ការដាក់ឲ្យឆ្លើយតបគ្នា

បន្ទាប់ »

កាឡាទី 3:1

ព្រះគម្ពីរបរិសុទ្ធកែសម្រួល ២០១៦

ឱបង‌ប្អូនអ្នកស្រុកកាឡាទីល្ងង់ខ្លៅអើយ! តើអ្នកណាបានធ្វើអំពើមកលើអ្នករាល់គ្នា? អ្នករាល់គ្នាបានទទួលសេចក្ដីបរិយាយយ៉ាងច្បាស់ អំពីព្រះ‌យេស៊ូវ‌គ្រីស្ទដែលត្រូវគេឆ្កាង នៅចំពោះភ្នែកអ្នករាល់គ្នាហើយ។

សូមមើលជំពូក ចម្លង

ការបកប្រែផ្សេងទៀត។

38 ការដាក់ឲ្យឆ្លើយតបគ្នា

ម៉ាថាយ 24:24

ដ្បិតនឹងមានព្រះ‌គ្រីស្ទក្លែង‌ក្លាយ និងហោរាក្លែង‌ក្លាយលេចមក ហើយសម្តែងទីសម្គាល់ និងការអស្ចារ្យយ៉ាងធំ ដើម្បីនាំមនុស្សឲ្យវង្វេង សូម្បីតែពួករើសតាំងផង ប្រសិន‌បើគេអាចធ្វើបាន។

សូមមើលជំពូក

ម៉ាថាយ 7:26

រីឯអស់អ្នកណាដែលឮពាក្យរបស់ខ្ញុំទាំងនេះ តែមិនប្រព្រឹត្តតាម នោះប្រៀបបាននឹងមនុស្សល្ងង់‌ខ្លៅ ដែលសង់ផ្ទះរបស់ខ្លួននៅលើខ្សាច់។

សូមមើលជំពូក

លូកា 24:25

ពេលនោះ ព្រះ‌អង្គមានព្រះ‌បន្ទូលទៅគេថា៖ «ឱមនុស្សឥតពិចារណា ហើយក្រនឹងជឿអស់ទាំងសេចក្តីដែលពួកហោរាបានទាយទុកមកអើយ

សូមមើលជំពូក

កិច្ចការ 16:6

ដោយព្រះ‌វិញ្ញាណបរិសុទ្ធបានឃាត់មិនឲ្យប្រកាសព្រះ‌បន្ទូលនៅស្រុកអាស៊ី ពួកលោកក៏ធ្វើដំណើរកាត់ស្រុកព្រីគា និងស្រុកកា‌ឡា‌ទី។

សូមមើលជំពូក

កិច្ចការ 6:7

ព្រះ‌បន្ទូលរបស់ព្រះក៏កាន់តែចម្រើនឡើង ហើយចំនួនពួកសិស្សកើនឡើងយ៉ាងច្រើននៅក្រុងយេរូ‌សាឡិម ឯពួកសង្ឃយ៉ាងច្រើនលើសលុបក៏បានប្រតិបត្តិតាមជំនឿដែរ។

សូមមើលជំពូក

រ៉ូម 10:16

ប៉ុន្តែ មិនមែនមនុស្សគ្រប់គ្នាបានស្តាប់តាមដំណឹងល្អទេ ដ្បិតលោកអេសាយថ្លែងថា «ឱព្រះ‌អម្ចាស់អើយ តើអ្នកណាបានជឿសេចក្តីដែលយើងនិយាយ» ។

សូមមើលជំពូក

រ៉ូម 2:8

រីឯពួកអ្នកដែលស្វែងរកតែប្រយោជន៍ផ្ទាល់ខ្លួន ហើយមិនព្រមស្តាប់តាមសេចក្តីពិត គឺស្តាប់តាមតែសេចក្តីទុច្ចរិតវិញ នោះនឹងបានសេចក្តី‌ក្រោធ និងសេចក្តីឃោរ‌ឃៅ។

សូមមើលជំពូក

រ៉ូម 6:17

ប៉ុន្តែ អរព្រះ‌គុណដល់ព្រះ ដែលអ្នករាល់គ្នាពីដើមជាបាវបម្រើរបស់បាប ទាំងបានស្តាប់បង្គាប់យ៉ាងអស់ពីចិត្ត តាមគំរូនៃសេចក្ដីបង្រៀនដែលគេបានប្រគល់មកអ្នករាល់គ្នា

សូមមើលជំពូក

១ កូរិន‌ថូស 11:26

ដ្បិតរាល់ពេលដែលអ្នករាល់គ្នាបរិ‌ភោគនំបុ័ងនេះ ហើយផឹកពីពែងនេះ នោះអ្នករាល់គ្នាប្រកាសពីការសុគតរបស់ព្រះ‌អម្ចាស់ រហូតដល់ព្រះ‌អង្គយាងមក។

សូមមើលជំពូក

១ កូរិន‌ថូស 2:2

ដ្បិតខ្ញុំបានតាំងចិត្តថា ក្នុងចំណោមអ្នករាល់គ្នា ខ្ញុំមិនព្រមដឹងអ្វី ក្រៅពីព្រះ‌យេស៊ូវ‌គ្រីស្ទ និងពីព្រះ‌អង្គដែលទ្រង់ត្រូវឆ្កាងនោះឡើយ។

សូមមើលជំពូក

២ កូរិនថូស 10:5

និងគ្រប់ទាំងអំនួតដែលលើកខ្លួនឡើងទាស់នឹងចំណេះរបស់ព្រះ ព្រមទាំងនាំអស់ទាំងគំនិត ឲ្យចុះចូលស្តាប់បង្គាប់ព្រះ‌គ្រីស្ទវិញ។

សូមមើលជំពូក

២ កូរិនថូស 11:3

ប៉ុន្តែ ខ្ញុំខ្លាចក្រែងគំនិតរបស់អ្នករាល់គ្នា បានវង្វេងចេញពីចិត្តស្មោះត្រង់ និងចិត្តបរិសុទ្ធចំពោះព្រះ‌គ្រីស្ទ ដូចជាសត្វពស់បានបញ្ឆោតនាងអេវ៉ា ដោយឧបាយកលរបស់វានោះដែរ។

សូមមើលជំពូក

កាឡាទី 1:2

ខ្ញុំ ព្រមទាំងបង‌ប្អូនទាំងអស់គ្នា ដែលនៅជាមួយខ្ញុំ សូមជម្រាបមកក្រុមជំនុំទាំងឡាយនៅស្រុកកាឡាទី។

សូមមើលជំពូក

កាឡាទី 1:6

ខ្ញុំឆ្ងល់ណាស់ ដែលអ្នករាល់គ្នាបានផ្លាស់ប្រែចេញពីព្រះ ដែលទ្រង់បានត្រាស់ហៅអ្នករាល់គ្នាមកក្នុងព្រះ‌គុណរបស់ព្រះ‌គ្រីស្ទឆាប់យ៉ាងនេះ ហើយទៅតាមដំណឹងល្អមួយផ្សេង

សូមមើលជំពូក

កាឡាទី 2:14

ប៉ុន្តែ ពេលខ្ញុំឃើញថា កិរិយារបស់គេមិនស្របតាមសេចក្ដីពិតនៃដំណឹងល្អ ខ្ញុំក៏សួរលោកកេផាសនៅមុខមនុស្សទាំងអស់ថា៖ «បើលោកដែលជាសាសន៍យូដា មិនប្រព្រឹត្តដូចសាសន៍យូដា តែប្រព្រឹត្តដូចសាសន៍ដទៃវិញ ហេតុអ្វីបានជាលោកបង្ខំឲ្យសាសន៍ដទៃប្រព្រឹត្តដូចជាសាសន៍យូដាដូច្នេះ?»

សូមមើលជំពូក

កាឡាទី 3:3

ម្ដេចក៏អ្នករាល់គ្នាល្ងង់ខ្លៅ‌ម៉្លេះ? អ្នករាល់គ្នាបានចាប់ផ្តើមដោយព្រះ‌វិញ្ញាណ តែឥឡូវនេះ បញ្ចប់ដោយសាច់ឈាមដូច្នេះឬ?

សូមមើលជំពូក

កាឡាទី 4:9

តែឥឡូវនេះ ដែលអ្នកបានស្គាល់ព្រះហើយ ឬថា ព្រះបានស្គាល់អ្នករាល់គ្នាវិញប្រសើរជាង នោះម្ដេចបានជាអ្នករាល់គ្នាត្រឡប់ទៅរកគោលការណ៍ផ្សេងៗខាងបឋមសិក្សា ដែលខ្សោយ ហើយឥតបានការដូច្នេះ? តើអ្នករាល់គ្នាចង់នៅជាប់ជាបាវបម្រើដល់ការទាំងនោះទៀតឬ?

សូមមើលជំពូក

កាឡាទី 5:11

ប៉ុន្តែ បង‌ប្អូនអើយ ប្រសិន‌បើខ្ញុំនៅតែប្រកាសឲ្យគេធ្វើពិធីកាត់ស្បែក ហេតុអ្វីបានជាគេនៅតែបៀតបៀនខ្ញុំ? ប្រសិន‌បើខ្ញុំលែងប្រកាសអំពីឈើឆ្កាងវិញ នោះច្បាស់ជាគ្មានអ្នកណាជំពប់ចិត្តឡើយ។

សូមមើលជំពូក

អេភេសូរ 3:8

ទោះបើខ្ញុំជាអ្នកតូចជាងគេបំផុត ក្នុងចំណោមពួកបរិសុទ្ធទាំងអស់ក្តី ក៏ព្រះ‌អង្គបានប្រទានព្រះ‌គុណនេះមកខ្ញុំ ដើម្បីឲ្យខ្ញុំនាំដំណឹងល្អ ជាសម្បត្តិដ៏បរិបូររបស់ព្រះគ្រីស្ទ ទៅប្រាប់ពួកសាសន៍ដទៃ

សូមមើលជំពូក

អេភេសូរ 4:14

ដើម្បីកុំឲ្យយើងនៅជាកូនតូចទៀត ទាំងត្រូវគ្រប់ទាំងខ្យល់នៃសេចក្តីបង្រៀនផាត់ចុះផាត់ឡើង ដោយសេចក្តីឆ‌បោករបស់មនុស្ស និងដោយឧបាយ‌កលដែលគេនាំឲ្យវង្វេងទៀតឡើយ។

សូមមើលជំពូក

អេភេសូរ 5:15

ដូច្នេះ ចូរប្រយ័ត្នពីរបៀបដែលអ្នករាល់គ្នារស់នៅឲ្យមែនទែន កុំឲ្យដូចមនុស្សឥតប្រាជ្ញាឡើយ តែដូចជាមនុស្សមានប្រាជ្ញាវិញ

សូមមើលជំពូក

ចោទិយ‌កថា 32:6

ឱពួកមនុស្សលេលា ហើយឥតប្រាជ្ញាអើយ តើអ្នករាល់គ្នាសងគុណដល់ព្រះ‌យេហូវ៉ាយ៉ាងនោះឬ? តើព្រះ‌អង្គមិនមែនជាព្រះ‌វរ‌បិតារបស់អ្នក ដែលបានទិញអ្នកមកទេឬ? ព្រះ‌អង្គបានបង្កើតអ្នក ហើយតាំងអ្នកឡើងផង។

សូមមើលជំពូក

២ ថែស្សាឡូនីច 1:8

នៅក្នុងអណ្ដាតភ្លើង ទាំងសងសឹកអស់អ្នកដែលមិនស្គាល់ព្រះ និងអស់អ្នកដែលមិនស្តាប់តាមដំណឹងល្អរបស់ព្រះ‌យេស៊ូវ‌គ្រីស្ទ ជាព្រះ‌អម្ចាស់នៃយើង។

សូមមើលជំពូក

១ ធីម៉ូថេ 6:4

អ្នកនោះជាមនុស្សអួតបំប៉ោង ហើយមិនដឹងអ្វីសោះ គឺវក់តែនឹងជជែក ហើយដេញដោលពីន័យពាក្យ ដែលនាំឲ្យកើតការឈ្នានីស ឈ្លោះប្រកែក ជេរប្រមាថ និងការសង្ស័យដ៏អាក្រក់ប៉ុណ្ណោះ

សូមមើលជំពូក

ហេព្រើរ 11:8

ដោយសារជំនឿ លោកអ័ប្រា‌ហាំបានស្តាប់បង្គាប់ កាលព្រះបានត្រាស់ហៅលោកឲ្យបានចេញទៅកន្លែងមួយ ដែលលោកត្រូវទទួលជាមត៌ក។ លោកបានចេញទៅ ដោយមិនដឹងថាត្រូវទៅទីណាទេ។

សូមមើលជំពូក

ហេព្រើរ 5:9

កាលបានគ្រប់លក្ខណ៍ហើយ នោះព្រះ‌អង្គក៏បានត្រឡប់ជាប្រភពនៃការសង្គ្រោះ ដ៏នៅអស់កល្បជានិច្ច ដល់អស់អ្នកណាដែលស្តាប់បង្គាប់ព្រះ‌អង្គ

សូមមើលជំពូក

១ ពេត្រុស 1:22

ដោយអ្នករាល់គ្នាបានជម្រះព្រលឹងឲ្យបានស្អាតបរិសុទ្ធ ដោយស្តាប់តាមសេចក្តីពិត ដើម្បីឲ្យអ្នករាល់គ្នាមានសេចក្តីស្រឡាញ់ជាបង‌ប្អូន នោះចូរស្រឡាញ់គ្នាទៅវិញទៅមកឲ្យអស់ពីចិត្តចុះ។

សូមមើលជំពូក

១ ពេត្រុស 4:17

ដ្បិតនេះជាពេលវេលាជំនុំ‌ជម្រះ ដែលត្រូវចាប់ផ្តើមពីដំណាក់របស់ព្រះ ហើយប្រសិន‌បើការនេះចាប់ផ្តើមពីយើងទៅហើយ នោះតើចុងបំផុតរបស់អស់អ្នកដែលមិនស្តាប់បង្គាប់តាមដំណឹងល្អរបស់ព្រះ នោះនឹងទៅជាយ៉ាងណា?

សូមមើលជំពូក

២ ពេត្រុស 2:18

គេនិយាយអួតពីសេចក្ដីឥតប្រយោជន៍ គេប្រើតណ្ហាស្រើបស្រាលខាងសាច់ឈាម ដើម្បីទាក់ទាញអស់អ្នក ដែលទើបតែនឹងរួចចេញពីពួកអ្នកដែលរស់នៅក្នុងសេចក្ដីវង្វេង។

សូមមើលជំពូក

វិវរណៈ 18:3

ដ្បិតអស់ទាំងជាតិសាសន៍បានផឹកស្រានៃកាម‌គុណដ៏ស្មោក‌គ្រោករបស់វា ពួកស្តេចនៅផែនដីបានសហាយ‌ស្មន់នឹងវា ហើយពួកឈ្មួញនៅផែនដីរកស៊ីមានបាន ក៏ដោយសារតែអំណាចនៃភាពឆើត‌ឆាយរបស់វាដែរ»។

សូមមើលជំពូក

វិវរណៈ 2:20

តែយើងប្រកាន់សេចក្ដីខ្លះនឹងអ្នក ដ្បិតអ្នកបណ្តោយឲ្យយេសិ‌បិល ជាស្ត្រីដែលហៅខ្លួនឯងថាជាហោរា ទៅបង្រៀន ហើយបញ្ឆោតពួកអ្នកបម្រើរបស់យើង ឲ្យវង្វេងទៅប្រព្រឹត្តសហាយស្មន់ ហើយបរិ‌ភោគតង្វាយដែលថ្វាយទៅរូបព្រះ។

សូមមើលជំពូក

១ សាំ‌យូ‌អែល 13:13

លោកសាំយូ‌អែលឆ្លើយថា៖ «ទ្រង់បានប្រព្រឹត្តនេះវរគំនិតហើយ ទ្រង់មិនបានរក្សាបញ្ញត្តិរបស់ព្រះ‌យេហូវ៉ា ជាព្រះរបស់ទ្រង់ ដែលបានបង្គាប់មកទេ ដ្បិតព្រះ‌យេហូវ៉ាសព្វព្រះ‌ហឫ‌ទ័យ តាំងឲ្យទ្រង់សោយ‌រាជ្យលើសាសន៍អ៊ីស្រា‌អែល ជារៀងរហូតទៅ

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម