ការដាក់ឲ្យឆ្លើយតបគ្នា

បន្ទាប់ »

កាឡាទី 3:8

ព្រះគម្ពីរបរិសុទ្ធកែសម្រួល ២០១៦

គម្ពីរបានដឹងជាមុនថា ព្រះនឹងរាប់សាសន៍ដទៃជាសុចរិតដោយសារជំនឿ ហើយលោកអ័ប្រា‌ហាំបានទទួលដំណឹងល្អជាមុនថា «អស់ទាំងសាសន៍នឹងបានពរដោយសារអ្នក» ។

សូមមើលជំពូក ចម្លង

ការបកប្រែផ្សេងទៀត។

25 ការដាក់ឲ្យឆ្លើយតបគ្នា

លោកុ‌ប្បត្តិ 12:3

យើងនឹងឲ្យពរដល់អស់អ្នកណាដែលឲ្យពរអ្នក ហើយយើងនឹងដាក់បណ្ដា‌សាដល់អស់អ្នកណាដែលដាក់បណ្ដាសាអ្នក គ្រប់ទាំងគ្រួសារនៅលើផែន‌ដីនឹងបានពរដោយ‌សារអ្នក»។

សូមមើលជំពូក

លោកុ‌ប្បត្តិ 18:18

ដ្បិតអ័ប្រា‌ហាំនឹងក្លាយជាជាតិសាសន៍មួយដ៏ធំ ហើយខ្លាំងពូកែ ជាតិសាសន៍ទាំងប៉ុន្មាននៅលើផែន‌ដីនឹងបានពរដោយ‌សារគាត់។

សូមមើលជំពូក

លោកុ‌ប្បត្តិ 22:18

គ្រប់ទាំងសាសន៍នៅលើផែន‌ដី នឹងបានពរដោយសារពូជ‌ពង្សរបស់អ្នក ព្រោះអ្នកបានស្តាប់បង្គាប់តាមពាក្យរបស់យើង»។

សូមមើលជំពូក

លោកុ‌ប្បត្តិ 26:4

យើងនឹងចម្រើនពូជ‌ពង្សអ្នកឲ្យបានដូចជាផ្កាយនៅលើមេឃ យើងនឹងប្រគល់ស្រុកទាំងនេះឲ្យពូជ‌ពង្សរបស់អ្នក រួចអស់ទាំងសាសន៍នៅលើផែន‌ដីនឹងបានពរដោយសារពូជ‌ពង្សរបស់អ្នក

សូមមើលជំពូក

លោកុ‌ប្បត្តិ 28:14

ពូជ‌ពង្សរបស់អ្នកនឹងមានគ្នាច្រើនដូចធូលីដី ហើយអ្នកនឹងបានវាតទីទៅខាងលិច ខាងកើត ខាងជើង និងខាងត្បូង គ្រប់ទាំងក្រុមគ្រួសារនៅផែន‌ដីនឹងបានពរដោយ‌សារអ្នក និងពូជ‌ពង្សរបស់អ្នក។

សូមមើលជំពូក

លោកុ‌ប្បត្តិ 49:10

ដំបងរាជ្យនឹងមិនដែលឃ្លាតពីយូដា ហើយដំបងគ្រប់‌គ្រងក៏មិនដែលឃ្លាត ពីពូជ‌ពង្សរបស់យូដាឡើយ រហូតទាល់តែគេនាំសួយ‌សារ‌អាករ មកជូនលោក ហើយប្រ‌ជា‌រាស្រ្តនានានឹងចុះចូល ចំពោះលោក។

សូមមើលជំពូក

ទំនុកតម្កើង 72:7

នៅក្នុងគ្រារបស់ព្រះរាជា សូមឲ្យសេចក្ដីសុចរិតរីកចម្រើនឡើង ហើយសូមឲ្យសេចក្ដីសុខសាន្តមានជាបរិបូរ ដរាបទាល់តែលែងមានព្រះ‌ចន្ទ!

សូមមើលជំពូក

អេសាយ 6:13

ទោះបើមានមួយភាគក្នុងដប់សល់នៅក្នុងស្រុក គង់តែចំណែកនោះនឹងត្រូវវិនាសបាត់ទៅដែរ ដូចជាដើមឈើ‌ទាល និងដើមម៉ៃសាក់ ដែលនៅសល់គល់ក្រោយគេកាប់រំលំហើយ» គឺពូជ‌ពង្សបរិសុទ្ធជាគល់ឈើនោះឯង។

សូមមើលជំពូក

អេសាយ 65:9

យើងនឹងបង្កើតជំនួរវង្សមួយចេញពីយ៉ាកុប ហើយឲ្យមានពួកមួយចេញពីយូដា ដែលនឹងគ្រងបានស្រុកភ្នំរបស់យើងទុកជាមត៌ក ពួកអ្នករើសតាំងរបស់យើងនឹងទទួលបានស្រុកនោះ ហើយពួកអ្នកបម្រើរបស់យើងនឹងអាស្រ័យនៅទីនោះ។

សូមមើលជំពូក

យេរេមា 4:2

ហើយបើអ្នកស្បថដោយពិតត្រង់ ដោយសេចក្ដីយុត្តិ‌ធម៌ និងសេចក្ដីសុចរិតថា ព្រះ‌យេហូវ៉ាមានព្រះ‌ជន្មគង់នៅយ៉ាងណា នោះអស់ទាំងសាសន៍នឹងបានពរនៅក្នុងព្រះ‌អង្គ ហើយនឹងអួតសរសើរពីព្រះ‌អង្គយ៉ាងនោះដែរ។

សូមមើលជំពូក

យ៉ូហាន 19:37

មានអត្ថបទគម្ពីរមួយទៀតចែងថា «គេនឹងមើលអ្នកដែលគេបានចាក់ទម្លុះ»។

សូមមើលជំពូក

យ៉ូហាន 7:38

អ្នកណាដែលជឿដល់ខ្ញុំ បទគម្ពីរចែងថា "នឹងមានទន្លេទឹករស់ហូរចេញពីពោះខ្លួនមក"»។

សូមមើលជំពូក

យ៉ូហាន 7:42

តើគម្ពីរមិនបានចែងថា ព្រះ‌គ្រីស្ទត្រូវកើតពីរាជ‌វង្សព្រះបាទដាវីឌ ហើយក៏យាងមកពីភូមិបេថ្លេ‌ហិម ជាកន្លែងដែលព្រះបាទដាវីឌបានគង់នៅទេឬ?»

សូមមើលជំពូក

កិច្ចការ 2:35

រហូតដល់យើងដាក់ពួកខ្មាំងសត្រូវរបស់អ្នក ធ្វើជាកំណល់កល់ជើងអ្នក" ។

សូមមើលជំពូក

រ៉ូម 9:17

ដ្បិតមានបទគម្ពីរថ្លែងទៅកាន់ផារ៉ោនថា៖ «យើងបានតាំងអ្នកឡើងសម្រាប់ការនេះឯង គឺដើម្បីបង្ហាញចេស្ដារបស់យើងតាមរយៈអ្នក ដើម្បីឲ្យកិត្តិនាមរបស់យើងបានឮខ្ចរខ្ចាយពាសពេញផែនដីទាំងមូល» ។

សូមមើលជំពូក

រ៉ូម 9:30

ដូច្នេះ តើយើងត្រូវនិយាយដូចម្តេច? សាសន៍ដទៃដែលមិនបានស្វះស្វែងរកសេចក្តីសុចរិត បានទទួលសេចក្តីសុចរិត ជាសេចក្តីសុចរិតដោយសារជំនឿ

សូមមើលជំពូក

កាឡាទី 3:16

ឥឡូវនេះ សេចក្ដីសន្យាដែលព្រះបានតាំងដល់លោកអ័ប្រា‌ហាំ និងដល់ពូជរបស់លោក មិនមានចែងថា «ដល់ពូជទាំងឡាយ» ដូចជាចង់សំដៅទៅលើពូជជាច្រើននោះឡើយ គឺសំដៅទៅលើម្នាក់វិញ ដោយថា «និងដល់ពូជរបស់អ្នក» ពោលគឺព្រះ‌គ្រីស្ទ។

សូមមើលជំពូក

កាឡាទី 3:22

ប៉ុន្តែ គម្ពីរបានបង្ខាំងគ្រប់ទាំងអស់ក្រោមអំពើបាប ដើម្បីឲ្យសេចក្ដីសន្យាដោយសារជំនឿក្នុងព្រះ‌យេស៊ូវ‌គ្រីស្ទ បានប្រទានដល់អស់អ្នកដែលជឿ។

សូមមើលជំពូក

កាឡាទី 4:30

ប៉ុន្ដែ តើគម្ពីរចែងមកដូចម្ដេច? គឺថា «ចូរបណ្ដេញស្រ្ដីជាបាវបម្រើ និងកូនរបស់នាងចេញ ដ្បិតកូនរបស់ស្ត្រីជាបាវបម្រើមិនត្រូវទទួលមត៌កជាមួយកូនរបស់ស្ត្រីអ្នកជាឡើយ»

សូមមើលជំពូក

ហេព្រើរ 4:2

ដ្បិតដំណឹងល្អបានមកដល់យើង ដូចជាគេដែរ ប៉ុន្តែ ព្រះ‌បន្ទូលដែលគេបានឮ គ្មានប្រយោជន៍ដល់គេសោះ ព្រោះមិនបានភ្ជាប់នឹងជំនឿ រួមជាមួយអស់អ្នកដែលបានស្ដាប់។

សូមមើលជំពូក

វិវរណៈ 11:15

ទេវតាទីប្រាំពីរផ្លុំត្រែរបស់ខ្លួនឡើង ស្រាប់តែមានឮសំឡេងជាខ្លាំងបន្លឺឡើងនៅលើមេឃថា៖ «រាជ្យក្នុងលោកនេះ បានត្រឡប់ជារាជ្យរបស់ព្រះ‌អម្ចាស់នៃយើង និងព្រះ‌គ្រីស្ទរបស់ព្រះ‌អង្គ ហើយទ្រង់នឹងសោយរាជ្យនៅអស់កល្បជា‌និច្ចរៀងរាបតទៅ»។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម