយវិញ្ញាណ ហើយអួតពីព្រះ‌គ្រីស្ទ‌យេស៊ូវ ឥតទុកចិត្តនឹងសាច់ឈាមឡើយ។

សូមមើលជំពូក

២ ថែស្សាឡូនីច 2:13

រីឯយើងវិញ បង‌ប្អូនស្ងួន‌ភ្ងារបស់ព្រះ‌អម្ចាស់អើយ យើងត្រូវតែអរព្រះ‌គុណដល់ព្រះ‌ជា‌និច្ច អំពីអ្នករាល់គ្នា ព្រោះព្រះបានជ្រើសរើសអ្នករាល់គ្នា ជាផលដំបូងដើម្បីឲ្យបានសង្គ្រោះ ដោយសារព្រះ‌វិញ្ញាណញែកជាបរិសុទ្ធ និងដោយសារជំនឿតាមសេចក្ដីពិត។

សូមមើលជំពូក

យ៉ាកុប 2:5

បង‌ប្អូនស្ងួន‌ភ្ងាអើយ ចូរស្តាប់ចុះ តើព្រះមិនបានរើសអ្នកក្រក្នុងលោកនេះ ឲ្យទៅជាអ្នកមានខាងជំនឿ ហើយជាអ្នកទទួលមត៌កក្នុងព្រះរាជ្យ ដែលព្រះ‌អង្គបានសន្យាដល់អស់អ្នកដែលស្រឡាញ់ព្រះ‌អង្គទេឬ?

សូមមើលជំពូក

១ ពេត្រុស 2:9

ប៉ុន្តែ អ្នករាល់គ្នាជាពូជជ្រើសរើស ជាសង្ឃហ្លួង ជាសាសន៍បរិសុទ្ធ ជាប្រជា‌រាស្ត្រមួយសម្រាប់ព្រះ‌អង្គផ្ទាល់ ដើម្បីឲ្យអ្នករាល់គ្នាបានប្រកាសពីកិច្ច‌ការដ៏អស្ចារ្យរបស់ព្រះ‌អង្គ ដែលទ្រង់បានហៅអ្នករាល់គ្នាចេញពីសេចក្តីងងឹត ចូលមកក្នុងពន្លឺដ៏អស្ចារ្យរបស់ព្រះ‌អង្គ។

សូមមើលជំពូក

វិវរណៈ 17:14

ស្ដេចទាំងនោះ នឹងច្បាំងជាមួយកូនចៀម តែកូនចៀមនឹងឈ្នះគេ ដ្បិតព្រះ‌អង្គជាព្រះ‌អម្ចាស់លើអស់ទាំងព្រះ‌អម្ចាស់ ហើយជាស្តេចលើអស់ទាំងស្តេច ឯអស់អ្នកដែលនៅជាមួយព្រះ‌អង្គ ជាអ្នកដែលព្រះ‌អង្គបានត្រាស់ហៅ បានជ្រើសរើស និងជាអ្នកស្មោះត្រង់»។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម