ការដាក់ឲ្យឆ្លើយតបគ្នា

បន្ទាប់ »

កាឡាទី 6:2

ព្រះគម្ពីរបរិសុទ្ធកែសម្រួល ២០១៦

ចូរយកអាសាគ្នាទៅវិញទៅមក យ៉ាងនោះទើបបានសម្រេចតាមក្រឹត្យ‌វិន័យរបស់ព្រះ‌គ្រីស្ទ។

សូមមើលជំពូក ចម្លង

ការបកប្រែផ្សេងទៀត។

25 ការដាក់ឲ្យឆ្លើយតបគ្នា

១ របា‌ក្សត្រ 19:12

លោកប្រាប់ថា៖ «ប្រសិន‌បើពួកស៊ីរីមានកម្លាំងហួសពេក យើងឈ្នះគេមិនបាន ចូរឯងមកជួយផង បើពួកកូនចៅអាំម៉ូនមានកម្លាំងហួសពេក ឯងឈ្នះគេមិនបាន នោះយើងនឹងទៅជួយឯងវិញ។

សូមមើលជំពូក

និក្ខមនំ 23:5

បើឃើញលារបស់ជនដែលស្អប់អ្នកទន់ជង្គង់ដួលដោយ‌សារផ្ទុកធ្ងន់ នោះប្រហែលជាអ្នកចង់ធ្វើព្រងើយមិនចង់ជួយ តែមិនត្រូវធ្វើដូច្នោះឡើយ គឺត្រូវជួយគេកុំខាន។

សូមមើលជំពូក

អេសាយ 58:6

តើមិនមែនជាការតមអត់យ៉ាងនេះវិញ ដែលយើងពេញចិត្តទេឬ គឺឲ្យដោះច្រវាក់ ដែលអ្នកដាក់គេដោយអំពើអាក្រក់ ឲ្យស្រាយចំណងដែលអ្នកបានចងគេ ហើយឲ្យអ្នកដែលអ្នកបានសង្កត់‌សង្កិន បានរួចចេញទទេ ព្រមទាំងបំបាក់គ្រប់ទាំងនឹមផង

សូមមើលជំពូក

ម៉ាថាយ 8:17

ការនេះត្រូវតែបានសម្រេចតាមសេចក្តីដែលបានថ្លែងទុកមក តាមរយៈហោរាអេសាយថា៖ «ព្រះ‌អង្គបានទទួលយកភាពពិការរបស់យើង ហើយក៏ផ្ទុកជំងឺរបស់យើងដែរ» ។

សូមមើលជំពូក

លូកា 11:46

ព្រះ‌អង្គមានព្រះ‌បន្ទូលតបថា៖ «វេទនាដល់អ្នករាល់គ្នា ដែលជាអ្នកប្រាជ្ញច្បាប់ដែរ ដ្បិតអ្នករាល់គ្នាដាក់បន្ទុកយ៉ាងធ្ងន់ ដែលពិបាកទទួល ទៅលើមនុស្ស តែខ្លួនអ្នករាល់គ្នាមិនព្រមទាំងយកម្រាមដៃមួយឆ្កឹះបន្ទុកនោះផង។

សូមមើលជំពូក

យ៉ូហាន 13:34

ខ្ញុំឲ្យឱវាទមួយថ្មីដល់អ្នករាល់គ្នា គឺឲ្យអ្នករាល់គ្នាស្រឡាញ់គ្នាទៅវិញទៅមក ត្រូវឲ្យស្រឡាញ់គ្នា ដូចជាខ្ញុំបានស្រឡាញ់អ្នករាល់គ្នាដែរ។

សូមមើលជំពូក

យ៉ូហាន 15:12

នេះជាបទ‌បញ្ជារបស់ខ្ញុំ គឺឲ្យអ្នករាល់គ្នាស្រឡាញ់ដល់គ្នាទៅវិញទៅមក ដូចជាខ្ញុំបានស្រឡាញ់អ្នករាល់គ្នាដែរ។

សូមមើលជំពូក

រ៉ូម 15:1

យើងដែលជាអ្នករឹងមាំ គួរតែទ្រាំ‌ទ្រនឹងភាពទន់ខ្សោយរបស់អ្នកដែលមិនរឹងមាំ ហើយមិនត្រូវបំពេញតែចិត្តខ្លួនឯងឡើយ។

សូមមើលជំពូក

រ៉ូម 8:2

ដ្បិតច្បាប់របស់ព្រះ‌វិញ្ញាណនៃជីវិត នៅក្នុងព្រះ‌គ្រីស្ទ‌យេស៊ូវ បានប្រោសអ្នករាល់គ្នាឲ្យរួចពីច្បាប់របស់អំពើបាប និងសេចក្តីស្លាប់ហើយ។

សូមមើលជំពូក

១ កូរិន‌ថូស 9:21

ខ្ញុំបានត្រឡប់ដូចជាអ្នកដែលគ្មានក្រឹត្យ‌វិន័យ ដល់អស់អ្នកដែលគ្មានក្រឹត្យ‌វិន័យ (មិនមែនមានន័យថា ខ្ញុំគ្មានក្រឹត្យ‌វិន័យរបស់ព្រះនោះទេ គឺខ្ញុំស្ថិតនៅក្រោមក្រឹត្យ‌វិន័យព្រះ‌គ្រីស្ទ) ដើម្បីនាំអស់អ្នកដែលគ្មានក្រឹត្យ‌វិន័យឲ្យមានជំនឿដល់ព្រះ‌គ្រីស្ទ។

សូមមើលជំពូក

កាឡាទី 6:5

ដ្បិតម្នាក់ៗត្រូវទទួលបន្ទុករបស់ខ្លួន។

សូមមើលជំពូក

ចោទិយ‌កថា 1:12

ប៉ុន្ដែ ធ្វើដូចម្ដេចឲ្យខ្ញុំតែម្នាក់ឯង អាចទ្រាំ‌ទ្រនឹងបន្ទុកដ៏ធ្ងន់ ដោយសារការឈ្លោះប្រកែករបស់អ្នករាល់គ្នាទៅបាន?

សូមមើលជំពូក

១ ថែស្សាឡូនីច 5:14

បង‌ប្អូនអើយ យើងដាស់តឿនអ្នករាល់គ្នាឲ្យបន្ទោសអស់អ្នកដែលខ្ជិលច្រអូស លើកទឹកចិត្តពួកអ្នកដែលបាក់ទឹកចិត្ត ជួយពួកអ្នកដែលទន់ខ្សោយ ហើយអត់ធ្មត់ចំពោះមនុស្សទាំងអស់។

សូមមើលជំពូក

យ៉ាកុប 1:25

រីឯអ្នកដែលពិនិត្យមើលក្នុងក្រឹត្យ‌វិន័យដ៏គ្រប់លក្ខណ៍ គឺជាក្រឹត្យ‌វិន័យខាងឯសេរី‌ភាព ហើយជាប់ចិត្ត ឥតមានភ្លេចនឹងសេចក្ដីដែលស្តាប់ គឺប្រព្រឹត្តតាម អ្នកនោះនឹងមានពរក្នុងគ្រប់ទាំងកិច្ចការដែលខ្លួនធ្វើជាមិនខាន។

សូមមើលជំពូក

យ៉ាកុប 2:12

ដូច្នេះ ត្រូវនិយាយ និងប្រព្រឹត្តទុកដូចជាអស់អ្នកដែលត្រូវទទួលការជំនុំជម្រះ នៅក្រោមក្រឹត្យវិន័យនៃសេរីភាពចុះ។

សូមមើលជំពូក

យ៉ាកុប 2:8

ប្រសិន‌បើអ្នករាល់គ្នាកាន់តាមក្រឹត្យ‌វិន័យ ដូចមានចែងក្នុងបទគម្ពីរថា៖ «ចូរស្រឡាញ់អ្នកជិតខាងរបស់អ្នកដូចខ្លួនឯង» នោះអ្នកប្រព្រឹត្តបានល្អប្រសើរហើយ។

សូមមើលជំពូក

១ ពេត្រុស 2:24

ព្រះ‌អង្គបានផ្ទុកអំពើបាបរបស់យើង ក្នុងព្រះកាយព្រះ‌អង្គ ដែលជាប់លើឈើឆ្កាង ដើម្បីឲ្យយើងបានស្លាប់ខាងឯអំពើបាប ហើយរស់ខាងឯសេចក្តីសុចរិត។ អ្នករាល់គ្នាបានជាសះស្បើយ ដោយសារស្នាមរបួសរបស់ព្រះ‌អង្គ។

សូមមើលជំពូក

២ ពេត្រុស 2:21

ដ្បិតបើមិនបានស្គាល់ផ្លូវសុចរិតសោះ នោះល្អជាងដែលបានស្គាល់ រួចបែរចេញពីបទ‌បញ្ជាបរិសុទ្ធ ដែលបានប្រគល់មកគេ។

សូមមើលជំពូក

២ ពេត្រុស 3:2

ដើម្បីឲ្យអ្នករាល់គ្នានឹកចាំរាល់សេចក្ដីដែលពួកហោរាបរិសុទ្ធបានថ្លែងកាលពីដើម និងពីបទ‌បញ្ជារបស់ព្រះ‌អម្ចាស់ ជាព្រះ‌សង្គ្រោះ តាមរយៈពួកសាវករបស់អ្នករាល់គ្នា

សូមមើលជំពូក

១ យ៉ូហាន 4:21

យើងបានទទួលបទ‌បញ្ជានេះមកពីព្រះ‌អង្គថា អ្នកណាដែលស្រឡាញ់ព្រះ អ្នកនោះក៏ត្រូវតែស្រឡាញ់បង‌ប្អូនរបស់ខ្លួនដែរ។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម