ការដាក់ឲ្យឆ្លើយតបគ្នា

បន្ទាប់ »

ដានី‌យ៉ែល 11:40

ព្រះគម្ពីរបរិសុទ្ធកែសម្រួល ២០១៦

នៅគ្រាចុងក្រោយ ស្តេចខាងត្បូងនឹងប្រយុទ្ធនឹងស្ដេចខាងជើង តែស្តេចខាងជើងនឹងវាយសម្រុកមកលើស្ដេចខាងត្បូងដូចខ្យល់កួច មានទាំងរទេះចម្បាំង ពលសេះ និងនាវាជាច្រើន។ ស្ដេចនោះនឹងវាយលុកចូលទៅក្នុងស្រុកនានា ហើយវាយឆ្លងកាត់ដូចទឹកជន់។

សូមមើលជំពូក ចម្លង

ការបកប្រែផ្សេងទៀត។

24 ការដាក់ឲ្យឆ្លើយតបគ្នា

អេសាយ 21:1

នេះជាសេចក្ដីទំនាយយ៉ាងធ្ងន់ ពីដំណើរវាលរហាលក្បែរសមុទ្រ។ ការនេះមកពីវាលរហាល គឺជាកន្លែងគួរស្ញែង‌ខ្លាចដូចខ្យល់កំបុតត្បូង ដែលបក់មកបោសកាត់តំបន់ណេកិបដែរ

សូមមើលជំពូក

អេសាយ 5:28

ជាពួកអ្នកដែលមានព្រួញមុតណាស់ ហើយធ្នូទាំងអស់ក៏ដំឡើងជាស្រេច ឯក្រចកសេះនឹងបានរាប់ជាថ្មភ្លើង ហើយកង់រទេះរបស់គេក៏ដូចជាខ្យល់កួច។

សូមមើលជំពូក

អេសាយ 66:15

ដ្បិតព្រះ‌យេហូវ៉ានឹងយាងមកក្នុងភ្លើង ហើយព្រះ‌រាជ‌រថរបស់ព្រះ‌អង្គដូចជាខ្យល់កួច ដើម្បីសម្រេចតាមសេចក្ដីក្រោធដ៏សហ័សរបស់ព្រះ‌អង្គ និងតាមពាក្យស្តីបន្ទោសរបស់ព្រះ‌អង្គ ដោយ‌សារអណ្ដាតភ្លើង។

សូមមើលជំពូក

យេរេមា 4:13

មើល៍! អ្នកនោះនឹងឡើងមកដូចជាពពក ហើយរទេះចម្បាំងរបស់គេ នឹងដូចជាខ្យល់កួច ឯសេះរបស់គេក៏លឿនជាងសត្វឥន្ទ្រី វរហើយយើង ដ្បិតយើងត្រូវវិនាសហើយ។

សូមមើលជំពូក

អេ‌សេ‌គាល 38:4

យើងនឹងធ្វើឲ្យអ្នកបែរមក យើងនឹងដាក់តម្ពក់នៅថ្គាមអ្នក ហើយនាំអ្នកចេញមក ព្រមទាំងពល‌ទ័ពអ្នកទាំងប៉ុន្មាន ទាំងសេះ និងពលសេះផង គ្រប់គ្នាស្លៀក‌ពាក់ជាគ្រឿងសឹកសព្វគ្រប់ ជាកង‌ទ័ពយ៉ាងធំ មានទាំងខែលធំ ខែលតូច ហើយកាន់ដាវគ្រប់គ្នា។

សូមមើលជំពូក

អេ‌សេ‌គាល 38:9

អ្នកនឹងឡើងមក គឺមកដូចជាខ្យល់ព្យុះ ហើយអ្នក និងពួកកក‌កុញទាំងប៉ុន្មានរបស់អ្នក ព្រមទាំងសាសន៍ជាច្រើនដែលមកជា‌មួយ នឹងបានដូចជាពពកគ្របលើស្រុក។

សូមមើលជំពូក

ដានី‌យ៉ែល 11:10

ពួកកូនរបស់ស្តេចនោះនឹងនាំគ្នាធ្វើសង្គ្រាម ដោយប្រមូលកម្លាំងទ័ពយ៉ាងច្រើនឥតឧបមា។ កង‌ទ័ពនោះនឹងចេញទៅដូចទឹកជំនន់ ហើយក៏ចេះតែច្បាំងតាមផ្លូវ រហូតដល់បន្ទាយរបស់សត្រូវ។

សូមមើលជំពូក

ដានី‌យ៉ែល 11:11

គ្រានោះ ស្តេចខាងត្បូងមានចិត្តក្ដៅក្រហាយយ៉ាងខ្លាំង ក៏ចេញទៅប្រយុទ្ធជា‌មួយស្តេចខាងជើង ដែលស្ដេចខាងជើងក៏នឹងលើកទ័ពយ៉ាងច្រើនសន្ធឹកសន្ធាប់ តែទ័ពនោះនឹងត្រូវប្រគល់មកក្នុងកណ្ដាប់ដៃរបស់ស្តេចខាងត្បូង។

សូមមើលជំពូក

ដានី‌យ៉ែល 11:13

ដ្បិតស្តេចខាងជើងនឹងវិលត្រឡប់មកវិញ ទាំងលើកទ័ពយ៉ាងច្រើនសន្ធឹក លើសជាងមុនទៅទៀត ហើយប៉ុន្មានឆ្នាំក្រោយមក ស្ដេចនឹងលើកទ័ពយ៉ាងធំ ទាំងមានគ្រឿងសស្ត្រា‌វុធយ៉ាងច្រើនមកជា‌មួយ។

សូមមើលជំពូក

ដានី‌យ៉ែល 11:22

កងទ័ពដ៏ខ្លាំងពូកែនឹងត្រូវចុះចាញ់ ហើយបាក់បែកអស់រលីងនៅចំពោះស្ដេចនោះ សូម្បីសម្ដេចសង្ឃនៃសេចក្ដីសញ្ញាផង។

សូមមើលជំពូក

ដានី‌យ៉ែល 11:25

ស្ដេចនឹងដាស់កម្លាំង និងសេចក្ដីអង់‌អាចរបស់ខ្លួនទាស់នឹងស្តេចខាងត្បូង ដោយលើកទ័ពយ៉ាងច្រើន ហើយស្តេចខាងត្បូងនឹងលើកទ័ពយ៉ាងសន្ធឹកសន្ធាប់ ហើយខ្លាំងពូកែមកតទល់ តែមិនអាចទប់‌ទល់បានឡើយ ដ្បិតទ្រង់ចាញ់ល្បិចកិច្ច‌កលរបស់ស្ដេចខាងជើង។

សូមមើលជំពូក

ដានី‌យ៉ែល 11:35

ក្នុងចំណោមអ្នកដែលមានប្រាជ្ញា នឹងមានខ្លះដួល ដើម្បីឲ្យគេបានបន្សុទ្ធ ឲ្យបានស្អាតបរិសុទ្ធ ហើយឲ្យបានស‌ស្គុស រហូតដល់គ្រាចុងក្រោយ ដ្បិតគ្រានោះ ត្រូវតែមកដល់តាមពេលកំណត់។

សូមមើលជំពូក

ដានី‌យ៉ែល 11:39

ស្ដេចនឹងវាយទីតាំងដ៏រឹងមាំ‌របស់សាសន៍នានា ដោយពឹងផ្អែកព្រះបរទេស ឯអស់អ្នកដែលទទួលស្គាល់ខ្លួន ស្ដេចនឹងលើកឲ្យមានសក្តិ‌យសជាធំ ហើយតាំងឲ្យគេគ្រប់‌គ្រងលើមនុស្សជាច្រើន ព្រមទាំងចែកដីឲ្យជារង្វាន់ទៀតផង»។

សូមមើលជំពូក

ដានី‌យ៉ែល 11:7

នៅគ្រានោះ នឹងមានលំពង់មួយពន្លកចេញពីវង្សត្រកូលរបស់នាង ហើយស្នងរាជ្យជំនួសបិតា។ ស្តេចនោះនឹងលើកទ័ពទៅច្បាំងនឹងពលទ័ព ហើយវាយលុកបន្ទាយរបស់ស្ដេចខាងត្បូង ក៏តយុទ្ធនឹងគេ ហើយមានជ័យជម្នះ។

សូមមើលជំពូក

ដានី‌យ៉ែល 12:4

ប៉ុន្ដែ ចំពោះលោកវិញ ដានី‌យ៉ែលអើយ សូមលាក់ពាក្យនេះជាសម្ងាត់ ហើយបិទត្រាលើសៀវ‌ភៅនេះ ទុករហូតដល់គ្រាចុងក្រោយបំផុត។ មនុស្សជាច្រើននឹងខំស្វែងយល់ ហើយសេចក្ដីអាក្រក់ នឹងចម្រើនឡើង»។

សូមមើលជំពូក

ដានី‌យ៉ែល 12:9

លោកតបថា៖ «ដានី‌យ៉ែលអើយ កុំខ្វល់ខ្វាយធ្វើអ្វី ដ្បិតសេចក្ដីទាំងនេះត្រូវរក្សាជាសម្ងាត់ ហើយបិទត្រាទុក រហូតដល់គ្រាចុងក្រោយបំផុត។

សូមមើលជំពូក

ដានី‌យ៉ែល 8:17

ដូច្នេះ លោកក៏ចូលមកជិតកន្លែងដែលខ្ញុំឈរ ហើយពេលលោកចូលមកដល់ ខ្ញុំក៏ភ័យញ័រ រួចក្រាបចុះមុខដល់ដី។ ប៉ុន្ដែ លោកពោលមកខ្ញុំថា៖ «កូនមនុស្សអើយ ចូរយល់ចុះ ដ្បិតនិមិត្តនេះសម្រាប់គ្រាចុងបំផុត»។

សូមមើលជំពូក

ហាបាគុក 3:14

ព្រះ‌អង្គបានចាក់ទម្លុះក្បាលពួកអ្នកខ្លាំងពូកែរបស់គេ ដោយព្រួញរបស់ព្រះ‌អង្គ គេបានចេញមកដូចខ្យល់កួច ដើម្បីកម្ចាត់‌កម្ចាយយើងខ្ញុំ គេត្រេក‌អរចំពោះការស៊ីបំផ្លាញ ពួកក្រីក្រដោយសម្ងាត់។

សូមមើលជំពូក

សាការី 9:14

គេនឹងឃើញព្រះ‌យេហូវ៉ាស្ថិតពីលើពួកកូនប្រុសរបស់អ្នក ព្រួញព្រះ‌អង្គនឹងហោះចេញទៅដូចជាផ្លេក‌បន្ទោរ ហើយព្រះ‌អម្ចាស់‌យេហូវ៉ានឹងផ្លុំត្រែ ចេញទៅក្នុងខ្យល់កួចពីខាងត្បូង។

សូមមើលជំពូក

វិវរណៈ 16:12

ទេវតាទីប្រាំមួយយកពែងរបស់ខ្លួន ចាក់ទៅលើទន្លេធំ គឺទន្លេអ៊ើប្រាត ស្រាប់តែទឹកទន្លេនោះក៏រីងអស់ ដើម្បីរៀបចំផ្លូវរបស់ពួកស្តេចពីទិសខាងកើត។

សូមមើលជំពូក

វិវរណៈ 9:16

ចំនួនពលសេះ មានពីររយលាននាក់ ដ្បិតខ្ញុំបានឮចំនួនពលទ័ពទាំងនោះ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម