ការដាក់ឲ្យឆ្លើយតបគ្នា

បន្ទាប់ »

កាឡាទី 3:29

ព្រះគម្ពីរបរិសុទ្ធកែសម្រួល ២០១៦

ប្រសិន‌បើអ្នករាល់គ្នាជារបស់ព្រះ‌គ្រីស្ទ នោះអ្នករាល់គ្នាជាពូជរបស់លោកអ័ប្រា‌ហាំ ជាអ្នកគ្រងមត៌កតាមសេចក្ដីសន្យា។

សូមមើលជំពូក ចម្លង

ការបកប្រែផ្សេងទៀត។

26 ការដាក់ឲ្យឆ្លើយតបគ្នា

ម៉ាថាយ 3:9

ហើយកុំឲ្យគិតក្នុងចិត្តថា "យើងមានលោកអ័ប្រា‌ហាំជាឪពុក" នោះឡើយ ដ្បិតខ្ញុំប្រាប់អ្នករាល់គ្នាថា ព្រះ‌អាចនឹងបង្កើតកូនឲ្យលោកអ័ប្រា‌ហាំពីថ្មទាំងនេះក៏បាន។

សូមមើលជំពូក

រ៉ូម 8:17

ហើយប្រសិន‌បើយើងពិតជាកូនមែន នោះយើងជាអ្នកគ្រងមត៌ក គឺជាអ្នកគ្រងមត៌ករបស់ព្រះរួមជាមួយព្រះ‌គ្រីស្ទ។ ពិតមែន បើយើងរងទុក្ខលំបាកជាមួយព្រះ‌អង្គ នោះយើងក៏នឹងទទួលសិរីល្អជាមួយព្រះ‌អង្គដែរ។

សូមមើលជំពូក

១ កូរិន‌ថូស 15:23

តែម្នាក់ៗតាមលំដាប់រៀងខ្លួន គឺព្រះ‌គ្រីស្ទជាផលដំបូង បន្ទាប់មក អស់អ្នកដែលជារបស់ព្រះ‌គ្រីស្ទនឹងរស់ឡើងវិញ នៅពេលព្រះ‌អង្គយាងមក។

សូមមើលជំពូក

២ កូរិនថូស 10:7

អ្នករាល់គ្នាមើលតែឫក‌ពាខាងក្រៅប៉ុណ្ណោះ។ ប្រសិន‌បើអ្នកណាជឿប្រាកដថា ខ្លួនជារបស់ព្រះ‌គ្រីស្ទ អ្នកនោះត្រូវពិចារណាសេចក្តីនេះដោយខ្លួនឯងម្ដងទៀតថា យើងក៏ជារបស់ព្រះ‌គ្រីស្ទ ដូចអ្នកនោះដែរ។

សូមមើលជំពូក

កាឡាទី 3:16

ឥឡូវនេះ សេចក្ដីសន្យាដែលព្រះបានតាំងដល់លោកអ័ប្រា‌ហាំ និងដល់ពូជរបស់លោក មិនមានចែងថា «ដល់ពូជទាំងឡាយ» ដូចជាចង់សំដៅទៅលើពូជជាច្រើននោះឡើយ គឺសំដៅទៅលើម្នាក់វិញ ដោយថា «និងដល់ពូជរបស់អ្នក» ពោលគឺព្រះ‌គ្រីស្ទ។

សូមមើលជំពូក

កាឡាទី 3:18

ដ្បិតប្រសិន‌បើមត៌កនោះបានមកដោយអាងលើក្រឹត្យ‌វិន័យ នោះមិនអាងលើសេចក្ដីសន្យាទេ តែព្រះបានប្រទានមត៌កនោះដល់លោកអ័ប្រា‌ហាំ តាមសេចក្ដីសន្យាវិញ។

សូមមើលជំពូក

កាឡាទី 3:28

គ្មានសាសន៍យូដា ឬសាសន៍ក្រិក គ្មានបាវបម្រើ ឬអ្នកជា គ្មានប្រុស ឬគ្មានស្រីទៀតឡើយ ព្រោះអ្នករាល់គ្នាទាំងអស់រួមមកតែមួយក្នុងព្រះ‌គ្រីស្ទ‌យេស៊ូវ។

សូមមើលជំពូក

កាឡាទី 3:7

ដូច្នេះ ចូរដឹងថា អស់អ្នកដែលមានជំនឿ គេជាពូជរបស់លោកអ័ប្រា‌ហាំ។

សូមមើលជំពូក

កាឡាទី 4:1

ខ្ញុំចង់និយាយដូច្នេះថា ដរាបណាអ្នកដែលត្រូវទទួលមត៌កនៅក្មេងនៅឡើយ នោះមិនខុសពីបាវបម្រើទេ ទោះបើអ្នកនោះជាម្ចាស់លើទ្រព្យសម្បត្តិទាំងអស់ក៏ដោយ

សូមមើលជំពូក

កាឡាទី 4:7

ដូច្នេះ អ្នករាល់គ្នាមិនមែនជាបាវបម្រើទៀតទេ គឺជាកូនវិញ ហើយបើជាកូន នោះគឺជាអ្នកទទួលមត៌ក ដោយសារព្រះដែរ។

សូមមើលជំពូក

កាឡាទី 5:24

អស់អ្នកដែលជារបស់ព្រះ‌គ្រីស្ទយេស៊ូវ បានឆ្កាងសាច់ឈាម ព្រមទាំងតណ្ហា និងសេចក្ដីប៉ង‌ប្រាថ្នាផ្សេងៗរបស់សាច់ឈាមនោះចោលហើយ។

សូមមើលជំពូក

កាឡាទី 6:16

សូមឲ្យអស់អ្នកដែលដើរតាមគោលការណ៍នេះ ព្រមទាំងសាសន៍អ៊ីស្រា‌អែលរបស់ព្រះផង បានប្រកបដោយសេចក្ដីសុខសាន្ត និងសេចក្ដីមេត្តា‌ករុណា។

សូមមើលជំពូក

អេភេសូរ 3:6

គឺថា ពួកសាសន៍ដទៃបានត្រឡប់ជាអ្នកគ្រងមត៌កជាមួយគ្នា ជាអវយវៈរបស់រូប‌កាយតែមួយ ហើយជាអ្នកមានចំណែកនៃសេចក្តីសន្យាក្នុងព្រះ‌គ្រីស្ទយេស៊ូវ តាមរយៈដំណឹងល្អ។

សូមមើលជំពូក

ទីតុស 3:7

ដើម្បីឲ្យយើងបានរាប់ជាសុចរិតដោយ‌សារព្រះ‌គុណរបស់ព្រះ‌អង្គ ហើយឲ្យយើងបានត្រឡប់ជាអ្នកគ្រងមត៌ក តាមសេចក្ដីសង្ឃឹមនៃជីវិតដ៏នៅអស់កល្បជា‌និច្ច។

សូមមើលជំពូក

ហេព្រើរ 1:14

តើទេវតាទាំងនោះមិនមែនជាវិញ្ញាណបម្រើ ដែលព្រះ‌អង្គបានចាត់ឲ្យមកបម្រើ សម្រាប់អស់អ្នកដែលត្រូវទទួលការសង្គ្រោះជាមត៌កទេឬ?

សូមមើលជំពូក

ហេព្រើរ 11:18

ដែលព្រះ‌ទ្រង់មានព្រះ‌បន្ទូលពីដំណើរកូននោះថា «ពូជពង្សរបស់អ្នកនឹងមានឈ្មោះតាមរយៈអ៊ីសាក» ។

សូមមើលជំពូក

ហេព្រើរ 11:7

ដោយសារជំនឿ លោកណូអេបានទទួលការទូន្មានពីព្រះ អំពីហេតុការណ៍ដែលមើលមិនទាន់ឃើញនៅឡើយ ហើយដោយលោកគោរពកោតខ្លាច លោកបានសង់ទូកមួយយ៉ាងធំ ដើម្បីសង្គ្រោះក្រុមគ្រួសាររបស់លោក។ ដោយសារជំនឿនេះឯង ដែលលោកបានកាត់ទោសលោកីយ៍ ហើយត្រឡប់ជាអ្នកស្នងមត៌កនៃសេចក្ដីសុចរិត ដោយសារជំនឿ។

សូមមើលជំពូក

ហេព្រើរ 6:17

ដូច្នេះ នៅពេលព្រះ‌សព្វព្រះ‌ហឫទ័យចង់បង្ហាញឲ្យបានរឹតតែច្បាស់ ដល់អស់អ្នកដែលត្រូវទទួលសេចក្ដីសន្យាទុកជាមត៌ក អំពីបំណងដែលមិនចេះប្រែប្រួលរបស់ព្រះ‌អង្គ ព្រះ‌អង្គក៏ធានាសេចក្ដីសន្យានោះ ដោយពាក្យសម្បថ

សូមមើលជំពូក

យ៉ាកុប 2:5

បង‌ប្អូនស្ងួន‌ភ្ងាអើយ ចូរស្តាប់ចុះ តើព្រះមិនបានរើសអ្នកក្រក្នុងលោកនេះ ឲ្យទៅជាអ្នកមានខាងជំនឿ ហើយជាអ្នកទទួលមត៌កក្នុងព្រះរាជ្យ ដែលព្រះ‌អង្គបានសន្យាដល់អស់អ្នកដែលស្រឡាញ់ព្រះ‌អង្គទេឬ?

សូមមើលជំពូក

វិវរណៈ 21:7

អ្នកណាដែលឈ្នះនឹងបានទទួលសេចក្ដីទាំងនេះជាមត៌ក យើងនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូនរបស់យើង។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម