ការដាក់ឲ្យឆ្លើយតបគ្នា

បន្ទាប់ »

កិច្ចការ 10:11

ព្រះគម្ពីរបរិសុទ្ធកែសម្រួល ២០១៦

លោកឃើញផ្ទៃមេឃបើកចំហ ហើយមានអ្វីម្យ៉ាងដូចជាកម្រាលមួយយ៉ាងធំ មានចងជ្រុងទាំងបួន សម្រូតចុះពីលើមកដល់ដី។

សូមមើលជំពូក ចម្លង

ការបកប្រែផ្សេងទៀត។

28 ការដាក់ឲ្យឆ្លើយតបគ្នា

លោកុ‌ប្បត្តិ 49:10

ដំបងរាជ្យនឹងមិនដែលឃ្លាតពីយូដា ហើយដំបងគ្រប់‌គ្រងក៏មិនដែលឃ្លាត ពីពូជ‌ពង្សរបស់យូដាឡើយ រហូតទាល់តែគេនាំសួយ‌សារ‌អាករ មកជូនលោក ហើយប្រ‌ជា‌រាស្រ្តនានានឹងចុះចូល ចំពោះលោក។

សូមមើលជំពូក

អេសាយ 43:6

យើងនឹងបង្គាប់ដល់ទិសខាងជើងថា ចូរប្រគល់គេមក ហើយដល់ទិសខាងត្បូងថា កុំឃាត់គេទុកឡើយ ចូរនាំអស់ទាំងកូនប្រុសរបស់យើងមកពីទីឆ្ងាយ ហើយពួកកូនស្រីយើងមកពីចុងផែនដីចុះ

សូមមើលជំពូក

អេសាយ 56:8

ព្រះ‌អម្ចាស់‌យេហូវ៉ាមានព្រះ‌បន្ទូលថា យើងនឹងប្រមូលអស់អ្នកដែលត្រូវគេបោះបង់ ក្នុងសាសន៍អ៊ីស្រា‌អែល យើងនឹងប្រមូលមនុស្សដទៃមកជា‌មួយដែរ គឺជាពួកអ្នកក្រៅពីពួកអ៊ីស្រា‌អែល ដែលបានប្រមូលហើយ។

សូមមើលជំពូក

អេ‌សេ‌គាល 1:1

នៅថ្ងៃទីប្រាំ ខែទីបួន ឆ្នាំទីសាមសិប ពេលខ្ញុំនៅជា‌មួយពួកឈ្លើយ នៅមាត់ទន្លេកេបារ ពេលនោះ មេឃបានបើកចំហ ហើយខ្ញុំឃើញនិមិត្តពីព្រះ។

សូមមើលជំពូក

ម៉ាថាយ 8:11

ខ្ញុំប្រាប់អ្នករាល់គ្នាថា នឹងមានមនុស្សជាច្រើនពីទិសខាងកើត និងទិសខាងលិច មកអង្គុយបរិ‌ភោគជាមួយលោកអ័ប្រា‌ហាំ លោកអ៊ីសាក និងលោកយ៉ាកុប នៅក្នុងព្រះរាជ្យនៃស្ថាន‌សួគ៌

សូមមើលជំពូក

លូកា 3:21

កាលប្រ‌ជាជនទាំងអស់បានទទួលពិធីជ្រមុជរួច ព្រះ‌យេស៊ូវក៏បានទទួលពិធីជ្រមុជទឹករួចហើយដែរ ហើយពេលកំពុងអធិស្ឋាន មេឃក៏បើកចំហ

សូមមើលជំពូក

យ៉ូហាន 1:51

ព្រះ‌អង្គមានព្រះបន្ទូលទៅគាត់ទៀតថា៖ «ប្រាកដមែន ខ្ញុំប្រាប់អ្នកជាប្រាកដថា អ្នករាល់គ្នានឹងឃើញស្ថានសួគ៌បើកចំហ ហើយពួកទេវតារបស់ព្រះហោះចុះឡើងនៅពីលើកូនមនុស្ស»។

សូមមើលជំពូក

យ៉ូហាន 11:52

ហើយមិនត្រឹមតែជំនួសសាសន៍នោះប៉ុណ្ណោះ គឺសុគតដើម្បីឲ្យអស់ទាំងកូនរបស់ព្រះ ដែលខ្ចាត់‌ខ្ចាយទៅ បានប្រមូលរួមមកជាសាសន៍តែមួយដែរ។

សូមមើលជំពូក

យ៉ូហាន 12:32

ឯខ្ញុំ ប្រសិន‌បើខ្ញុំត្រូវលើកពីដីឡើង នោះខ្ញុំនឹងទាញមនុស្សទាំងអស់មកឯខ្ញុំ»។

សូមមើលជំពូក

កិច្ចការ 10:12

នៅក្នុងកម្រាលនោះ មានសត្វជើងបួន សត្វលូនវារ និងសត្វហើរលើអាកាសគ្រប់ប្រភេទ។

សូមមើលជំពូក

កិច្ចការ 11:5

«កាលខ្ញុំកំពុងអធិស្ឋាននៅក្រុងយ៉ុប‌ប៉េ ខ្ញុំលង់ស្មារតីទៅ ឃើញនិមិត្តមួយ។ មានវត្ថុម្យ៉ាងដូចជាកម្រាលមួយយ៉ាងធំ មានចងជ្រុងទាំងបួន សម្រូតចុះពីលើមេឃមកដល់ខ្ញុំ។

សូមមើលជំពូក

កិច្ចការ 7:56

លោកមានប្រសាសន៍ថា៖ «មើលហ្ន៎! ខ្ញុំឃើញមេឃបើកចំហ ហើយកូនមនុស្សឈរនៅខាងស្តាំព្រះ‌ហស្តរបស់ព្រះ»។

សូមមើលជំពូក

រ៉ូម 1:16

ដ្បិតខ្ញុំមិនខ្មាសអំពីដំណឹងល្អទេ ព្រោះជាព្រះ‌ចេស្តារបស់ព្រះ សម្រាប់សង្គ្រោះអស់អ្នកដែលជឿ គឺដំបូងដល់សាសន៍យូដា និងដល់សាសន៍ក្រិកផង។

សូមមើលជំពូក

រ៉ូម 9:4

គឺសាសន៍អ៊ីស្រា‌អែល ព្រះបានរើសគេធ្វើជាកូន គេមានសិរី‌ល្អ មានសេចក្តីសញ្ញា ការប្រទានក្រឹត្យ‌វិន័យ របៀបថ្វាយបង្គំ និងសេចក្តីសន្យាជារបស់ខ្លួន

សូមមើលជំពូក

កាឡាទី 2:15

ឯយើងវិញ យើងជាសាសន៍យូដាពីកំណើត ហើយមិនមែនជាអ្នកមានបាបក្នុងសាសន៍ដទៃនោះទេ

សូមមើលជំពូក

កាឡាទី 3:28

គ្មានសាសន៍យូដា ឬសាសន៍ក្រិក គ្មានបាវបម្រើ ឬអ្នកជា គ្មានប្រុស ឬគ្មានស្រីទៀតឡើយ ព្រោះអ្នករាល់គ្នាទាំងអស់រួមមកតែមួយក្នុងព្រះ‌គ្រីស្ទ‌យេស៊ូវ។

សូមមើលជំពូក

អេភេសូរ 1:10

ជាគម្រោងការមួយសម្រាប់ពេលកំណត់មកដល់ ដើម្បីប្រមូលអ្វីៗទាំងអស់នៅក្នុងព្រះ‌គ្រីស្ទ ទាំងអ្វីៗនៅស្ថាន‌សួគ៌ និងអ្វីៗនៅលើផែនដី។

សូមមើលជំពូក

អេភេសូរ 3:6

គឺថា ពួកសាសន៍ដទៃបានត្រឡប់ជាអ្នកគ្រងមត៌កជាមួយគ្នា ជាអវយវៈរបស់រូប‌កាយតែមួយ ហើយជាអ្នកមានចំណែកនៃសេចក្តីសន្យាក្នុងព្រះ‌គ្រីស្ទយេស៊ូវ តាមរយៈដំណឹងល្អ។

សូមមើលជំពូក

កូឡុស 3:11

ក្នុងសណ្ឋាននោះ គ្មានសាសន៍ក្រិក និងសាសន៍យូដា ពួកកាត់ស្បែក និងពួកមិនកាត់ស្បែក ពួកមនុស្សព្រៃ ពួកជនជាតិភាគតិច អ្នកបម្រើ ឬអ្នកជាទៀតឡើយ គឺព្រះ‌គ្រីស្ទជាគ្រប់ទាំងអស់ ហើយគង់នៅក្នុងគ្រប់ទាំងអស់!

សូមមើលជំពូក

វិវរណៈ 11:19

ពេលនោះ ព្រះ‌វិហាររបស់ព្រះនៅស្ថាន‌សួគ៌ ក៏បើកចំហ ហើយឃើញមានហិបនៃសេចក្ដីសញ្ញារបស់ព្រះ‌អង្គ នៅក្នុងព្រះ‌វិហារនោះ ហើយក៏មានផ្លេក‌បន្ទោរ មានសូរសំឡេង មានផ្គរលាន់ មានរញ្ជួយផែនដី និងមានធ្លាក់ព្រឹលយ៉ាងខ្លាំង។

សូមមើលជំពូក

វិវរណៈ 19:11

បន្ទាប់មក ខ្ញុំបានឃើញស្ថានសួគ៌បើកចំហ ហើយមើល៍ មានសេះសមួយ! ព្រះ‌អង្គដែលគង់លើសេះនោះ មានព្រះ‌នាមថា «ព្រះដ៏ស្មោះត្រង់ ហើយពិតប្រាកដ» ព្រះ‌អង្គជំនុំ‌ជម្រះ និងច្បាំងដោយសុចរិត។

សូមមើលជំពូក

វិវរណៈ 4:1

ក្រោយនោះមក ខ្ញុំមើលទៅឃើញមានទ្វារមួយបើកចំហនៅស្ថាន‌សួគ៌ ហើយសំឡេងដំបូងដែលខ្ញុំបានឮនោះ ដូចជាសូរត្រែ បន្លឺមកកាន់ខ្ញុំថា៖ «ចូរឡើងមកណេះ យើងនឹងបង្ហាញឲ្យអ្នកឃើញហេតុ‌ការណ៍ ដែលត្រូវកើតឡើងនៅពេលខាងមុខ»។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម