ការដាក់ឲ្យឆ្លើយតបគ្នា

បន្ទាប់ »

ទំនុកតម្កើង 103:18

ព្រះគម្ពីរបរិសុទ្ធកែសម្រួល ២០១៦

គឺដល់អស់អ្នកដែលកាន់តាមសេចក្ដីសញ្ញា របស់ព្រះ‌អង្គ ហើយនឹកចាំពីបទ‌បញ្ជារបស់ព្រះ‌អង្គ ដើម្បីប្រតិ‌បត្តិតាម។

សូមមើលជំពូក ចម្លង

ការបកប្រែផ្សេងទៀត។

19 ការដាក់ឲ្យឆ្លើយតបគ្នា

២ របា‌ក្សត្រ 34:31

ឯស្ដេចឈរនៅកន្លែងទ្រង់ ក៏ចុះសញ្ញានឹងព្រះ‌យេហូវ៉ា ឲ្យបានដើរតាមព្រះ‌យេហូវ៉ា ព្រមទាំងកាន់តាមក្រឹត្យ‌ក្រមសេចក្ដីបន្ទាល់ និងបញ្ញត្តិរបស់ព្រះ‌អង្គទាំងប៉ុន្មាន អស់ពីចិត្ត អស់ពីព្រលឹង ដើម្បីនឹងសម្រេចតាមអស់ទាំងពាក្យនៃសេចក្ដីសញ្ញាដែលបានកត់ទុកក្នុងគម្ពីរនេះ។

សូមមើលជំពូក

ទំនុកតម្កើង 132:12

ប្រសិន‌បើកូនៗរបស់អ្នកកាន់តាម សេចក្ដីសញ្ញារបស់យើង និងសេចក្ដីបន្ទាល់ដែលយើងនឹងបង្រៀនដល់គេ នោះកូនៗរបស់គេក៏នឹងអង្គុយលើបល្ល័ង្ក របស់អ្នកជារៀងរហូតដែរ»។

សូមមើលជំពូក

ទំនុកតម្កើង 25:10

អស់ទាំងផ្លូវរបស់ព្រះ‌យេហូវ៉ា សុទ្ធតែប្រកបដោយ ព្រះ‌ហឫ‌ទ័យសប្បុរស និងសេចក្ដីស្មោះ‌ត្រង់ ចំពោះអស់អ្នកដែលកាន់តាមសេចក្ដីសញ្ញា និងសេចក្ដីបន្ទាល់របស់ព្រះ‌អង្គ។

សូមមើលជំពូក

និក្ខមនំ 19:5

ដូច្នេះ បើអ្នករាល់គ្នាស្តាប់តាមពាក្យរបស់យើង ហើយកាន់តាមសេចក្ដីសញ្ញារបស់យើង នោះអ្នករាល់គ្នានឹងបានជាប្រជា‌រាស្ត្ររបស់យើងផ្ទាល់ ក្នុងចំណោមជាតិសាសន៍ទាំងអស់ ដ្បិតផែន‌ដីទាំងមូលជារបស់យើង

សូមមើលជំពូក

និក្ខមនំ 24:8

ដូច្នេះ លោកម៉ូសេយកឈាមទៅប្រោះលើប្រជា‌ជន ហើយពោលថា៖ «នេះជាឈាមនៃសេចក្ដីសញ្ញាដែលព្រះ‌យេហូវ៉ាបានតាំងជា‌មួយអ្នករាល់គ្នា តាមព្រះ‌បន្ទូលទាំងនេះរបស់ព្រះ‌អង្គ»។

សូមមើលជំពូក

សុភា‌សិត 3:1

កូនអើយ កុំឲ្យភ្លេចឱវាទយើងឡើយ គួរឲ្យចិត្តឯងកាន់តាមបណ្ដាំ របស់យើងទាំងប៉ុន្មាន

សូមមើលជំពូក

អេសាយ 64:4

ដ្បិតចាប់តាំងពីចាស់បុរាណមក មនុស្សលោកមិនដែលឮ ក៏មិនដែលដឹងដោយ‌សារត្រចៀក ហើយភ្នែកមិនដែលឃើញព្រះឯណាក្រៅពីព្រះ‌អង្គ ដែលធ្វើការជំនួសអ្នកដែលសង្ឃឹមដល់ព្រះ‌អង្គឡើយ។

សូមមើលជំពូក

ជន‌គណនា 15:40

ដូច្នេះ អ្នករាល់គ្នានឹងនឹកចាំ រួចប្រព្រឹត្តតាមអស់ទាំងបញ្ញត្តិរបស់យើង ហើយអ្នករាល់គ្នានឹងបានបរិសុទ្ធចំពោះព្រះរបស់អ្នករាល់គ្នា។

សូមមើលជំពូក

ម៉ាថាយ 28:20

ហើយបង្រៀនឲ្យគេកាន់តាមគ្រប់ទាំងសេចក្តីដែលខ្ញុំបានបង្គាប់អ្នករាល់គ្នា ហើយមើល៍ ខ្ញុំក៏នៅជាមួយអ្នករាល់គ្នាជារៀងរាល់ថ្ងៃ រហូតដល់គ្រាចុងបំផុត»។ អាម៉ែន។:៚

សូមមើលជំពូក

លូកា 1:6

អ្នកទាំងពីរនោះជាមនុស្សសុចរិតនៅចំពោះព្រះ បានកាន់តាមបទ‌បញ្ជា និងច្បាប់របស់ព្រះ‌អម្ចាស់ទាំងប៉ុន្មាន ឥតកន្លែងបន្ទោសបានឡើយ។

សូមមើលជំពូក

កិច្ចការ 24:16

ហេតុនេះហើយបានជាខ្ញុំបាទខំប្រឹងឲ្យមានមនសិការស្អាតបរិសុទ្ធនៅចំពោះព្រះ និងនៅចំពោះមនុស្សលោកជា‌និច្ច។

សូមមើលជំពូក

ចោទិយ‌កថា 4:23

ដូច្នេះ ចូរប្រយ័ត្នខ្លួន ក្រែងភ្លេចសេចក្ដី‌សញ្ញាដែលព្រះ‌យេហូវ៉ាជាព្រះរបស់អ្នកបានតាំងជា‌មួយអ្នក រួចងាកបែរទៅឆ្លាក់ធ្វើរូបមានរាងដូចរបស់ណាមួយដែលព្រះ‌យេហូវ៉ាជាព្រះរបស់អ្នកបានហាមឡើយ។

សូមមើលជំពូក

ចោទិយ‌កថា 7:12

«ប្រសិន‌បើអ្នករាល់គ្នាស្តាប់តាមបញ្ញត្តិទាំងនេះ ទាំងកាន់ខ្ជាប់ ហើយប្រព្រឹត្តតាម នោះព្រះ‌យេហូវ៉ាជាព្រះរបស់អ្នកក៏នឹងកាន់តាមសេចក្ដី‌សញ្ញា និងសេចក្ដីសប្បុរសចំពោះអ្នក ជាសេចក្ដីដែលព្រះ‌អង្គបានស្បថនឹងបុព្វបុរសរបស់អ្នកដែរ។

សូមមើលជំពូក

ចោទិយ‌កថា 7:9

ដូច្នេះ ចូរដឹងថា ព្រះ‌យេហូវ៉ាជាព្រះរបស់អ្នក ពិតជាព្រះមែន គឺជាព្រះស្មោះ‌ត្រង់ដែលគោរពតាមសេចក្ដី‌សញ្ញា និងសេចក្ដីសប្បុរស ចំពោះអស់អ្នកដែលស្រឡាញ់ ហើយកាន់តាមបទបញ្ជារបស់ព្រះ‌អង្គ រហូតដល់មួយពាន់តំណ

សូមមើលជំពូក

១ ថែស្សាឡូនីច 4:1

ជាទីបញ្ចប់ បង‌ប្អូនអើយ យើងសូមអង្វរ និងសូមទូន្មានអ្នករាល់គ្នាក្នុងព្រះ‌អម្ចាស់‌យេស៊ូវថា អ្នករាល់គ្នាបានរៀនពីយើងអំពីរបៀបរស់នៅ ឲ្យបានគាប់ព្រះ‌ហឫ‌ទ័យព្រះយ៉ាងណា អ្នករាល់គ្នាកំពុងធ្វើការនេះយ៉ាងណា សូមឲ្យអ្នករាល់គ្នារស់នៅយ៉ាងនោះ ឲ្យកាន់តែប្រសើរឡើងថែមទៀត។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម